Իհարկե կա':Ձայնալար-ի խոսքերից
«Ավլեմ թափեմ փոշին» խաղի՞կ աՀիշեցրիր: Մոտավորապես այսպես եմ հիշում.
Ավլեմ-թափեմ փոշին,
Ելնեմ կայնեմ շոշին,
Տեսնեմ յարս գալիս ա
Վարդերը շարեմ դոշին:
Կամ էլ այս ձևով.
Ավլեմ-թափեմ փոշին,
Ավլեմ -թափեմ փոշին,
Գիշերները յարո ջան ,
Խլվլամ քո դոշին :
Ավելացնեմ, որ շատ հաճախ տարբեր խաղիկներ միավորվել են մի երգի մեջ ու միասին երգվել: Ժողովրդական երգ ասածը ի սկզբանե հենց դա է, երբ երգը որևէ կոնկրետ հեղինակ չունի ո'չ տեքստի, ո'չ էլ երաժշտության առումով: Յուրաքանչյուր հաջորդ կատարող իր շնորհքի համապատասխան կարող էր փոխել և երաժշտության որոշ նվագները, և նոր քառատող- խաղիկ կցել երգին: Նույնիսկ Հայրենական պատերազմի ժամանակ խաղիկներ են ստեղծվել: Ենթադրում եմ, որ գուցե վերջին՝ Արցախյան կռիվների տարիներին էլ որոշ քառատողեր ստեղծված կլինեն: Տեսնես ինչ- որ մեկը գրի է առե՞լ: Խաղիկը «քարացած» ստեղծագործություն չէ այն իմաստով, որ հեղինակային գործ ընթերցելիս կամ երգելիս մի նոտայի կամ բառի փոփոխությունն արդեն սխալ է, իսկ եթե այստեղ ներկայացնեք խաղիկներ, որոնց մի քանի բառը ինքներդ եք հորինել, ոչ մի սարսափելի բան չկա:
Համացանցից մի քանիսն էլ պեղեցի:
Ավլի, թափի փոշին,
Ավլի, թափի փոշին,
Սովետների գնդակը`
Գերմանացու դոշին:
. . .
Առուների իզը,
Առուների իզը,
Բանակից գաս, յարո ջան,
Փաթաթվեմ քո վիզը:
. . .
Սարերի շուշանը,
Սարերի շուշանը,
Բեր համբուրեմ, յար ջան,
Դոշիդ շքանշանը:
. . .
Կայնել եմ մեր բակը,
Կայնել եմ մեր բակը,
Նոր եմ առել, յարո ջան,
Ես քո նամակը:
Մեջբերել
Էջանիշներ