Ի՞նչ եք կարդում հիմա...

[Մուշու]

1. Ի՞նչ եք կարդում հիմա
Բերնար Վերբեր << Մենք ենք աստվածները >>
2. Ինչու՞ որոշեցիք կարդալ հենց դա
Այն շարունակությունն է նախորդ կարդացացս գրքի :
3. Գիրքն ինչպե՞ս է սկսվում (առաջին նախադասությունը)
… Ничего.
В начале не было ничего.
Никакой свет не нарушал тьму и тишину.
Повсюду было Ничто.
4. Ո՞ր էջն եք հասել
127/591
5. Ձեր կարծիքը մինչև հիմա
Սկիզբը հետաքրքիր է : Կարդացվում է հեշտ և դեռ հիասթափվել չեմ հասցրել : Անհամբեր սպասում եմ իմանալ , այս գրքի վերջում ինչ կլինի Միշելի հետ :

[Արէա]

Ջորջ Օրուելլ - 1984

Որտեղ հետաքրքիր պատմության ուղիղ կեսից առանց որևէ նախնական ակնարկի ու զգուշացման թռնում են դեմքիդ ու սկսում են մանրամասն նկարագրել թե ոնց են առնետներն ուտում կենդանի մարդու աչքերն ու լեզուն, ու ոնց ա մարդը կմախքի վերածվում։

Հենց հասնեք գրքի մոտավորապես կեսերին, ճղեք, ջնջեք, ռադ արեք էն մյուս կեսը, որովհետև էն ինչ կարդալու եք դրանից հետո որևէ նմանություն չունի նրան ինչ կարդացել եք մինչ էդ։ Միայն բռնություն ու ֆիզիկական կտտանքների մանրամասն, մանրամասն, մանրամասն նկարագրություն։

Եվ ուրեմն, պոկում ենք գրքի ուղիղ կեսը, մնացած մասից գտնում պոկում ենք սիրային մուսի պուսիները, ու ստանում ենք բավականին հետաքրքիր ու կլանող պատմություն մարդկային հասարակության այլընտրանքային զարգացման մասին, որը շատ բաներով կհիշեցնի ոչ շատ վաղ անցյալը, որոշ բաներով նաև ներկան, ու կօգնի նաև խուսափել ապագայի սխալներից։

Իսկ թե էն պոկած էջերը ինչ կապ ունեին էս ամեն ինչի հետ, ու թե ինչ պարտադիր էր դրանց առկայությունը, մնաց անհասկանալի, ու բացի տհաճ նստվածքից գրքի վերաբերյալ, ուրիշ որևէ զգացողություն, միտք չառաջացրեց։

[Նիկեա]

1. Ի՞նչ եք կարդում հիմա
Հրանտ Մաթևոսյան «Աշնան արևը» , «Մենք ենք մեր սարերը», «Խումհար»
2. Ինչու՞ որոշեցիք կարդալ հենց դա
Որովհետև հեղինակը Մաթևոսյանն է։ Կապ չունի որ արդեն կարդացել եմ, վերընթերցելը չի խանգարի։ Համ էլ շուտով դպրոցում են հանձնարարելու, բայց ծրագրով մենակ «Աշնան արևն» է նախատեսված
3. Գիրքն ինչպե՞ս է սկսվում (առաջին նախադասությունը)
«Աշնան արևը» - Մոսկվայից, Ծմակուտի վրայով, Երևան են հասնում մի 100 րոպեում, իսկ Ծմակուտից Երևան հասնելու համար պետք է գնալ մի ցերեկ ու մի գիշեր։
«Մենք ենք, մեր սարերը»- Այս գյուղը հազար թելով կապված է աշխարհին. հեռախոսով, հոսքագծով, փոստով, բրդի, մսի, յուղի մթերմամբ, կոոպերացիայի խանութով, ուսուցման ծրագրերով. ակումբային ուսումնարանն այս գյուղին տալիս է թատրոնից ու գրքից հասկացող շրջանավարտներ, այս գյուղը մոտիկ ու հեռու գյուղերն է ուղարկում լխտիկ հարսներ, որոնք եղանը ձեռքից չեն գցում մինչև ընդհուպ ծննդաբերելը և դեռ չի պատահել, որ նրանցից գոնե մեկը թեկուզ մի քիչ լիրբ լինի. այս գյուղը համալսարաններին տալիս է ընդունակ աշակերտներ, բանակին՝ կենսուրախ և կարգապահ ռազմիկներ. կինոգնումների գրասենյակն այստեղ է ուղարկում ֆիլմեր, լրագրերը՝ թղթակիցներ և այլն։
«Խումհար» («Կենդանին և մեռյալը») - Արևածաղիկները նայում են պայծա՜ռ, պայծառ։
4. Ո՞ր էջն եք հասել
1.69/93
2. 69/146
3. 69/103

