Ով ենք մենք իրականում

[Mephistopheles]

Չեմ կարծում, թե որևէ մեկը հիմք կունենա պնդելու, որ ես չկայացած ռադիֆիզիկոս եմ, եթե ինտերնետով որոնի (անգլերեն կամ ռուսերեն) ու գտնի իմ գիտական աշխատանքները: Չարչարանքից զերծ պահելու համար նախապես ասեմ, որ ունեմ արտոնագրված 4 գյուտ և մեկ բնության նոր երևույթ, որը դեռևս նոր է ճանաչում գտնում գիտական շրջանակներում: Նաև չեք կարող ասել, որ ես չկայացած բանաստեղծ եմ, որովհետև շուտով լույս կտեսնի իմ 7-րդ ժողովածուն: Նաև չեք կարող ասել, որ ես չկայացած երաժիշտ եմ ու երգահան, քանի որ ռուսներն իրենք են հրատարակում իմ ձայնապնակը, որտեղ երգերս հայերեն են հնչում իմ կատարմամբ: Նաև... լավ, այսքանն էլ հերիք է: Վերջը ստիպեցիք, որ գլուխ գովամ... Որ թեմայից դուրս գրառման համար պատժվեմ, տեղն է ինձ

Եթե խնդրենք ապա ձեր երգերը ձեր կատարմամբ կդնե՞ք ֆորումում… կամ գոնե հղում տաք… ես մեծ հաճույքով կլսեմ

Ժողովուրդ եթե կողմ եք ինչ որ կերպ արտահայտվեք

[Խաչիկ-Ապեր]

http://n31952.narod.ru/vek_sinteza/muzika/

[Տրիբուն]

Ժողովուրդ եթե կողմ եք ինչ որ կերպ արտահայտվեք

Կողմ ենք: Էսօր առավոտից էտ եմ լսում: Կաքավը դուրս էկավ: Վարդավառն էլ:

Այ, "Ով ենք մենք իրականում" հարցի շատ լավ պատասխան - մենք տաղանդավոր, ստեղծագործ ազգ ենք, բայց հիքոսոս չենք: Շնորհակալություն, Խաչիկ-Ապեր ջան:

[Խաչիկ-Ապեր]

Շնորհակալություն, Խաչիկ-Ապեր ջան:

Խնդրեմ

[ՆանՍ]

Խաչիկ ջան շատ հաճելի ձայն ունեք ու երգերի մեջ շաաաաաաաաաաատ մաքրություն կա, շնորհակալություն
Ասեմ, որ շարական էլ երգելը հենց Ձեր ձայնի համարա, էնքան հանգստություն կա

[Պոսեյդոն]

Ես միշտ էլ հպարտ եմ եղել, որ հայ եմ, ես միշտ հայոց պատմության էջերը թերթելուց հպարտություն եմ զգացել: Ուրախացել եմ հաղթանակներով, մեր արքաների կամ էլ ասպետների հերոսական արարքներով, տխրել և հուզվել եմ պարտություններից, հետո առաջացել է քեն որոշ ազգերի նկատմամբ, ուզեցել եմ, որ մի օր ջարդենք դրանց: Ես միշտ էլ էմոցիոնալ եմ մոտեցել հայոց պատմությանը և լավ և վատ դեպքերում: Չեմ ժխտում, որ մեր պատմության մեջ ունեցել ենք ամոթալի էջեր, բայց չեմ էլ գտնում այնպիսի ազգի կամ այնպիսի ժողովրդի, ով իրավունք ունի քննադատելու մեզ: Դրա մասին իրավունք ունենք խոսել ու միայն մենք՝ հայերս: Մենք հպարտ, խրոխտ, զորեղ ու խելացի ժողովուրդ ենք և դրանով տարբերվում ենք մյուս ժողովուրդներից: Եկեք չմոռանանք, որ մենք առաջինն ենք աշխարհում, ավելի կոնկրետ պատմական Հայաստանի տարածքներց տարածվեցին աշխարհի մնացած մարդիկ: Եվ եթե կան մարդիկ, ովքեր հպարտանում են Ալեքսանդր Մակեդոնացով կամ Չինգիսխանով կամ էլ սպարտացիների հերոսական կռիվներով, հռոմեացիների բարձրաճաշակ քաղաքակրթությունով, մշակույթով ապա եկենք չմոռանանք մեր արժեքները:

[Տրիբուն]

Եկեք չմոռանանք, որ մենք առաջինն ենք աշխարհում, ավելի կոնկրետ պատմական Հայաստանի տարածքներց տարածվեցին աշխարհի մնացած մարդիկ:

Առաջին ընտանիքը, բնականաբար հայ



Առաջին դիմանկարը, բնականաբար հայի



Ու այ սենց, մանրից տարածվեցինք աշխարհով մեկ:

[Խաչիկ-Ապեր]

Նրանք, ովքեր գոնե ընդհանուր գծերով ծանոթ չեն անտրոպոգենեզիսի էզոթերիկ ուսմունքին ու փաստագրությանը, ընկնում են ահա այսպիսի ցավալի ծայրահեղությունների մեջ: Եվ Պոսեյդոնը, և Տրիբունը մոլորության մեջ են: Իրականում մարդկության անցած հինգ ռասաների և ոչ մի ներկայացուցիչ կապկանման չի եղել: Կապիկների որոշ ներկայիս տեսակներ առաջացել են լեմուրների օրոք մարդկանց հետ խաչասերումից, որը մարդկության մեծագույն մեղքերից մեկն է համարվում: Ինչ վերաբերում է ներկայիս հինգերորդ արիական ռասային, ապա նրանք Ատլանտիդայի կործանումից հետո տարածվել են Երկրով մեկ մի քանի կենտրոններից, որոնցից մեկն էլ (գուցե՝ ամենախոշորն ու հոգևոր առումով զարգացածը) եղել է հայկական լեռնաշխարհը: Բայց արիները բոլորովին էլ Երկրագնդի առաջին մարդիկ չեն:

[Chuk]

Կապիկների որոշ ներկայիս տեսակներ առաջացել են լեմուրների օրոք մարդկանց հետ խաչասերումից, որը մարդկության մեծագույն մեղքերից մեկն է համարվում:

Ապացուցաներ

[Խաչիկ-Ապեր]

Ապացուցաներ

Առարկայական ապացույցներ, իհարկե, չկան: Ո՞ր լեմուրը կխոստովաներ, որ ինքը կենակցել է էգ կապիկի հետ Բայց դե, «մախաթը պարկում չես թաքցնի»: Գորիլաներն ու շինպանզեները դրա վկայությունն են, բայց ո՛չ հակառակի, որ մարդը կապիկից է առաջացել, ինչպես պնդում էր ծերուկ Դարվինը: Ժամանակակից պատմագիտությունն էլ դեռևս շարունակում է հիմնվել նրա վաղուց հնացած և ուժը կորցրած «ուսմունքի» վրա:

[Chuk]

Առարկայական ապացույցներ, իհարկե, չկան: Ո՞ր լեմուրը կխոստովաներ, որ ինքը կենակցել է էգ կապիկի հետ Բայց դե, «մախաթը պարկում չես թաքցնի»: Գորիլաներն ու շինպանզեները դրա վկայությունն են, բայց ո՛չ հակառակի, որ մարդը կապիկից է առաջացել, ինչպես պնդում էր ծերուկ Դարվինը: Ժամանակակից պատմագիտությունն էլ դեռևս շարունակում է հիմնվել նրա վաղուց հնացած և ուժը կորցրած «ուսմունքի» վրա:

Գիտության մարդը, ռադիոֆիզիկը նման պնդու՞մ է անում:
Ասում է ապացույց չկա, բայց ես (ինչ-որ խումբ մարդիկ) ենթադրում են, որ մարդն ու կապիկը սեքս են արել:
Լուրջ չի, Խաչիկ Ապեր

[Խաչիկ-Ապեր]

Գիտության մարդը, ռադիոֆիզիկը նման պնդու՞մ է անում:
Ասում է ապացույց չկա, բայց ես (ինչ-որ խումբ մարդիկ) ենթադրում են, որ մարդն ու կապիկը սեքս են արել:
Լուրջ չի, Խաչիկ Ապեր

Դարվինիզմի ուսմունքը, բնականաբար, կենսաբաններն ու կենսաֆիզիկոսներն են արդեն հիմնովին ժխտել: Ինտերնետում ցանկության դեպքում բազմաթիվ գիտական հոդվածներ կարելի է գտնել այդ թեմայի շուրջ: Իսկ պատմաբաններն իներցիայով դեռ շարունակում են «կապող օղակ» ման գալ մարդու և կապիկի միջև: Զուր հույսեր են. մարդը մարդ է, կապիկը՝ կապիկ: Համաշխարհային կրոններից և ոչ մեկը չի ընդունում Դարվինի ուսմունքը և ճիշտ են անում:

[Chuk]

Դարվինիզմի ուսմունքը, բնականաբար, կենսաբաններն ու կենսաֆիզիկոսներն են արդեն հիմնովին ժխտել:

Հայտնի բոլոր տեսություններից Դարվինի տեսությունը ՄԻԱԿ-ն է, որն ունի որոշակի հիմնավորումներ ու ապացույցներ, այդ տեսությունը մերժված չի կենսաբանների ու կենսաֆիզիկների կողմից, կան ընդամենը կենսաբաններ ու կենսաֆիզիկներ, ովքեր առարկություններ ունեն, համաձայն չեն տեսությանը ու հանդես են գալիս մերժման դիրքից: Բայց գիտականորեն տեսությունը մերժված չի:

Մնացած բոլոր տեսությունները, այդ թվում ձեր ներկայացրածը, ընդամենը օդի մեջ խոսակցություններ, ենթադրություններ են, որը բնականաբար ոչ մի լուրջ մարդ չի կարող մերժել, բայց միաժամանակ հավատալու ու ընդունելու համար ապացույցներ ու հիմնավորումներ է ուզում, որոնք պարզապես գոյություն չունեն:

[Պանդուխտ]

Դարվինիզմի ուսմունքը, բնականաբար, կենսաբաններն ու կենսաֆիզիկոսներն են արդեն հիմնովին ժխտել: Ինտերնետում ցանկության դեպքում բազմաթիվ գիտական հոդվածներ կարելի է գտնել այդ թեմայի շուրջ: Իսկ պատմաբաններն իներցիայով դեռ շարունակում են «կապող օղակ» ման գալ մարդու և կապիկի միջև: Զուր հույսեր են. մարդը մարդ է, կապիկը՝ կապիկ: Համաշխարհային կրոններից և ոչ մեկը չի ընդունում Դարվինի ուսմունքը և ճիշտ են անում:

Ամէն անգամ կը զարմանամ, երբ կը տեսնեմ մարդիկ չեն հասկացած Դարվինի ուսմունքը: Մարդը կապիկէն չէ, կապիկն ալ մարդէն չէ: Ամէնը «կեանք»էն են:

[Խաչիկ-Ապեր]

Հայտնի բոլոր տեսություններից Դարվինի տեսությունը ՄԻԱԿ-ն է, որն ունի որոշակի հիմնավորումներ ու ապացույցներ, այդ տեսությունը մերժված չի կենսաբանների ու կենսաֆիզիկների կողմից, կան ընդամենը կենսաբաններ ու կենսաֆիզիկներ, ովքեր առարկություններ ունեն, համաձայն չեն տեսությանը ու հանդես են գալիս մերժման դիրքից: Բայց գիտականորեն տեսությունը մերժված չի:

Մնացած բոլոր տեսությունները, այդ թվում ձեր ներկայացրածը, ընդամենը օդի մեջ խոսակցություններ, ենթադրություններ են, որը բնականաբար ոչ մի լուրջ մարդ չի կարող մերժել, բայց միաժամանակ հավատալու ու ընդունելու համար ապացույցներ ու հիմնավորումներ է ուզում, որոնք պարզապես գոյություն չունեն:

Հարգելի Chuk, նրանք ովքեր գոնե մեկ անգամ, թեկուզ և թեթևակի, հաղորդակցվել են Ակաշայի Քրոնիկներին, այլևս իրար հետ չեն վիճում տարբեր հարցերի շուրջ, այլ անվերապահորեն ընդունում են, որ գոյություն ունի Գիտելիքի հասանելիության աստիճան, այսինքն հիերարխիա: Իսկ ներկայիս «լուրջ» համարում ունեցող գիտնականները (տո, ես էլ իրենց հետ) կարող են մի փոքր այլ մեթոդներով նույն բանն ուսումնասիրել և հետո տարիներով իրար հետ վիճել, թե ում բացատրությունն է ավելի ճիշտ:
Եթե դեմ չես, մի խորհուրդ տամ: Այն, ինչի հետ դեռ չես առնչվել, երբեք մի՛ համարիր, որ գոյություն չունի