Թեմայից դուրս, բայց հետաքրքիր կամ կարևոր գրառումներ

[StrangeLittleGirl]

Բյուր, մարդ որ հանկարծ իմանում ա, որ ամուսնուց, կամ կնոջից խաբված ու դավաճանված ա, դրանից հետո իր սերը մարում ա չէ՞՝ համենայն դեպս արդեն բացառվում ա նրա հետ կենակցելը: Նույն կերպ ինքը չի ճնշու՞մ ու խեղդում իր միջի սերը, ինչպես կարող ա ճնշել հոմոսեքսուալիզմը: Ինչու՞ ա դա ավելի հեշտ, քան էդ զգացմունքի վերացումը:

Իրենք վտանգավոր են, որովհետև սեր քարոզելով՝ պատերազմ են հրահրում:

Բացառվում ա՞, որ ես կլինեմ առաջինը: Գուցեև ոչ վերջինը:

Սմոք, բայց դու ինչ միամիտ ես Երբ կինը կամ ամուսինը դավաճանում ա, ու էդ մասին դավաճանվածն իմանում ա, շատ ավելի բարդ բաներ են լինում, քան ուղղակի սիրո մարումը:

Երբ ճնշում ա հոմոսեքսուալիզմն ու ամուսնանում ա կնոջ հետ, սեքս անում առանց հաճույքի, ամուսնության ներսում սեր չկա: Ու հավատա, որ հայ ավանդական ընտանիքի ամրության մասին ամեն ինչ լոլո ա, որովհետև չկա ամուր ընտանիք, որտեղ չկա սեր: Դու պատկերացնու՞մ ես էդ մարդն ամբողջ կյանքում էդպես ճնշված ապրի, գուցե կնոջից էլ թաքուն տղամարդկանց հետ սեքս անի:

Իսկ արդյո՞ք դուք ինձ էս ամենը բացատրելով չեք զրկում սեփական կարծիքից: Կամ, բոլոր նրանց կարծիքները, ավքեր էս թեմայի շուրջ հիմա չեն մտածում էնպես, ոնց որ առաջ, արդյո՞ք սեփական կարծիք չունեն: Ես վստահում եմ էն մարդուն, ով որ դա ասել ա ինձ՝ ինքը միանշանակ հեղինակություն ա իմ համար:

Քո գործն ա էդ մարդուն վստահելը, ինձ չէ: Ես քեզ փորձում եմ բացատրել պարզ ու հասարակ բաներ նույնասեռականների մասին, որոնցից դու տեղյակ չես: Բայց ասում եմ՝ կնախընտրեի, եթե կարծիքդ ձևավորեիր ոչ թե իմ ասածները կամ հեղինակության կարծիքը լսելով, այլ փորձելով մի քիչ ուսումնասիրել՝ էդ ինչ ա, ինչ ա ասում դրա մասին գիտությունը և այլն: Դա առողջ դատողությամբ, խելացի մարդու գործելակերպ ա: Իսկ ես գիտեմ, որ դու խելացի ես: Ուղղակի ալարում ես գիտելիքներիդ բացակությունը/պակասը լրացնել:

Անկեղծ եմ ասում, ես էլ չեմ հասկանում, թե ինչի՞ եմ էս թեմայից էդպես կպած: Պատկերացնում եմ հիմա ո՜նց եք ղժժալու, բայց պիտի ասեմ եթե ինձ էդ ինֆորմացիաները հետաքրքրեին, եթե գոնե ինչ որ չափով ցանկություն ունենայի քիթս խոթել դրա մեջ՝ կանեի: Ուղղակի ոնց որ գնամ ու մտնեմ ուրիշի անկողինը, ասա քե՞զ ինչ տղա ջան: Ուղղակի ես էլ ունեմ իմ պատկերացումները իրենց մասին՝ դրանով հանդերձ ինձ չի հետաքրքրում իրենց անձնական կյանքը: Ախր չեմ էլ հասկանում եմ թե ինչի՞ց եք բողոքում, վիքիում էլ որ նայեցի (մինչև վերջ չձգեցի ու չհասկացա), տեսնում եմ հեչ էլ էդքան վատ չի իրենց վիճակը, ոնց նկարագրում եք/են:

