Քաղաքական լրահոս

[Chuk]

Բա Վիշ ջան, բա ի՞նչ էիր ուզում: Ես երազում եմ երկիր կառուցել, որտեղ բռունցքիս ուժով եմ բոլոր հարցերը լուծելու

Բայց դե թեման փոխադարձ կոմպլիմենտներ փոխանակելու համար չի, անցնենք լրահոսին.

Սերժ Սարգսյանն ապրիլի 20-ին կարճատև աշխատանքային այցով կմեկնի Մոսկվա:

Ըստ Նախագահի մամլո ծառայության` նախատեսված է նրա հանդիպումը Ռուսաստանի Դաշնության Նախագահ Դմիտրի Մեդվեդևի հետ:

Հիշեցնենք, որ Սերժ Սարգսյանն արձակուրդում է, որն անցկացնում է Եվրոպայում:

Ա1+

[terev]

Խորհուրդ կտաի լարել Ձեր ամբողջ մտային կարողությունները, նոր կարդալ:

«Առավոտ». Ոնց որ հերը ըլնի՝ իրա տան էրեխու, աղջկա մասին փողոցում խոսա

11:07 • 17.04.10

Թերթի տեղեկացմամբ՝ նախորդ օրը Արթիկում ԵԿՄ-ականների հետ հանդիպման ժամանակ գեներալ Մանվել Գրիգորյանը բոցաշունչ մի ելույթ է ունեցել ընդդեմ մամուլի։ Գեներալը շարքային ԵԿՄ-ականներին կոչ անելով թերթեր չկարդալ՝ այնպիսի տպավորություն է ստեղծել, որ եթե չկարողանան Արցախին տեր կանգնել, ապա մեղավորը մամուլն է լինելու։ Մանվել Գրիգորյանը բառացիորեն ասել է.

«Վստահեցնում եմ, որ դուք ճիշտ կարող եք միշտ էլ ըլնել, ապրեք, որպես երկրի տեր, կապ չունի, էլի եմ ասըմ, թե էսօր ով ինչա իրանից ներկայացնըմ, ժամանակի ընթացքում բոլորը մեկա, էսօր պատկերացրեք, էսօրվա բոլոր տեսակի մարդիկ ըստեղից քսան տարի առաջ հեչ կարողա ոչ մի հնարավորություն չեն էլ ունեցել, ամեն ինչ ժամանակը բերելու ա, դնելու ա տեղը։ Խոսալով կամ ասելով կամ մեղադրելով, էդ թերթերը, էդ լրատվությունը մի քիչ քիչ կարդացեք, որովհետև բաներ են գրըմ, չեն հասկընըմ, չի կարելի էլի, ոնց որ հերն ըլնի՝ իրա տան էրեխու, աղջկա մասին փողոցում խոսա, դա բարոյականություն չի, բաներ կան, որ պտի ասվի, բայց ոչ թե աշխարհի առաջ, կամ կայնես քո հորից, մորից, ախպերոջից, ընկերոջից աշխարհի առաջ... Ինչ ուզըմ են, ոնց ուզըմ են, ում հասցեին ուզըմ խոսում են, աշխատեք ինքներդ մտածել, ինքներդ Ձեզ վստահել, դուք պտի ամեն ինչում առաջինը ձեզ վստահեք, նոր մնացածին, ու վստահությունն ա, միասնությունն ա, որ պետք ա մեզ ամուր պահի ու ապագա ստեղծի, մեր, մեր երեխաների ապագայի համար»։


Tert.am

[Norton]

Ուսանողական ցույց Երեւանում

Ապրիլի 22-ին, ժամը 13:15-ին ԵՊՀ կենտրոնական մասնաշենքի հարակից շատրվանների առջև տեղի կունենա ուսանողական բողոքի ցույց:

Այն ընդդեմ ՀՀ Կառավարության այն որոշման է, որով ավելի քան կրկնակիորեն կրճատվել են մագիստրատուրայում և ասպիրանտուրայում ուսումը շարունակելու նպատակով ուսանողներին պարտադիր զինվորական ծառայությունից տարկետման տեղերի քանակը:

Բողոքի ցույցին կմասնակցեն Երևանի ԲՈւՀ-երի ուսանողներ և պրոֆեսորադասախոսական կազմերի ներկայացուցիչներ:
Ցույցի մասին Դանիել Իոաննիսյանի և մի շարք քաղաքացիների իրազեկումը Երևանի քաղաքապետարանի կողմից այսօր ընդունվել է ի գիտություն N 15 որոշմամբ:

