mtahog-ի խոսքերից
պատմությունը ապացուցել է որ ամեն շարժում չէ որ հանգեցրել է հեղափոխության, սակայն բոլոր կատարված հեղափոխությունները սկսվել են կամ եղել են շարժման արդյունք: Հեղափոխությունների պատմությունը ուշադիր ուսումնասիրելիս անհնար է չնկատել հեղափոխության շուրջը պտտվող տարբեր տրամաչափի ու ոճի "գաղափարախոսներ" մանավանդ հեղափոխության այն ստադիայում երբ հեղափոխությունը կամ սկսված շարժումը թեվակոխում է, կամ անցնում է սաղմնային վիճակից դեպի կայացման փուլ: Շարժման համար սա ամենավտանգավոր փուլերից մեկն է, այդ փուլում առաջացած քաոսը բարենպաստ պայմաններ է ստեղծում տարատեսակ ու տարաբնույթ, նույնիսկ ամենահակասական ու անտրամաբանական գաղափարների ոչ միայն ազատ արտահայտման այլեվ ինչքան էլ տարօրինակ հնչի հայտնվում են մարդիկ որոնք նույնիսկ սկսում են հետեվել այդ գաղափարներին: Իհարկե սրա պատճառներից մեկն էլ, եթե ոչ առաջինը, դա այն է որ մարդկանց մի որոշ խումբ միշտ հակված է մտածելու որ ամենախելացի գաղափարները այն գաղափարներն են որոնք շարադրված են գեղեցիկ ոճով եվ անհասկանալի են: ՄԻ խոսքով հայտնվում են բազմաթիվ սուտ մարգարեներ: Այսօր մեր իրականությունում էլ են շատացել բազմաթիվ քրիստոսանման փրկիչներ ու մարգարեներ, որոնց գաղափարները շատ վտանգավոր են շարժման համար: Հենց թեկուզ այնքանով ինչքանով որ ազգը արդեն զզված է օտարածին, օտարաարմատ սինթեզված եվ իբրեվ թե մեր իրականությանը ու ազգային ինքնությանը հարազատ, իրականում բավականին դիելետանտորեն հարմարեցված գաղափարներից(եթե իհարկե գեղեցիկ գաղափարների ծաղկաքաղային շարադրանքը կարելի է կոչել գաղափարախոսություն): Գրված է՝ "գառան մորթիով գայլեր":
ՇԱՐՈՒՆԱԿԵԼԻ
Էջանիշներ