Հա էլի, ինչու՞ ես էս թեմայից էսքան կպած
Իսկ նույնասեռականների իրավունքներով հետաքրքրվելը չի նշանակում ուրիշի անկողին մտնել: Քո ու շատ ոչ ագրեսիվ հոմոֆոբների ամենամեծ խնդիրն էդ ա, որ նույնասեռականությունը նույնացնում եք անկողնու հետ, բայց դա սոցիալ-հասարակական հարց ա, որովհետև իրանց իրավունքները չպաշտպանելու արդյունքում լիքը հասարակական խնդիրներ են առաջանում: Ասենք, երբ մի տղամարդ ասում ա՝ ծանոթացի, Մարուսն ա, կինս ա, չենք ասում, չէ՞, թե քիթներս մտցնում ենք ուրիշի անկողին: Իհարկե գիտենք, որ եթե կինն ա, ուրեմն հետը սեքս ա անում, բայց չենք խորանում: Բայց եթե տղամարդն ասի՝ ծանոթացի, Պողոսն ա, ամուսինս, միանգամից կսկսվեն ուրիշի անկողին քիթ խոթելու մասին խոսակցությունները, թե դուք ձեզ համար ինչ անում եք, արեք, ինչ պարտադիր ա, որ ինձ ասեք և այլն:

Ինչ վերաբերում ա վիքիի քարտեզին, ապա հա, ասենք Դանիայում հեչ վատ չի նույնասեռականների վիճակը: Բայց մենք Հայաստանից ենք խոսում, մենք չենք խոսում ինչ-որ մի խումբ մարդկանց մասին, այլ խոսում ենք առանձին անհատների, մեր ընկերների, մարդկանց մասին, որոնց սիրում ենք ու ուզում ենք, որ իրանց համար էլ Հայաստանում լավ լինի:

Ես սկի չեմ էլ հիշում, որ դու երկրորդ համաշխարհայինի օրինակն ես բերել: Ինչքան գիտեմ Հիտլերն էլ էր հոմոսեքսուալ: Իսկ ինչի՞ կհասնի, եթե դրա դեմ պայքար տարվի: Մինչև ե՞րբ պիտի բոլորը իրար կոկորդ կրծեն: Մեկը կատաղում ա, մյուսն ավելի ա կատաղում, առաջինին է՛լ ավելի կատաղացնում...... չես զգու՞մ, որ երկու դեպքում էլ քո նշած վտանգը հնարավոր ա: Թե՞ նույնասեռականները գալու ու ամբողջ աշխարհին բարիացնելու ա:

Հա, երևի հղումս Երկրորդ համաշխարհայինին չհասկացար Էստեղ եմ դա շոշափել.

[QUOTE] Բայց Եվրոպան էդ բոլորը դժվար ճամփով ա սովորել: Ուզում ես՝ Հայաստա՞նն էլ անցնի դրա միջով, նոր սովորի: Տո ինչ եմ ասում, Հայաստանն արդեն անցել ա դրա միջով: Հայերն արդեն եղել են անհանդուրժողականության զոհ, ուրեմն բոլորից հանդուրժող պիտի լինեն:[/QUOTE]
Դժվար ճամփան Հոլոքոսթն ա, Երկրորդ համաշխարհայինն ու դրա հետևանքները: Որտեղի՞ց գիտես, որ Հիտլերը հոմոսեքսուալ էր: Դա, ինչպես և իրա՝ հրեա լինելը, բամբասանքների շարքից են: Ու մեկ էլ՝ նույնասեռականներն ագրեսիա չեն քարոզում: Ագրեսիան հոմոֆոբներն են քարոզում: Ու դա ավելի շատ ա լինելու, եթե նույնասեռականների իրավունքների համար պայքարողներ չլինեն: Քեզ օրինակ. Դանիան առաջին պետությունն ա եղել, որն օրինակացրել ա նույնասեռական ամուսնությունը: Էսօր էստեղ որևէ մեկի մտքով չի անցնում ծեծել-ջարդել, ով էլ անի, խիստ կդատվի:

Չէ Բյուր, էդ լավ չի որ տենց են անում, բայց էդ Մարտիրոսները էլ ավելի են կրակի վրա յուղ լցնում ախր: Ես գտնում եմ, որ իրենց վրա ինչ որ չափով սահամնափակումներ դնելը չէր խանգարի:

