Սեքսիզմն ու սեքսիզմի դրսևորումները Հայաստանում

[Ծլնգ]

Եթե սեքսիզմն էս ա, էս խնդալույա .... կամ ավելի շուտ լացելույա:

Զուտ կենցաղային օրինակներ մի հասարակության համար, որը ուղիղ 1400 տարի ապրում ա իսլամական շրջապատում, մի հազար տարի էլ իսլամի լծի տակ ու ամեն ձև կրում ա իսլամի պատկերացումները կնոջ դերի մասին կենցաղում։ Բա ի՞նչ էիր ուզում, որ միջին արևելքում ապրող ժողովուրդը հանկարծ իրա կենցաղում շվեդի պես իրան պահե՞ր։ Դու ու Հայկօն հենց նոր սեքսիզմի պես լուրջ պրոբլեմը իջեցրիք ու հասցրիք սեղան դնելուն ու քեֆին առանձին նստելու մակարդակին։

Իսկ ես միամիտս, մտածում էի, որ զրույցը վերաբերելու ա հավասար իրավուքներին, հնարավորություններին, կրթությանը, երկրի կառավարմանը մասնակցելուն, աշխատանքին, վաստակելուն, սեփական ապագան ինքնուրույն կերտելուն, սենց վեհ բաներին, էլի ․․․․ Բայց չէ, կարևորն էն ա, որ տատին կոֆե չդնի թուլի համար։

անիմաստ ա հետդ այս քննարկումը շարունակելը, բայց որ ուրիշները այս լուրջ ձևացող խնդանքը որպես սրբազանություն չընդունեն, մի երկու բան ասեմ սրա մասին.

Ամեն մարդ իր անձնական կենցաղային դրվագների հավաքական փորձի արտացոլումն ա։ Ու օրեցօր սենց կենցաղային դրվագներով ապրող մարդը (թե՛ կին, թե՛ տղամարդ, թե՛ այլ գենդերային փոքրամասնություն՝ սեքսիզմը սեռ ու գենդեր չի տարբերակում) չի կարա հավասար իրավունքների ու հնարավորությունների տեր դառնալ կամ իր ակտիվ ներդրմամբ ուրիշներին դրանցով օժտել։ Ու թեկուզ ասենք հավասար իրավունքները ու հնարավորությունները ապահովեցինք օրենսդրական փոփոխություններով, ախր դրանց ո՞վ ա բանի տեղ դնելու երբ սեքսիզմը ներկայիս հասարակության գործվածքի անբաժան մաս է․ օրենքով կարթ ունենալ թույլատրելը դեռ բոլորին չի սնում, քանի դեռ լճում ձուկը գրեթե ի սպառ բացակայում է։ Հա, մի քանիսը կարողանում էն այդ մի երկու հատիկ ձուկը որսալ և նույնիսկ առանց կարթ էլ, մենք էլ ասում ենք՝ տես, Տիգրանդուխտը ձուկ ա ուտում, ուրեմն Հայաստանում անձկություն չկա, կամ՝ ես իմ կնոջը կերակրում եմ՝ ինքը իր ձեռքերով ձուկ բռնելու կարիք չունի, էլ անձկությունը ինչի՞ս ա։

Դրա համար էլ նույնիսկ ամենա-ամենաարևմտյան երկրներում էլ լիքը համակարգային սեքսիզմի խնդիրներ կան, թեկուզ և օրենսդրական մակարդակով ամեն ինչ վաղուց լուծված է։