Բացարձակ հավաստի աղբյուրներից գիտեմ, որ նույն Վանո Սիրադեղյանը Ազգային Ժողովի մոտ կանգնած, ոստիկաններին հրամայել էր. «Հանե՛լ փամփուշտները, որպեսզի նույնիսկ պատահական գնդակից մարդ չտուժի»: Եվ հենց այդ պատճառով էլ Վազգեն Մանուկյանի համախոհներ, նրա աջակիցներ, աջ ու ձախ ձեռքեր Սադոյան Արշակը, Քոչարյան Շավարշը, Կիմ Բալայանը և մյուսները անձամբ, ի դեպ դատարկ ձեռքերով կարողացան արյունլվիկ անելու չափ ծեծել ԱԺ նախագահ Բաբկեն Արարքցյանին, փոխնախագահ Արա Սահակյանին և մյուսներին:Սամվել-ի խոսքերից
Հարգելի Լևոն Տեր Պետրոսյանի համակիրներ, ես պահանջում եմ որ դուք մանրակրկիտ մեկնաբանեք այս կադրերը։ Անհամբեր սպասում եմ
Հակառակ դեպքում ես գտնում եմ որ դուք էլ խոսալու տեղ չունեք
Հետո շատ հաջող թողեցին ժողովրդին, որն արդեն գազազած էր, հունից դուրս եկած, իսկ իրենք փախան ու թաքնվեցին այս ու այն որջում՝ ի դեպ չհրաժարվելով ու հետագայում նաև ստանալով ԱԺ պատգամավորի իրենց աշխատավարձը:
Վանո Սիրադեղյանը սուրբ չէ, բայց դե հրեշ էլ չէ: Սովորական մարդ էր և Ձեր բերած տեսահոլովակից էլ երևում էր, որ ընդամենը ափեղ-ցեփեղ խոսող, ծիծաղող մարդ է, ով անշուշտ պիտի բացառեր պետական գործիչը իր գործելակերպից: Ուրիշ խնդիր, որ ամենայն հավանականությամբ այս խոսակցությունը մտերիմների շրջանակում է եղել, վկա հետևից լսվող մտերմիկ ծիծաղը, որը հաստատ որևէ նիստի արձանագրություն չէ: Հետևություն. արդեն այն ժամանակ ինչ-որ մարդիկ կամ կազմակերպություն փնտրում էր վարկաբեկիչ նյութեր, տարածում և անշուշտ հասնում իր նպատակին: Էդպիսի կազմակերպություն Հայաստանում մի հատ կա, այդ կազմակերպության այդ ժամանակվա ղեկավարն էլ այսօր փորձում է դառնալ նախագահ:
Վազգեն Մանուկյանը վերջին ընտրարշավում ցույց տվեց, որ շատ նուրբ խաղեր ինքը չի հասկանում և չի էլ հասկանում, թե ում խաղն էր խաղում այն ժամանակ ու ում խաղը հիմա, որովհետև մշտապես վստահ էր, որ այս անգամ հենց ինքն է հաղթելու: Մի բան կարող եմ հաստատ ասել. ես հավատում եմ, որ Լևոն Տեր-Պետրոսյանը, ինչպես և խոստացել էր, իր հետ չի բերի իր հին թիմից այն մարդկանց, ովքեր ինչ-որ ձևով վարկաբեկել են և՛ շարժումը, և՛ իր անունը: Հիմա ինձ կհակաճառեք, թե Վանոյի անունն այս օրերին է տվել: Դրա տակ պետք է հասկանալ միայն այն, ինչ ինքն ասել է, որ Վանո Սիրադեղյանը դատարանում պիտի ապացուցի իր անմեղությունը և որ ընդամենը անհրաժեշտ է, որ նա կարողանա վերադառնալ ու կանգնել դատարանի առաջ:
Իսկ այդ օրերին կատարվեց շատ ավելի սարսափելի մի բան, քան ցանկանում եք ներկայացնել այս տեսահոլովակով: Ինչպես երեկվա հանրահավաքում ճիշտ նկատեց Տեր-Պետրոսյանը, Մանուկյանն ու իր կողմնակիցները, ժողովրդի հետ միասին, ակամա, առանց իրենք էլ գիտակցելու, թուլացրին պետության հիմքերը, հիմք ստեղծելով պետական մարմինների նկատմամբ հետագա անհարգալից, արհամարհական վերաբերմունքին:
Շատերը նկատած կլինեն, որ ես հաճախ եմ գրառումներումս անդրադառնում Վազգեն Մանուկյանին: Շատերը կարծած կլինեն, որ դա «թշնամության» նշան է, որ Տեր-Պետրոսյանի կողմնակիցները պայքարում են նրա դեմ: Ո՛չ: Պարզապես առաջադրված թեկնածուներից միակն է, ում չափազանց հարգում եմ ու ամեն անգամ նրա գործելաոճը տեսնելով ափսոսում ու ցավ ապրում, որ նա հենց այդպես է գործում:
Հ.Գ. Ես գիտեմ, որ Սիրադեղյան Վանոյի նկատմամբ կա հարուցված քրեական գործ՝ սպանությունների մեղադրանքով: Սակայն այս մասին ես դիտավորյալ չեմ խոսում ու նույն կոչը անում եմ Ձեզնից յուրաքանչյուրին: Չմոռանանք, որ յուրաքանչյուր ոք, այդ թվում Վանո Սիրադեղյանը, ունի անմեղության կանխավարկած: Այդ մասին կխոսեմ միայն այն դեպքում, երբ իսկապես ազատ և արդար դատարանում կապացուցվի նրա մեղքը: Ի դեպ չմոռանանք Վանոյի բավական շատ դրական գործերը: Որպեսզի չխոսեմ դրանից, մեջբերեմ մի պատմություն, որն եղել է 3 օրա առաջ:
Հիմիկվա խոսք ու զրույցում գերիշխողը քաղաքական խոսակցություններ են: Եվ ահա խոսում է ծանոթներիցս մեկի հետ, ով, այսպես ասեմ, ընտրել է կյանքի որոշակի ուղի (հուսով եմ կհրաժարվի այդ ուղուց):
- Ու՞մ ես ընտրելու, - հարցրեց:
- Լևոնին, - պատասխանեցի:
- Արա՛, հո չես գժվել, - վրդովվեց ծանոթս: - Էդի չէր, որ նախագահ եկավ, ինչքան լավ տղա կար, ինչքան գող ու գողական կար սաղի օդերը փակեց: Կեսին բերդ նստցրեց, կեսին էլ չթողեց որ դվիժենի անեն: Դրան ընտրենք, որ էլ գա նույն բանը անի՞...
Ինձ տարբեր մարդիկ փորձում են ցույց տալ, որ Տեր-Պետրոսյանը սխալներ ունի: Բոլորին հակափաստարկներ կարողանում եմ բերել: Երևի միակ դեպքն էր, որ չկարոցա պատասխանել, որտև... դե հիմա իր ապրելակերպի տեսակետից ճիշտ է ասում:
Պարզապես այս պատմությունը ավելի շուտ պետք է վերագրել Վանոյին: Հա՛: Գիտեմ , թե ինչ եք ասելու: Ասելու եք, որ ինքը գողական դառավ, բեզպռեդել էր և այլն: Մի չարչարվեք, հիշողություններս տեղերում են: Հիշում ենք ու չենք մոռանում նաև արածները: Էլի եմ ասում, հեռու եմ մարդու այն տիպից, որ պիտի սրբացնի Վանոյին:
Մեջբերել
Էջանիշներ