Կրթություն արտասահմանում, ինչի՞ց սկսել...

[Նաիրուհի]

Չէ, ամեն անգամ մի բան էն չի լինում: Կա՛մ չեն ընդունում, կա՛մ ընդունում են, փող չի ճարվում, կա՛մ լեզվի գնահատականն ա ի սկզբանե ցածր լինում և այլն: Բայց լինում են նաև էնպիսի դեպքեր, երբ առաջին փորձից էլ ստացվում ա: Կախված ա պատրաստվածությունից ու նրանից, թե ինչ ծրագրի ես դիմում: Մի խոսքով, լիքը հանգամանքներ պետք ա հաշվի առնել:

Լավ, թեման զրուցարանի չվերածելու համար մի հարց էլ ու պըրծ. որ պետք լինի, խորհրդատվությամբ կօգնե՞ս

[StrangeLittleGirl]

Լավ, թեման զրուցարանի չվերածելու համար մի հարց էլ ու պըրծ. որ պետք լինի, խորհրդատվությամբ կօգնե՞ս

հա

[Artyom]

Ժող ջան, ինչ-որ մեկը տեղյա՞կ է կրթության և գիտության նախարարության կողմից կազմակերպվող մրցույթի մասին՝ ուսումը արտասահմանում շարունակելու համար: Դրանք էս թեմայում քննարկված ծրագրերո՞վ են, թե՞ կապ չունեն իրար հետ: Մասնավորապես ինձ հետաքրքրում է ասպիրանտուրան:
Edu.am-ում ոչինչ չգտա դրա վերաբերյալ:

[Tia]

բարև ձեզ ..որ խնդրեմ ինձ չեք օգնի երաժշտական ինստիտուտ /քոլեջ/ գտնեմ Անգլիայում կամ ԱՄՆ -ում վորոնք կրթաթոշակ կամ ֆինանսական օգնություն են տրամադրում օտարերկրյա ուսանողներին և կարեվորը ունենան վոկալի բաժին բայց ոչ դասական/օպերա/:
նախապես շնորակալություն

[Հարութ]

Խնդրեմ, կտա՞ք լավ մասնագետների համարներ TOEFL IBT և GRE պարապմունքների համար: Շնորհակալություն

[Ruby Rue]

Ժողովուրդ, փոխանակման ի՞նչ ծրագրեր կան, որ էս տարվա երկրորդ սեմեստրի համար կարող եմ դիմել:
Ուզում ՝ Եվրոպա լինի, ուզում է Ամերիկա, ուզում է Ասիա, բայց միայն թե լինի...

[Stranger_Friend]

DAADի մասին ո՞վ տեղեկություն ունի: Ակումբում կա՞ մարդ, ով օգտվել է: Մի երկու բան հարցնեի.

[Ռուֆուս]

Եթե չեմ սխալվում ivy-ն ա DAAD-ով Գերմանիա գնացել, ՊՄ ուղարկի, որովհետև երկար ժամանակ ա Ակումբ չի մտել:

[StrangeLittleGirl]

Ժողովուրդ, փոխանակման ի՞նչ ծրագրեր կան, որ էս տարվա երկրորդ սեմեստրի համար կարող եմ դիմել:
Ուզում ՝ Եվրոպա լինի, ուզում է Ամերիկա, ուզում է Ասիա, բայց միայն թե լինի...

Ռուբ, Էրասմուս Մունդուսի Action II-ով նայի ինչ կա-չկա, չնայած խելքս չի կտրում, որ երկրորդ կիսամյակից լինի, ավելի հավանական ա, որ մյուս սեպտեմբերից լինի:

Եթե չեմ սխալվում ivy-ն ա DAAD-ով Գերմանիա գնացել, ՊՄ ուղարկի, որովհետև երկար ժամանակ ա Ակումբ չի մտել:

Այվին DAAD-ով չի գնացել, բայց լիքը բան գիտի DAAD-ի մասին: Ես էլ մի քիչ գիտեմ Բայց ոչ մի լավ բան չեմ ասի, նենց որ ինձ հարցնել չկա:

Arisol-ն ա DAAD-ով գնացել, եթե ինքը ընդհանրապես ակումբի կողմերում էրևում ա վերջերս:

[Stranger_Friend]

Այվին DAAD-ով չի գնացել, բայց լիքը բան գիտի DAAD-ի մասին: Ես էլ մի քիչ գիտեմ Բայց ոչ մի լավ բան չեմ ասի, նենց որ ինձ հարցնել չկա:

Arisol-ն ա DAAD-ով գնացել, եթե ինքը ընդհանրապես ակումբի կողմերում էրևում ա վերջերս:

Պարտադիր չի լավ բան լինի: Ես հենց վատ կողմերն եմ ուզում իմանամ Ինչքանո՞վ արժի հույս կապել իրա հետ.

[StrangeLittleGirl]

Պարտադիր չի լավ բան լինի: Ես հենց վատ կողմերն եմ ուզում իմանամ Ինչքանո՞վ արժի հույս կապել իրա հետ.

Չարժի: Ես դիմել եմ, լավ էր՝ զուգահեռ ուրիշ ծրագրերի էլ էի դիմել: Ճիշտ ա՝ իմ հարցը մի քիչ այլ էր, որովհետև անգլալեզու ծրագրի էի դիմել, իսկ իմ փաստաթղթերն ամեն կերպ ասում էին, որ ես ոչ միայն գերմաներեն չգիտեմ, այլև չեմ էլ ուզում իմանալ, ու դա միակ պատճառն էր, որ մերժեցին (որովհետև պատճառների հսկայական ցուցակ են ուղարկում, թե ում են առավելություն տալիս, մնացած բոլոր հարցերում ես ունեի էդ առավելությունները): Բայց կողքից շատ եմ լսել, որ Երևանից ինչ ասես չեն անում իրենց ծանոթներին անցկացնելու համար: Ամեն դեպքում, ապացույց չունեմ, որևէ բան չեմ կարող ասել:

[Stranger_Friend]

Չարժի: Ես դիմել եմ, լավ էր՝ զուգահեռ ուրիշ ծրագրերի էլ էի դիմել: Ճիշտ ա՝ իմ հարցը մի քիչ այլ էր, որովհետև անգլալեզու ծրագրի էի դիմել, իսկ իմ փաստաթղթերն ամեն կերպ ասում էին, որ ես ոչ միայն գերմաներեն չգիտեմ, այլև չեմ էլ ուզում իմանալ, ու դա միակ պատճառն էր, որ մերժեցին (որովհետև պատճառների հսկայական ցուցակ են ուղարկում, թե ում են առավելություն տալիս, մնացած բոլոր հարցերում ես ունեի էդ առավելությունները): Բայց կողքից շատ եմ լսել, որ Երևանից ինչ ասես չեն անում իրենց ծանոթներին անցկացնելու համար: Ամեն դեպքում, ապացույց չունեմ, որևէ բան չեմ կարող ասել:

Չորս կողմից ասում են, որ գերմաներեն իմացողի համար շատ դռներ են բացվում: Դե ես որ օտար լեզու չգիտեմ, պիտի ընտրություն կատարեմ անգլերենի ու գերմաներենի միջև, մեկը սովորեմ արտասահմանում հավանական կրթություն ստանալու համար: Խորհուրդ են տալիս գերմաներենը, ասում են շատ ավելի հեշտ կլինի ու ԴԱԱԴ-ն էլ գերմաներեն տիրապետողի համար շատ բան է անում: Ուրիշ ծրագրեր գիտե՞ք գերմաներենի հետ կապված, ես բժշկական գծով եմ ուզում: Անգլերեն հիմա շատ տիրապետող կա, ես էլ եմ կածում գերմաներենով ավելի հեշտ կլինի, չգիտեմ.

[ivy]

Քանի որ արդեն վեց տարուց ավել է, ինչ Գերմանիայում եմ, հաստատ կարող եմ ասել, որ լավ կլինի՝ գերմաներենով անցնես ուսումդ:
Ես ինքս անգլերենով եմ սովորել էստեղ, բայց իմն էնպես էր, որ չէի կարծում՝ կմնամ Գերմանիայում, մտածում էի՝ անգլիալեզու երկիր կգնամ ուսումիցս հետո: Բայց քանի որ մնացի էստեղ, հասկանում եմ, թե ինչքան հեշտ կլիներ ամեն ինչ, եթե գերմաներենի իմացությամբ եկած լինեի, ու ուսումս էլ էդ լեզվով լիներ:

Եթե մտածում ես գաս սովորես ու գնաս էստեղից, ապա անգլերենը երևի ավելի լավ տարբերակ է, որովհետև անհամեմատ հեշտ լեզու է՝ համեմատած ծանր գերմաներենի հետ: Բայց եթե մտածում ես ուսումիցդ հետո մնալ ու աշխատել էստեղ, ապա քեզ ավելի հեշտ կլինի, եթե ուսումդ գերմաներենով անցած լինես: Գերմաներենի իմացությունը շատ-շատ կարևոր է, եթե մնալու ես էս երկրում:

Հիմա Դաադ-ի կապակությամբ: Ես ինքս Դաադ-ով չեմ գնացել: Ինքնուրույն գտել եմ համալսարանը, ուղարկել փաստաթղթերս, ընդունվել ու գնացել սովորելու (ինքնաֆինանսավորմամբ), ոչ մի կրթաթոշակի չեմ դիմել: Բայց ինչ խոսք, կրթաթոշակով գնալն ավելի լավ է, որովհետև ոչ մի ֆինասնական խնդիրների չես հանդիպի, քեզ համար հանգիստ կսովորես, փողդ էլ կստանաս: Ուղղակի կրթաթոշակ ստանալը հեշտ չի. պիտի լավագույնների մեջ լինես կամ առնվազն քեզ էդպիսին ներկայացնել կարողանաս:
Երևանում կա Դաադ-ի գրասենյակ, կարող ես գնալ մի օր, հարցուփորձ անել, հասցեն՝ Սարմենի 82, հեռ.՝ 010 58 25 15:

Կրթաթոշակի համար պիտի երկու գործղություն կատարես՝ նախ համալսարան գտնես ու դիմես էնտեղ, ապա առանձին դիմես նաև Դաադ-ին: Այսինքն՝ փաստաթղթեի երկու փաթեթ պիտի սարքես՝ մեկը համալսարան ընդունվելու համար, մյուսը՝ կրթաթոշակ ստանալու համար:

Եթե մի քիչ անգլերեն կամ գերմաներեն գիտես, կարող ես նայել Դաադ-ի կայքը. վերևում կարող ես ընտրել, թե որ լեզվով ես ուզում կարդալ: Էնտեղ շատ օգտակար ինֆորմացիա կա. կարող ես գտնել քո ուզած ֆակուլտետները՝ ըստ քո մասնագիտության և նայես, թե ինչ պայմաններ ունեն ընդունվելու համար, ինչ լեզու են պահանջում և այլն:

Եթե մենակ հայերեն գիտես, ապա նայիր Դաադ-ի հայաստանյան գրասենյակի պաշտոնական կայքը, էնտեղ լիքը ինֆորմացիա կա քեզ հետաքրքրող կրթաթոշակների մասին: Թեև ամեն դեպքում, խորհուրդ կտամ, մի հատ գնալ իրենց գրասենյակը ու խոսել հետները կոնկրետ քո դեպքի մասին:
Եթե էլի հարցեր ունենաս Գերմանիայում բուհ գտնելու, ընդունվելու, սովորելու կամ ընդհանրապես՝ էստեղ ապրելու մասին, կարող ես իմեյլիս գրել՝ iparika(շնիկ)gmail(կետ)com

[syunie]

Ժողովուրդ ջան, ես DAAD-ով եմ եկել Գերմանիա, եթե հարցեր ունենաք դիմեք:

[Stranger_Friend]

Ժողովուրդ ջան, ես DAAD-ով եմ եկել Գերմանիա, եթե հարցեր ունենաք դիմեք:

Ես դիմել եմ, ուղղակի նամակով: Եթե դժվար չէ, այդպես զրուցենք. հա՞