5. Ձեր կարծիքը մինչև հիմա
Վստահ եմ որ եթե հարյուր անգամ էլ կարդամ չեմ հոգնի Երկար ժամանակ չէի համարձակվում վերընթերցել Մաթևոսյանի ստեղծագործություններից և ոչ մեկը, ինձ թվում էր թե առաջին տպավորությունը կփոխվի, կտեսնեմ էնպիսի բաներ, որոնք առաջին անգամ չեմ նկատել... Իրականում հենց էդպես էլ կա, բայց էն ինչ ես տեսնում եմ հիմա ստիպում է ավելի շատ սիրել հեղինակին էլ, ստեղծագործություններն էլ Նախկինում կարդացած բոլոր գործերը վերընթերցելու եմ, կարդալու եմ էն ամենը ինչ չեմ կարդացել մինչև հիմա։

[Ռեյ սամա]

1. Ի՞նչ եք կարդում հիմա
Րյու Մուրակամի - Дети из камеры хранения/Coin Locker Babies:
2. Ինչու՞ որոշեցիք կարդալ հենց դա
Որպեսզի ևս մեկ անգամ համոզվեմ, որ սույն գրողն առնվազն ինձ դուր չի գալիս ուշադրության և բուժման կարիք ունի, ինչպես նաև կոփեմ կամքս ու մարզեմ համբերատարությունս:
3. Գիրքն ինչպե՞ս է սկսվում (առաջին նախադասությունը)
Կոնկրետ չեմ հիշում և բարին էլ այդ է, պատմում է, թե ինչպես է նորաթուխ մայրիկն իր զավակին տեղադրում ստվարաթղթե տուփի մեջ ու ամրացնում տուփը կպչուն ժապավենով:
4. Ո՞ր էջն եք հասել
Համարյա ավարտել եմ....
5. Ձեր կարծիքը մինչև հիմա
հմ...պետք է խոստովանեմ, որ ինչքան էլ չեմ հավանել գիրքն ընդհանուր առմամբ, այնուամենայնիվ տեղ-տեղ բավականին հետաքրքիր ու գեղեցիկ է գրված: Բայց դա չափազանց քիչ է, զի վասն ես ունակ չեմ ըմբռնել այս գրքի իմաստը, ուղերձը, ոգին: Իսկ այն, ինչ ըմբռնել եմ, չափազանց կեղտոտ, տգեղ ու տձև է...

[մարիօ]

1. Ի՞նչ եք կարդում հիմա
Րյու Մուրակամի - Дети из камеры хранения/Coin Locker Babies:
2. Ինչու՞ որոշեցիք կարդալ հենց դա
Որպեսզի ևս մեկ անգամ համոզվեմ, որ սույն գրողն առնվազն ինձ դուր չի գալիս ուշադրության և բուժման կարիք ունի, ինչպես նաև կոփեմ կամքս ու մարզեմ համբերատարությունս:
3. Գիրքն ինչպե՞ս է սկսվում (առաջին նախադասությունը)
Կոնկրետ չեմ հիշում և բարին էլ այդ է, պատմում է, թե ինչպես է նորաթուխ մայրիկն իր զավակին տեղադրում ստվարաթղթե տուփի մեջ ու ամրացնում տուփը կպչուն ժապավենով:
4. Ո՞ր էջն եք հասել
Համարյա ավարտել եմ....
5. Ձեր կարծիքը մինչև հիմա
հմ...պետք է խոստովանեմ, որ ինչքան էլ չեմ հավանել գիրքն ընդհանուր առմամբ, այնուամենայնիվ տեղ-տեղ բավականին հետաքրքիր ու գեղեցիկ է գրված: Բայց դա չափազանց քիչ է, զի վասն ես ունակ չեմ ըմբռնել այս գրքի իմաստը, ուղերձը, ոգին: Իսկ այն, ինչ ըմբռնել եմ, չափազանց կեղտոտ, տգեղ ու տձև է...

Ինձ հաստատ դուր կգա էս գիրքը Գնամ կարդամ:

[Ռեյ սամա]

Ինձ հաստատ դուր կգա էս գիրքը Գնամ կարդամ:

ամբողջ գիրքն ա էդպես գրված՝ հակաբարոյական, հակահասարակական... դեվիանտ գիրք ա մի խոսքով

[ars83]

1. Ի՞նչ եք կարդում հիմա

Frédéric Gros: A Philosophy of Walking

2. Ինչու՞ որոշեցիք կարդալ հենց դա

Փիլիսոփայական գիրք էի փնտրում, սա ընկավ աչքովս:

3. Գիրքն ինչպե՞ս է սկսվում (առաջին նախադասությունը)

Walking is not a sport.

4. Ո՞ր էջն եք հասել

116 / 166

5. Ձեր կարծիքը մինչև հիմա

Հետաքրքիր ա: Քայլելու մասին տեսանկյուններ ա պարունակում, որ մինչև հիմա չէի մտածել: Երկար տարածություններ քայլելու մասին կա, արշալույսը դիմավորելու մասին կա, անտառում քայլելու մասին կա, քաղաքում քայլելու մասին կա, բայց դեռ ինձ ամենահարազատ քայլելու տեսակի՝ գիշերով քայլելու ու գիշերը լսելու մասին չկա:

[StrangeLittleGirl]

1. Ի՞նչ եք կարդում հիմա
Կարեն Բլիքսեն - «Հրեշտակային վրիժառուները»
2. Ինչու՞ որոշեցիք կարդալ հենց դա
Մեր գրքերի ակումբի այս ամսվա գիրքն է: Համ էլ Բլիքսենը դանիացի ամենահայտնի գրողներից է, արժե նրա գրականությանը ծանոթանալ:
3. Գիրքն ինչպե՞ս է սկսվում (առաջին նախադասությունը)
A young girl, whose name was Lucan Bellenden, on a spring evening sat deep in thought by the window of a fine big English country house.
4. Ո՞ր էջն եք հասել
134/304
5. Ձեր կարծիքը մինչև հիմա
Մեկ նայում եմ գրքի տեքստին, մեկ նայում եմ տպագրման տարեթվին, ու հավատս չի գալիս: Ո՞նց կարար դանիացի կին գրողը 20-րդ դարի 40-ականներին սենց ապուշություն գրեր: Շատ էլ որ հազար տեղ գրված ա, որ դա իր լուրջ գործերից չի: Անընդհատ նենց զգացողություն ա, որ Ջեյն Էյր ես կարդում: Լրիվ վիկտորյանական գրականություն: Ու ճիշտ էր, որ ուղեղիս մեջ չէր տեղավորվում, որտև հետո պարզեցի, որ գիրքը հենց վիկտորյանական գրականության պարոդիա ա: Մի խոսքով, կայֆավատ: Ու էդ պահից սկսած սկսեցի ղժժալով կարդալ: Բայց մեկումեջ մտածում եմ՝ էրնեկ հեղինակի հավեսին, որ 300 էջ ղժժացել ա:

[Malxas]

1. Ի՞նչ եք կարդում հիմա
Անատոլ Ֆրանս - «Սագաթաթիկներ Թագուհու Պանդոկը»
2. Ինչու՞ որոշեցիք կարդալ հենց դա
Անատոլ Ֆրանսն իմ շատ սիրված գրողներից մեկն է: Կարդացել եմ նրա «Սիլվեստր Բոննարի Ոճիրը», «Թաիս», «Սպիտակ Քարի վրա» և «Պինգվինների Կղզին» վեպերը, նրանցից յուրաքանչյուրը, որպես ընթերցողի, մեծագույն հաճույք է պատճառել ինձ, փիլիսոփայական և աստվածաբանական գիտելիքներ տվել, վաղուց էի հերթի դրել, որ կարդամ:

3. Գիրքն ինչպե՞ս է սկսվում (առաջին նախադասությունը)
Որոշեցի աշխարհին պատմել իմ կյանքում տեղի ունեցած հիշարժան հանդիպումների մասին:
4. Ո՞ր էջն եք հասել
90/225
5. Ձեր կարծիքը մինչև հիմա
Սկզբունքորեն այն էր, ինչին սպասում էի: Գրված է բարձր վարպետությամբ, առկա են հետաքրքիր և վառ կերպարներ, ոչ մի ավելորդ բառ չկա, աստվածաբանական բարդ զրույցները համեմված են համակրելի երգիծանքով, որն ավելի հաճելի է դարձնում գրքի ընթերցանությունը:

[Smokie]

Ի՞նչ եք կարդում հիմա
Չարլզ Չապլին-«Իմ կենսագրությունը»
Ինչու՞ որոշեցիք կարդալ հենց դա
Որ հիշեմ դպրոցական տարիների վերջին 2 ամառներին տարիներին կարդացածս:Անցած տարի էլ բերել էի էնտեղից:Գիրքն ինչպե՞ս է սկսվում (առաջին նախադասությունը)
Երևի նախաբան «Նվիրվում է Ունային» վերնագրով. «Քենինգթոն-րոուդը նախքան Վեստմինսթերյան կամրջի կառուցումը ընդամենը հեծյալի մի նեղլիկ ճանապարհ էր:»
Առաջին գլուխ. «Ես ծնվել եմ 1889 թվականի ապրիլի 16-ին, երեկոյան ժամը 8-ին:»
Ո՞ր էջն եք հասել
98/593
Ձեր կարծիքը մինչև հիմա
Շատ հետաքրքիր ա: Կարծում եմ եթե իրենք սկզբում աղքատ չապրեին, Չապլինը բազմահանճար մարդ չէր դառնա, էնքա՜ն բաներ ա սովորել էդ օրերին: Մեծամասամբ հիշում եմ գիրքը, բայց էնքա՜ն հաճելի ա կրկնությունը: Գրքում կան նաև նկարներ, լրացուցիչ ինֆորմացիաներ, Չապլինի ֆիլմերի ցանկը տարբեր ստուդիաներում և իհարկե իր հանրահայտ նամակը դստերը՝ Ջերալդինային:: Իրոք մե՜ծ մարդ էր:

[StrangeLittleGirl]

1. Ի՞նչ եք կարդում հիմա
Alice Walker - Collected Poems
2. Ինչու՞ որոշեցիք կարդալ հենց դա
Վերջերս պոեզիան ընդհանրապես ինձ տանում ա: Ու վերջերս ուզեցի Արք գրախանութից որևէ գիրք առնել: Տենց, էս գիրքն աչքովս ընկավ, Էլիսին էլ վաղուց գիտեմ, սիրում եմ իրա պոեզիան:
3. Գիրքն ինչպե՞ս է սկսվում (առաջին նախադասությունը)
Beads around
my neck
Mt. Kenya away
over pineappled hills
Kikuyuland
4. Ո՞ր էջն եք հասել
96/461
5. Ձեր կարծիքը մինչև հիմա
Ինձ թվում ա՝ մենք հաճախ թերագնահատում ենք պոեզիան՝ չկարդալով այն: Առաջ միշտ հատիկ-հատիկ էի կարդում, ասում էի՝ էսինչի էսինչ գործը լավն ա: Բայց սենց հավաքածու կարդալը շատ հավես ա: Լիքը հետաքրքիր լիցքեր ա տալիս: Հաջորդը երևի Ռեմբո կամ Դեսնոս կկարդամ:

[StrangeLittleGirl]

Էս թեման ինչու՞ ա լռվել: Ակումբցիներն էլ չե՞ն կարդում

1. Ի՞նչ եք կարդում հիմա
Սթոուներ - Ջոն Վիլյամս
2. Ինչու՞ որոշեցիք կարդալ հենց դա
Էս գիրքը համարվում ա, էսպես կոչված, վերահայտնաբերված կլասիկա: Բացի դրանից, մեր ընթերցողների ակումբի փետրվարի գիրքն ա:

3. Գիրքն ինչպե՞ս է սկսվում (առաջին նախադասությունը)

Willian Stiber entered the University of Missouri as a freshman in the year 1910, at the age of nineteen.
4. Ո՞ր էջն եք հասել

74/288
5. Ձեր կարծիքը մինչև հիմա
Եսի՞մ: Ահավոր չափած-ձևած գիրք ա:

[Ռեյ սամա]

Ի՞նչ եք կարդում հիմա
Կրիմինալ աբորտներ- Անդրեյ Լոմաչինսկիյ /Андрей Анатольевич Ломачинский - КРИМИНАЛЬНЫЕ АБОРТЫ/

Ինչու՞ որոշեցիք կարդալ հենց դա
Հիվանդության պատմություն պիտի գրեի...հարմար հիմքի փնտրտուքի մեջ պատահական դեմ առա էս գրքին, որը գեղարվեստական է ըստ էության, բայց հեղինակը դատաբժիշկ է:

Գիրքն ինչպե՞ս է սկսվում (առաջին նախադասությունը)
Знаете, в своей куцей практике военной судебной экспертизы я с криминальными абортами сталкивался мало – воинская служба в Советском Союзе больше вынуждала с мужскими трупами дело иметь.

Ո՞ր էջն եք հասել
Օնլայն եմ կարդում, չգիտեմ որ էջն ա Օ.օ տենց, մի 30% կարդացել եմ

Ձեր կարծիքը մինչև հիմա
Ցինիկ գիրք ա...շատ թեթև ա կարդացվում, շատ հասկանալի ու պարզ լեզվով ա գրված...բայց ցինիզմը տեղ-տեղ չափն անցնում ա: Ընդ որում, հետաքրքիր տենդենց՝ նույն ցինիզմն ու չոր փաստերի արձանագրման մասնագիտական սովորույթը զուգակցվում են հեղինակի՝ կանանց հանդեպ տածած անհուն կարեկցանքի, էմոցիոնալ ապրումների հետ:

[Skeptic]

1. Ի՞նչ եք կարդում հիմա
Дэниел Киз - Множественные умы Билли Миллигана

2. Ինչու՞ որոշեցիք կարդալ հենց դա
Անհատականության դիսսոցիատիվ խանգարումը սկսել էր հետաքրքրել մի քանի ֆիլմեր դիտելուց հետո (Identity, իհարկե՝ Fight Club, Session 9), հետո Վիքիներում կարդացի Միլիգանի դեպքի մասին: Դե, Քիզն էլ բոլորին հայտնի ա «Ծաղիկներ Էլջերնոնի համար» պատմվածքով:

3. Գիրքն ինչպե՞ս է սկսվում (առաջին նախադասությունը)
Эта книга является достоверным описанием жизни Уильяма Стэнли Миллигана, первого человека в истории Соединенных Штатов Америки, которого суд признал невиновным в серьезных преступлениях по причине психического расстройства подсудимого в форме множественности его личности.

4. Ո՞ր էջն եք հասել
Նոր եմ սկսել. ~11%

5. Ձեր կարծիքը մինչև հիմա
Կլանված կարդում եմ, դժվար ա պոկվելը: Սպասելիքներս դեռ արդարացվում են, մանավանդ՝ հաշվի առնելով, որ գիրքը գեղարվեստական չի:

[Անվերնագիր]

ՄԱՀ գիրք ա