COVID19 - 2020 թվականի կորոնավիրուսը

[Ուլուանա]

Կարող ա՝ տեղյա՞կ չի

Կարո՞ղ ա Ծլնգը չի։

Կարող ա։ Համ Ծլնգը չի, համ տեղյակ չի։

Կարող ա` լավ էլ տեղյակ ա ու խոհանոցային թերապիայի միջոցով փորձում ա դիմակայել սթրեսին :

Եվ, վերջապես, եթե շուտով պարզվի, որ իր մասին մեր էս ենթադրություններ անելը փի՜ս ծանր ա տարել, ուրեմն 1000% Ծլնգն ա (եթե հիշում եք, Ծլնգը տանել չի կարողանում, երբ իր մասին որևէ ենթադրություն են անում. եթե հարցեր ունես, պիտի իրան անձամբ հարցնես, ոչ թե ենթադրություններ անես):

[ivy]

Ես Լարս ֆոն Տրիերի «Մելանքոլիան» եմ հիշել՝ ինչպես արժանապատվորեն դիմավորել աշխարհի վերջը:

Շին ջան, դու հո չե՞ս հավատում, որ սա կարող ա աշխարհի վերջը լինել:

[Շինարար]

Շին ջան, դու հո չե՞ս հավատում, որ սա կարող ա աշխարհի վերջը լինել:

Չէ, չեմ կարծում: Կարծիք հայտնելը մեր օրերում շատ վտանգավոր ա դարձել, բայց կարծում եմ, որ էս իրավիճակը ավելի արժանապատիվ կարելի էր դիմավորել, քան էն, ինչ հիմա կատարվում ա աշխարհում: Ես ամեն օր դուրս եմ գալիս, գնում աշխատավայրի վայր, բայց չգիտես ինչի մոտս էնպիսի տպավորություն ա ստեղծվել, որ մեծ հանցանք եմ գործում, որ պիտի արդարանամ մարդկանց առաջ դրա համար:

[ivy]

Մեզ մոտ ոստիկանները սկսել են մեքենաներ կանգնեցնել ու հարցնել որտեղից ուր քշելու պատճառը: Իբր թե ինչ են իմանալու՝ ճիշտ ես ասում, թե չէ:

[One_Way_Ticket]

Ես լավատես եմ։ Վստահ եմ՝ ամենաուշը 2 շաբաթից ամբողջ աղմուկը կդադարի, մարդիկ կսկսեն առաջնորդվել իմաստությամբ ու տրամաբանությամբ՝ ոչ թե վախով։ Վախ ու անորոշություն նպատակայնորեն տարածողներն էլ կկանչվեն պատասխանատվության։

Եթե տենց շուտ ավարտվի ու տնտեսական կոլլապսի չբերի, լիքը պոզիտիվ հիշողություններ կթողնի զուգարանի թղթի հետ կապված Եվրոպայում էլ մարդիկ անզուգական հնարավորություն ստացան իրենց քաղաքները դատարկված տեսնել։

Էն, որ վարակվածների թիվն իրականում շատ ավելի մեծ է, բոլորս էլ հասկանում ենք, ու դրա մասին բազմիցս գրվել է էս թեմայում։ Պարզ է, որ օֆիցիալ թվելը սահմանափակվում են միայն հաստատված դեպքերով․ գիտենք, որ համ թեսթերն են սահմանափակ, համ էլ մարդիկ կան, ովքեր սիմպտոմներ չունեն։

Լավ է, որ ստեղ բոլորը հասկանում են։ Շինարարը ճիշտ էր գրել իր օրագրում, ակումբը միակ տեղն է, որտեղ թեման կարելի է հանգիստ ու կշռադատված քննարկել։ Ու ընդհանրապես, լավն է ակումբը Նորությունների մեկնաբանությունները որ բացում եմ, սիրտս խառնում է։ Ֆեյսբուքն էլ է սկսել նյարդերիս վրա ազդել։

երկինքն էլ մռայլ ու մոխրագույն (ի տարբերություն Վիշապի տեղանքի հովվերգական պատկերներին)

Վիշապի ասածի մեջ անշուշտ ինչ-որ բան կա։ Մեքենաների ու մնացած աղմուկը որ դադարել է, ծիտիկների ծվծվոցը ավելի արտահայտիչ է հնչում։ Բայց ես բոմժությանս տարիներին նենց խուլ տեղեր եմ ապրել, որ կորոնան ինձ սենց բաներով չի զարմացնի։ Ու էդ թեմայով որ մտածում եմ, ինչ ճիշտ պահի տնավորվեցի։ Մեկ կամ երկու տարի առաջ սենց անորոշ ժամանակով կյանքը կանգ առներ, ծանր որոշումների առաջ էի կանգնելու ու խորապես դեպրեսվելու։

[Վիշապ]

60 միլիոնանոց Իտալիայի 23%-ը 65+ են, այսինքն համարյա 14 միլիոն մարդ։ Համեմատության համար՝ Հայաստանի բնակչության ընդամենը 12%-ն ա 65+:
Հիմա շուխուր է՝ արդյո՞ք Իտալիան թողնելու է, որ 80-ն անց մարդիկ մեռնեն կորոնավիրուսից։ Մտածում եմ, որ տեսնես կորոնավիրուս չլիներ, գրիպից զառամյալները կմեռնեին, թե՞ սաղ կմնային։ Որ մեռնեին, շուխուր կլինե՞ր, թե՞ չէր լինի։ Ինձ թվում է՝ մարդիկս էս վերջերս ահագին հաբռգել ենք, մեռնել չենք ուզում ։Ճ

[Վիշապ]

․․․ծիտիկների ծվծվոցը ավելի արտահայտիչ է հնչում։․․․

Ուրեմն դավադրությունների տեսությունից մի հատ էլ կար, անտեսեցինք՝ կորոնավիրուսը տիեզերքից է եկել ասուպների միջոցով։ Դե գիտնականները ժխտում են՝ դե ռադիացիա, մթնոլորտով շիկացում, բան, վիրուսը չէր ձգի։ Էրեկվա Տրիբունի նշած կինոն էլ նայեցինք։ Ուրեմն մարդկության մեծ մասը մահացու վիրուսների սկզբնաղբյուրի մեջ միշտ արտաքին պատճառ է ուզում տեսնել՝ սինթեզված ա լաբերում, ասուպից ա, չղջիկն ու խոզը իրար հետ սեքս են արել, օձը նայել, զզվել ա․․․ Բայց ոչ մի ձևի չենք ուզում ընդունել, որ կարող ա մարդկության սխալ զործունեության ու զարգացման արդյունք ա, ախտոտվածություն, էկոլոգիա բան․․․ Մենք փորձում ենք վիրուսից փրկվել, բայց կարող ա մոլորակն էլ փորձում ա մեզնից փրկվել ։Ճ
Ասածս էն ա, որ մարդկությունը էս պահին տատի-պապիների կյանքն ա վիզ դրած ուզում փրկել, բայց կարող է վաղվա ջահելների կյանքն ա լուրջ հարցականի տակ, եթե սենց շարունակվի։

[Գաղթական]

Վենետիկում՝ տուրիստների ու գոնդոլաների լոքդաունից հետո, մանր ձուկ ու նույնիսկ դելֆին է հայտնվել ))

[Arpine]

30 օր = երկու անգամ 14 օրվա կառանտին՝ սկսած առաջին սահմանափակող միջոցառումների օրվանից։

Լիարժեք անցում չի լինի, ստեղ ընդեղ դեռ մի երկու տարի ջեմություն են չափելու, մեծ կուտակումների սահմանփակումներ են լինելու, ալկոգելով շուտ-շուտ լվացվելու ու իրար ձեռով չբարևելու ու չհամբուրվելու խասյաթն էլ հուսով ենք ընդմիշտ դուրս ա գալու։ Էս ասում եմ Էբոլայի համաճարակի երկրներում ունեցածս առաջին ձեռք փորձից։ Չնայած իրարից խիստ տարբերվող վարակներ են, բայց ասում են սաղ համաճարակներն էլ քչից շատից նույն տրամաբանությունն ունեն։

Էտ ընթացքում, արդեն մի քանի անգամ ասել եմ, աֆտարիտետների կողմից հայտարարություններ կլինեն, որ բուժող դեղեր կան (էս արդեն մանրից սկսել են) ու վակցինայի ուղղությամբ լուրջ միջոցառումներ են անում։ Ընդհանուր պանիկան մանրից կգնա սպադի։ Մանրից ԵՄ ներքին ռեյսերը կբացվեն։ Կառավարություններն էլ ձև են տվել արդեն, որ իրանք ամեն ինչ անում են։ Դե էտքանից հետո, եթե էլի մահեր են լինում ․․․․ դե ․․․․ ոչինչ ․․․․ նու, մոտավորապես սենց տրամաբանությամբ։

Ի լրումն, արդեն ինձ թվում ա շատերն են գիտակցում, որ վարակվածների թիվը շատ ավելի մեծ ա, հետևապես mortality rate-ը ցածր ա, ու շատ մարդ ա արդեն իմունիտետ ձեռքբերում։

Ամեն դեպքում, ես ոչ մի ձև չեմ հավատում որ համաշխարհային lockdown-ը կարա 30 օրից ավել տևի։ Դրա հետևանքները կարան ավելի անկառավարելի լինեն, քան սաղ կոռոնաների միասին։

Լաաավ։
Էնպես չի որ էս ամենը սխալ ա ուղղակի նենց հիմնավոր չի

[Sambitbaba]

[Գաղթական]

Իսկ հայկական ռաբիզը ինչպես միշտ ժողովրդի դարդն ա երգում․

Միայն ռաբիզը չի ))

https://www.facebook.com/10000206321...5041274574618/

[Վիշապ]

Լրիվ սրտիցս ա խոսում ։Ճ

[Գաղթական]

Հոլանդիան հավաքույթների արգելքը երկարաձգեց մինչև հունիսի 1:

[Վիշապ]

Չեմ հավատում, որ կորոնավիրուսը մարդկանց արժեհամակարգի վրա կազդի, կամ արժեքների հեղափոխություն կլինի, դրա համար վիրուսի մահացությունը պիտի որ առնվազն Տրիբունի տված կինոյի նման լիներ, բայց թարսի պես էդ կինոյի մեջ էլ արժեքների հեղափոխություն չի լինում, ահագին մակերեսային ա ներկայացված հետևանքները։

[Բարեկամ]

Բայց ես բոմժությանս տարիներին նենց խուլ տեղեր եմ ապրել, որ կորոնան ինձ սենց բաներով չի զարմացնի։ Ու էդ թեմայով որ մտածում եմ, ինչ ճիշտ պահի տնավորվեցի։ Մեկ կամ երկու տարի առաջ սենց անորոշ ժամանակով կյանքը կանգ առներ, ծանր որոշումների առաջ էի կանգնելու ու խորապես դեպրեսվելու։

Հա, լսի, ինչ անհարմար բան կարող ա ստացվեր. Ստիպված լինեիր անորոշ ժամանակով մնալ էն երկրում, ուր էդ պահին պատահական գտնվում էիր։
Ի դեպ էն օրը մեր նորություններով մի տղայի հետ էր հեռակա հարցազրույց, որը մի տարվա ճամփորդական ծրագրով աշխարհի մի երկրից մյուսն էր ճամփորդում, ու էս պահի դրությամբ լռված էր Պերուում, ինչն էնքան էլ սրտով չէր։