Երեւանի ավագանու ընտրություններ 5 մայիսի 2013թ.

[Zodiac]

էս խոսալցությումը շատ ա եղել ու ես էլ չեմ անդրադառնա ուղղակի ասեմ որ քո նշած տարիները պատերազմի տարիներ են եղել ու նորանկախ երկիր ա եղել երկրաշարժի ավերածությունն էլ վրեն… նախկին ոչ մի պաշտոնյա էսօր օլիգարխ չի…

Ինչ էլ որ եղած լինի ու արված լինի, դա ոչ մի կերպ չի արդարացնում ժառանգության բռնած դիրքը…

մի բան ևս… էդ տարիներին Ղարաբաղն ա ազատագրվել ու ապերախտություն ու քրդի շնություն ա դա մոռանալը…

Առնվազն տարօրինակ , չեմ ուզում ավելի թունդ խոսքեր օգտագործել, կարելի է համարել նման պատճառաբանություններով վերոհիշյալ քաղաքական գործիչների, նկատի ունեմ Լևոն Տեր Պետրոսյանի, Արամ Մանուկյանի և այլն քաղաքական կործանարար անբարոյական քայլերն արդարացնելն ու նրանց պաշտպանելով, այլոց քայլերում անբարոյականություն փնտրելը:
Ի՞նչ կապ ունի երկրաշարժը կամ պատերազմը խայտառակ սեփականաշնորհման հետ, ի՞նչ կապ ունի Վանոյի տունը պատերազմի հետ, և հատկապես շատ է ինձ հետաքրքրում, թե ինչ կապ կա այդ քո մատնանշած երկրաշարժի և պատերազմի ու 1996 թվականի խայտառակ, լկտի ու ցինիկ ընտրակեղծիքների մեջ, որին մասնակցեցին նրանք բոլորը:Եվ որն ի վերջո Հայասանին բերեց-հասցեց էս ողբալի վիճակին:
1996 թվականը սկիզբ դրեց ամենավատին, որ կարող էր քաղաքական ստահակը բերել Հայաստանին:
Հենց դրանք հիշելն իսկ բավական են միայն, որ մարդիք հասկանան, թե էդ սրբերի դիմակների տակ ովքեր են թաքնված:
Ափսոս, որ նոր սերունդն այդ ամենից քիչ է տեղյակ...

[Chuk]

Առնվազն տարօրինակ , չեմ ուզում ավելի թունդ խոսքեր օգտագործել, կարելի է համարել նման պատճառաբանություններով վերոհիշյալ քաղաքական գործիչների, նկատի ունեմ Լևոն Տեր Պետրոսյանի, Արամ Մանուկյանի և այլն քաղաքական կործանարար անբարոյական քայլերն արդարացնելն ու նրանց պաշտպանելով, այլոց քայլերում անբարոյականություն փնտրելը:

Դե հերիք ա էլի հավայի խոսես:

Լավ, Տեր-Պետրոսյանին չեմ անդրադառնում: Գիտեմ թե իր մասին ինչ բարբաջանքներ կգրես:

Մի հատ գրի տեսնենք Արամ Մանուկյանն էդ ի՜նչ «կործանարար անբարոյական քայլ» ա արել, հակառակ դեպքում ոչ տարիքդ, ոչ ուրիշ բան քեզ չեն փրկի «մուտիլովշիկ» տիտղոսից:


հ.գ. Մյուս ակումբցիներից ներողություն եմ խնդրում ոճիս համար, պարզապես երբեմն նմաններին համբերությունս չի հերիքում:

[Մարկիզ]

1996 թվականը սկիզբ դրեց ամենավատին, որ կարող էր քաղաքական ստահակը բերել Հայաստանին:

Չեմ արդարացնում 1996-ին կատարվածը… Բացարձակապես չեմ արդարացնում: Ասեմ ավելին՝ քֆուր եմ անում ընտրակեղծարարներին: Բայց դե…

Բայց դե այդ մարդն ով պետք է նախագահ դառնար 1996-ին, հիմա Սաշիկի ախպոր մոտ Հանրային պալատի շեֆ ա աշխատում: Մնացածներն էլ են աշխատում: Մեկը ԱԳՆ-ում է, մյուսը հաստքիային ընդդիմախոս-քֆուրչի էր, մյուսը Պարույր Հայրիկյանն էր, էն մյուսը Սեյրան չգիտեմինչյանը: Սրանք այն մարդիկ էին, ովքեր ժողովրդին տարան գրոհի, տարան առճակատման՝ այդպիսով վտանգելով մարդկանց կյանքերը: Վարվեցին համարյա այնպես, ինչպես Րաֆֆին՝ մի քանի օր առաջ: Սրանք այն մարդիկ են, ովքեր ժամանակի ընթացքում իրենց իրական դեմքը ցույց տվեցին՝ ծառայելով խուժանին, անգրագետին, լեգիտիմացնելով նրանց ու այսպիսով նպաստելով երկրի համատարած դեգրադացիային ու արտագաղթին: Ծառայեցին, ամեն մեկը դարձավ մի բուտկի կամ մի տաքուկ պաշտոնի տեր ու ձենները կտրեցին: Հիմա ու՞ր են դրանք: Ի՞նչ են անում: ՀԻՄԱ ՈՒ՞Մ ՉԷ ՊԱՐԶ, ՈՐ ՍՐԱՆՔ ՉԱՐԻՔ ԷԻՆ ՄԵԶ ՀԱՄԱՐ:

Այնպես որ, դեռ հարց է՝ արդյոք մեր երկրի համար ճի՞շտ կլիներ, եթե նա նախագահ դառնար: Ու էլի հարցեր կան: Մեկ անգամ էլ եմ կրկնում՝ ընտրակեղծարարներին թաղեմ:

[Գալաթեա]

Կենդանակերպ եղբայր, մոռթած պահեցիր Վանոյի դժբախտ տնով ու 96-ին կեղծված ընտրություններով արդեն: Լավ ա էդ տունը սարքեց էդ մարդը, թե չէ սենց դեպքերում ի՞նչ էիք ունենալու ասելու:
Վանոն ու Լևոնը երևի ամեն սիգարետի ու թերթի բուդկի մեջ չտես գյոռմամիշի պես 70 տոկոս փայ էին չէ՞ մտնում: Երկիր մտնող ամեն ապրանքի ռաստամոժկի 50 տոկոսն իրանցն էր, չէ՞: Ու իրանց ախռաննիկները ախռաննիկ ունեին ու ծեծելով մարդ էին սպանում, չէ՞:
96 ընտրությունների կեղծելն էլ դրան հետևելիք կեղծիքների հիմք համարելը էշություն ա: Էդքան իրանից լավն էին հետևից եկողները, թող չկեղծեին: Ինչ ա, սահմանադրության մեջ ամրագրել է՞ր Լևոնը էդ պահը:

[Zodiac]

Դե հերիք ա էլի հավայի խոսես:

Լավ, Տեր-Պետրոսյանին չեմ անդրադառնում: Գիտեմ թե իր մասին ինչ բարբաջանքներ կգրես:

Մի հատ գրի տեսնենք Արամ Մանուկյանն էդ ի՜նչ «կործանարար անբարոյական քայլ» ա արել, հակառակ դեպքում ոչ տարիքդ, ոչ ուրիշ բան քեզ չեն փրկի «մուտիլովշիկ» տիտղոսից:


հ.գ. Մյուս ակումբցիներից ներողություն եմ խնդրում ոճիս համար, պարզապես երբեմն նմաններին համբերությունս չի հերիքում:

Արամ Մանուկյանն այդ թվերին իր ՀՀՇ ական համախոհների հետ միասին ,1990- 95 թ ,լինելով պատգամավոր, լռել և իր քվեարկություններով նպաստել , հովանավորել և պարտակել է թե այդ տարիների խայտառակ սեփականաշնորհումը, թե ալան-թալանը, թե ընտրակեղծիքները, ու քանի որ ես դրանք համարում եմ մեր երկրի համար խիստ կործանարար հետևանքների բերող անբարոյական քաղաքական քայլեր, հետևաբար ինքն էլ է պատասխանատու և մասնակից այդ կործանարար անբարոյական քայլերին:
Հասկացի էս գրածներիս իմաստը ու հերիք ա էլի հավայի խոսես, Չուկ:
Թե չէ քեզ էլ համապատասխան տիտղոսներ կտրվեն:

[Chuk]

Արամ Մանուկյանն այդ թվերին իր ՀՀՇ ական համախոհների հետ միասին ,1990- 95 թ ,լինելով պատգամավոր, լռել և իր քվեարկություններով նպաստել , հովանավորել և պարտակել է թե այդ տարիների խայտառակ սեփականաշնորհումը, թե ալան-թալանը, թե ընտրակեղծիքները, ու քանի որ ես դրանք համարում եմ մեր երկրի համար խիստ կործանարար հետևանքների բերող անբարոյական քաղաքական քայլեր, հետևաբար ինքն էլ է պատասխանատու և մասնակից այդ կործանարար անբարոյական քայլերին:
Հասկացի էս գրածներիս իմաստը ու հերիք ա էլի հավայի խոսես, Չուկ:
Թե չէ քեզ էլ համապատասխան տիտղոսներ կտրվեն:

Թե ինչ խայտառակ սեփականաշնորհումի, ալան-թալանի ու նման բաների մասին է խոսվում, այս պահին թողնենք: Դա ավելի ծավալուն թեմա է, որը վստահ չեմ, որ քո հետ քննարկել արժի: Իսկ որ ամենակարևորն է, այս պահի խնդիր չէ:

Հիմա գանք քո բլթոցներին ու հավայի գրածներին: Նախ արձանագրենք, որ այդ տարիների խորհրդարանը համարվել է և համարվում է որակապես հզոր կառույց, որում կայանում էին իրական քննարկումներ, տեսակետների բախման արդյունքում էին ընդունվում որոշումներ, կար հզորագույն ընդդիմադիր բևեռ: Սա ընդամենը արձանագրում ա, ոչ ավելին:

Ու դու հիմա ուզում ես այդ խորհրդարանի պատգամավորին անվանել «անբարոյական» նրա համար, որ ինքը եղել է այդտեղ պատգամավոր: Տո դու ի՞նչ գիտես, թե ինքն ինչ հարցեր ա բարձացրել, ո՞նց ա քվեարկել որ հարցին, որ տենց քեզնից մեծ խոսում ես: Տո դու ի՞նչ բարոյական իրավունք ունես նման գնահատական տալու՝ այ էդքան «հիմք» բերելով:

Իսկ եթե այնուամենայնիվ քո պատկերացումներն էդպիսին են, ապա խնդրեմ ընդունիր, որ քո տրամաբանությամբ (շեշտում եմ՝ քո տրամաբանությամբ) անբարոյական է նաև Րաֆֆի Հովհաննիսյանը, ով 91-92 թթ. եղել է ՀՀ արտաքին գործերի նախարար, իսկ 98 թ.-ին (Քոչարյանի օրոք) եղել է «Հայաստան» համահայկական հիմնադրամի գործադիր տնօրենը (ստեղ ի դեպ հիշեմ, թե հարևան թեմայում մի հատ ինչ բլթոց էիր արել, ու նույն բառերով գրեմ Րաֆֆու համար՝ «Քոչի վախտ «Հայաստան» համահայկական հիմնադրամի գործադիր տնօրեն լինելը հանաք բան չի»): Դե հիմա քեզ տեսնենք, տեսնե՞նք կընդունես, որ հավայի բան ես գրել, թե ամեն դեպքում կպնդես, որ գրածդ ճիշտ ա, ու դրանով նաև կդաջես Րաֆֆի Հովհաննիսյանի անբարոյական լինել ու կործանարար անբարոյական քայլեր անելը: Քեզ տեսնենք, Բառադի ախպեր:

[Chuk]

Ինքնախոստովանություն. «Ես, Տարոն Մարգարյանս, ձեզնից գողացել եմ միլիոնավոր դոլարներ...»


Սիրելի երեւանցի,

Համառոտ նախաբանով ներկայացնում ենք շատ հետաքրքիր փաստագրական մի տեղեկանք, որը կօգնի կողմնորոշվել մայիսի 5-ի քաղաքապետական ընտրություններում։

1. Երեւանը վճռորոշ քաղաքական գործոն է

Երեւանն իր բնակչությամբ կազմում է Հայաստանի 1/3-ը։ Տնտեսական եւ այլ պոտենցիալի իմաստով՝ Երեւանը կազմում է Հայաստանի 2/3-ը։ Քաղաքական նշանակությամբ, որպես մայրաքաղաք՝ իր տարատեսակ ազդեցությամբ՝ Երեւանը հանրապետության 3/4-ից ավելին է։ Այսինքն՝ Երեւանի ընտրությունները, երկրում իշխանափոխության հասնելու համար, նույնքան կարեւոր են, որքան Ազգային ժողովի ընտրությունները։ Երեւանի ընտրությունները, որպես իշխանափոխության ճանապարհ, գուցե, նույնիսկ ավելի հարմար են, քան Ազգային ժողովի ընտրությունները։