Ո՞նց են կրակի վրա յուղ լցնում: Կարա՞ս բացատրես:
Նայի, ես կարող եմ ինձ վրա օրինակ բերել: Ջահել ժամանակ ես սիրում էի լայն-լայն շորեր հագնել, մազերս տարօրինակ ձևերով հյուսել, ռոք լսել: Էդպես դպրոց էի գնում: Դասարանում ինձ չէին սիրում: Մի օր հարձակվեցին, կավիճոտ բարձիկով դեմքս փակեցին, ուշքս գնաց, ընկա գետնին: Հիմա ե՞ս եմ մեղավոր, որ իրանք ինձ վրա հարձակվել են: Գուցե առաջարկես ինձ վրա՞ սահմանափակումներ դնեին, որ իմ դասարանի անասունները վրաս չհարձակվեին:

[StrangeLittleGirl]

Ես օրինակ ուզում եմ Սմոքի կարծիքը փոխվի:

Արտ, եթե Սմոքի կարծիքի փոխվելու մասին ենք խոսում, ես մենակ ուզում եմ՝ ակումբի մասին փոխվի Թե չէ զգու՞մ ես ոնց ա արդեն մեզ հետ խոսում:
Բայց վախենամ՝ էս ամենի արդյունքում Սմոքին արգելեն ակումբ մտնել:

[CactuSoul]

Դու կարող ա չես ուզում, բայց Անիի զարմանալուց զարմանում եմ

Չեմ զարմանում, Արտ, ասածս ուրիշ բան էր։ Ընդ որում չեմ էլ ասում, թե Բյուրը ճիշտ չի անում, որ համոզում ա կամ իր տեսակետն ա ուզում բացատրել Սմոքիին։
Ուղղակի էն պահն էր հետաքրքիր, որ ասում էր՝ քեզ մեկը ասել ա, դրա համար ես տենց մտածում։ Իսկ եթե հիմա էլ Բյուրի ասելով փոխվի կարծիքը, մյուս կողմից էլ էն մարդը կասի՝ քեզ մեկը նման բան ա ասել, դրա համար ես տենց կարծում։ Է հետո՞ ինչ։ Ի վերջո մարդ եթե մի կարծիքի ա, ուրեմն էդ կարծիքին ա, անկախ նրանից ճգնավորի խցում երկար մտորումներից հետո ա եկել էդ մտքին, թե ինչ֊որ մեկն ասել ա, իրեն էլ դուր ա եկել։ Հիմա էդ կարծիքն իրենն ա։

[Տրիբուն]

Ես ոչ մի վատ բան դրա մեջ չեմ տեսնում: Արդեն մի քանի տարի ա Ակումբը գերպասիվ վիճակում ա, մեկ ու մեջ ընթացիք դեպքերի հետ համընթաց ակտիվանում ա, հետո էլի մեռնում: Բայց հենց մի քանի սեռական թեմա բացվեց, միանգամից բոլորը արթնացան ու սկսեցին ակտիվ մասնակցել քննարկումներին: Ուրեմն դեռևս լիքը հարցեր կան, որ մարդիկ ասել խոսելու, քննարկելու կարիք ունեն:

Մի խոսքով նախընտրում եմ, որ Ակումբում գոնե սեռական հարցեր քննարկվեն ու ինչ-որ ակտիվություն լինի, քան թե պասիվ վիճակներ լինեն՝ օրեկան մի 4-5 անհետաքրքիր գրառումով:

Ապեր, վերջին հաշվով մենակ Ակումբում չէ, ալամ աշխարհում ամենաքննարկվող թեմաներից մեկը հենց սեքսն ա։ Ու էս էն թեման ա, որ սաղ ասելու բան ունեն - ալամ աշխարհի աղջկեքին քվոր պես հարգողից սկսած, միջտիպային գռուպավուխաների մասնագետով վերջացրած։ Էս նաև էն թեման ա, որում բոլորը փորձ ունեն, ու պարտադիր սաղից շատ։ Այսինքն, խելք ու խրատ տալու, սեփական ձվերի մեծությունը կամ ծիծիկների ամրությունը ցուցադրելու լավ առիթ ա։

Ասածս ինչ ա, վայելեք քննարկումները, անկախ թեմայից, Լևո՛ն, Լևո՛ն, Լևո՛ն

[StrangeLittleGirl]

Չեմ զարմանում, Արտ, ասածս ուրիշ բան էր։ Ընդ որում չեմ էլ ասում, թե Բյուրը ճիշտ չի անում, որ համոզում ա կամ իր տեսակետն ա ուզում բացատրել Սմոքիին։
Ուղղակի էն պահն էր հետաքրքիր, որ ասում էր՝ քեզ մեկը ասել ա, դրա համար ես տենց մտածում։ Իսկ եթե հիմա էլ Բյուրի ասելով փոխվի կարծիքը, մյուս կողմից էլ էն մարդը կասի՝ քեզ մեկը նման բան ա ասել, դրա համար ես տենց կարծում։ Է հետո՞ ինչ։ Ի վերջո մարդ եթե մի կարծիքի ա, ուրեմն էդ կարծիքին ա, անկախ նրանից ճգնավորի խցում երկար մտորումներից հետո ա եկել էդ մտքին, թե ինչ֊որ մեկն ասել ա, իրեն էլ դուր ա եկել։ Հիմա էդ կարծիքն իրենն ա։

Կակտուս, ուղղակի խնդիրն էն ա, որ Սմոքի հետ բանավիճելիս էնպիսի զգացողություն ա, որ մի երրորդ մարդու հետ եմ բանավիճում, իսկ Սմոքն ընդամենը միջնորդ ա: Ու դա, անկեղծ ասած, էնքան էլ հաճելի չի:

[Շինարար]

էս Բյուրը որ ուզում ա ինչ լավ ա սենց հանգիստ բացատրում

[Smokie]

Ժողովուրդ, էս թեման շատ երկար ա քննարկվելու ու գուցե էդպես էլ ընդհանուր հայտարարի չգանք հիմա:
Էս վիճաբանության ընթացքում էնպիսի տպավորություն էր, որ полегчало Երբեք էսքան երկար չէի վիճել: Շնորհակալություն:

[Ռուֆուս]

Ժողովուրդ, էս թեման շատ երկար ա քննարկվելու ու գուցե էդպես էլ ընդհանուր հայտարարի չգանք հիմա: Ես իմ հաստատուն կարծիքը կունենամ իրենց մասին՝ երբ անձամբ, գուցե պատահմամբ հանդիպեմ:
Էս վիճաբանության ընթացքում էնպիսի տպավորություն էր, որ полегчало Երբեք էսքան երկար չէի վիճել: Շնորհակալություն:

Քեզ մի սարսափելի գաղտնիք բացեմ, քո ծանոթների ու ընկերների մեջ ու ընդհանրապես քո շրջապատում համ գեյեր կան, համ լեսբիներ, համ էլ բիեր։ Դու ամեն օր շփվում ես իրենց հետ, զրուցում և այլն։ Բայց դու չգիտես դրա մասին։

[Smokie]

Քեզ մի սարսափելի գաղտնիք բացեմ, քո ծանոթների ու ընկերների մեջ ու ընդհանրապես քո շրջապատում համ գեյեր կան, համ լեսբիներ, համ էլ բիեր։ Դու ամեն օր շփվում ես իրենց հետ, զրուցում և այլն։ Բայց դու չգիտես դրա մասին։

Լավ Ռուֆ, արի փակենք թեման: Քեզ էլ շնորհակալություն:

[CactuSoul]

Ես իմ հաստատուն կարծիքը կունենամ իրենց մասին՝ երբ անձամբ, գուցե պատահմամբ հանդիպեմ:

Իսկ ես չեմ կարծում, թե մի կամ մի քանի մարդու ճանաչելով (առավել ևս պարզապես հանդիպելով) կարելի ա մի ամբողջ խմբի մասին պատկերացում ունենալ։ Հատկապես եթե դա կուսակցություն չի, որ գաղափարախոսություն ունենա, ինչ֊ինչ ենթադրություններ անես։ Դրա համար էլ չեմ սիրում ընդհանրացումներ ու պիտակներ։ Մարդս մարդ լինի։ Անկապ֊հիստերիկ գեյեր էլ կան, տաղանդավորներ էլ, տականքներ էլ, ընտիր մարդիկ էլ։ Նույն կերպ էլ ոչ գեյ մարդկանց դեպքում ա։ Կամ կարմիր գույնը սիրողների։ Կամ ակումբցիների։ Կամ երաժիշտների։ Կամ․․․ և այլն, հասկացաք։

Հ․Գ․
Էս ես ուղղակի իմ կարծիքն եմ ասում, հատուկ քեզ չի ուղղված խոսքս, Սմոք ջան։

[StrangeLittleGirl]

Իսկ ես չեմ կարծում, թե մի կամ մի քանի մարդու ճանաչելով (առավել ևս պարզապես հանդիպելով) կարելի ա մի ամբողջ խմբի մասին պատկերացում ունենալ։ Հատկապես եթե դա կուսակցություն չի, որ գաղափարախոսություն ունենա, ինչ֊ինչ ենթադրություններ անես։ Դրա համար էլ չեմ սիրում ընդհանրացումներ ու պիտակներ։ Մարդս մարդ լինի։ Անկապ֊հիստերիկ գեյեր էլ կան, տաղանդավորներ էլ, տականքներ էլ, ընտիր մարդիկ էլ։ Նույն կերպ էլ ոչ գեյ մարդկանց դեպքում ա։ Կամ կարմիր գույնը սիրողների։ Կամ ակումբցիների։ Կամ երաժիշտների։ Կամ․․․ և այլն, հասկացաք։

Հ․Գ․
Էս ես ուղղակի իմ կարծիքն եմ ասում, հատուկ քեզ չի ուղղված խոսքս, Սմոք ջան։

Կակտուս, երբ Սմոքը տեսնի իր շրջապատում գեյերի ու տեսնի, որ էդ մարդիկ մյուսներից ոչնչով չեն տարբերվում, սիրտը տեղը կընկնի: Բայց ինչպես Ռուֆն ասեց, ամբողջ հարցն էն ա, որ ինքը հաստատ շփվել ա գեյերի հետ, ուղղակի չգիտի դրա մասին: Իր պատկերացմամբ գեյերը պլակատները ձեռքներին գեյություն են քարոզում կամ քյառթերին համոզում, որ գան իրենց ծեծեն:

[CactuSoul]

Իր պատկերացմամբ գեյերը պլակատները ձեռքներին գեյություն են քարոզում կամ քյառթերին համոզում, որ գան իրենց ծեծեն:

Դե չէ, նորմալ դեպքերում էդպես չի (չնայած չեմ բացառում, որ էդպիսի բաներ անողներ էլ կլինեն), բայց այ, սեռական կողմնորոշումից անկախ, պլակատները ձեռքներին գեյության իրավունքներ քարոզողներ կան, որ ինձ վանում են նույնքան, եթե ոչ ավելի, ինչքան Եհովայի վկաների հոգեորսության փորձերը։

[StrangeLittleGirl]

Դե չէ, նորմալ դեպքերում էդպես չի (չնայած չեմ բացառում, որ էդպիսի բաներ անողներ էլ կլինեն), բայց այ, սեռական կողմնորոշումից անկախ, պլակատները ձեռքներին գեյության իրավունքներ քարոզողներ կան, որ ինձ վանում են նույնքան, եթե ոչ ավելի, ինչքան Եհովայի վկաների հոգեորսության փորձերը։

Դե դու նորվա հոմոֆոբը չես
Բայց լուրջ, նոր ֆեյսբուքում որոշ մարդկանց քոմենթներ ահավոր ջղայնացրեցին: Մի աղջիկ հոմոֆոբ մտքեր էր արտահայտել, մի քանի հոգի թռել էին դեմքին, ինչ ասես ասում էին: Այ իրանց էլ ա պետք սաստել:

[Rammstein]

Ես սխալ եմ համարում նաև անհանդուրժողներին ֆաշիստների, նացիստների ու ռասիստների հետ համեմատելը, հե՛չ նույնը չեն է՜: Էնպես չի, որ նույնասեռականներին համեմատում եմ ֆաշիստների հետ, բայց պիտի ասեմ... Հիտլերի ժամանակ էլ ոչ մեկի մտքով չէր անցնում չէ՞ ֆաշիստ դառնալ, մի մարդը իր գաղափարներով ստեղծեց սկզբից փոքրամասնություն, հետո տարածեց ու... Հիմա որտե՞ղ ա երաշխիքը, որ գեյերը չեն շատանա էս քարոզների, շնորհիվ՝ հաստատ գիտե՞ս ինչ ա լինելու տարիներ անց: Ես էլ չգիտեմ՝ կապրենք կտեսնենք, բայց քանի դեռ չեմ տեսել չեմ կարող բացառել ոչ առաջին տարբերակը, ոչ էլ երկրորդը, հասկանում ե՞ս: Ես գտնում եմ, որ էսքա՜ն ժամանակ նույնասեռականները չէին շատանում, որովհետև էս թեման ակտուալ չէր, հիմա արդեն չեմ կարող բացառել, որ նույնասեռականները կդառնան ոչ փոքրամասնություն:

Սմոք ջան, ախր ֆաշիզմը, ի տարբերություն նույնասեռականության սեռական կողմնորոշում չի, գաղափարախոսություն ա: Սեփական մտածողությունից թույլ մարդկանց ուղեղը հարթուկելով հնարավոր ա ինչ եզզ գաղափարախոսություն ասես գլուխները մտցնել: Բայց ասենք, շատ ներողություն, եթե տղու մոտ չի կանգնում ուրիշ տկլոր տղա տեսնելուց, ո՞նց ա հնարավոր իրան դարձնել նույնասեռական: Կամ լավ, թեկուզ եթե կանգնում ա ու մինչեւ էդ ինքը չէր մտածել էդ ուղղությամբ, էդ չի նշանակում, որ իրան դարձրին գեյ/բի, այլ նշանակում ա, որ իրա կողնորոշումը տենց էր, բայց առիթ չէր եղել հասկանալու: Եթե գեյ ա, ապա ինքը սենց թե նենց աղջկա չէր սիրի ու երջանիկ չէր լինի ոչ մի աղջկա հետ: Եթե բի ա, արդեն կարա հասկանա, թե որ սեռի հետ երջանիկ կլինի:

Մի ծանոթ ունեմ, ում քույրը ամուսնացել էր, բալիկ էր ունեցել, ու շատ ժամանակ չանցած պարզել էր, որ ամուսինը հետերո չի ու տղու հետ էլ ա սեքս անում (գուցե նաեւ բռնացրել էր, չգիտեմ): Տենց նոր ամուսնացած բաժանվեցին: Հիմա դու ասա, ավելի լավ չէ՞ր լինի, որ հասարակությունը նորմալ վերաբերվեր ԼԳԲՏ… մարդկանց, էդ մարդը չկաշկանդվեր իրա կողմնորոշումից, ստիպված չլիներ ամուսնանալ նենց մեկի հետ, ում իրա կողմնորշման պատճառով չի կարալու լիարժեք սիրի, իրա հետ սեքսից լիարժեք ֆիզիկական ու հոգեբանական բավարարվածություն ստանա ու չքայքայվեր էդ ընտանիքը: Ծանոթիս քույրն էլ գուցե նենց մեկի հետ ամուսնացած կլիներ, ում հետ ընտանիքն ամուր կլիներ ու տասնյակ տարիներ երջանիկ կապրեին, մի հատի տեղն էլ կարող ա 5 հատ բալիկ ունենային: Այսինքն անհանդուրժողականության բացակայության դեպքում մի կին ու մի տղամարդ առանց որեւէ մեկին վնասելու ու խանգարելու կարային լինել շատ ավելի երջանիկ, քան հիմա դառան:

[Ռուֆուս]

Իսկ ես չեմ կարծում, թե մի կամ մի քանի մարդու ճանաչելով (առավել ևս պարզապես հանդիպելով) կարելի ա մի ամբողջ խմբի մասին պատկերացում ունենալ։ Հատկապես եթե դա կուսակցություն չի, որ գաղափարախոսություն ունենա, ինչ֊ինչ ենթադրություններ անես։ Դրա համար էլ չեմ սիրում ընդհանրացումներ ու պիտակներ։ Մարդս մարդ լինի։ Անկապ֊հիստերիկ գեյեր էլ կան, տաղանդավորներ էլ, տականքներ էլ, ընտիր մարդիկ էլ։ Նույն կերպ էլ ոչ գեյ մարդկանց դեպքում ա։ Կամ կարմիր գույնը սիրողների։ Կամ ակումբցիների։ Կամ երաժիշտների։ Կամ․․․ և այլն, հասկացաք։

Հ․Գ․
Էս ես ուղղակի իմ կարծիքն եմ ասում, հատուկ քեզ չի ուղղված խոսքս, Սմոք ջան։

Ահա, Անի ջան, վերջապես նույնասեռականների վերաբերվող շատ ադեկվատ գրառում քո կողմից, որը առանց վարանելու շնորհակալելու եմ: Ու միակ բանը որ շարունակում ա մութ մնալ ինձ համար, էն ա, թե ոնց կարա սենց գրառում կատարող մարդը ասի, որ ինքը դեմ ա նույնասեռականությանը, որ չպետք է պայքարեն նույնասեռականների իրավունքների համար և այլն:

Ես շատ եմ շփվել նույնասեռականների հետ, մի տեղ էի աշխատում, որտեղ աշխատողների զգալի մասը բացահայտ նույնասեռական էին: Գործի ընդունվելուց ճիշտ է չգիտեի դրա մասին (ընդամենը հարցրել էին ոնց եմ վերաբերվում բազմազանությանը, ես էլ պատասխանեցի շատ լավ), բայց երբ իմացա, շատ ուրախացա, որովհետև էդտեղ ստեղծված էին իդեալական աշխատանքային պայմաններ հասարակության խոցելի ու ճնշված անդամների համար: Ու էնտեղ աշխատում էին նաև լիքը քյառթու մարդիկ, ովքեր բացարձակապես ոչ մի պրոբլեմ չունեին, որ ասենք իրենց մենեջերը գեյ ա, կամ կողքի սեղանին նստող աղջիկը լեզբի: Ու ի տարբերություն ուրիշ կոլեկտիվների, որտեղ աշխատողների ամենասիրած թեման ուրիշների անձնական կյանքը քննարկելն էր, էստեղ էդ որակի բամբասանքներ չկային, որովհետև բոլորն էլ գիտեին ով ում հետ ա քնում, էլ քննարկելու բան չկար:

Հա ու ճիշտ ես, նույնասեռականությունը գաղափարախոսություն չի, կան նույնասեռական լավ ու խելացի մարդիկ, կան տաղանդավոր մարդիկ, կան սովորական, հասարակ մարդիկ ու կան տականքներ, մարդու որակը սեռական կողմնորոշմամբ չի որոշվում: Նույնասեռական ընկերներ ունեմ, ում հետ հաճախ գնում եմ խմելու, մարդիկ էլ գիտեմ, որ կարող ա փողոցում տեսնեմ, չուզենամ բարևել:

Հիմա անցնենք պայքարին: Հա, մեկը ես բացահայտ պայքարում եմ ԼԳԲՏ համայնքի իրավունքների համար, ոչ դրանից նեղվում եմ, ոչ էլ ինձ հուզում է, թե ուրիշները կողքից ինչ են մտածում իմ մասին: Ես գտնում եմ, որ անկախ սեռական կողմնորոշումից բոլոր մարդիկ հավասար են ու բոլորը պետք է հավասար իրավունքներ ունենան: Ու ես հեչ չէի նեղվել, որ անունս հայտնվել էր գալաջի սև ցուցակում, ընդհակառակը կնեղվեի, եթե իմանայի, որ շատերի անունը էդ ցուցակում ներառել էին, իսկ իմը չէ: Էդ սև ցուցակից հետո մի քանի ամիս շարունակ Հայաստանի ԼԳԲՏ համայնքի մեծ մասը ինձ ընկերության հայտ էր ուղարկում, բոլորինը ընդունել եմ, որովհետև ինձ հետաքրքիր ա Հայաստանում զարգացումները: Չէի ասի, որ բոլորը նորմալ ադեկվատ մարդիկ էին, ոմանց հայացքները էնքան ծայրահեղական էին, որ իրենց վառել ցանկացող հոմոֆոբների հայացքներից ոչ մի բանով չէին տարբերվում, դրանց միանգամից ջնջել ուղարկել եմ գրողի ծոցը, բայց շատերը նորմալ ադեկվատ մարդիկ են ու հիմա էլ շարունակում եմ հետևել իրենց գրառումներին: Հա, մի երկու դեպք էլ եղել ա, երբ չաթով փորձել են ինձ կպցնել

Հիմա ասածս ինչ ա, որ եթե գտնում ես, որ բոլոր մարդիկ հավասար են, պիտի պայքարես բոլորի իրավունքների համար՝ ներառյալ էն տականք նույնասեռականների, ծայրահեղական նույնասեռականների ու նաև էն նրանց համար, ովքեր թաքուն գեյ են, բայց ամեն տեղ հոմոֆոբ գրառումներ են անում: Հատկապես էս վերջինները ահավոր մեղք են ու հատուկ պաշտպանության կարիք ունեն: