Ստեղծագործական նախագծերի քննարկում

[ivy]

Միգուցե գիտաֆանտաստի՞կ: Չեմ հիշում՝ էդ ժանրի արձակ մրցույթ եղե՞լ ա Ակումբում, թե՞ ոչ:

Էդ ժանրում գրողներ կլինե՞ն
Կարող եք էս հարցին նամակով թաքուն պատասխանել, որ իմանամ՝ մոտավորապես քանի մասնակից կհավաքվի, եթե կազմակերպենք:

Իսկ ընդհանրապես, հետաքրքիր կլիներ մի նոր ֆորմատի նախագիծ անցկացնել: Եթե լրիվ նոր ու թարմ գաղափարներ կան, գրեք: Ասենք, ոնց որ գրական դիմակն ու դուետները: Էլի մի նոր բան մոգոնենք:

[Հայկօ]

Մի ժամանակ սենց մի առաջարկ ունեի.

Հենց նոր մտքովս մի հետաքրքիր բան անցավ. դեռ հում միտք ա, բայց միանգամից գրեմ: Ասենք՝ վերցնում եք ինչ-որ հայտնի գործ՝ լիքը հերոսներով-բանով, ու դրա միջի երկրորդական-ութերորդական ինչ-որ կերպարին ձեր ստեղծագործությունում դարձնում եք առանցքային կերպար կամ, ավելի հետաքրքիր ա, նույնիսկ POV: Ոնց որ արդեն ճանաչված (հնարովի) պատմությունը, հերոսներին ու հարաբերությունները ներկայացնում եք լրիվ ուրիշ ու նոր տեսանկյունից, ստիպում եք ուրիշ հայացքով նայել հայտնի փաստերին, ինչ-որ բան ավելացնում եք, ինչ-որ բան փոխում, արդյունքում՝ նույն setting-ում ստանում եք նոր գործ. կերպարներին ու իրադարձություններն էլ շատ բացատրել պետք չի լինի, որովհետև արդեն հայտնի կլինեն, կարելի կլինի կենտրոնանալ միայն էդ ալտերնատիվ հայացքի վրա: Ասենք՝ Բորխեսը մի էջուկեսանոց պատմվածք ունի Մինոտավրոսի անունից, շատ լավն ա, ասում ա՝ ուզում եմ խաղամ դրանց հետ, գալիս են, հետո կորում են, հետո էլի են գալիս, սաղ վատ ու անհասկանալի ա, ես լավն եմ, ես մեղք եմ, ու հիմա նստած սպասում եմ, թե ով պիտի ինձ ազատի էս կյանքից: Հետո Թեսևսը կես բերան ասում ա, որ Մինոտավրոսը համարյա չդիմադրեց: Ո՞նցն ա միտքը:

[ivy]

Մի երկու անգամ նման բան արել ենք. կարծեմ Չուկն էր կազմակերպել: Մի անգամ գրական ստեղծագործություն էր դրել, մի անգամ էլ հոդված:

Բայց սա կարող ենք հենց երկրորդական կերպարներից մեկի վրա կենտրոնացնել:
Հլը մի քիչ էլ մտածի, հումից եփված վիճակի տանենք: Ու նաև ստեղծագործության առաջակներ էլ արա, թե կարող ես:
Հետաքրքիր կլինի փորձել:

[ivy]

Եկեք Հայկի առաջարկը զարգացնենք, անենք, ինչ կասեք։

[Հայկօ]

Մի երկու անգամ նման բան արել ենք. կարծեմ Չուկն էր կազմակերպել: Մի անգամ գրական ստեղծագործություն էր դրել, մի անգամ էլ հոդված:

Բայց սա կարող ենք հենց երկրորդական կերպարներից մեկի վրա կենտրոնացնել:
Հլը մի քիչ էլ մտածի, հումից եփված վիճակի տանենք: Ու նաև ստեղծագործության առաջակներ էլ արա, թե կարող ես:
Հետաքրքիր կլինի փորձել:

Ես մտածում էի՝ ամեն մեկն իր ստեղծագործությունը կարող ա ընտրել: Էնքան որ հայտնի բան լինի, էլի, որ մրցույթը հետաքրքիր դառնա: Եսիմ, ասենք՝ Գիքորը՝ Վասոյի տեսանկյունից, Իլիականը՝ Պարիսի տեսանկյունից, Գուլիվերը՝ որևէ լիլիպուտի տեսանկյունից, Աստվածային կատակերգությունը՝ Սատանայի տեսանկյունից, Ալիսը՝ Չեշիրյան կատվի տեսանկյունից, Մատանիների տիրակալը՝ Սաուրոնի տեսանկյունից և այլն: POV կերպար վերցնել, փորձել ուրիշ աչքով նայել հայտնի իրադարձություններին:

[impression]

իսկ եթե ընտրվի միայն ստեղծագործությունը, իսկ կերպարը, ում տեսանկյունից կցանկանար պատմել մասնակիցը, ընտրեր հենց ինքը՞
տենց կարա լիքը լինի, որ նույն կերպարի մասին գրվի, բայց դե ավելի հետաքրքիր կլինի երևի
օրինակ ես Իլիականը կարող ա ուզեի Ագամեմնոնի տեսակետից գրել կամ Ոդիսևսի

[Հայկօ]

Էդ էլ ա հետաքրքիր միտք :

[StrangeLittleGirl]

Էկեք լիմերիքի մրցույթ անենք: Հեչ որ չէ, ահագին կզվարճանանք:

[Chuk]

Ինձ Հայկի առաջարկը դուր ա գալիս:

[Բարեկամ]

Մի գաղթակղեք ինձ անժամանակ

Հայկօյի առաջարկը նկատի ունեմ․․․

[Հայկօ]

Էկեք լիմերիքի մրցույթ անենք: Հեչ որ չէ, ահագին կզվարճանանք:

Էս շատ կայֆ կլինի: Բայց ես սա ավելի շատ զրույցի-բանի տեսքով եմ տեսնում, մրցույթի նյութ չի, էլի:

[ivy]

Եկեք ի վերջո արձակ անենք. չափածո նոր արեցինք։
Հայկի առաջարկով, բայց մի կոնկրետ ստեղծագործությամբ։
Ինչ ստեղծագործություն վերցնենք։

[Արէա]

1984

[Sambitbaba]

Եկեք ի վերջո արձակ անենք. չափածո նոր արեցինք։
Հայկի առաջարկով, բայց մի կոնկրետ ստեղծագործությամբ։
Ինչ ստեղծագործություն վերցնենք։

Կարելի է արձակ լիմերիք:
Մոտավորապես այսպես.

"Ամենհոթեփը դուրս է գալիս ջրից ու քայլում է սուր քարերի վրայով: Ցավոտ է քայլելը և Ամենհոթեփը թափահարում է ձեռքերն ու շարունակ կաղում է: Հասնելով ավազին, նա արդեն վազում է ազատ և վերջապես գլորվում է ավազին ու աննպատակ պառկում է:
"Կծխեի", - ասում է Ամենհոթեփը: Շուրջը բոլորը լռում են: Նիկոլայ Պետրովիչը բարկացած նայում է Մեհենական Քաջահավի պոչի տակ:
Ամենհոթեփը հանում է անդրավարտիքը, քամում է և կախում արևի տակ չորանալու: Իսկ ինքը նայում է կողքերը հանկարծ ինչ-որ տեղ կին չանցնի: Բայց կանայք չեն երևում, միայն մոմակալի ափին կնոջ մարմարյա արձան է կանգնած:

(Հատված կլասիկայյից)

[Դեղին մուկիկ]

Մատանիների տիրակալը