Ծխախոտ

[Ուլուանա]

Դա ընդամենը նշանակում է, որ նա սովոր է, որ ամեն տեղ ծխում են: Հետո՝ ինչպե՞ս ես պատկերացնում, որ ինչ-որ մեկը սկսի քո տանը ծխել, եթե մոխրաման չկա: Իսկ սեղանին մոխրաման պահելով դու ինքդ ես նրան հրավիրում ծխել:

Մեր տանը, օրինակ, երբեք սեղանին մոխրաման չի եղել դրված, բայց ծխողները միշտ էլ ծխել են՝ մոխրաման խնդրելով։ Էնպես որ մոխրամանի բացակայությամբ բոլորովին էլ չես կարող կանխել քո տանը ծխելը։ Ես նման դեպքերում մոխրամանը տալիս էի, որից հետո բավական նկատելի ձևով հանդիսավոր լայն բացում պատուհանը, նույնիսկ եթե ձմեռ էր, տանը ցուրտ, դրսում էլ՝ սառնամանիք, որպեսզի ծխողը տեսներ ու հասկանար, որ իր ծխելու պատճառով մենք բոլորս ստիպված ենք լինելու սառչել։ Հաճախ գործում էր. ծխողն անհարմար էր զգում ու դուրս գալիս պատշգամբ, բայց ոչ միշտ։ Երբեմն բոլորս միասին իսկապես սառչում էինք։ Բայց ամեն դեպքում ինչու՞ պիտի ես ստիպված լինեմ դիմել նման քայլի, առնվազն իմ տանը դա իմ խնդիրը չպիտի լինի։

[Rhayader]

Հենց խնդրում են, տալիս ես, ավելացնելով՝ մենակ թե բալկոնում, լա՞վ, մենք ներսում չենք ծխում ամենանագլի ու քաղաքավարի ժպիտով:

[Rhayader]

Փաստորեն, հիմա չծխողները պայքարում են ծխողների դեմ, որովհետև դա ավելի հեշտ է, քան սեփական ծուլության ու կոմպլեքսների դեմ պայքարելը

[Gayl]

Gayl-ի գրածից կարելի ա ենթադրել, որ ծխախոտը ծխողների համար ճիշտ նույն նշանակությունն ունի, ինչ օդը՝ չծխողների համար :

Ես միայն ասել եմ, որ ծխողը առանց ծխելու չի կարող երկար դիմանալ և չի կարելի ոտնահարել նրանց իրավունքները:

[Խաչիկ-Ապեր]

«Ես հասկացա, որ ոչ թե ես եմ ծխում, այլ ծխախոտն է ինձ ծխում...»
(նախկին ծխողի օրագրից)

Տրտունջք առ ծխախոտ

Բռնել ես ու էլ բաց չես թողնում,
Ծխու՜մ ես մարմինս անխնա.
Ծխում ես՝ դեռ չելած անկողնուց,
Քնհարամ, անլվա, անխնամ:

Ծխում ես, երբ քեզ ուշք չեմ դարձնում,
Ծխում ես նաև ուշք դարձնելուց
Ու ձեռքս գրպանս ես մտցնում՝
Խույս տալով մի բերան հարցնելուց:

Բա եղա՞վ.... ես քեզ ի՞նչ եմ արել.
Հեռացի՛ր, մոռացի՛ր, մի՛ հիշիր:
Անիծվա՛ծ, քեզ ո՞վ է հնարել
Ու ծուխդ փաթաթել իմ դոշին...

[Universe]

«Ես հասկացա, որ ոչ թե ես եմ ծխում, այլ ծխախոտն է ինձ ծխում...»
(նախկին ծխողի օրագրից)

Տրտունջք առ ծխախոտ

Բռնել ես ու էլ բաց չես թողնում,
Ծխու՜մ ես մարմինս անխնա.
Ծխում ես՝ դեռ չելած անկողնուց,
Քնհարամ, անլվա, անխնամ:

Ծխում ես, երբ քեզ ուշք չեմ դարձնում,
Ծխում ես նաև ուշք դարձնելուց
Ու ձեռքս գրպանս ես մտցնում՝
Խույս տալով մի բերան հարցնելուց:

Բա եղա՞վ.... ես քեզ ի՞նչ եմ արել.
Հեռացի՛ր, մոռացի՛ր, մի՛ հիշիր:
Անիծվա՛ծ, քեզ ո՞վ է հնարել
Ու ծուխդ փաթաթել իմ դոշին...

Ավելի Հայրենասիրական դարձնելու համար, կարծում եմ, որ կարելի է վերջում ավելացնել.

"Ես իմ մասիս սա~րն եմ սիրում..."

[Խաչիկ-Ապեր]

Ավելի Հայրենասիրական դարձնելու համար, կարծում եմ, որ կարելի է վերջում ավելացնել.

"Ես իմ մասիս սա~րն եմ սիրում..."

Ակնարկդ հասկացա. ինչպես Արութինն էր ասում աշուղ Դոստիի հետ մրցող աշուղին. «Ամա երգի վերջի էրկու տողիրը մոռացիլ իս...»:

Շնորհակալություն

Հ.Գ. Համ էլ, կարծում եմ, որ Տերյանը եթե իամանա, բարեհոգաբար ինձ կների, որ համարձակվել եմ իր սիրած մշուշները պատկերավոր լինելու համար համեմատության մեջ դնել ծխախոտի ծխի հետ:

[Shah]

Շատ ծխողներ նույնիսկ չեն փորձել թարգել պատճառաբանելով, որ իրենց մոտ չի ստացվի... Իսկ հենց տրամադրվածությունից ա ամեն ինչ կախված:
Կարևոր եմ համարում նաև շրջապատը, կասեք չէ՞, բա ինչի ծխողների մեծամասնությունը սկսում ա բանակում, կամ ասենք ուսանողական տարիներին, նաև դաստիարակությունից ու ծնողների օրինակներից էլ ա կախված:
Ինքս ժամանակին շատ էի ծխում, ասենք օրեկան մի տուփ, հետո զուտ փորձի համար սկսեցի օրեկան մի մի հատիկով քչացնել, բայց թարգել տենց էլ չհաջողվեց մինչև հիմա, օրկան գոնե 3-4 հատիկ ծխում եմ... Բայց ամեն դեպքում երեխեքիս համար պիտի թարգեմ:

[Հայկօ]

Ինձ շատ է հետաքրքրում. ինչու՞ են բոլոր չծխողները կարծում, թե բոլոր ծխողները ուզում են թարգել :

[ArmenianMetal]

Որովհետև բոլոր ծխողները ասում են ուղում եմ թարգեմ բայց չեմ կարում

[matlev]

Ինձ շատ է հետաքրքրում. ինչու՞ են բոլոր չծխողները կարծում, թե բոլոր ծխողները ուզում են թարգել :

Ինձ հանիր էդ բոլորից:

Համ էլ, որ մոտս սենյակում մի երկու ժամ ոչ ոք չի ծխում, սկսում եմ անհանգստանալ, մարդ եմ ման գալիս, որ մի հատ ծխի:

[Lianik]

Ինձ շատ է հետաքրքրում. ինչու՞ են բոլոր չծխողները կարծում, թե բոլոր ծխողները ուզում են թարգել :

այնքան էլ համամիտ չեմ,
ես լինելով չծխող, այդ կարծիքին չեմ բնավ.....

ծխողների մաս կա, որ ուզում է թարգել, բայց ծխողներ կան, ովքեր պարզապես սիրում են այդ <<բույրը>>...
ավելի կասեմ, եթե ինչ-որ մեկը երբևէ ցանկանա թարգել...հաստատ կկարողանա, մնում է իր վրա վստահ լինի իր ցանկության վրա...

[Ուլուանա]

Ինձ շատ է հետաքրքրում. ինչու՞ են բոլոր չծխողները կարծում, թե բոլոր ծխողները ուզում են թարգել :

Հետաքրքիր է, իսկ դու ինչի՞ց ենթադրեցիր, թե բոլոր չծխողները կարծում են, թե բոլոր ծխողներն ուզում են թարգել։ Ես, օրինակ, էդպես չեմ կարծում, ավելին՝ եթե ինչ–որ մեկն ասում է, որ ուզում է թարգել, բայց չի կարողանում, դրանից եզրակացնում եմ, որ ուրեմն իրականում հոգու խորքում չի ուզում կամ, համենայնդեպս, էն աստիճանի չի ուզում, որ իրականացնի, հակառակ դեպքում թարգած կլիներ։ Նույն հաջողությամբ համոզված եմ, որ շատ ծխողներ էլ, որոնք պնդում են, որ չեն ուզում թարգել, իրականում չեն կարողանում, ուղղակի չեն ուզում խոստովանել, որ չեն կարողանում, դրա համար ասում են, որ, իբր, չեն ուզում, որպեսզի հանկարծ իրենց կամքի ուժը կասկածի տակ չընկնի։ Իհարկե, ասածս բնավ չի նշանակում, թե չկան ծխողներ, որոնք իսկապես չեն ուզում թարգել։ Գիտեմ, որ կան։ Ամեն դեպքում կարծում եմ՝ լրջորեն թարգել ցանկացողներն ի վերջո թարգում են։

[Adriano]

Հետաքրքիր է, իսկ Հայկօ ջան, ինչու է քեզ թվում թե մենք`չծխողներս, երբևէ կարծել ենք թե բոլոր ծխողները ցանկանում են թարգել ծխելը: Է չեք ուզում հեչել թարգեք, գնացեք էնքան ծխեք մինչև հակառակ պրոցեսը սկսվի, ոչ թե դուք ծխեք սիգարետը այլ ինքը սկսի ծխելը: Բայց այստեղ մի հետաքրքիր բան կա մենք մեզ շատ ենք սիրում, և եթե ծխում եք գոնե մեր կողքին մի ծխեք: Իսկ ծխելը ընդհանուր առմամբ եթե լավ բան լիներ չէին ասի ծխելուց հիվանդություններ են առաջանում, ասենք թոքի ռակ: Լավ բիզնեսա, լվ փողերեն պտտվում ձեր օգնությամբ:

[Հայկօ]

Թեմայի գրառումների 95 տոկոսը հետևյալ տիպի մտքեր են. «Օ՜յհ, դուք դեռ չգիտեք, թե դուք ինչ դժբախտ եք, մի՛ հանձնվեք, շարունակե՛ք թարգելու ճիգերը, ես համոզված եմ, դուք կարո՛ղ եք, դուք այդքան կամքի ուժ կունենա՛ք, որ ձեզնից հեռու վանեք այդ չարիքը, կարևորը ցանկությունն է, կարևորը նպատակասլացությունն է, այ մեր հարևանը...», և այլն, և այլն: Ու ոչ մեկի մտքով էլ չի անցնում գոնե հարցնել, թե էդ խեղճուկրակ ծխողները ուզում ե՞ն թարգել, թե՞ չէ :

Հետաքրքիր է, իսկ Հայկօ ջան, ինչու է քեզ թվում թե մենք`չծխողներս, երբևէ կարծել ենք թե բոլոր ծխողները ցանկանում են թարգել ծխելը: Է չեք ուզում հեչել թարգեք, գնացեք էնքան ծխեք մինչև հակառակ պրոցեսը սկսվի, ոչ թե դուք ծխեք սիգարետը այլ ինքը սկսի ծխելը: Բայց այստեղ մի հետաքրքիր բան կա մենք մեզ շատ ենք սիրում, և եթե ծխում եք գոնե մեր կողքին մի ծխեք: Իսկ ծխելը ընդհանուր առմամբ եթե լավ բան լիներ չէին ասի ծխելուց հիվանդություններ են առաջանում, ասենք թոքի ռակ: Լավ բիզնեսա, լվ փողերեն պտտվում ձեր օգնությամբ:

Սեքսից էլ մեկ-մեկ անցանկալի երեխաներ են առաջանում: Տնից դուրս գալուց էլ կարելի ա ընկնել ավտոյի տակ: Սպորտով զբաղվելիս կարելի ա հաշմանդամ դառնալ: «Ակումբ» մտնելիս կարող ա տոկը խփի : Ի՞նչ անենք, սեքսով չզբաղվենք, տնից դուրս չգանք, սպորտի չգնանք, «Ակումբ» էլ չմտնե՞նք:

Դու էլ երբ որոշ խանութներից շոր ես առնում, որոշ տեղեր սուրճ ես խմում ու գնում ես որոշ համերգների, էլի նպաստում ես փողերի լվացմանը: Դա փաստարկ չի: