Միայն այս տողի հետ չեմ կարող համաձայնել: Մի երկու օրինակ հայ գրականությունից. Չարենցի «Ես իմ անուշ...» ն ու « Նավզիկեն» , Իսահակյանի «Լիլիթը»: Դեռ չեմ հանդիպել կարդալ իմացող որևէ մեկին, որ այս ստեղծագործությունները հավանած չլինի: Նշանակեց, որ սրանք միջակություննե՞ր են:Բարեկամ-ի խոսքերից
Կամ անդրադառնամ ակումբի Եկվորի բանաստեղծություններին: Ստեղծագործողներից ոչ մեկն այդքան երկրպագու չունի: Բայց իմ կարծիքով հենց Եկվորն է ակումբի ամենալավ ստեղծագործողներից մեկը, եթե ոչ լավագույնը: Փորձում եմ պնդել կարծիքս նրանից ելնելով, որ կյանքումս որոշ բաներ կարդացել եմ, ու ոչ միայն հայ գրականությունից: Կցանկանայի, որ մեկն ինձ համոզեր, թե Եկվորի բանաստեղծությունները միջակ գործեր են:
Ինչ վերաբերում է նրան, որ երբեմն այստեղ տեղադրված որոշ գործեր միանգամից տոննայով «շնորհակալություն» են հավաքում, դրան կարելի է այնքան էլ լուրջ չնայել: Ես անձամբ երբեմն այդ կոճակը սեղմում եմ հենց միայն գրագետ, հայերենի քերականության կանոներին համապատասխան տեքստ կարդալուց հետո: Ոչ ավելին: Չմոռանանք, որ ակումբում առկա է նաև անձնական սիմպատիայի հարցը:
Իսկ բացասական կարծիք աշխատում եմ չգրել: Եղել են ժամանակներ, երբ ակումբում անկեղծ քննարկումներ են ծավալվել, մարդիկ հայտնել են իրենց անկողմնակալ վերաբերմունքը: Բայց այդ ժամանակներն արդեն անցել են:
Մեջբերել
Էջանիշներ