«Կրոն» բաժնի թեմաներից դուրս քննարկումներ

[davidus]

Դավ, «խայտառակ»-ի պահով, թերևս, կատեգորիկ արտահայտվեցի, ընդունում եմ: Հարգում եմ քո կարծիքը: Բայց իմ համար կասկածից վեր ա, որ փարիսեցիները համարվում էին մնացած ոչ փարիսեցի հրեաների եղբայրները: Նախ` Հին Կտակարանում շեշտվում ա, որ բոլոր էթնիկ հրեաները, նույնիսկ անկախ դավանանքից, եղբայրներ են. «Եդոմայեցուց /ովքեր հեթանոս էին/ մի՛ խորշիր, որովհետեւ նա քո եղբայրն է։» - Երկ. Օր. 23:7: Ու ենթադրում եմ, որ Քրիստոսի ժամանակակիցները ոչ մի կերպ չէին կարող ծանոթ լինել միջնադարյան աստվածաբանների ստեղծած հայեցակարգերին ու հիմնադրույթներին: Հետևաբար իրանք պետք ա առաջնորդվեին հուդայական կրոնի սկզբունքներով:
Երկրորդը` հենց Քրիստոսն ա դրա մասին ասում. Մատթևոսի ավետարանի նույն` 23-րդ գլխում, երբ առաջին նախադասության մեջ ասվում ա, որ Հիսուսը խոսաց ժողովրդի ու աշակերտների հետ, ակնհայտ ա, որ նրանց մեջ փարիսեցիներ էլ կային, քանի որ գլխի երկրորդ հատվածում Հիսուսը ուղղակիորեն դիմում ա վերջիններիս: Իսկ 23: 8-ում ասվում ա. «Բայց դուք որեւէ մէկին ուսուցիչ մի՛ կոչէք, որովհետեւ ձեր ուսուցիչը մէկ է, եւ դուք բոլորդ /այսինքն` հավաքված ժողովուրդը, այսինքն` նաև փարիսեցիները/ եղբայրներ էք։»

Ամեն դեպքում հանգում ենք մեկնաբանման, ոչ թե կոնկրետ փաստին:

Այ ախպեր, էդքան խոսքի հետևից չեն ընկնի, կարող ա՝ սիրտը վեր եկած ա էղել, մի բան էլ ասել ա, ի՞նչ ես 23:2, 23:7, թող մեզ համար միամիտ հավատանք էլի:

Չէ, ինչի Շին ջան, լավ էլ սառռռռռը սրտով եմ գրել: Ասում խոսում ենք:

[Skeptic]

Ամեն դեպքում հանգում ենք մեկնաբանման, ոչ թե կոնկրետ փաստին:

Բնականաբար: Էս դեպքում Քրիստոսը ոչ մի տեղ ուղղակիորեն չի ասում. «Փարիսեցիները ձեր եղբայրներն են», ինչը ընթերցողին հնարավորություն ա տալիս յուրովի հասկանալ տվյալ հատվածի իմաստը: Համենայն դեպս, ես վերոնշյալ փաստարկների հիման վրա վերոնշյալ եզրակացությանն եմ եկել:
Բայց հաճախ կամայական մեկնաբանությունները հասնում են մարազմի աստիճանի. դասական օրինակը Տերտուղիանոսի կողմից Աենդորյան հոգեհմայի գործողությունների /Ա Թագ. 28: 8-ից սկսած/ մեկնաբանությունն ա:
Ախր հարևան գալակտիկայից ժամանած հումանոիդին էլ ա պարզ, որ էդ կանչվող հոգին իրոք Սամվելինն էր, ո՞նց կարելի ա աղավաղել, ավելի ճիշտ` 180°-ով շրջել էդ փաստը:

[davidus]

Բայց հաճախ կամայական մեկնաբանությունները հասնում են մարազմի աստիճանի. դասական օրինակը Տերտուղիանոսի կողմից Աենդորյան հոգեհմայի գործողությունների /Ա Թագ. 28: 8-ից սկսած/ մեկնաբանությունն ա:
Ախր հարևան գալակտիկայից ժամանած հումանոիդին էլ ա պարզ, որ էդ կանչվող հոգին իրոք Սամվելինն էր, ո՞նց կարելի ա աղավաղել, ավելի ճիշտ` 180°-ով շրջել էդ փաստը:

Գագ ջան, ոչ լսել եմ, ոչ էլ առավել ևս կարդացել...

[Skeptic]

Գագ ջան, ոչ լսել եմ, ոչ էլ առավել ևս կարդացել...

Մի բան էլ ասեմ, օֆֆթոփս թարգեմ. կարող ա տպավորություն ստեղծվի, որ ես Աստվածաշնչում տեսնում եմ մենակ վատ բաները ու փորձում եմ դրանք շահարկել: Բայց դա նրանից ա, որ գրեթե բոլորը էդ վատ բաների /Յահվեի կողմից լիքը անմեղ մարդ վերացնելը, երեխային քարկոծելով սպանելու, կույսին բռնաբարելուց հետո նրա հետ ամուսնանալու օրենքները և այլն/ մասին մոռանում են /կամ իրանք իրանց համոզում են, որ մոռանում են/: Էդքան բան:
Բայց համամարդկային արժեքների առկայությունը չեմ ժխտում, հետևաբար դրանք որպես բարոյականության հնարավոր /բայց ոչ միակ/ աղբյուր դիտարկող մարդկանց հետ հաճելի ա շփվելն ու բանավիճելը: