Ո՞վ եմ ես

[Լուսաբեր]

Վերջերս ակումբցի հոգեբաններից մեկը հետս տեստ էր անց կացնում, որտեղ ես հարցն էլ կար ու սպոնտան պետք է թվարկեի 10 կետ ով եմ ես-ին.
Շատ բարդ էր անկեղծ ասած, տարիների հետ երևի պատասխաններիս համ հերթական դասավորությունը կփոխվի, համ անունները

[Լիլիա]

Անգամ մենակ, անգամ ինքներս մեզ հետ, համոզված չեմ, որ կարող ենք լրիվ անկեղծ լինել և հասկանալ, թե ով ենք մենք… Իհարկե, ես կարող եմ և սխալ լինել, սակայն երբ փորձեցի տալ ինձ այս հարցը, առաջինը սկսեցի մտաբերել դրական կողմեր և հատկանիշներ, դա արդեն անարդար է… «Ո՞վ եմ ես» հարցը ինչքան էլ որ հասարակ է թվում, միևնույն ժամանակ եղել է շատ փիլիսոփաների քննարկման խնդիր:
Իսկ եթե առանց խորը մտածելու պատասխանեմ- ես ներկայիս հասարուկաթյան մի մասնիկն եմ, մի փոքր մասը, փորձում եմ գտնել իմը և ստեղծել մի գողտրիկ անկյուն, որտեղ կունենամ իմ աշխարհը, և որտեղ, միգուցե, բոլորից հեռու կտեսնեմ իմ «ԵՍ»-ը, որը չի լինի արտացոլանքը այս իրականության

[Milani]

Ով եմ ես՞............. թերևս մի մարդ, որը միշտ պայքարի մեջ է ինքն իր դեմ...............որը երբեք չի սպասում, որ իրեն կքննադատեն, քանզի բոլորից առաջ հենց ինքն է իր ամենամեծ և անխնա քննադատը.................... մարդ, որը ցանկացած բարդ նպատակի իրագործումից հետո ավելի բարդ նպատակներ է իր առջև դնում, այսքանը որ հաստատ ես եմ, բայց վստահ եմ նաև, որ դեռ շատ-շատ բացահայտումներ պիտի անեմ ու կարծում եմ նաև, որ այս հարցը կյանքի տարբեր փուլերում տարբեր պատասխաններ կունեն...........................

[Sambitbaba]

բայց ես վերջերս համոզմել եմ, որ ես քնած եմ…

Սա արդեն գործի կեսն է, շատ կարևոր կեսը, եթե դու իրոք գիտակցել ես քո քնած վիճակը: Սա նշանակում է, որ դու արդեն սկսել ես արթնանալ:
Բուդդա՝ նշանակում է. ա ր թ ն ա ց ա ծ:

[Sambitbaba]

փորձում եմ գտնել իմը և ստեղծել մի գողտրիկ անկյուն, որտեղ կունենամ իմ աշխարհը...

Դու արդեն ունես այն, սիրելիս: Դա քո սրտի միջի գաղտնի սենյակն է: Ճանապարհվիր այնտեղ և կհամոզվես դրանում: Որպես ուղեկից կարող ես վերցնել Դրունվալո Մելխիսեդեքի "Ապրիր Սրտիդ մեջ" գիրքը:

[Ameli]

Մարդիկ մեկ-մեկ զարմանում են իրենց վրա, իրենց արարքների, ու իրենց թվում է թե իրենք իրենց չեն ճանաչում, բայց չզարմանաք ու չծիծաղեք, եթե ասեմ, որ ես մեկ-մեկ ինքս ինձ չեմ ճանաչում հենց արտաքինից , ուրիշ բաներ չմտածեք. ո'չ առանձնապես տգեղանում եմ, ո'չ էլ գեղեցկանում, ուղղակի մեկ-մեկ որ հայելու մեջ նայում եմ ու ինձ թվում է՝ ես՝ ես չեմ, մի տեսակ խորթ եմ թվում ինձ, կարծես մարմինս իմը չլինի, ինձ հոգի եմ զգում, որին մարմին, ձև և ընդհանրապես ոչ մի նյութական բան պետք չէ:

[Sambitbaba]

Մարդիկ մեկ-մեկ զարմանում են իրենց վրա, իրենց արարքների, ու իրենց թվում է թե իրենք իրենց չեն ճանաչում, բայց չզարմանաք ու չծիծաղեք, եթե ասեմ, որ ես մեկ-մեկ ինքս ինձ չեմ ճանաչում հենց արտաքինից , ուրիշ բաներ չմտածեք. ո'չ առանձնապես տգեղանում եմ, ո'չ էլ գեղեցկանում, ուղղակի մեկ-մեկ որ հայելու մեջ նայում եմ ու ինձ թվում է՝ ես՝ ես չեմ, մի տեսակ խորթ եմ թվում ինձ, կարծես մարմինս իմը չլինի, ինձ հոգի եմ զգում, որին մարմին, ձև և ընդհանրապես ոչ մի նյութական բան պետք չէ:

Հոյակապ խոսքեր են և շատ ճշմարիտ: Բայց և այնպես, խորհուրդ կտայի գնահատել և սիրել մարմնական "Ես"-իդ էլ, որովհետև այդ Դու-հոգիդ ես ընտրել այդ մարմինը, մեր այս չորս-տարածքային աշխարհում քո բազմատարածք փորձն ապրելու համար: Եվ առանց քո ֆիզիկական "Ես"-ի, դու ուղղակի անկարող կլինեիր այդ անել:

[Ameli]

Ես եմ ընտել այս մարմինը ? ո՞նց, իսկ չորս-տարածքային աշխարհը ո՞րն է:

[Sambitbaba]

Ես եմ ընտել այս մարմինը ? ո՞նց, իսկ չորս-տարածքային աշխարհը ո՞րն է:

Ճիշտն ասած, ես վախենում եմ, որ արդեն թեմայից դուրս ենք գալիս և որ մոդերատորը կարող է արդարացիորեն բարկանալ: Բայց երկու խոսքով...

Երկրորդ հարցիդ պատասխանելն ավելի հեշտ է: Երկարություն, բարձրություն, լայնություն, ժամանակ (բայց ժամանակը լրիվ ուրիշ բան է բազմատարածքայնության մեջ): Ահա այդ չորս տարածքները:

Իսկ առաջին հարցդ... Սիրելի Ամելի: Մի՞թե դու կարծում ես, որ քո ամենագլխավոր, ամենաիրական, ամենագեղեցիկ, ամենաիմաստուն, ամենաաստվածային մասնիկը, այսինքն՝ քո Հոգին, պատահականորեն է այս աշխարհ գալիս: Ահա թե ինչ կասեմ ես քեզ. ոչինչ պատահական չկա այս աշխարհում: Եվ ինչ խոսք, որ այդ դու ես ընտրել ոչ միայն քո մարմինը, այլ նաև. որտեղ ես դու ծնվել. Հայաստանու՞մ թե Ավստրալիայում; ովքե՞ր են քո ծնողները. իտալացի՞, թե՞ կիրգիզ, հավաքարա՞ր, թե՞ տիեզերագնաց; ի՞նչ գույնի է քո մաշկը; առո՞ղջ ես դու թե հիվանդ: Այս բոլորը քո ընտրությունն է, Քո-Հոգուդ ընտրությունն է, Քո-Աստված-Հոգու ընտրությունն է, որն էլ հենց այն է, ինչպես անվանեց նրան մեր սիրելի Վեյը՝ Ամեն Ինչ:

Եվ գիտե՞ս արդյոք, թե երբ է "դու-մարմինը" լրիվ ներդաշնակության մեջ ապրում "Դու-Հոգու" հետ: Երբ նա հարգում, հավատում և գնահատում է "Դու-Հոգու" ընտրությունները նույնիսկ այն դեպքում, երբ նրա "դու-միտքը" չի կարողանում ընկալել ու հասկանալ "Դու-Հոգու" ծրագրերն ու ընտրությունների պատճառները:

[Sambitbaba]

Ո՞վ եմ ես

"Ես այն սրինգի անցքն եմ, որի միջով փչում է Աստված:
Եկեք, ուրեմն, լսենք այդ երաժշտությունը":

Հաֆիզ

[melancholia]

ինձ էլ երբեմն տանջում է այն գաղափարը, որ չգիտեմ ով եմ, ես, ուր եմ գնում, ու ինչի համար: Բայց եթե անկեղծ լինենք, ապա, երևի չկա մաչդ, ով չիմանա իրական իր դեմքը, իր էությունը: երբեմն փորձում ենք նքներս մեզ խաբել դրանով, թե չգիտենք մեզ, բայց շատ լավ էլ գիտենք, պարզապես վախենում ենք նայել մեզ, տեսնել մեզ, ու կողքից գնահատել: Իսկ մարմնականը...դե այն տրվում է մեզ, , չենք ընտրում, բայց կարող ենք փոխել, ավելի լավը դարձնել, սիրել, փայփայել, գնահատելու գոհանալ...դրանով ստիպելով դիմացիննել նման կերպ վերաբերվի, գնահատի ու տեսնի մեր իսկ ստեղծած աչքերով: երևի շատերդ չհամաձայնեք, հականում եմ տեսակետները շատ ենք, բայց հիշեք, ամենինչ մեր ձեռքում է, ու թե լավը, թե վատը մեզանից է գալիս

[CactuSoul]

Վերջերս ակումբցի հոգեբաններից մեկը հետս տեստ էր անց կացնում, որտեղ ես հարցն էլ կար ու սպոնտան պետք է թվարկեի 10 կետ ով եմ ես-ին.

10 կետով գուցե և համեմատաբար հեշտ լինի: Փորձեմ…

1. Մարդ
2. Աստված
3. Անասուն
4. Կին
5. Կյանք
6. Սեր
7. Անդունդ
8. Հող
9. Լույս
10. Ապստամբ

Չգիտեմ, երևի սրանց խառնուրդը… + գուցե էլի «համեմունքներ»:

[Jarre]

10 կետով գուցե և համեմատաբար հեշտ լինի: Փորձեմ…

1. Մարդ
2. Աստված
3. Անասուն
4. Կին
5. Կյանք
6. Սեր
7. Անդունդ
8. Հող
9. Լույս
10. Ապստամբ

Չգիտեմ, երևի սրանց խառնուրդը… + գուցե էլի «համեմունքներ»:

CactuSoul, երբ մարդ ինքն իր էությունը կարողանում է տեսնել ինչ որ փոխաբերության մեջ (ինչպես դու ես արել՝ անդունդ, հող, լույս), դա իրան էնքան շատ բան ա տալիս ինքն իրան հասկանալու ու հետո իրա ուզած փոփոխությունները իր կյանքում կատարելու համար։ Սա էն փիլիսոփայական մտքերից չի, այլ լրիվ ռեալ։

[Նարե91]

Ո՞վ եմ ես... Քո սրտի ծովն եմ ես

Լավ իսկ եթե ավելի լուրջ, ապա ինչպես ասում են՝ ուրիշներին ճանաչելը իմաստություն է, իսկ քո սեփական անձը ճանաչելը՝ լուսավորվածություն(enlightenment): Դե էստեղից էլ հետևություն, որ ես դեռ շատ հաց ու պանիր պիտի ուտեմ մինչև որ կարողանամ իմ սեփական անձը ճանաչել:

[Arpine]

Մարդը միշտ էլ ձգտել ու ձգտում է ճանաչել ինքն իրեն, թե ով է ինքը, իր բնավորության գծերը, խառնվածքը և այլն: Ինքնաճանաչումը բարդ գործընթաց է, ավելի բարդ քան ուրիշներին ճանաչելը: Ու ժող ջան չեմ կարծում որ նույնիսկ էստեղ կգտնվի մեկը, ով կարող է ասել, որ ինքը լիարժեք գիտի, թե ով է ինքը: Էնպես որ սա շատ բարդ հարց է: