Արտ, հաջորդիվ գրածս ոչ թե չոր սահմանումներ են, այլ իմ պատկերացումը լրատվական դաշտի մասին:Աթեիստ-ի խոսքերից
Լրատվական կայքը նախատեսված չի առանձին անհատին սպասարկելու, առանձին անհատի հետաքրքրությունը բավարարելու համար: Լրատվականի խնդիրը հանրությանը (մասնավոր դեպքում՝ իր լսարանին) մատուցել տեղեկատվություն, որը կիրառելի, պիտանի է այդ հանրության (մասնավոր դեպքում՝ լսարանի) զգալի հատվածի համար:
Քո նշած երկու դեպքերում էլ լրատվական հսկայական կայքը լրատվություն ա տալիս կոնկրետ երկու անձի՝ քո ու ինտերնետային քո ծանոթի համար: Պիտանի ա բացարձակապես էդ երկուսիդ համար: Իսկ իմ, կներեք իհարկե, տանձին չի էդ լուրը: Ինչքան էլ կոպիտ հնչի, ինքչան էլ հաշվի առնենք դժբախտ պատահարը, բայց իրականությունն էդ ա: Թե ողջ հասարակության, թե տվյալ լրատվականի լսարանի 99.999%-ին իրականում չի հետաքրքրում ու ոչինչ չի տալիս տվյալ անձի ինքնասպանության փորձը կամ հաջողված ինքնասպանությունը, շարքային ավտովթարը, տան կողոպուտը, դանակահարության փորձը: Առավելագույնը հետաքրքրություն ներկայացնում է ստատիստիկան, թե որքանով են շատացել կամ քչացել նման դեպքերը, ինչ տարիքային խմբերում են լինում և այլն:
Եթե ասելու ես, որ յուրաքանչյուր մարդու կյանքը կարևոր ա, ու դրա համար ջհանդամ, թե էն մնացածին նյութը չէր հետաքրքրում, պարզաբանեմ, որ առանձին անհատների կյանքը ապահովելու համար աշխարհում ստեղծված են հսկայական ինստիտուտներ, ինչպիսիք են.
- ոստիկանությունը,
- փրկարար ծառայությունները,
- բուժ. հաստատությունները,
- հոգեբանական ծառայությունները:
Եթե ասենք սուիցիդալ հակումով անհատը հոգեբանի ծառայության դիմելու փոխարեն գտել է ինկոգնիտո անհատի ու նրան կիսել իր գաղտնիքը, հասարակությունը, լրատվականի ընթերցողը չի մեղավոր դրա համար, որ հիմա լրատվականը շեղվի իր բուն առաքելությունից ու զբաղվի դրանով:
Վերևում ես էլ, vaio-ն էլ գրել ենք, որ կան դեպքեր, երբ իհարկե՛ անհրաժեշտ է լուսաբանել: Դրանք հանրորեն ուշադրության արժանի դեպքերն են, ինչպես օրինակ.
- ինչ-որ աղանդավորական կազմակերպության դրդած ինքնասպանությունները,
- իշխանության ուշադրությունը գրավելու համար կատարված ինքնասպանությունները,
- բանակում կատարված ինքնասպանությունները,
- և այլն:
Սրանք կարևոր են, որովհետև լուրջ խնդիր են, որոնք պետք է լինեն հասարակության ուշադրության կենտրոնում:
Իհարկե էսօր շատերն են ակտիվ հետևում նման լրատվությանը: Պատճառը հասարակ է, էնքան են տվել, որ դրանք արհեստականորեն դարձել են «հետաքրքրող»: Իսկ տվել են, որտև տենց լրատվություն տալը ու էջերը լցնելը հեշտ ա, ի՞նչ ա եղել որ, ոնց էլ լինի ոստիկանության կամ ԱԻՆ-ի սայտը ինֆո կտա, որ սենց բան ա եղել, մենք էլ մի քանի բառ ավելացնելով, էստեղից կամ էնտեղից նկար «կպցնելով» կդնենք: Մինչդեռ էս անտեր երկրում լիքը բաներ են տեղի ունենում, քաղաքական, մշակութային, հասարակական, որոնք մնում են էդպես էլ առանց լուսաբանման, արդյունքում ասենք մշակութային իրադարձությունների նկատմամբ հետաքրքրությունը կորում ա: Ինչի՞ չեն լուսաբանում: Ա դե զահլա կա՞ գնալ, էդ իրադարձությանը հետևել, հետո գրել:
Մեջբերել
Էջանիշներ