Ինչո՞ւ։

Նախ՝ որովհետեւ դրանք ամբողջությամբ համամասնական են, եւ ՀՀԿ-ն երաշխավորված տեղեր չունի, ինչպես ԱԺ ընտրությունների մեծամասնական ընտրատարածքներում։ Եթե ընդդիմությունը հաղթում է Երեւանի ընտրություններում, դրանով միանգամից լուծվում է նաեւ քաղաքապետի հարցը։ Ընդդիմադիր ավագանիով եւ քաղաքապետով Երեւանի քաղաքային իշխանություններ եթե թույլ չեն տալիս քաղաքում կոռուպցիոն սխեմաների իրականացում, ավազակապետական կոռուպցոն բուրգը արագ կազմաքանդվում է։

Ավազակապետական վարչախումբն առաջնորդվում է հանցագործի հոգեբանությամբ. իշխանությունը կորցնելու վախից է, որ նա պայքարում է անգամ յուրաքանչյուր գյուղապետի պաշտոնի համար։ Հասկանալի է, թե ինչ տեղի կունենա, եթե նա պարտվի Երեւանում։ Դրանով Հայաստանում կսկսվի այն քաղաքական գործընթացը, որը եթե ոչ շաբաթների, ապա մի քանի ամսվա ընթացքում կավարտվի ռեժիմի տապալմամբ։ Եւ այդ սարսափից է, որ իշխանական քարոզչությունն օր ու գիշեր տարածում է այն անհեթեթ միտքը, թե մայրաքաղաքի ընտրությունները քաղաքական չեն։ Իրականում Երեւանի քաղաքապետական ընտրությունները երկրի թիվ մեկ քաղաքական հարցի՝ ավազակապետության հեռացման եւ սահմանադրական կարգի վերականգնման լավագույն շանսն են։

2. Տարոնը Սերժի լավագույն կադրն է

Նկատի ունենալով մայրաքաղաքի մեծ քաղաքական կշիռը՝ թվում է՝ իշխող ուժն այստեղ պետք է գործուղեր իր առավել ծանրակշիռ գործիչներից մեկին։ Այդպես կարող էր վարվել օրինակարգ իշխանությունը։ Այդպես չի կարող վարվել ոչ օրինակարգ, ավազակապետական իշխանությունը։ Ռեժիմի համար՝

Երեւանը գերկարեւոր է՝ որպես քաղաքական գործոն,

Երեւանը հանրապետությունում ամենամեծ «փողի տոպրակն» է,

Երեւանը ամենաընդարձակ պոլիգոնն է՝ Ս. Սարգսյանի խոստովանած «ատկատներն» ապահովելու համար,

Երեւանը փողեր լվանալու ամենամեծ «լվացքատունն» է։

Եթե կոռուպցիոն բուրգը տարեկան թալանում է Հայաստանի բյուջեից կրկնակի ավելի գումար, ապա դրա կեսից ավելին՝ մոտ երկու միլիարդը, թալանվում է Երեւանից ու երեւանցիներից։

Բերենք չարաշահումների հարյուրավոր տարատեսակներից մի քանի՝ բնույթով խոսուն, հրապարակված օրինակներ.

Ա) Թափառող շներին ոչնչացնելու համար քաղաքապետարանը հատկացրել է այնքան գումար, որ մեկ շուն սպանելը բյուջեի վրա, իբր, նստել է 1000 դոլար։

Բ) Փողոցներում գեղեցիկ նստարաններ են տեղադրվել՝ ո՛չ մեր սիրուն աչքերի համար. դրանցից յուրաքանչյուրի համար վճարվել է 405 դոլար, այն դեպքում, երբ դրանց նմանակն արժե 175 դոլար.

Գ) «Դալանները» նկարազարդվել են ո՛չ մեր աչքերը շոյելու համար. դրանցից յուրաքանչյուրի համար դուրս է գրվել 3000 դոլար, երբ այդ աշխատանքի շուկայական արժեքը 500-600 դոլարից ավելի չէ։

Մարդկանց կյանքի համար վաղուց վտանգավոր, 40-50 տարվա հնության քանի՞ վերելակ է փոխվել, հազարավոր վթարային շենքերից քանի՞սն է ամրացվել։ Երեւի ոչ մեկը, կամ այնքան քիչ, որ ամաչում են ասել։ Դա ձեռնտու չէ, քանի որ, նախ՝ նման աշխատանքներում այսպիսի չաղ «ատկատ» չկա, եւ երկրորդ՝ դրանք դրսից, որպես գովազդ, չեն երեւում։

Ավազակապետության պայմաններում այսպիսի «փողի տոպրակը» անգամ հարազատ եղբորդ չես վստահի։ Չես վստահի նաեւ սեփական թիմից շատ թե քիչ ինքնություն ունեցող մեկին, որն ինչ-որ պահի կարող է «քաղաքական խաղեր տալ»։ Այս ամենը կարելի է վստահել միայն այնպիսի մեկին, որը կա՛մ հանցագործ է՝ պոչը կրնկիդ տակ, կա՛մ սեփական «ես»-ը չունեցող, կամազուրկ, ինքնուրույն որոշում կայացնելու անընդունակ մի խամաճիկ է։ Տարոն Մարգարյանն օժտված է այս բոլոր հատկանիշներով եւ որպես քաղաքապետ՝ լավագույն կադրն է Սերժ Սարգսյանի համար։ Տարոն Մարգարյանը, որպես սպասավոր եւ կատարածու, խիստ ձեռնտու է նաեւ Ս. Սարգսյանի մերձավոր շրջապատին՝ Նեմեց Ռուբոյին, Լֆիկ Սամոյին, Թոխմախի Մհերին, Սաշիկ Եղբորը եւ Միշիկ Փեսային։

Շատ հետաքրքիր մի հանգամանք.

Նախընտրական այս շրջանում իշխանությունը եւ ՀՀԿ-ն հպարտորեն պետք է ասեին՝ ահա՛ Տարոն Մարգարյանը մեր քաղաքապետն է, մեր քաղաքական թիմի՝ ՀՀԿ-ի անդամը, մենք հպարտանում ենք նրանով ու պատասխանատու ենք նրա յուրաքանչյուր քայլի համար։ Բայց իշխանական քարոզչամեքենան ճիշտ հակառակն է անում՝ Տարոնին հնարավորինս տարանջատում է վարչախմբից եւ ՀՀԿ-ից։ Ի՞նչ է պատահել. ամաչո՞ւմ են Տարոնի որակների համար, թե՞ շատ լավ իմանալով իրենց նկատմամբ ժողովրդի տածած ատելությունն ու արգահատանքը՝ ավելի լավ են համարում Տարոնին քաղաքականապես որբ ներկայացնել, ոչ թե իշխանության եւ ՀՀԿ-ի անբաժան մաս, ինչպես որ կա։ Երեւի՝ երկուսը միասին։


շարունակությունը հաջորդ գրառման մեջ

[Chuk]

սկիզբը նախորդ գրառման մեջ



3. Տարոն Մարգարյանը «լավ տղա է»

Աշխարում ամենահամոզիչ բանը փաստաթուղթն է։ Դրա դեմ խաղ չկա։ Եւ ահա, Տարոն Մարգարյանը Կենտրոնական ընտրական հանձնաժողով է ներկայացրել մի փաստաթուղթ, որի մասին, քիչ է ասել, թե սենսացիա է։ Նման փաստաթուղթ կարող էին շրջանառության մեջ դնել Տարոնի հակառակորդները՝ նրա թեկնածությունը չեղյալ համարելու եւ նրա նկատմամբ ծանր մեղադրանքով քրեական գործ հարուցելու համար։ Խոսքը Տարոն Մարգարյանի՝ ունեցվածքի եւ եկամուտների՝ սեփական ձեռքով գրած եւ ստորագրած հայտարարագրի մասին է։ Որեւէ շատ թե քիչ նորմալ երկրում նման փաստաթուղթ ներկայացնողին որեւէ պետական պաշտոն չէին կարող տալ. մարդը հայտարարագրել է միլիոնների ունեցվածք, որի ծագումն անհայտ է։ Կենտրոնական ընտրական հանձնաժողովը պարտավոր էր այդ փաստաթղթի հիման վրա չգրանցել նրա թեկնածությունը եւ այն անմիջապես ուղարկել ՀՀ գլխավոր դատախազության առանձնապես ծանր հանցագործությունների վարչություն։

Տարոնը դրանով հայտարարում է, որ որպես անձնական սեփականություն՝ իր անունով ունի.

1. 115 մլն դրամ,
2. 50 հազար ԱՄՆ դոլար,
3. 50 հազար եվրո,
4. 50% մասնաբաժին «Զեթ ընդ զեթ» ՍՊԸ-ում,
5. Բնակարան Երեւանում. Ավան, Սայաթ Նովա 8շ. բն՝ 7, մակերեսը՝ 137.9 ք/մ.
6. Բնակարան Երեւանում, Թումանյան փողոց 63, 64, 65. 28/70 բ, մակերեսը՝ 190.2 ք/մ.
7. Տարածք Երեւանում. Ավան, Բաբաջանյան 77/7 մակերեսը՝ 1578.3 ք/մ.
8. Տարածք Երեւանում. Ավան, Առեւտրի կենտրոն 2/3, մակերեսը՝ 761.24 ք/մ.
9. Տարածք Երեւանում. Ավան, Աճառյան 42, մակերեսը՝ 3729.8 ք/մ
10. Շենք եւ շինություն, Երեւան, Ավան, Չարենցի թաղամաս, մակերեսը՝ 44 ք/մ.
11. Թիվ 2 ամառանոցը Ջերմուկում, մակերեսը՝ 258.5 ք/մ.
12. Հողամաս Դիլիջանում. Մաքսիմ Գորկի 3/1, 6365 ք/մ.
13. Ավտոտնակ. Ավան 8շ. բակում.
14. Եւս մի ավտոտնակ. Երեւան, Ավան 8շ. բակում.
15. Եւս մի ավտոտնակ. Ավան 18շ. բակում .
16. Ավտոմեքենա՝ Մերսեդես S450՝ 2007 թվականի արտադրության
17. Ավտոմեքենա՝ Ռենջ-Ռովեր Սուպեր չարչ, 2006 թվականի արտադրության
18. Ավտոմեքենա՝ Մերսեդես Բենց G 500, 2002 թվականի արտադրության:

Տարոն Մարգարյանի հայտարարագրի մեջ մի անկյունում, ամենախղճուկ թվով ներկայանում է նրա աշխատավարձը՝ 4 մլն 730 հազար դրամ, ամսական 394 հազար:

Հիշեցնենք՝ այս ամենը գրանցված է միայն անձամբ իր՝ Տարոն Մարգարյանի անունով։ Այս ցանկում չկա, օրինակ, Ավանի այն շքեղ ապարանքը՝ 1500ք.մ. (նվազագույնը՝ 2 միլիոն դոլար արժեքով), որտեղ այսօր բնակվում է Տարոն Մարգարյանը. հավանաբար՝ այն գրանցված է ընտանիքի այլ անդամի անունով։

Ամենահամեստ գնահատմամբ՝ այս ամենի շուկայական արժեքը գերազանցում է 10 միլիոն դոլարը։

Բնականաբար, սա ամբողջը չէ. ինչպես մի անգամ խոստովանել է անգամ գործող գլխավոր դատախազը, մեր պաշտոնյաներն ունեցվածքի չնչին մասն են ձեւակերպում իրենց անունով, իսկ մեծ մասը՝ ընտանիքի այլ անդամների, քեռիների, մորքուրների, հորքուրների, զոքանչների, բաջանաղների, աներների, աներձագերի անունով։ Ըստ այդմ՝ սույն հայտարարագրում արտահայտվածը Տարոն Մարգարյանի իրական ունեցվածքի, ասենք, 15-20%-ն է միայն։

Եւ իրոք, մամուլում հրապարակվել Տարոնի ունեցվածքի մի այլ տպավորիչ ցանկ՝ գրանցված ոչ իր անունով.

1. Արմավիրում՝ 60 հա այգի,
2. Մասիսում՝ 12 հա այգի և պահածոների գործարան,
3. Երևանի Կրկեսի շենքը,
4. Փամփուշտների գործարան՝ 50 տոկոս մասնաբաժին,
5. «Հանրապետական» մարզադաշտի մուտքի մոտ երկհարկանի շինանյութերի հսկայական խանութ,
6. «Միլենա» տաքսի ծառայությունը,
7. Ավան-Առինջում երկհարկանի սուպերմարկետի տարածք, որն այժմ տրված է SAS-ին,
8. Ավանի տարածքում 60 հատ խանութ-կրպակ,
9. «Բունար» գովազդային գործակալությունը, որը Երևանում ունի առնվազն 50 վահանակ ու պետական բյուջե որևէ հարկ չի մուծում,
10. Մետրոյի կայարանների անցումներում՝ կրպակներ։

Սա էլ ամբողջը չէ։

Բայց մի կողմ թողնենք այս վերջին ցանկը եւ բավարարվենք միայն նրանով, որ կադաստրում անձամբ Տարոնի անունով է։

Որտեղի՞ց է հսկայական այս կարողությունը հայտնվել նրա ձեռքում։

Ժառանգությո՞ւն է ստացել։ Հայտնի է, որ նրա տոհմում որեւէ մեկը գործարարությամբ չի զբաղվել։ Նրա հայրը 90-ականների վերջին դեռ ապրում էր համեստագույն կյանքով։ Հայտնի է, որ Տարոն Մարգարյանն ինքը նույնպես երբեք գործարարությամբ չի զբաղվել։ Եւ այսպես՝ Տարոն Մարգարյանը պետք է բացատրություն տա. ի՞նչ ճանապարհով է այս ամենը ձեռք բերել։ Հակառակ դեպքում այլ բան չի մնում, քան ապացուցված համարել, որ դա պաշտոնական դիրքի չարաշահման, կոռուպցիայի, կաշառակերության արդյունք է։

Իսկ այդ դեպքում Երեւանի ընտրողները ոչ թե պետք է Տարոն Մարգարյանին ձայն տան ու նստեցնեն քաղաքապետի բազկաթոռին, այլ, որպես նրանից տուժողներ, միահամուռ պետք է պահանջեն, որ նա անմիջապես հայտնվի ամբաստանյալի աթոռին եւ հատուցի իրենցից թալանածը։

Տարոն Մարգարյանի ներկայացրած հայտարարագիրը լավագույն արձանագրումն է այն փաստի, ինչի մասին արդեն 5 տարի խոսում է Հայ Ազգային Կոնգրեսը, այն է՝ Հայաստանում իշխանությունը կոռուպցիոն մի բուրգ է, որի գագաթը Սերժ Սարգսյանն է։ Այդ համակարգը ժողովրդից կողոպտում է տարեկան պետական բյուջեից երկու անգամ ավելի մեծ գումար, որ մտնում է իշխանավորների գրպանները։ Համեստագույն կերպարանք եւ ունակություններ ունեցող Տարոն Մարգարյանը կոռուպցիոն բուրգի մաս է, դրա սպասավորն ու գործիքը, ինչի դիմաց իր բաժինն է ստանում. ահա եւ նրա մի քանի տասնյակ միլիոն դոլար ունեցվածքի աղբյուրը։ Այսինքն՝ Տարոն Մարգարյանը ոչ թե «լավ տղա» է, այլ հանցագործ, որը հիշյալ հայտարարագրով փաստորեն խոստովանում է. «Ես Տարոն Մարգարյանս, ՀՀԿ-ի եւ Սերժ Սարգսյանի դեմքով, ձեզնից գողացել եմ միլիոնավոր դոլարներ»։

Ուրեմն՝ ձայն տալ Տարոն Մարգարյանին՝

• նշանակում է ձայն տալ Սերժ Սարգսյանի գլխավորած ավազակապետությանը,
• նշանակում է ձայն տալ Նեմեց Ռուբոյին, Լֆիկ Սամոյին, Թոխմախի Մհերին, Եղբայր Սաշիկին, Փեսա Միշիկին,
• նշանակում է ձայն տալ մեզ կեղեքողներին, ստորացնողներին,
• նշանակում է ձայն տալ հոկտեմբերի 27-ի եւ Մարտի 1-ի հանցագործներին,
• նշանակում է ձայն տալ Հայաստանի ժողովրդին իր հայրենիքից փաստական բռնագաղթի ենթարկողներին,
• նշանակում է ձայն տալ այն ռեժիմին, որն իրականացնում է «Հայաստանն առանց հայերի» ոճրագործ ծրագիրը, որը 100 տարի առաջ չհասցրին ի կատար ածել մեր թշնամիները։

4. Անտակտությո՞ւն, ցինի՞զմ, թե՞ ...

Տարոն Մարգարյանն ունի մեդալների եւ շքանշանների հարուստ հավաքածու։ Չէ, սխալ չհասկանաք. դրանք նա վերնիսաժից չի ձեռք բերել, ինքն է «վաստակել.

1. «Գարեգին Նժդեհ» մեդալ՝ շնորհված ՀՀ պաշտպանության նախարարության կողմից,
2. «Անդրանիկ Օզանյան» մեդալ՝ շնորհված ՀՀ պաշտպանության նախարարության կողմից,
3. ԵԿՄ «Սպարապետ Վազգեն Սարգսյան» շքանշան,
4. Անանիա Շիրակացու մեդալ՝ Հայաստանի Հանրապետության պետական պարգև,
5. ՀՀ ԱԺ պատվո մեդալ
6. Երևանի քաղաքապետի կողմից` Ոսկե մեդալ
7. Հայաստանի ագրարային համալսարանի ոսկե մեդալ
8. Ֆրիտյոֆ Նանսենի ոսկե հուշամեդալ
9. «Լեռնահայաստանի Արծիվ» ոսկե հուշամեդալ:

Ըստ պաշտոնական կենսագրության՝ Տարոն Մարգարյանը բանակում չի ծառայել։

Ինչո՞ւ չի ծառայել։ Հազիվ թե այդպես է կամեցել նրա՝ խորհրդայն շրջանի այլախոհ, նժդեհական, 1990 թվականից հայկական բանակի ստաղծման համար կռիվ տվող հայրիկը։ Ուրեմն Տարոնն ի՞նքը սարսափելի չի ուզել ծառայել, եւ հայրիկը ստիպված է եղել կատարե՞լ նրա ցանկությունը։ Իսկ գուցե Տարոնը հարգելի (ինչ-որ հիվանդության) պատճառո՞վ չի ծառայել բանակում։ Հնարավոր է։

Բայց Երեւանի ընտրողները, կողմնորոշվելու համար, պետք է իմանան.

Ա) Ի՞նչ հիվանդության պատճառով է, որ նա չի ծառայել բանակում. գուցե նույն պատճառով նա չի կարող նաեւ պետական պաշտո՞ն զբաղեցնել.

Բ) Ինչպե՞ս է բանակի եւ զինվորության հետ կապ չունեցող մարդը զինվորական այնպիսի պարգեւների արժանացել, որին կարող է նախանձել բանակաշինության հիմքերում կանգնած, Արցախյան պատերազմը ծայրից-ծայր անցած յուրաքանչյուր զինվորական.

Գ) «Անանիա Շիրակացի» մեդալը շնորհվում է գիտական խոշոր նվաճումների, գյուտերի հեղինակներին. գիտական ի՞նչ նվաճումների ու հանճարեղ գյուտերի համար է Տարոնը արժանացել մի պարգեւի, որն ակադեմիկոսները կնախանձեին։

Մյուս մեդալներն իրեն նվեր։

Ընտրողը պետք է իմանա՝ այս ամենը Տարոն Մարգարյանի չտեսությա՞ն, ցինիզմի՞, անտակտությա՞ն արդյունք է, թե՞ մանկական տարիներից մնացած թուլության։ Ընտրողը պետք է այս ամենն իմանա, որպեսզի կարողանա կողմնորոշվել իր ընտրությունում։

Հ.Գ. Հետաքրքիր այլ մանրամասներ՝ Կոնգրեսի ապրիլի 30-ի հանրահավաքում։

Հայ ազգային կոնգրեսի թռուցիկ


Աղբյուր՝ ilur.am

[Գալաթեա]

Խեղճ տղա... բա սենց գոյություն քարշ տալ կլինի, որ սա ա անում:

[Տրիբուն]

4. Անտակտությո՞ւն, ցինի՞զմ, թե՞ ...

Տարոն Մարգարյանն ունի մեդալների եւ շքանշանների հարուստ հավաքածու։ Չէ, սխալ չհասկանաք. դրանք նա վերնիսաժից չի ձեռք բերել, ինքն է «վաստակել.

1. «Գարեգին Նժդեհ» մեդալ՝ շնորհված ՀՀ պաշտպանության նախարարության կողմից,
2. «Անդրանիկ Օզանյան» մեդալ՝ շնորհված ՀՀ պաշտպանության նախարարության կողմից,
3. ԵԿՄ «Սպարապետ Վազգեն Սարգսյան» շքանշան,
4. Անանիա Շիրակացու մեդալ՝ Հայաստանի Հանրապետության պետական պարգև,
5. ՀՀ ԱԺ պատվո մեդալ
6. Երևանի քաղաքապետի կողմից` Ոսկե մեդալ
7. Հայաստանի ագրարային համալսարանի ոսկե մեդալ
8. Ֆրիտյոֆ Նանսենի ոսկե հուշամեդալ
9. «Լեռնահայաստանի Արծիվ» ոսկե հուշամեդալ:

Էն սաղ մեդալները ջառ ու ջհանդամին: Հիմա ամեն կռազի շոֆեռ ազգի հերոսի մեդալ ունի: Բայց էս Նանսենի հուշամեդալը ո՞նց ա կպցրել: Էս մարդը որ իմանար, որ իրա մեռնոլւց հարյուր տարի հետո ով հասնի իրա անունով հուշամեդալ պիտի ստանա, կենդանության օրոք Հայաստան ոտ չէր դնի:

[dvgray]

Ի՞նչ կապ ունի երկրաշարժը կամ պատերազմը ...Վանոյի տունը...

շատ ուղղակի :
դրանց ձեռներից որ գար, հարյուրամյա պատերազմ կհայտարարեին ... լավ ա ռսնեիը սրանց վզին նստած էին ...
թե չէ... բոլոր կարևոր դաշտային հրամանատարներին հետևից խփին, ու Սյամոյի հետ ինչ ասես անում էին...