Արթնացնեմ թեման (ուրիշ հարմար թեմա չգտա): Բոլորին խորհուրդ եմ տալիս դիտել.
Բուռն քննարկումներ հայերենի այս տարվա տեստերի մասին. վիճում են լեզվաբանները
Այս տարվա հայոց լեզվի ու գրականության քննական թեստերը, լեզվաբան Դավիթ Գյուրջինյանի որակմամբ, «բուրում են անգրագիտությամբ»:
Այսօր նա եւ հայոց լեզվի բազմաթիվ այլ մասնագետներ հավաքվել էին Գնահատման եւ թեստավորման կենտրում (ԳԹԿ)` քննարկելու թեստերում տեղ գտած անճշտություններն ու այն վիճահարույց հարցերը, որոնք բողոքարկման ժամանակ նշել էին դիմորդները:
Քննարկմանը ներկա էին նաեւ այս տարվա թեստերը կազմած
Փառանձեմ Մեյթիխանյանն ու Աշխեն Ջրբաշյանը: Նկատենք, որ վերջինս ամբողջ քննարկման ընթացքում ոչ մի բառ չասաց` ի պաշտպանություն իր կազմած թեստերի: Ի տարբերություն նրա` Փառանձեմ Մեյթիխանյանն ամեն կերպ փորձում էր արդարացնել ու համոզել ներկաներին, որ ինքը չի սխալվել, քանի որ թեստերը հիմնվել են բազմաթիվ բառարանների, դասագրքերի վրա: Նրա խոսքը ներկաներն ամեն պահ ընդհատում էին ակնարկներով ու դիտողություններով: Նրանք իրենց անհամաձայնությունն էին հայտնում տիկին Մեյթիխանյանի արտահայտած յուրաքանչյուր մտքին: Քննարկումը երբեմն վերածվում էր վիճաբանության:
Քննարկումը նախագահում էր ԳԹԿ խորհրդի նախագահ, ՀՀ Կրթության եւ գիտության փոխնախարար Մանուկ Մկրտչյանը: Նա ամեն ինչ անում էր` պաշտպանելու թե թեստերի բովանդակությունը, թե դրանց հեղինակներին. «Պետք չէ թեստեր գրողներին համարել Հայաստանի եւ հայ ազգի թշնամիներ: Նրանք ունեն իրենց պատասխանատվությունը. եթե թեստերը բարդ են, դա թեստ կազմողների դիտավորությունը չէ, դա իրենց հանձնարարությունների կատարումն է: Այն, որ թեստերն այս որակի են, միջին գնահատականներն` այս սահմաններում, դա հանձնարարություն է, պետական քաղաքականություն: Որպես կանոն` տրվում է նաեւ միջին գնահատականի շրջանակը»:
Քննարկմանը ներկա լեզվաբան-մասնագետները, նշելով այս կամ այն թեստում իրենց գտած սխալները, պահանջում էին հստակ պատասխան, եւ պետք է այդ վիճահարույց հարցերը լուծել ի օգուտ դիմորդի: Լեզվաբան Դավիթ Գյուրջինյանն այս քննությունները համարեց գործի տապալում, ձախողում. «Ես կարող եմ ամենայն պատասխանատվությամբ հայտարարել, որ այս թեստերի միջոցով վարկաբեկվեցին հայ դպրոցը, ուսուցիչները, թեստային համակարգը, հայոց լեզուն: Գործը հասավ նրան, որ ծաղրի առարկա է դարձել հայոց լեզուն. այդ բառերը հիմա պտտվում են հումորի նման` պարտասունը, լարը եւ այլն: Թեստերը բարդ չեն, այլ անորակ են, առաջադրանքները` սխալ ձեւակերպումներով: Հոգեբաններն ու մանկավարժները ճիշտ են նկատել` այս թեստային առաջադրանքների միջոցով կարծես թշնամական, հուժկու հարձակում է»:
Լեզվաբան Աշոտ Աբրահամյանն հանձնաժողովին փոխանցեց 15 էջանոց դիտարկումները, որտեղ թեստերի վերաբերյալ նշել էր կոնկրետ առաջարկներ. «Բոլոր տարիներին խոսել ենք թեստերի դժվարության մասին: Այս տարի խոսքը մասնագիտական խոտանի մասին է. թող թեստը լիներ սրանից 2 անգամ բարդ, բայց գրագետ»: Իսկ լեզվաբան Ֆրիդրիխ Խլղաթյանի կարծիքով` «քննարկում կոչվող այս շոուն» պետք էր անել թեստերի ներմուծումից առաջ, այլ ոչ թե հիմա. «Մեր մասնագիտությունն արդեն ծամոն է դարձել ժողովրդի բերանում: Չի կարելի նման բաներ անել»:
«Հայոց լեզուն վարկաբեկվեց»
Մեջբերել
2007 թիվներ
Dark Night-ի խոսքերից
ես 54 եմ հավաքել
Էջանիշներ