Քաղաքական լրահոս

[Chuk]

Լրագրողները պիտի անեն իրենց գործը: Ես ինքս կարծում եմ, որ բազում անգամ պիտի ստուգեն նոր տպեն, բայց մեղադրել իրանց էս շուխուռի համար՝ սխալ ա:
հ.գ. իմ իմանալով բանակում ոչ մի «պատերազմական վիճակ» էլ հայտարարված չի:

[Ձայնալար]

Մոդերատորական: Կ. Ջանիբեկյանի հարցազրույցը պարունակող գրառումը տեղափոխվել է «Հայ մտավորականությունն ու քաղաքականությունը» թեմա:

[Ձայնալար]

Պետդեպարտամենտն անդրադարձել է մարտի 1-ին

Հայաստանում մթնոլորտը մնում է լարված:

ԱՄՆ պետական դեպարտամենտը հրապարակել է «Մարդու իրավունքները 2009 թվականին» զեկույցը, ըստ որի, էական խախտումներով անցկացված 2008-ի նախագահական ընտրությունների եւ տասը մարդու մահվան հանգեցրած հետընտրական բախումների հետեւանքով Հայաստանում ստեղծված քաղաքական ճգնաժամը շարունակել է լարված պահել մթնոլորտը երկրում;


«Սամվել Նիկոյանի ղեկավարած խորհրդարանական ժամանակավոր հանձնաժողովը, որը կոչված էր ուսումնասիրելու հետընտրական զարգացումները, սեպտեմբերի 16-17-ին հրապարակել է զեկույց, որում կա քննադատություն ե՛ւ ընդդիմության, ե՛ւ իշխանության հասցեին, սակայն բռնությունների եւ բախումների համար հիմնականում պատասխանատու է համարվում նախկին նախագահ Լեւոն Տեր-Պետրոսյանի առաջնորդած ընդդիմությունը», - ասված է զեկույցում։

«Տարվա ընթացքում ճգնաժամը չի կարգավորվել, գրանցվել են մարդու իրավունքների ոտնահարման նոր դեպքեր։ Իշխանությունները սահմանափակել են կառավարությունը ազատ եղանակով փոխելու քաղաքացիների իրավունքը մայրաքաղաք Երեւանի ավագանու ընտրություններում, - փաստում են պետդեպարտամենտի հրապարակած զեկույցի հեղինակները ու հավելում,-2009-ի ընթացքում իշխանությունները հետապնդել են քաղաքական ընդդիմախոսներին, կամայական ձերբակալություններ են կատարել, մարդկանց երկար ժամանակով պահել են նախնական կալանքի պայմաններում, կիրառել են ընդդիմախոսներին բյուրոկրատական մեթոդներով ահաբեկելու կամ նրանցից վրեժ լուծելու գործելակերպ»։

«Իշխանությունները ուժ են գործադրել քաղաքական ցույցերի մասնակիցների դեմ, եւ խափանել են դրա վերաբերյալ տեղեկատվություն տարածելու քաղաքացիների փորձերը, - նաեւ ասված է «Մարդու իրավունքները 2009 թվականին» զեկույցի Հայաստանին առնչվող բաժնում։

«Ոստիկանները ծեծի են ենթարկել ձերբակալվածներին, ազգային անվտանգության ծառայության գործակալների եւ ոստիկանների կողմից մարդկանց իրավունքները խախտելու դեպքերն անպատիժ են մնացել։ Ամբաստանյալներին զրկել են արդար դատավարության հնարավորությունից»,-նշում են հեղինակները:

Զեկույցում կա անդրադարձ զանգվածային լրատվամիջոցների աշխատանքին. «ԶԼՄ-ներին եւ հատկապես հեռարձակվող լրատվամիջոցներին բնորոշ է ինքնագրաքննության բարձր աստիճան։ Իշխանությունները սահմանափակում են մամուլի բազմակարծությունը, ինչի վկայություններից մեկը հեռարձակման արտոնագրերի տրամադրման սառեցումն է։ Գրանցվել են լրագրողների վրա հարձակումների նոր դեպքեր»։

Զեկույցում ասվում է, որ հայաստանյան իշխանությունները սահմանափակել են ժողովների եւ հավաքների ազատությունը, կոնկրետ վայրերում ցույցեր անցկացնելու քաղաքական ընդդիմության դիմումները բազմիցս մերժվել են, իշխանությունները միջամտել եւ ցրել են մարդկանց ինքնաբուխ հավաքները։

«Հայաստանում լուրջ խնդիր է մնում համատարած կոռուպցիան, եւ իշխանությունները չեն դիմում վճռական քայլերի այն հաղթահարելու համար», - ընդգծում են զեկույցի հեղինակները։ «Ազատություն» ռ/կ

http://a1plus.am/am/politics/2010/03/12/march-1

Սենց կտրուկ զեկույց չէր եղե՞լ, թե՞ ես չեմ հիշում

[Chuk]

Ինչի՞ ԵԱՀԿ/ԺՀՄԻԳ-ի մարտի 8-ին հրապարակած զեկույցը պակա՞ս կտրուկ էր:

[Ձայնալար]

Ա՞յս տարվա:

[Chuk]

Ա՞յս տարվա:

Հա, մի քանի օր առաջվա

[Ձայնալար]

Չեմ կարդացել

[Ambrosine]

Պետդեպարտամենտն անդրադարձել է մարտի 1-ին

http://a1plus.am/am/politics/2010/03/12/march-1

Սենց կտրուկ զեկույց չէր եղե՞լ, թե՞ ես չեմ հիշում

Հայաստանի <<դեմոկրատիզացման>> ամերիկյան փորձի հոտ եմ առնում:

[Chuk]

Չեմ կարդացել

Խնդրեմ.

Զեկույցը հրապարակվեց
ԵԱՀԿ/ԺՀՄԻԳ
Երեկ ԵԱՀԿ/ԺՀՄԻԳ-ի պաշտոնական ինտերնետային կայքում հրապարակվել է Մարտի 1-ի քրեական գործերի դատավարությունների ժամանակ իրականացված մոնիտորինգի արդյունքում կազմված զեկույցը, որը 114 էջից է բաղկացած:

Զեկույցի առնչությամբ տարածված պաշտոնական հաղորդագրությունում ասվում է. «Դատավարությունները, որոնք տեղի են ունեցել Երեւանում 2008թ. մարտի հետընտրական բախումներից հետո, բացահայտում են Հայաստանի դատական համակարգի թերությունները»: Զեկույցի բովանդակության հետ ծանոթանալով` պարզ է դառնում, որ «Հայաստանի դատական համակարգի թերություն» ձեւակերպումը զուտ դիվանագիտական նշանակություն ունի: Իրականում զեկույցում բերված են այն բոլոր ապօրինությունների փաստերը, որոնք տեղի են ունեցել Մարտի 1-ի գործերով դատավարությունների ժամանակ:

Առաջին գլխում ներկայացվում է մինչ դատական փուլում մեղադրվողների նկատմամբ խափանման միջոցի ընտրության հարցը: Ըստ զեկույցի, մոնիտորինգի ենթարկված գործերի գերակշիռ մեծամասնությամբ մեղադրվող անձանց նկատմամբ որպես խափանման միջոց ընտրվել է ՀՀ օրենսդրությամբ սահմանված առավելագույն ժամկետով կալանքը: Դատավորները կալանքի որոշումներ կայացնելիս շատ հաճախ որպես հիմնավորում նշել են «ընդհանուր եւ ոչինչ չասող նախադասություններ»: «Իսկ երբեմն դատավորները կալանքի սանկցիաներն ընդհանրապես չեն հիմնավորել` հաշվի չառնելով այն սկզբունքը, որ մինչ դատական փուլում մեղադրյալին կալանքի տակ պահելը պետք է լինի բացառություն եւ ոչ թե գործող կարգ»,- նշված է զեկույցում: Զեկույցում նշված է նաեւ, որ նախաքննության մարմինը հաճախակի կեղծել է մեղադրվող անձին անազատության մեջ պահելու տվյալները, բացի այդ դատավարությունների ժամանակ պաշտպանական կողմը մշտապես բարձրացրել է կալանքի ապօրինի լինելու հարցը, ինչը դատավորների կողմից հիմնականում անտեսվել է: Մարտի 1-ի գործերով միայն հինգ դեպք է եղել, երբ ի սկզբանե մեղադրվող անձի նկատմամբ կալանքի հետ կապ չունեցող խափանման միջոց է ընտրվել:

Զեկույցի 3-րդ գլուխը նվիրված է անմեղության կանխավարկածին: Մարտի 1-ի գործով դատավարությունների ժամանակ իրականացված ԵԽԽՎ մոնիտորինգների ընթացքում դատավորներից շատերը հենց ի սկզբանե, մեղադրվող անձին կանխակալ են մոտեցել եւ վերաբերվել են, որպես հանցագործի: Ըստ զեկույցի դատավորները շատ հաճախ դատավարությունների ընթացքում ամբաստանվող անձանց ուղղակի թշնամաբար են վերաբերվել: «Շատ դեպքերում` դատավորները իրենք են մեղադրյալների վրա ճնշում գործադրել, որպեսզի նրանք ընդունեն իրենց մեղքը: Սա այն դեպքում, երբ դատավորները օրենսդրությամբ պարտավոր են անկողմնակալություն պահպանել»,- նշված է զեկույցում:

Զեկույցի 4-րդ գլխում ներկայացված է Մարտի 1-ի գործերով դատավարություններում մեղադրող եւ պաշտպանական կողմերի իրավազորության վիճակը: ՀՀ օրենսդրությամբ եւ միջազգային կոնվենցիաներով կողմերը դատարաններում պետք է ունենան հավասար իրավունքներ եւ պարտականություններ: Սակայն, զեկույցում նշված է, որ դատավորները, որպես կանոն, դրսեւորել են ակնհայտ կողմնակալ վերաբերմունք եւ հանդես են եկել. «դրսեւորելով բացահայտ բարեկամական վերաբերմունք մեղադրող կողմի նկատմամբ եւ բացահայտ թշնամական` պաշտպանական կողմի»: Բազմաթիվ դատավարությունների ընթացքում դատավորները պաշտպանական կողմին թույլ չեն տվել իրենց տեսակետն արտահայտել, հարցաքննել մեղադրող կողմի ներկայացրած վկաներին, պաշտպանական կողմի վկաներին դատարան հրավիրել: «Առնվազն 44 գործերով իրականացված մոնիտորինգների ժամանակ առաջին ատյանի դատավորները դատավարությունների ընթացքում պաշտպանել են մեղադրող կողմի ներկայացրած վարկածը եւ իրադարձությունների ընթացքը: Պաշտպանական կողմը, փաստացի, զրկված է եղել արդարացնող ապացույցները ներկայացնելու հնարավորությունից»,- նշված է զեկույցում:Այստեղ նաեւ ասվում է. « Մարտի 1-ի գործերով ներգրավված 234 վկաներից 125-ը եղել են ոստիկանության աշխատակիցներ, 19 գործերով մեղադրանքի հիմքում դրվել են ոստիկանների ասածները: Իսկ 17 դեպքերում մեղադրանքի հիմքում բացառապես դրվել են ոստիկանների ցուցմունքներ, որոնք էլ դրվել են մեղադրական դատավճռի հիմքում: Հաճախ ոստիկանների ցուցմունքները հիմք են ընդունվել նաեւ այն դեպքում, երբ դրանք ուղղակի հակասել են նախաքննական փուլում նրանց տված գրավոր ցուցմունքներին»:

Ի դեպ, դատավարությունների ընթացքում արձանագրված ապօրինությունների ընդհանրական նկարագրության կողքին զեկույցում ներկայացված են կոնկրետ օրինակներ, կոնկրետ գործերով դատավարություններից: Իհարկե, մեղադրվող անձանց եւ դատավորների անունները նշված չեն, ներկայացված է միայն դեպքը: Սակայն, հաշվի առնելով այն հանգամանքը, որ այդ ամենը Հայաստանի հանրության աչքի առաջ է տեղի ունեցել, ուստի Մարտի 1-ի գործերով դատավարություններին հետեւած անձը հեշտությամբ կարող է մտաբերել, թե այս կամ այն դեպքը որ քաղբանտարկյալի դատավարության ժամանակ է տեղի ունեցել:
Վահագն Հովակիմյան -
Մարտ 9, 2010

ՀԺ-ից

[Բիձա]

Հայաստանի <<դեմոկրատիզացման>> ամերիկյան փորձի հոտ եմ առնում:

Աստղ ջան, մի հատ հիշի, հո վերջերս գրիպ չէիր՞

[ministr]

Սենց կտրուկ զեկույց չէր եղե՞լ, թե՞ ես չեմ հիշում

Բագ ջան, թեթև տար Նման զեկույցները էն շների նման են, որ հաչում են բայց չեն կծում
Ենթադրաբար ինչ որ բան են ուզել կամ ուզում ու նավսյակի Մարտի 1-ի անուն են տալիս, որ իրենց գործը լավ առաջ գնա:

[Ձայնալար]

Բագ ջան, թեթև տար Նման զեկույցները էն շների նման են, որ հաչում են բայց չեն կծում
Ենթադրաբար ինչ որ բան են ուզել կամ ուզում ու նավսյակի Մարտի 1-ի անուն են տալիս, որ իրենց գործը լավ առաջ գնա:

Չեմ ասում, թե աշխարհը շուռ եկավ, բայց այն, որ ճնշումները ուժեղացել են մտածելու տեղիք ա տալի: Ի դեպ իշխանությունների կողմից անօրինաբար հետապնդվող աղջկան «խիզախ կին» կոչմանն արժանացնելը նույնպես մի թեթև չափալախ էր ռեժիմին:

[ministr]

Չեմ ասում, թե աշխարհը շուռ եկավ, բայց այն, որ ճնշումները ուժեղացել են մտածելու տեղիք ա տալի: Ի դեպ իշխանությունների կողմից անօրինաբար հետապնդվող աղջկան «խիզախ կին» կոչմանն արժանացնելը նույնպես մի թեթև չափալախ էր ռեժիմին:

Բան էլ չի ուժեղացել: Սովորական "աշխատանքային" մթնոլորտա` իր վայրիվերումներով:
Համենայն դեպս էդ ապտակները ոչինչ չեն փոխելու, միակ փոխողը մենք ենք...

[Ambrosine]

Աստղ ջան, մի հատ հիշի, հո վերջերս գրիպ չէիր՞

Գրիպի հանդեպ իմունիտետ ունեմ

Ես ուրիշ բան էի ակնարկում

[Chuk]

Լավ էլ ուժեղացել ա
Ու նշանակում ա, որ զիջումներն անխուսափելի են: