Ի՞նչ եք կարդում հիմա...

[StrangeLittleGirl]

Զաքար, բայց դու համա թե սիրում ես մարդկանց նենց ձեռի հետ կպչել, կոպտել: Էս գրառումը ինչ տեսել եմ, ապշած եմ մնացել, թե օրինակ՝ խի: Նոր պատահաբար մի ուրիշ հին թեմա էի թերթում, ուրենն աջուշախ քո մոմենտով տշմատում ես, իմ գրածը մեջբերել ես, թե՝ մեղմիկ քամի ես անում, Սամբիթբաբայի գրածը մեջբերել ես, թե՝ սուր հումոր ունես: Բնականաբար լուռ շրջանցել ենք, երևի չենք էլ նկատել, բայց ահագին հետաքրքիր կերպար ես, հա: Մարդ ինչքան պիտի մեծամիտ լինի, որ հավայի տեղը, երբ նույնիսկ մարդիկ իրան չեն դիմում, մարդկանց գրառումները մեջբերի, ասի՝ քամին մեղմորեն ծակծկեց: Այսինքն՝ մարդկանց գրածի իմատը չես հասկանում, քո չհասկանալը վերագրում ես մարդու քամի անելուն, քո հումորի բացակայությունը վերագրում ես մարդու ասածի տափակություն լինելուն:

Անկեղծ ասած՝ ինձ թվաց Զաքարը գիրքն ա վերջացրել, անվանել տափակություն, ես դրա համար էի պատրաստվում կռիվ սկսել, թե՝ ինչ տափակություն, աշխարհի ամենալավ գրքերից ա:

[Շինարար]

Անկեղծ ասած՝ ինձ թվաց Զաքարը գիրքն ա վերջացրել, անվանել տափակություն, ես դրա համար էի պատրաստվում կռիվ սկսել, թե՝ ինչ տափակություն, աշխարհի ամենալավ գրքերից ա:

Կարող ա, ուրախ կլինեմ, որ սխալված լինեմ գոնե էս մի գրառման դեպքում, բայց էլի մյուս թեմայում ունի նմանատիպ գրառումներ, ինչը ինձ դրդում ա մտածել, որ այնուամենայնիվ ես ճիշտ եմ նկատել, թե ինչ նկատի ունի:

[Զաքար]

Զաքար, բայց դու համա թե սիրում ես մարդկանց նենց ձեռի հետ կպչել, կոպտել: Էս գրառումը ինչ տեսել եմ, ապշած եմ մնացել, թե օրինակ՝ խի: Նոր պատահաբար մի ուրիշ հին թեմա էի թերթում, ուրեմն աջուձախ քո մոմենտով տշմշատում ես, իմ գրածը մեջբերել ես, թե՝ մեղմիկ քամի ես անում, Սամբիթբաբայի գրածը մեջբերել ես, թե՝ սուր հումոր ունես: Բնականաբար լուռ շրջանցել ենք, երևի չենք էլ նկատել, բայց ահագին հետաքրքիր կերպար ես, հա: Մարդ ինչքան պիտի մեծամիտ լինի, որ հավայի տեղը, երբ նույնիսկ մարդիկ իրան չեն դիմում, մարդկանց գրառումները մեջբերի, ասի՝ քամին մեղմորեն ծակծկեց: Այսինքն՝ մարդկանց գրածի իմատը չես հասկանում, քո չհասկանալը վերագրում ես մարդու քամի անելուն, քո հումորի բացակայությունը վերագրում ես մարդու ասածի տափակություն լինելուն:

Շինարար, վստա՞հ ես, որ ինձ պիտի գրեիր

[Զաքար]

Անկեղծ ասած՝ ինձ թվաց Զաքարը գիրքն ա վերջացրել,

Գիրքը վերջացրել եմ:

անվանել տափակություն

Երբևէ նման կարծիք չեմ հայտնել:

ես դրա համար էի պատրաստվում կռիվ սկսել, թե՝ ինչ տափակություն, աշխարհի ամենալավ գրքերից ա:

Գիրքը ինքս էլ եմ հավանել:

[Աթեիստ]

Տափակություն

Երբևէ նման կարծիք չեմ հայտնել:

Գաղտնաբառդ փողի, աչքիս քո անունից ուիրշ մարդ ա գրում (եթե բացառենք անձի երկատումը)։

[Զաքար]

Գաղտնաբառդ փողի, աչքիս քո անունից ուիրշ մարդ ա գրում (եթե բացառենք անձի երկատումը)։

Տափակությունը գրքին չի վերաբերվել

[Աթեիստ]

Շինարարն իրա գրառման մեջ հենց տենց էլ հասկացել էր։

[Զաքար]

Շինարարն իրա գրառման մեջ հենց տենց էլ հասկացել էր։

Շինարարը շատ սխալ է հասկացել ու դրա համար էլ իրականությանը չհամապատասխանող որոշ հատկանիշներ է վերագրել ինձ

[Sambitbaba]

Զաքար, բայց դու համա թե սիրում ես մարդկանց նենց ձեռի հետ կպչել, կոպտել: Էս գրառումը ինչ տեսել եմ, ապշած եմ մնացել, թե օրինակ՝ խի: Նոր պատահաբար մի ուրիշ հին թեմա էի թերթում, ուրեմն աջուձախ քո մոմենտով տշմշատում ես, իմ գրածը մեջբերել ես, թե՝ մեղմիկ քամի ես անում, Սամբիթբաբայի գրածը մեջբերել ես, թե՝ սուր հումոր ունես: Բնականաբար լուռ շրջանցել ենք, երևի չենք էլ նկատել, բայց ահագին հետաքրքիր կերպար ես, հա: Մարդ ինչքան պիտի մեծամիտ լինի, որ հավայի տեղը, երբ նույնիսկ մարդիկ իրան չեն դիմում, մարդկանց գրառումները մեջբերի, ասի՝ քամին մեղմորեն ծակծկեց: Այսինքն՝ մարդկանց գրածի իմատը չես հասկանում, քո չհասկանալը վերագրում ես մարդու քամի անելուն, քո հումորի բացակայությունը վերագրում ես մարդու ասածի տափակություն լինելուն:

Էդ ո՞րտեղ, Շին ջան: Ինչպե՞ս է, չեմ նկատել...

Կարո՞ղ է ուղղակի սխալ ես ընկալել Զաքարի գրածը, - հեչ սպասելի չէ նրանից...


Հ.Գ. Բայց այ, մազոխիստի հարցով Սագիտարիուսի հետ համաձայն եմ:


ՀՀ.ԳԳ. Բայց գիտես, Զաք ջան, մի տեսակ ես էլ էնքան չեմ հասկանում էդ քո գրածը... Հա ուզում եմ այլ կերպ հասկանալ, բայց անընդհատ ինչ-որ շինարարակերպ է ստացվում...
Միգուցէ այնուամենայնիվ բացատրե՞ս, թե "տափակություն" ասելով ինչ նկատի ունեիր...

[Շինարար]

Էդ ո՞րտեղ, Շին ջան: Ինչպե՞ս է, չեմ նկատել...

Կարո՞ղ է ուղղակի սխալ ես ընկալել Զաքարի գրածը, - հեչ սպասելի չէ նրանից...


Հ.Գ. Բայց այ, մազոխիստի հարցով Սագիտարիուսի հետ համաձայն եմ:


ՀՀ.ԳԳ. Բայց գիտես, Զաք ջան, մի տեսակ ես էլ էնքան չեմ հասկանում էդ քո գրածը... Հա ուզում եմ այլ կերպ հասկանալ, բայց անընդհատ ինչ-որ շինարարակերպ է ստացվում...
Միգուցէ այնուամենայնիվ բացատրե՞ս, թե "տափակություն" ասելով ինչ նկատի ունեիր...

Սամ ջան, ուղղակի ուղղակի հերձվածության տարրեր կրող ցինիկ շատախոսություն էր, խնդրում եմ մոռանալ:


Ի դեպ, Բյուր, խոստացածդ դեպրեսիան սկսվել ա:

[Հայկօ]

Խրախճանքներդ լույսով կտրեմ.

1. Ի՞նչ եք կարդում հիմա

Ռոջեր Ժելյազնի, «Լույսի տիրակալը»:

2. Ինչու՞ որոշեցիք կարդալ հենց դա

Ժելյազնին իմ կարդացած ամենաթունդ ֆանտաստներից ա: Իր «Ամբերի» տասներգությունը լավագույն բաներից էր, որ կարդացել եմ, էնքան լավը, որ երևի «Դյունայի», «Էնդերի խաղի» ու «Խավարի ձախ ձեռքի» հետ նույն շարքում ա: «Լույսի տիրակալն» իր ամենահայտնի գործերից ա, որ ես աններելիորեն բաց եմ թողել, հիմա շտապ պետք ա լրացնել:

3. Գիրքն ինչպե՞ս է սկսվում

Ասում են, որ իր ազատագրումից հիսուներեք տարի անց նա վերադարձավ Ոսկե Ամպից, որպեսզի կրկին անգամ բարձրացնի Երկնքի նետած ձեռնոցը, ընդդիմանա Կյանքի Կարգին և այդ կարգը սահմանած աստվածներին: Նրա հետևորդներն աղոթում էին, որ նա վերադառնա, թեպետև իրենց աղոթքները մեղք էին: Աղոթքները չպիտի խանգարեն Նիրվանա գնացածին՝ ինչ հանգամանքներում էլ որ նա գնացած լինի: Եվ սակայն՝ զաֆրանագույն պարեգոտ հագածներն աղոթում էին, որ նա՝ Սուսերակիրը, Մանջուշրին, վերստին հառնի իրենց կողքին: Եվ, ասում են, Բոդհիսատվան անսաց նրանց...

Հետևորդները նրան անվանում էին Մահասամաթման և ասում էին, որ նա աստված է: Ինքը, սակայն, գերադասում էր բաց թողնել «Մահա»-ն ու «ատման»-ը և ինքն իրեն կոչում էր Սեմ: Նա երբեք ինքն իրեն աստված չէր հռչակել: Մյուս կողմից էլ, իհարկե, երբեք չէր հայտարարել, որ ինքն ասված չէ: Ստեղծված իրավիճակում թե՛ առաջինը և թե՛ երկրորդը ոչ մի օգուտ տալ չէին կարող: Լռությունը, սակայն, կարող էր:

4. Ո՞ր էջն եք հասել

Մոտավորապես 20%: Մեծ վեպ ա:

5. Ձեր կարծիքը մինչև հիմա

Շատ լավ ա գրում անաստվածը: Եսիմերբ ապագա, Երկիրն արդեն վաղուց գոյություն չունի, ինչ-որ հեռավոր մոլորակի վրա մի խումբ ընտրյալներ բացահայտել են անմահության գաղտնիքը, յուրացրել են ամբողջ տեխնոլոգիան ու հիմա, անվերջ վերածնվելով ու վերամարմնավորվելով, իշխում են՝ որպես հնդկական պանթեոնի աստվածներ: Ու միայն մեկն ա համարձակվում նրանց ընդդիմանալ՝ Սիդհարթան, Մահասամաթմանը, Բուդդան, կարճ ասած: Դեռ սկզբերում եմ, բայց արդեն չեմ համբերում, թե երբ եմ ժամանակ ունենալու, որ շարունակեմ կարդալ:

[Malxas]

1. Ի՞նչ եք կարդում հիմա

Հայնրիխ Բյոլ «Բիլյարդ ինն անց կեսին»:

2. Ինչու՞ որոշեցիք կարդալ հենց դա

Հերթի դրված հերթական գրքերից է, դեռ վաղուց պետք է կարդացած վերցնեի:

3. Գիրքն ինչպե՞ս է սկսվում

Այն առավոտ Ֆեմելը նրա հետ առաջին անգամ անքաղաքավարի եղավ, կարելի է ասել՝ կոպիտ...

4. Ո՞ր էջն եք հասել

21/474:

5. Ձեր կարծիքը մինչև հիմա

Հենց առաջին պարբերությունից այս գիրքն ինձ գերի վերցրեց ու ոնց որ թե մտադիր է ինդ այդ վիճակում թողնել մինչև կարդամ ավարտեմ:

[Sambitbaba]

Հայնրիխ Բյոլ «Բիլյարդ ինն անց կեսին»:
Հենց առաջին պարբերությունից այս գիրքն ինձ գերի վերցրեց ու ոնց որ թե մտադիր է ինձ այդ վիճակում թողնել մինչև կարդամ ավարտեմ:

Ժամանակին ամենասիրածս գրքերից է եղել, "Ծաղրածուի աչքերով"-ի հետ միասին: Էս վերջինն էնքան էի կարդացել, որ տեղ-տեղ անգիր գիտեի...
Իսկ գերված եմ Բյոլի բոլոր ստեղծագործություններով:

[Մուշու]

1. Ի՞նչ եք կարդում հիմա

Ալբերտ Քամյու - Օտարը

2. Ինչու՞ որոշեցիք կարդալ հենց դա

Հեղինակին սիրահարվել եմ դեռ ժանտախտը կարդալիս և որոշեցի, որ պետք է իր գործերը կարդամ անպայման : Իսկ ինչու՞ սա , առաջին պարբերությունը բավարար էր, որ գայթակղվեի ^_^

3. Գիրքն ինչպե՞ս է սկսվում

Այսօր մահացել է մայրս։ Կամ՝ գուցե երեկ, չգիտեմ։ Հեռագիր ստացա ծերանոցից. «Մայրդ վախճանվեց։ Թաղումը վաղը։ Խորը ցավակցություններ»։ Բայց ինչ իմանաս, գուցե դա երեկ է եղել։

4. Ո՞ր էջն եք հասել

14/117

5. Ձեր կարծիքը մինչև հիմա

Կարծիք հայտնելուց լավ չեմ , ուղղակի կասեմ, որ հավանել եմ շաաատ ու շարունակելու եմ Քամյույի բացահայտումը ^_^ Մի խոսքով ես երջանիկ եմ, որ կարդալ գիտեմ :

[StrangeLittleGirl]

1. Ի՞նչ եք կարդում հիմա
Բեռնարդ Շլինկ - «Ընթերցողը»

2. Ինչու՞ որոշեցիք կարդալ հենց դա
Գուդրիդսի հայ ընթերցողների էս ամսվա գիրքն ա:

3. Գիրքն ինչպե՞ս է սկսվում
When I was fifteen, I got hepatitis.

4. Ո՞ր էջն եք հասել

27

5. Ձեր կարծիքը մինչև հիմա

Ահավոր լավ ա գրված: Ու դուրս գալիս ա տեքստի պարզությունը: