«Այո, այնտեղ պատերազմ է։ Այո, մենք օգնում ենք ղարաբաղցիներին։ Բայց մեր պետությունն այնտեղ ռազմական ծախսեր չի կատարում։ Սա ես հայտարարում եմ ի պաշտոնե։ Հայաստանը ստանձնել է միայն կենսաապոհվման խնդիրները... եւ սա ծանր բեռ է հանրապետության բյուջեի համար»
«Դրանք ժամանակավոր հաջողություններ են։ Այդ պատերազմում հաջողությունները կարող են միայն ժամանակավոր լինել... Հիմա առավելությունը ղարաբաղցիների կողմում է, եւ ես դա կարող եմ բացատրել նրանց բարոյական համոզվածությամբ, միայն դրանով։ Բայց ես ասում եմ, որ այդ հաջողությունն էլ է ժամանակավոր։ Վաղ թե ուշ հարկադրված կլինենք նստել բանակցությունների սեղանի շուրջ։ Նման պատերազմում ուժով հաղթելն անհնարին է։ Իսկ հապաղումը միայն նոր զոհեր է բերում»
«Լեռնային Ղարաբաղի լիակատար ինքնավարություն։ Լեռնային Ղարաբաղի ճանապարհների լիարժեք ապաշրջափակում։ Ղարաբաղի նորմալ կենսագործունեության ապահովում։ Այ այս լուծումը, կարծում եմ, այսօր ընդունելի կլինի ե՛ւ Ղարաբաղի, ե՛ւ Ադրբեջանի համար։
Եթե ստեղծվի նման ինքնավարություն, որտեղ ներքին խնդիրները կլուծվեն տեղական իշխանությունները, այդ թվում նաեւ կադրային հարցերը, ապա կողմերը համաձայնության կարող են գալ։ Ցանկանում եմ հավատալ, որ Ադրբեջանի կազմում ինքնավար հանրապետության կարգավիճակը լիովին կբավարարի բոլոր կողմերին, չէ՞ որ այդ դեպքում Ղարաբաղը կմնա Ադրբեջանի կազմում, հանրապետության տարածքային ամբողջականությունը կպահպանվի, իսկ ղարաբաղցիները, իրենց հերթին, կստանան կենսագործունեության երաշխիքներ։ Ահա սա է մեր դիրքորոշումը։ Մենք պատրաստ ենք այն քննարկել ցանկացած մակարդակում»։
ԼՏՊ-ն հարցազրույցի ընթացքում նաեւ պնդում է, թե պատերազմը Հայաստանի ու Ադրբեջանի միջեւ չէ. «Չկա նման պատերազմ։ Մամուլն է այդպես ներկայացնում։ Ադրբեջանը պատերազմում է իր իսկ քաղաքացիների հետ՝ Ադրբեջանի տարածքում։ Սա ներքին պատերազմ է»։
Մեջբերել
voter-ի խոսքերից
Էջանիշներ