Նստացույցը ավարտել է, սկսվում են քաղաքական զբոսանքները (փոխված վերնագիր)

**Chuk** · 10.09.2008, 13:49

Marduk-ի խոսքերից

Իսկ չեք մտածել որ միգուցե անում են որ ավելի շատ գռգռվի ժողովուրդը:

Ու՞ր էր իրանց էդքան խելք

**Elmo** · 10.09.2008, 14:09

Chuk-ի խոսքերից

Ու՞ր էր իրանց էդքան խելք

Խելք ունենային հարևան Վրաստանից գոնե սենց բան կբերեյին:Զոհեր էլ գուցե չլիներ:

**Chuk** · 10.09.2008, 14:15

ՀՅՈՒՍԻՍԱՅԻՆ ՊՈՂՈՏԱՅՈՒՄ ՏԱՐՕՐԻՆԱԿ ԽԱՂԱՂՈՒԹՅՈՒՆ ԷՐ

[14:59] 10 Սեպտեմբերի, 2008

Հյուսիսային պողոտան այսօր այնպես խաղաղ էր կարծես տեղի չէր ունեցել երեկվա միջադեպը ոստիկանների եւ ընդդիմադիր քաղաքացիների միջեւ: Հիշեցնենք, որ երեկ վերջիններս հարձակվել էին պողոտայում անժամկետ հացադուլի նստած 6 կանանց, պողոտայում գտնվողների վրա եւ քաշքշելով դուրս հանել պողոտայից: Իրենք էլ պատ էին կազմել եւ թույլ չէին մարդկանց մտնել պողոտա:

Գիշերվա այս միջադեպին այսօր առավոտյան անտեղյակ էին Հյուսիսային պողոտայում զբոսնողներն ու պատահական անցորդները: Պողոտան իր հերթին եւս իր հանդարտությամբ ու խաղաղությամբ կարող էր թյուրիմացության մեջ գցել յուրաքանչյուրին: Սպասվածին հակառակ պողոտայում ոչ մի ոստիկանի չհանդիպեցինք: Նույնիսկ Ազատության հրապարակի մոտերքում, որտեղ սովորաբար խմբված էին լինում բազմաթիվ ոստիկաններ, այսօր նրանցից ոչ մեկը չկար:

Հյուսիսային պողոտայի էլիտար խանութների աշխատակիցներն էլ այսօր սովորականից ավելի մեծ աշխուժությամբ էին մաքրում, սրբում դռների ապակիներն ու շեմքերը: Փորձեցինք զրուցել պողոտայի նստարաններից մեկին նստած մի կնոջ հետ, թե արդյոք նա տեղյա՞կ էր երեկվա միջադեպից: ՚Եթե իսկապես նման բան է տեղի ունեցել ու հիմա էլ այնքան հանգիստ են, որ իրավապահ ոչ մի մարմին չկա, սա ինձ թվում է՝ վկայում է միայն այն մասին, իշխանությունները կամ ինչ-որ ստոր բան են մտածել, կամ էլ ինչ-ինչ հանգամանքներից ելնելով՝ շատ վստահ են, որ էլ չի կրկնվիՙ,- պատասխանեց 45-ամյա կինը, որը ներկայացավ իբրեւ ուսուցչուհի:

Գրեթե նույն իրավիճակն էր նաեւ Ազատության հրապարակում, միայն այն տարբերությամբ, որ այստեղ զբոսնողների ու անցորդների, առավել եւս ոստիկանների ընդհանրապես չհանդիպեցինք:

Հրապարակն ամբողջովին շրջապատված է մետաղյա պարիսպներով ու նախատեսվել է այստեղ կառուցել ստորգետնյա ավտոկայանատեղիներ:

Ես էլ եմ կարծում, որ այսօր Հյուսիսային պողոտայում կարող է իշխանությունները փորձեն նոր անակնկալ մատուցել ցուցարարներին, այնպես որ չնայած խիստ զբաղվածությանս, թերևս այսօր ինձ հնարավոր լինի այնտեղ գտնել

**Chuk** · 10.09.2008, 20:19

Հյուսիսային պողոտան այսօր ոստիկանաշատ է: Նրանք չեն թույլատրում այստեղ զբոսնել մարդկանց, ինչը մարդու տարրական իրավունքների կոպիտ ոտնահարում է: Ոչ մի հոդաբաշխ բացատրություն, թե ինչու՞ մարդկանց զբոսնել չի թույլատրվում, ոստիկանները չեն կարողանում տալ: Չի կարելի և վերջ:

Է մինչև ե՞րբ, պարոնայք յանիմ իշխանավորներ