[Բիձա]

Այսօր հրավիրված ասուլիսում Մարդու իրավունքների պաշտպան Արմեն Հարությունյանը պատասխանեց հարցին, թե ինչպես է վերաբերվում ՀՀ ոստիկանապետի այն հայտարարությանը, թե օրորոցում կպատժվի նա, ով կփորձի հեղափոխական ճանապարհով ինչ-որ բան փոխել։

-Շատ վատ։ Նախ՝ ի՞նչ է նշանակում հեղափոխություն։ Եվ երկրորդ՝ հեղափոխությունը խեղդելը ո՞րն է։ Եվ երրորդ՝ եթե խոսում ենք մարդու իրավունքներից, Մարդու իրավունքների հռչակագրում շատ հստակ գրված է, որ մարդիկ կարող են նաև ընդվզել վարչակազմի դեմ, եթե համարում են, որ նա իրենց իրավունքներն ամբողջությամբ ոտնահարել են։

ՄԻՊ-ը շարունակել է, թե նաև պետք է հասկանալ՝ հեղափոխություն ասելով ի՞նչ նկատի ունեին, «որովհետև հեղափոխությունը և հեղաշրջումը տարբեր բաներ են, և շատ դեպքերում հեղափոխությունը հեղաշրջում անվան տակ օգտագործում են»։

-Եթե նա հեղաշրջում նկատի ուներ, դա ուրիշ բան է։ Պետք է հասկանալ, թե ինքն ինչ նկատի ուներ։ http://www.7or.am/hy/news/2010-04-21/13344/

Էս էլ ՄԻՊ Արմենի ասածը

[Chuk]

Կոալիցիան Արձանագրությունները հանում է ԱԺ օրակարգից

ՀՀ ազգային ժողովում քաղաքական կոալիցիա կազմած կուսակցությունների քաղաքական խորհուրդները տարածել են համատեղ հայտարարություն, որում ասվում է.

«Վերջին երկու տարիների ընթացքում ՀՀ նախագահը ՀՀ Ազգային ժողովի քաղաքական մեծամասնության աջակցությամբ հետևողական քայլեր իրականացրեց առանց նախապայմանների հայ-թուրքական հարաբերությունների հաստատման ու զարգացման ուղղությամբ։ Այդ գործընթացին իրենց ակտիվ ավանդը բերեցին ԱՄՆ-ը, Ռուսաստանի Դաշնությունը, Ֆրանսիան, Շվեյցարիան։ Աշխարհի բազմաթիվ երկրներ դրականորեն արձագանքեցին այդ նախաձեռնությանը` ընդգծելով դրա բացառիկ կարևորությունը տարածաշրջանային կայունության հաստատման ու առկա հիմնախնդիրները քաղաքակիրթ երկխոսությամբ լուծելու հարցում։

Հայկական կողմի կառուցողական ջանքերը և միջազգային հանրության ակնկալիքները շարունակաբար բախվեցին թուրքական կողմի անհետևողական, խուսափողական դիրքորոշումներին, շարունակական նախապայմանների առաջադրման քաղաքականությանը, որը փակուղի մտցրեց 2009թ. հոկտեմբերի 10-ին Ցյուրիխում ստորագրված հայ-թուրքական արձանագրությունների խելամիտ ժամկետներում վավերացման գործընթացը։

ՀՀ Ազգային ժողովի քաղաքական մեծամասնությունն անընդունելի է համարում թուրքական կողմի, մասնավորապես` վարչապետ Էրդողանի վերջին օրերի հայտարարությունները, որոնցով կրկին հայ-թուրքական արձանագgրությունների վավերացումը Թուրքիայի խորհրդարանի կողմից անմիջական կախվածության մեջ է դնում Լեռնային Ղարաբաղ-Ադրբեջան հակամարտության կարգավորումից։ Միաժամանակ, նկատի ունենալով, որ թուրքական կողմի հրաժարումն առանց նախապայմանների խելամիտ ժամկետներում արձանագրությունները վավերացնելու պարտավորություններից իմաստազրկում է այս փուլում դրանց վավերացման գործընթացի հետագա շարունակումը ՀՀ Ազգային ժողովում, անհրաժեշտ է համարում այդ գործընթացի առկախումը, և որպես ըստ անհրաժեշտության քննարկվող հարցի` դրանց քննարկումն Ազգային ժողովի քառօրյա նիստերի օրակարգերից հանելը` մինչև թուրքական կողմը պատրաստ կլինի առանց նախապայմանների գործընթացի հետագա շարունակման»։

tert.am

[Վիշապ]

ՀՀ Նախագահ Սերժ Սարգսյանի հեռուստաուղերձը

Հայաստան-Թուրքիա հարաբերությունների կարգավորման

գործընթացի վերաբերյալ

Սիրելի ՛ հայրենակիցներ,

Մեկ տարի է անցել հայ-թուրքական հարաբերությունների կարգավոր­մանն ուղղված քայլերի վերաբերյալ Հայաստան-Թուրքիա-Շվեյցարիա հա­մատեղ հայտարարությունից: Այս ընթացքում հրապարակվել, հանրային քննարկման են ներկա­յաց­վել և ստորագրվել այդ հարաբե­րություն­ների կարգավորմանն ուղղված երկու արձա­նագ­րու­թյունները: Այդ փաստաթղթերը տևական ժամանակ է արդեն Հայաս­տանի և Թուր­­­քիայի խորհրդա­­րաններում են' սպասելով վավերացման: Հայաստա­նը մշտա­պես ի ցույց է դրել իր հետևողական նվիրվածությունը հարաբերու­թյուն­ների կարգա­վորման գործ­ընթացին' հասնելով մինչև արձանագրությունները Ազ­գային Ժողովի օրակարգում ընդգրկելը: Ողջ աշխարհին մենք ցույց տվեցինք մեր սկզբուն­քային դիր­քո­րոշումն այս հար­ցում' հանդես գալով միայն կառուցողական դիր­քերից: Մենք հայտարարեցինք նաև, որ Թուրքիայի կողմից արձանագրու­թյուն­ները, պայմանավորվածության համաձայն, առանց նախապայմանների և ող­ջա­միտ ժամկետներում վավերացման դեպքում, Հայաստանի խորհրդարանի կողմից դրանց վավերացման տապալումը բացառվում է:

Այսօր եկել է ,ողջամիտ ժամկետնե­րումե ասածը և ,ա­ռանց նախապայ­ման­ներիե գործելաոճը գնա­հատելու ժամանակը: Դրանք ոչ միայն Հայաստանի, այլ գործընթացի մեջ ներգրավված բոլոր միջնորդների, մեր բոլոր մի­ջազ­գային գործընկերների կողմից սահմանված չափանիշներ են:

Մեկ տարի շարունակ Թուրքիայի բարձրաստիճան պաշտոնյաների կող­մից նախապայմանների լեզվով շարադրված հրապարակային խոսքերի պա­կաս չի զգացվել, մեկ տարի շարունակ Թուրքիան ամեն ինչ արել է ժամա­նակ ձգելու և գործընթացը տապալելու համար: Հետևաբար մեր եզրակա­ցությունն ու դիրքորոշումն էլ միա­նշանակ է.

Թուրքիան պատրաստ չէ սկսված գործընթացը շարունակել և առանց նախապայմանների, արձանագ­րու­թյունների տառին համապատաս­խան քայ­լերով առաջ շարժ­վե­լ:

Ողջամիտ ժամկետները, մեր կարծիքով, ավարտվել են: Ամեն գնով ապ­րիլի 24-ն անցկացնելու թուրքական գործելաոճը պարզապես անընդու­նելի է:

Մենք անընդունելի ենք համարում նաև Հայաստան-Թուրքիա երկխոսու­թյունն ինք­նա­նպատակ դարձնելու անիմաստ ձեռագիրը և այս պահից սկսած' հարաբերությունների կարգավորման ներկա փուլը հա­մա­րում ենք սպառված:

Սիրելի ՛ հայրենակիցներ,

Այս ընթացքում Թուրքիայի հետ սկսված գործընթացի ապագայի վերա­բեր­յալ ես քննարկումներ եմ ունեցել և շարունակում եմ դրանք Ֆրանսիայի Նախա­գահ Նիկոլա Սարկոզիի, ԱՄՆ Նա­խագահ Բարաք Օբամայի, Ռուսաս­տանի Նա­խագահ Դմիտրի Մեդվեդևի, ինչպես նաև եվրոպական մի շարք կառույցների մեր գործ­ընկեր­ների հետ: Ես շնորհակալ եմ նրանց' մեր նա­խա­ձեռնությանը ցու­ցա­բերած օժան­դակու­թյան, գործ­ընթացին սա­տա­­­րելու և դրա առաջընթացին միտ­ված ջան­քերի հա­մար: Չեմ թաքցնում, մեր գործ­ըն­կեր­ները հորդորել են ինձ շա­րու­նակել գործընթացը, հորդորել են չկանգ­նեցնել այն:

Եվ հարգելով նրանց, նրանց ջանքերն ու անկեղծ ցանկություն­ները, կոա­լիցիոն գործընկերների հետ և Անվտանգության խորհրդում քննարկումներից հետո, մենք վճռել ենք առայժմ դուրս չգալ գործընթացից, այլ միայն կասեցնել արձանագրությունների վավերացման ընթացակարգը: Վստահ եմ' սա է պահան­ջում մեր ազգային շահը:

Հայաստանը կպահպանի արձանագրությունների տակ իր ստորագրու­թյունը, որովհետև ցանկանում է պահպանել հարաբերությունների կարգա­վոր­ման հնարավորությունները և որովհետև ցանկանում է խաղաղություն: Հայաստան-Թուրքիա հարաբերու­թյունները կարգա­վո­րե­լու մեր քաղաքական նպատակները մնում են ուժի մեջ, և մենք կդիտարկենք ա­ռաջ շարժ­վելու հարցը, երբ համոզվենք, որ Թուր­քիայում կա համապատասխան մթնոլորտ և երբ Անկարայում կտեսնենք հարաբե­րությունների կարգավոր­մանը վերստին պատ­րաստ առաջնորդություն:

Ի լուր աշխարհի հայտարարելով, որ Հայաստանի և Թուրքիայի ֆուտ­բոլի ազգա­յին հավաքականների 2008 թվականի սեպտեմբերյան հանդի­պումից սկսված գործ­­­ընթացի այս փուլը մեզ համար այլևս ավարտված է, միևնույն ժա­մանակ ես շնորհակալություն եմ հայտնում Թուրքիայի նա­խագահ Աբդուլահ Գյու­լին' այս ողջ ընթացքում ցուցա­բե­­րած քաղա­քա­կան կոռեկտության և այն դրա­կան հարաբերությունների համար, որ ձևավոր­վեցին մեր միջև:

Սիրելի ՛ հայրենակիցներ,

Երկու օրից մենք նշելու ենք 20-րդ դարի առաջին ցեղասպանության' Հա­յոց մեծ եղեռնի 95-րդ տարելիցը: Ցեղասպանության միջազգային ճանաչ­ման մեր պայ­քարը շարունակվում է, և եթե Թուր­­­քիայում որոշ շրջանակներ փոր­ձում են օգտա­գործել մեր անկեղ­ծությունն ի վնաս մեզ, օգտագործել այս գործ­ընթացը' խուսա­փելու համար ապրիլի 24-ի իրակա­նությու­նից, ապա նրանք լավ պետք է իմանան' ապրիլի 24-ը Հայոց ցեղասպանու­թյու­նը խորհրդանշող օր է, բայց այն որևէ կերպ չի սահմանափակում դրա միջազ­գա­յին ճանաչման ժամանակացույցը:

Մենք շնորհակալություն ենք հայտնում բոլոր այն պե­տու­­­­թյուններին, կազմակեր­պություններին ու անհատներին, ովքեր զորակցում են մեզ մարդ­կության դեմ ուղղված ոճիրների դատապարտման ու կանխման գոր­ծում: Շնոր­հակալություն ենք հայտնում նաև պատմական ճշմարտության վերա­կանգ­նման հա­մար պայքարող թուրք մտավո­րականներին, ովքեր կիսում են մեր ցավը: Հայոց ցեղասպանության 95-րդ տարելիցի նախաշեմին մենք բո­լորին կոչ ենք անում հիշել, որ պետական մակարդակով մշակված ծրագրով և միայն հայ լինելու համար հրի ու սրի մատնված 1.5 միլիոն անմեղ զոհերի հիշատակը ողջ մարդկության առջև դեռ շա­րունակում է ճանաչման ու դա­տա­պարտման պահանջ դնել:

Սիրելի ՛ հայրենակիցներ,

Այսօր մենք ամուր ենք ավելի, քան երբևէ, մեր ճակատը պարզ' ինչպես միշտ: Ավելի լավ Հայաս­տանի, ավելի լավ տարածաշրջանի, ինչու չէ' նաև աշխար­հի, ավելի ամուր ու միաս­նա­կան հայության նպատակներին միտված մեր ջան­քերն այ­սու­հետ միայն ավելա­նա­լու են: Վստահ եղեք' արդյունքներն էլ անընդհատ տեսա­նելի են լինելու:

Աստված մեզ պահապան:

[Chuk]

Մինսկի խումբը առաջարկ կանի

Մոսկվայում այսօր տեղի է ունեցել ԵԱՀԿ Մինսկի խմբի համանախագահների հանդիպումը: Ռուսաստանի կողմից հանդիպմանը մասնակցել է ԵԱՀԿ Մինսկի խմբի թե' նախկին, թե' ներկա նոր համանախագահները Յուրի Մերզլյակովն ու Իգոր Պոպովը:

Մինսկի խումբը Մոսկվայում քննարկել է Բաքվում ապրիլի 20-21-ը կայացած հանդիպումների արդյունքները, ինչպես նաեւ Հայաստանի եւ Ադրբեջանի նախագահների նոր հանդիպման հավանականությունը:

Հավանաբար, Մինսկի խումբը Սերժ Սարգսյանին ու Իլհամ Ալիեւին կառաջարկեն հերթական հանդիպումն անցկացնել մայիսի 8-ին Մոսկվայում:

Մոսկովյան աշխատանքային հանդիպման մասին ԵԱՀԿ Մինսկի խմբի եռանախագահները հայտարարությամբ հանդես կգան ավելի ուշ:

Ա1+

[Adriano]

Ժող նոր կարդացի սենսացիոն նորություն է: տեսեք.

''Նախագահ Սերժ Սարգսյանն այսօր հրամանագիր է ստորագրել ՙՀայաստանի Հանրապետության և Թուրքիայի Հանրապետության միջև դիվանագիտական հարաբերություններ հաստատելու մասին՚ և ՙՀայաստանի Հանրապետության և Թուրքիայի Հանրապետության միջև հարաբերությունների զարգացման մասին՚ 2009թ. հոկտեմբերի 10-ին Ցյուրիխում ստորագրված արձանագրությունների վավերացման ընթացակարգը կասեցնելու մասին:
Հրամանագրով ՀՀ արտգործնախարարին հանձնարարվել է արձանագրությունների վավերացման ընթացակարգը կասեցնելու մասին ծանուցել Թուրքիայի Հանրապետությանը'

Աղբյուրը`http://ankakh.com/2010/04/32325/

[SSS]

ՀԱԿ.

ՀՀ նախագահ Սերժ Սարգսյանի կողմից հայ-թուրքական արձանագրությունների վավերացման գործընթացը կասեցնելու որոշման կապակցությամբ հայտարարություն է տարածել Հայ ազգային կոնգրեսը, որում ասվում է.

«Հայ-թուրքական արձանագրությունների վավերացման կասեցման մասին Սերժ Սարգսյանի որոշումը ոչ այլ ինչ է, քան այսպես կոչված „նախաձեռնողական“ քաղաքականության սնանկության խոստովանումն ու արձանագրումը:

ՀԱԿ-ը սույն թվի փետրվարի 2-ի հայտարարության մեջ արդեն անդրադարձել է Ցյուրիխյան ուրացման գործարքին: Կոնգրեսը կողմ է հայ-թուրքական հարաբերությունների կարգավորմանը, սակայն մեզ համար անընդունելի է Թուքիայի պահանջով արձանագրություններում նախատեսված եւ Հայոց Ցեղասպանության իրողությունը հարցականի տակ դնող պատմաբանների հանձնաժողովի ստեղծումը: Հանձնաժողովի ստեղծումը ոչ միայն վիրավորանք է Ցեղասպանության զոհերի հիշատակի նկատմամբ, այլ նաեւ գործնականում, հայ-թուրքական հաշտեցմանը նպաստելու փոխարեն, դառնալու է մեր ժողովուրդների հարաբերությունները թունավորող գործիք:

Թե' բարոյական, թե' քաղաքական տեսակետից անընդունելի այս գործարքի ստորագրումը Սերժ Սարգսյանի վարչախմբի կողմից ծառայեց միայն մեկ նպատակի` կեղծված նախագահական ընտրություններով եւ մարտի 1-ի սպանդով իշխանությունը բռնազավթած ռեժիմի համար միջազգային հանրության կողմից լեգիտիմացմանը եւ աջակցության ապահովմանը: Մինչդեռ, իրականացան Հայ Ազգային Կոնգրեսի բոլոր նախազգուշացումները Հայաստանի համար այդ գործընթացի վտանգավորության մասին: Հակառակ հռչակված նպատակներին, հայ-թուրքական հաշտեցման գործընթացը վերածվեց հայ-թուրքական առճակատման գործընթացի: Օգտվելով ռեժիմի անձեռնհասությունից, Թուրքիան հետեւողականորեն շարունակեց կապել արձանագրությունների վավերացումը եւ սահմանների բացումը Ղարաբաղյան խնդրի կարգավորման հետ: Արդյունքում, ոչ միայն չթուլացան միջազգային ճնշումները Ղարաբաղի հարցում, այլ ընդհակառակը`այն աստիճանի ահագնացան, որ դրանց ներքո Հայաստանն առաջին անգամ իր նորանկախ պատմության մեջ համաձայնեց Ադրբեջանի տարածքային ամբողջականության շրջանակում սահմանափակել Ղարաբաղի ինքնորոշման իրավունքը /ԵԱՀԿ-ի Աթենքյան հայտարարություն/: Կապելով հայ-թուրքական եւ ղարաբաղյան կարգավորման գործընթացները, Թուրքիային հաջողվեց նաեւ առանցքային եւ Հայաստանի համար վտանգավոր դերակատարություն ստանձնել Ղարաբաղի շուրջ ընթացող միջազգային բանակցություններում, վտանգվեց այդ բանակցությունների օպտիմալ` Մինսկի խմբի ձեւաչափը:

Խճճվելով սեփական „նախաձեռնողական“ քաղաքականության սարդոստայնում, ակնհայտ ձախողումների հանդիման, Սերժ Սարգսյանն այլեւս ի վիճակի չէ չեզոքացնել իր քաղաքականության վնասները: Մի կողմից կասեցնելով վավերացման գործընթացը, մյուս կողմից արտահայտելով պատրաստակամություն այն շարունակելու, ռեժիմը ըստ էության, խոստովանում է, որ հայտնվել է փակուղու մեջ, այլեւս չունի հետագա քայլերի ծրագիր եւ զբաղված է կիսատ-պռատ, անսկզբունքային եւ անհետեւողական գործողությունների միջոցով սեփական հասարակության եւ միջազգային հանրության առջեւ իր դեմքը փրկելու ապարդյուն ջանքերով: Քաղաքական սխալ հաշվարկների վրա հիմնված, հակասական եւ անիրականանալի պարտավորություններ ստանձնելով, իշխանությունները խաթարում են Հայաստանի, որպես հուսալի գործընկերոջ, վարկը եւ հնարավորություն ստեղծում Հայաստանը միջազգային ասպարեզում ապակառուցողական ներկայացնելու համար:

Այս արատավոր ընթացքը կասեցնելու միակ հնարավորությունն է ներկա վարչախմբի օր առաջ հեռացումը եւ արտահերթ ընտրություններով լեգիտիմ իշխան

news.am

[Ձայնալար]

Մոդերատորական: Հայ թուրքական հարաբերությունների հետ առնչվող նորությունները պատճենվել, իսկ քննարկումները՝ տեղափոխվել են համապատասխան թեմա:

[Տրիբուն]

Հայաստանում էնքան բան չի կատարվում, որ Ակումբի «քաղաքական լրահոս» բաժինը 15 օրա դատարկ ա: Էս քանի օր ա թերթերն եմ կարդում - քոչի առյուծատյացությունը հայ քաղաքացիական հասարակությանը հուզող միակ խնդիրն ա: Մի քիչ էս կարևոր իրադարձությունը ջրվում ա Չարենցավանյան «ինքնասպանությամբ» ու Ալիկի լյապսով:

[Rammer]

Ռուսաստանի և Թուրքիայի միջև այցագրային ռեժիմը հանվում է

Անկարայի և Մոսկվայի միջև նախաստորագրվել է համաձայնագիր երկկողմանիորեն այցագրային ռեժիմը վերացնելու մասին: Այս մասին Anadolu գործակալությանը տված հարցազրույցում ասել է Մոսկվայում Թուրքիայի դեսպան Հալիլ Աքընջըն` ավելացնելով, որ համաձայնագիրը կստորագրվի Ռուսաստանի Դաշնության նախագահ Դմիտրի Մեդվեդևի` մայիսի 11-12-ը Թուրքիա կատարելիք պաշտոնական այցի ընթացքում:

Նոր ռեժիմի մասին համաձայնագիրը երկկողմանիորեն շրջանառության մեջ մտնելուց հետո երկու երկրների քաղաքացիների համար 30-օրյա այցերի դեպքում մուտքի այցագիր չի պահանջվի:

Իր հերթին, թուրքական Sabah օրաթերթը գրում է, որ այցագրային ռեժիմի վերացման մասին համաձայնությունը ձեռք է բերվել Դմիտրի Մեդվեդևի` Անկարա կատարելիք այցի մանրամասները քննարկելու նպատակով Թուրքիա ժամանած ՌԴ փոխվարչապետ Իգոր Սեչինի հետ բանակցություններում:

Թուրքական պարբերականի փոխանցմամբ` Սեչինի հետ Թուրքիա են ժամանել նաև «Տրանսնեֆտ» և «Ռոսնեֆտ» ընկերությունների ղեկավարները: Անկարայում հանդիպումների ընթացքում կողմերը, մասնավորապես, քննարկել են էներգետիկ ոլորտին վերաբերող հարցեր և առևտրատնտեսական համագործակցությունը:

Ռուսական պատվիրակության հետ հանդիպումից հետո Թուրքիայի էներգետիկայի նախարարը հայտարարել է, որ իրենց նպատակն է Ռուսաստանի հետ առևտրաշրջանառության ծավալները, առաջիկա հինգ տարիների ընթացքում ներկայիս 33 միլիարդ դոլարի փոխարեն հասցնել 100 միլիարդ դոլարի:

Tert.am

[Բիձա]

http://drugoi.livejournal.com/324612...age=1#comments

Մոսկվայում հաղթանակի զորահանդեսի նկարներն են: Հայերն էլ են մասնակցել:

[Տրիբուն]

Քազաքական լրահոսն եմ կարդում էսօր, թերթերը էլի: Բացի Սերժ-Քոչ-ԲՀԿ հարաբերություններից, ուրիշ բան այլևս չի քննարկվում: Էսօր իմացել եմ, որ սուտ թե ճիշտ հաջորդ ընտրություններին ԲՀԿ-ին 8%-ից ավել տեղ Աժ-ում չեն տալու:

Էն Քոչի խփած առյուծներն ի՞նչ եղան է:

[Chuk]

2010թ. մայիսի 15-ին, ժամը 19:00-ի սահմաններում Հայաստանի Հանրապետության արդարադատության նախարարության ՙՆուբարաշեն՚ քրեակատարողական հիմնարկում իր անկողնում հանկարծամահ է եղել քրեական օրենսգրքի 300-րդ հոդվածի 1-ին մասով, 305-րդ հոդվածով, 34-305-րդ հոդվածներով, 217-րդ հոդվածի 2 մասի 2-րդ կետով, 133-րդ հոդվածի 2-րդ մասի 1-ին, 2-րդ և 6-րդ կետերով (1999թ. հոկտեմբերի 27-ին Ազգային Ժողովում տեղի ունեցած դեպքի առթիվ հարուցված քրեական գործով անցնող դատապարտյալ) 14 տարի ազատազրկման դատապարտված Համլետ Ստեփանյանը:

Ըստ ԱՆ ՔԿՎ պետի մամլո խոսնակ Արսեն Բաբայանի` դիակի նախնական զննությամբ բռնության հետքեր չեն հայտնաբերվել: Նշանակվել է դատաբժշկական փորձաքննություն: Մահվան հանգամանքները պարզելու ուղղութամբ տարվում է քննություն:

Դեպքի մասին իրազեկվել և իրականացվող աշխատանքներին մասնակցելու է հրավիրվել Հայաստանի Հանրապետության արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող դիտորդական խումբը:

Ա1+