Բարեկամ-ի խոսքերից
Ամենաանկապ իրավիճակում մտքումդ ապուշի պես կրկնի "ես երջանիկ եմ" , ...կհայտնաբերես, որ այդպես էլ կա:
Միապաղաղ օրինավորությունը փակում է ոգեշնչման կանալները` դապարտելով ամլության. գործը պոռթկվում է խենթությունից` ուղղորդվելով ճշտի ձգողականությամբ:
Մարդ կա, ում գոյության իմաստն ու ձեւը արտահայտվելու մեջ ա:
- Ինչու՞ ես լավ մարդկանց հետ:
- Սովորում եմ…
Ժամանակը կա՛մ վատնվում ա, կա՛մ աննկատ անցնում. չգիտեմ որտեղ ափսոսամ…
Այդպես է բոլոր հարցերում էլ: Լավագույնն արվում է այն ժամանակ, երբ չի կարող չարվել:
Յուրաքանչյուր կնոջ մեջ կա կոկոնված գեղեցկության իր բաժինը, որն առավելագույնս բացվում է, երբ կինն իր տասներկուերորդ զգայարանով գիտակցում է, որ իրեն սիրահարված են
Սերը /համամարդկային սերը/ ձեռքբերում չէ, ոչ էլ հասանելիություն, այլ մարդու նորմալ, չեզոք վիճակն է՝ թաղված ձեռքբերովի կրքերի մրուրի տակ:
Իրականում երջանկությունը չհագեցվածությունն է, այլապես այն թվացյալ է. վայրկենապես խամրում է, անհամանում, հարթվում ունայնության...
չկա ոչ մենակ մարդ. կան զբաղված մարդիկ:
գործելու և ապրելու միջև առաջինն ընտրելիս շահում ես, իսկ երկրորդը չարաշահելիս՝ տանուլ տալիս…
որքան էլ պարադոքսալ թվա, գոռոզամտությունը լավագույնս տապալվում է, երբ վատ կամ տհաճ պահերին մտածում ես, որ ամեն ինչ լավ է!
Կախվածություններից վատագույնը՝ երբ քո մասին մտածում ես այն, ինչ ուրիշներն են մտածում
Ամուսնությունն այն շեմն է, որը թևակոխողն այլևս ինքն իրեն չի պատկանում:
Սեփական արժեքը գիտակցելը ոչ թե մտաբերելն է, թե ինչ ես արել, այլ գիտենալը, թե ինչ ես անելու:
Խելոք լինել չի նշանակում խելոք վարվել:
Կա մոլորություն շփոթել արուի բնազդային հմայքը տղամարդկության հետ:
Խոստումնազանց չլինելն է տղամարդկությունը, մաքուր ու պինդ տղամարդկությունը, ու դա հավասարապես հատուկ է երկու սեռերին էլ:
Լռակյացությունը խելացիության նշան է՝ չբացահայտել հոգու մութ անկյունները:
Եթե քեզ գովում են, ուրեմն քո միջավայրում չես :
ինչու՞ չենք ընտրում ազատություն. այնտեղ գրկող չկա…
ձանձրույթի կեսը կանխատեսելիությունն ա…
ավելի լավին հասնելու համար, պետք է հրաժարվել լավից
Հաճախ ամենամեծ բանը , որ կարելի է անել ՝ ոչինչ չանելն է:
)
որոնք նշել եմ լավն են…
Մեջբերել
Էջանիշներ