Կնոջ մարմինը

[Հայկօ]

Կարա՞ք մի վարկյան ձեր տուֆտա կոռեկտությունը մի կողմ դնեք ու պարզապես ընդունեք - Քույր Քերուն դրել էլ կանանց նկարներ գեղեցիկ մարմիններով, իսկ Անվերնագիրը՝ անճոռնի մարմիններով։ Ու հա, կնոջ մարմինտ կարա նաև տգեղ ու անճոռնի լինի։ Տղամարդունը նույնպես։ Ու եթե դա իրանց չի խանգարում, իրանց գործն ա։ Բայց անճոռնիին ասում ենք անճոռնի, գեղեցիկին՝ գեղեցիկ, առանց իրար խանգարելու։

Սիրուն ու գեշ համարելը մի հարց ա (ու շատ սուբյեկտիվ հարց, մեր մեջ ասած), դրա համար ձեռ առնելը՝ լրիվ ուրիշ: Ոնց որ թե ոչ մեկ չէր ասում՝ բոլոր կանայք չքնաղ են, անկրկնելի յուրահատուկ ձյան փաթիլներ են, բլա-բլա-բլա: Ամեն մեկը սիրունության իր պատկերացումը ունի, Անվերնագրի ցուցադրած կանանց էլ լիքը սիրողներ կան: Բայց ստեղ կոնկրետ ձեռ առնելու դեպքն ա: Հիմա որ սկսենք սենց խորանալ, բոլորիս վրա էլ՝ Անվերնագրից սկսած, ինձնով վերջացրած, էնքան ձեռ առնելու բան կգտնենք, որ թող ու փախի: Հեչ պարտադիր չի քեզ դուր չեկած ամեն բան աջուձախ բարձր գոռաս, չէ՞: Ինձ էլ դուր չեն գալիս տենց կանայք. գնամ, մատս տնկեմ վրաներն ու սկսեմ ղժժա՞լ:

[CactuSoul]

Ոնց որ թե ոչ մեկ չէր ասում՝ բոլոր կանայք չքնաղ են, անկրկնելի յուրահատուկ ձյան փաթիլներ են, բլա-բլա-բլա:

Quyr Qery-ն ասում էր։

Ինձ էլ դուր չեն գալիս տենց կանայք. գնամ, մատս տնկեմ վրաներն ու սկսեմ ղժժա՞լ:

Անվերնագիրն էլ չէր ղժժում։

[Հայկօ]

Quyr Qery-ն ասում էր։

Օկ, մեկ ա: Հարցը դա չի:

Անվերնագիրն էլ չէր ղժժում։

Ակնհայտ ծաղր էր:

[Հայկօ]

Աշխարհը շատ ավելի լավ տեղ կդառնա, եթե հլը մանկապարտեզից սկսած մարդիկ իրար վրա մատ չտնկեն ու գոռան «կով», «ակնոցավոր», «հաստաքամակ», «չոփ», «կոլոտ», «ուռոդ», «փրչոտ», «տախտակ» և այլն: Ու ոնց որ թե հիմա էդ մերժելու լավ տենդենցը լրիվ թափի մեջ ա: Նենց որ ձեր մեջ ում ուզում եք՝ սիրեք ու ում ինչ ուզում եք՝ համարեք, բայց էդ մասին բարձր հայտարարելուց շատ կներեք, բայց, մմմ, շատ վատ բան եք անում, ուրիշ բան չասեմ: Ես որ ավելի լավ ա՝ տուֆտա կոռեկտ լինեմ, քան տենց: Կամ էլ, եթե դեմ եք, գնացեք, դպրոցում չաղ երեխու կյանքը դժոխք սարքող լակոտ-լուկուտների ճակատները պաչեք ու մի հատ էլ դուք քացով տվեք էդ խեղճ երեխու քամակին. մեկ ա՝ նույն բանով եք զբաղված:

[Վիշապ]

Հայաստանում մարդկանց արտաքինի նկատմամբ հասարակական պահանջ-վերաբերմունքն ու այլոց արտաքինի նկատմամբ վերաբերմունքի անթաքույց ցուցադրանքը որոշ մի քիչ
ավելի քաղաքակիրթ երկրներում կհամարվի առնվազն անդաստիարակություն, եթե ոչ՝ բացահայտ թշնամանքի արտահայտում:
Մի հատ շատ պարզ տրամաբանություն է պետք մտցնել ոմանց գլուխը. Շրջապատի մարդկանց գոյության նպատակը ձեզ էսթետիկ հաճույք պատճառելը չի, և այն մարդիկ որոնց արտաքինը ձեզ դուրը չի գալիս,
նրանք դրա համար ձեզ պատասխան կամ հաշվետվություն տալու պարտականություն չունեն, եթե նույնիսկ դուք ձեր արտաքինով գերազանցում եք Աֆորդիտեյին կամ Ապոլոնին:
Եվ մեկ այլ տրամաբանություն՝ կարող է բոլոր մարդիկ իրենց հոգու խորքում կուզենան արտաքինով շշմեցնել մնացյալին, նրանք պարզապես դրա հնարավորությունը չունեն
(ֆիզիոլոգիական, հոգեվիճակային, ֆինանսական, ժամանակային, մոտիվացիոն և բազմաթիվ այլ հանգամանքներից ելնելով) և դա հարգելի պատճառ է:

Ու մի քիչ տխուր է, որ մարդիկ ավելի հաճախ ու շատ ուշադրություն են դարձնում մակերեսային արտաքինին (մազեր, կոսմետիկա, ֆիքստուլ շորեր, կոշիկներ, մատանի, վզնոց և այլն), հետին պլան մղելով մարզավիճակը:
Զուտ նկատելիության ու սեքսուալության առումով ինձ թվում է վերջինս անհամեմատ ավելի գերադասելի է, ու լավ կլիներ, որ հասարակության պահանջը գոնե դա լիներ
(եթե հասարակության պահանջը համարենք ֆակտոր, օրինակ հասարակության պահանջ չկա՞, որ ասենք դեբիլներին չի կարելի իշխանություն տալ, հողերս մեր գլխին :Ճ):

Հ.Գ.

(1) Առակագիր Եզոպոսը, մարդկության մեծագույն բարերարը, ճակատագրի բերումով, ստրուկ էր, իսկ ծագումով՝ փռյուգիացի ― բուն Փռյուգիայից։ Տեսքով մի հրեշավոր ցուցանք էր, աշխատանքի համար՝ ոչ պիտանի, փորը՝ ուռած, գլուխը՝ ինչպես մի պուտուկ, ծուռքիթ, կեղտոտ, մաշկը՝ սև, խեղանդամ, թլվատ, ձեռքերը կարճ, մեջքին՝ սապատ, շրթունքները՝ հաստ, կարճ ասած, մի իսկական հրեշ, որին տեսնելն անգամ սարսափելի էր։ Իսկ ամենից վատն այն էր, որ թլվատ էր և խոսել չէր կարողանում։

[Անվերնագիր]

Առակագիր Եզոպոսն ըլնի Հրանուշ Հակոբյանը. ես ո՞նց կարող եմ ծաղրել այդպիսի փարթամ մարմին ունեցող կանանց, եթե մոտիկից նրանց չեմ ճանաչում : Ու երբ Quyr Qery-ին գրեց թե՝ սիրում է, որ մարմինը ոսկրոտ է լինում , ես էլ ուղղակի փորձեցի իմ գրառմամբ հակազդել նրան, ցույց տալով, որ ես էլ սիրում եմ, երբ մարմինը փափուկ միս ա լինում, առանց ոսկորների:

Հ.Գ Աշխարհն ավելի լավ տեղ կդառնա էն ժամանակ, երբ գարին լինի պոպոկի չափ, ու Բանանցն էլ Բավարիային կկրի 4-0

[Աթեիստ]

Հայկ, ինչ որ բանը տգեղ անվանելը ձեռ առնել չի։
Ասենք չաղին չաղ անվանելն էլ ա չէ՞ տգեղ։
Գեղեցիկի ու տգեղի ընկալումն էլ լրիվ սուբյեկտիվ ա։
Հիմա ես էդ մարմինն եմ համարում տգեղ, դու՝ իմ կարծիքը։
Ու ինչքանով որ դու իրավունք ունես, ասել, որ իմ արածը տգեղ ա, էնքան էլ ես։
Ինչքան որ ես չեմ կարա/չեմ ուզում ինչ որ մեկին արգելեմ տգեղ հագնված/հանված իրա տգեղ մարմինն ի ցույց դնել, նույն կերպ դու չես կարա ինձ արգելես դա տգեղ անվանել։

[Շինարար]

Հայկ, ինչ որ բանը տգեղ անվանելը ձեռ առնել չի։
Ասենք չաղին չաղ անվանելն էլ ա չէ՞ տգեղ։
Գեղեցիկի ու տգեղի ընկալումն էլ լրիվ սուբյեկտիվ ա։
Հիմա ես էդ մարմինն եմ համարում տգեղ, դու՝ իմ կարծիքը։
Ու ինչքանով որ դու իրավունք ունես, ասել, որ իմ արածը տգեղ ա, էնքան էլ ես։
Ինչքան որ ես չեմ կարա/չեմ ուզում ինչ որ մեկին արգելեմ տգեղ հագնված/հանված իրա տգեղ մարմինն ի ցույց դնել, նույն կերպ դու չես կարա ինձ արգելես դա տգեղ անվանել։

եթե էն քո sիրած Եվրոպաներում հրապարակային տենց բան ասես, կարան հասցնեն նրան, որ դու տուգանք վճարես բարոյական վնաս օրինակ հասցնելու համար քո որակմամբ էդ տգեղ մարդկանց, եթե իրանց հասնի ասածդ, ու բնականաբար ներողություն խնդրես, էլ չեմ ասում հասարակական ամոթանքը, որ ամեն տեղ կստանաս: Իսկ դու չես կարող արգելել իրան «տգեղ» մարմինը ցույց դնելուն էնտեղ որտեղ կարելի ա որևէ մaրմին ի ցույց դնել, կամ տգեղ հագնվելուն


Նույնիսկ եթե բողոքողները չկարողանան ապացուցեն, որ դու իրանց տգեղ ես անվանել, ասենք՝ մենակ են եղել իրանք, վկաներ չունեն, ու դու դա բանավոր ես ասել, եթե մի միջավայրից եք, իրանք կպատմեմ շրջապատին ու շատ հավանական ա, որ լիքը մարդ ուղղակի դադարի քեզ հետ շփվելուց:

Մի օր մեկը սենց դեպք պատմեց, թե իր հին տանից sտիպված տեղափոխվել ա, որովհետև հարևանի աղջկները՝ տասնվեց-տասնյոթ տարեկան, ինքը՝ բավականին մեծ, իրան հա անվանարկել են, ընդ որում ճշմարտությունը երեսին ասելով, առանց որևէ այլ վիրավորական բառի, բացի էն բառից որը իրեն բնորոշում ա՝ ֆեթ բոյ, վերջը դիմել ա ոստիկանություն, բայց աղջիկները երկուսն են, ինքը մենակ, վկա չունի, ստիպված տեղափոխվել ա, բայց հարևանները հավատացել են իրան, ու ոչ միայն դադարել են էդ ընտանիքի հետ շփվել, այլ ընդհանրապես ոչ սիրալիր հայացքներով են ուղեկցել մշտապես, մեկ-երկուսը նաև պախարակել են և այլն, վերջը էդ թաղում կյանքները դառել ա անելանելի ու թողել հեռացել են: Էս օրինակով ես էլ Եվրոպան ավելի շատ սիրեցի, որտեղ չի կարելի գերին տգեղ անվանել, բայց գերին տգեղ անվանելը պախարակվում ա


Էստեղ որ Հայաստանում հանդուրժողականության մասին հարցնում են, մեր ակուբցիներից շատերին հիշելով՝ ասում եմ՝ Հայաստանում եթե դու գեյերին հանդուրժում ես, արդեն դու հանդուրժող ես, դրանից հետո կարաս արխային ատահայտվես սևերի, հավատացյալների, քո ճաշակից տարբեր ճաշակ ունեցողների, քո ստանդարտից տարբեր արտաքին ունեցողների կամ այլ կերպ հագնվելու մասին:

[Հայկօ]

Հայկ, ինչ որ բանը տգեղ անվանելը ձեռ առնել չի։
Ասենք չաղին չաղ անվանելն էլ ա չէ՞ տգեղ։
Գեղեցիկի ու տգեղի ընկալումն էլ լրիվ սուբյեկտիվ ա։
Հիմա ես էդ մարմինն եմ համարում տգեղ, դու՝ իմ կարծիքը։
Ու ինչքանով որ դու իրավունք ունես, ասել, որ իմ արածը տգեղ ա, էնքան էլ ես։
Ինչքան որ ես չեմ կարա/չեմ ուզում ինչ որ մեկին արգելեմ տգեղ հագնված/հանված իրա տգեղ մարմինն ի ցույց դնել, նույն կերպ դու չես կարա ինձ արգելես դա տգեղ անվանել։

Արտ, էս արդեն դեմագոգիա ա: Կարճ՝ դու ասում ես էս. «մի ոտնահարեք մարդկանց նվաստացնելու ու ծաղրելու իմ իրավունքը»:

Ու պետք չի իրար հետ համեմատել տգեղության արգելքն ու մարդկանց չծաղրելու արգելքը: Առաջինը խիստ սուբյեկտիվ չափանիշերի վրա հիմնված խտրական կամայականություն ա, որ սահմանակցում ա, ասենք, ֆաշիզմի հետ. երկրորդը՝ չէ: Եթե դու ինձ համոզես, որ դու իմ՝ «մարմնի համար մի ծաղրեք» կարծիքից էնքան ես նեղվում, ինչքան գեր լինելու համար անընդհատ ծաղրուծանակի ենթարկվող մարդը, գուցե իմաստ կունենա էս խոսակցությունը շարունակել:

Հա, ու էս ամեն ինչը՝ նենց սուբյեկտիվ, արհեստական սարքվող ու ամեն վայրկյան փոխվող հասկացության շուրջ, ինչպիսին կանացի գեղեցկությունն ա, էլի: Բայց պետք չի, լուրջ:

[Աթեիստ]

Ժող, ծաղրելն ու ասելը, որ տգեղ եմ համարում նույնը չի։

Sent from my P8000 using Tapatalk

[Աթեիստ]

Ես ասենք մալեվիչի քառակուսին համարում գերագնահատված կեղծ արվեստ։ Սա ծաղր կամ վիրավորանք ա՞ հեղինակի նկատմամբ։
Հա, Սարիկը կարա սրա համար ինձ քրֆի, բայց ոչ նորմալ մարդը։

Sent from my P8000 using Tapatalk

[Chuk]

Մալեվիչի սև քառակուսուն բան չասեք, վիրավորում եք իմ զգացմունքները:

[StrangeLittleGirl]

Ես ասենք մալեվիչի քառակուսին համարում գերագնահատված կեղծ արվեստ։ Սա ծաղր կամ վիրավորանք ա՞ հեղինակի նկատմամբ։
Հա, Սարիկը կարա սրա համար ինձ քրֆի, բայց ոչ նորմալ մարդը։

Sent from my P8000 using Tapatalk

Արտ, Մալեվիչի սև քառակուսին գերագնահատված կեղծ արվեստ ասելով դու կարծիքդ ես արտահայտում գործի, ոչ թե հեղինակի մասին: Այ, եթե ասես՝ Մալեվիչն ինքն իր նման գեշ նկարներ ա նկարում, եթե սաղ լիներ, լրիվ իրավունք կունենար քեզ դատի տալու:

Ընդհանրապես մարդու մարմնի նկատմամբ բացասական սուբյեկտիվ զգացողությունները լավ ա ներսում պահել՝ լինի դա կին, թե տղամարդ, որովհետև դրանք ուղղակի վիրավորական են, հատկապես կանանց համար, որովհետև էսօրվա աշխարհում կանայք գնահատվում են ըստ իրենց արտաքինի, ու կարծես եթե կնոջն անվանում են գեշ, ուրեմն ինքն ուրիշ արժանիք չունի: Ինձ թվում ա՝ դու չես մեռնի, եթե չանվանես որևէ կնոջ գեշ կամ չաղ: Բայց էդ կինն ահագին կշահի, որովհետև գոնե չի վիրավորվի:

[anslov]

Հայկ, ինչ որ բանը տգեղ անվանելը ձեռ առնել չի։
Ասենք չաղին չաղ անվանելն էլ ա չէ՞ տգեղ։
Գեղեցիկի ու տգեղի ընկալումն էլ լրիվ սուբյեկտիվ ա։
Հիմա ես էդ մարմինն եմ համարում տգեղ, դու՝ իմ կարծիքը։
Ու ինչքանով որ դու իրավունք ունես, ասել, որ իմ արածը տգեղ ա, էնքան էլ ես։
Ինչքան որ ես չեմ կարա/չեմ ուզում ինչ որ մեկին արգելեմ տգեղ հագնված/հանված իրա տգեղ մարմինն ի ցույց դնել, նույն կերպ դու չես կարա ինձ արգելես դա տգեղ անվանել։

Համաձայն եմ:
Քանի դեռ ինչ որ մեկը ցուցադրում ա /մարմինը, նկարը... կամ էլ հրապարակայնի արտահայտում է իր կարծիքը, որը նույնն է ինչ որ ցուցադրելը / դրանով իսկ նա ցուցադրմանը մասնակիցներին իրավունք է վերապահում գնահատելու: Իսկ գնահատականը մարդիկ կամ արտահայտում են հրապարակայնորեն, կամ էլ պահում են իրենց մեջ:
Ճիշտն ասած ես կանանց գեղեցկությունը հրապարակայնորեն բացասական, կամ անգամ չեզոք գնահատելուց կխուսափեմ:

Սակայն վերևի այն նկարի դեպքում կարծում եմ էտ կանայք նկարված են ու իրենց նկարները տարածել են հենց բացասական գնահատականի սպասելիքով:

[Chuk]

Ժող, շատ եք ծանրացնում:

Մարդու դիմացը կանգնելն ու ասել «էս ինչ տհաճ չաղ ես»-ը ուրիշ ա, ֆորումում վերացական կերպարների օրինակ բերելով պնդելը, թեկուզ սարկազմով, որ բոլոր աղջիկները չեն, որ գեղեցիկ մարմին ունեն, ուրիշ ա: