Քաղաքական լրահոս

[Chuk]

Սա ՀԱԿ երկրորդ պահանջն էր:
Մնաց ԲՈԼՈՐ քաղբանտարկյալների ազատ արձակումը:

...

Հայ ազգային կոնգրեսի հաջորդ հանրահավաքն Ազատության հրապարակում անցկացնելու թույլտվությունն ընդդիմության պահանջների երկրորդ կետի լիարժեք կատարումն էր։ Այս մասին Tert.am-ի հետ զրույցում ասաց ՀՀՇ վարչության նախագահ Արամ Մանուկյանը։ Հիշեցնենք, որ Երևանի քաղաքապետարանն այսօրվա որոշմամբ ՀԱԿ-ին թույլատրել է ապրիլի 28-ի հանրահավաքն անցկացնել Ազատության հրապարակում։

Մանուկյանի խոսքով՝ դա իրենց համար սպասելի էր: «Հույս կար, որովհետև մեր միտինգներին մասնակցողների թիվը և իշխանության մեջ նկատվող խոհեմության էլեմետները այդ հույսը տալիս էին,- ասաց Արամ Մանուկյանը և հավելեց:- Ընդդիմությունն սպասում է, որ իշխանությունների կողմից կատարվի երրորդ պահանջը՝ քաղբանտարկյալների ազատ արձակումը»։

Այդ քայլի իրագործումը, ըստ ՀՀՇ վարչության նախագահի, կարող է ընդդիմության և իշխանության միջև երկխոսության ծավալման հնարավորություն տալ։

«Մենք սպասում ենք երրորդ կետի կատարմանը։ Ապրիլի 28-ի միտինգը նոր ոգևորության և մասնակիցների նոր քանակի առիթ կլինի, շատ մարդիկ կլինեն։ Այնպես որ, եթե իշխանությունը խելամիտ լինի, լավ կլինի»,- ասաց նա։

Աղբյուր՝ tert.am

[Mephistopheles]

Նիկոլին եւ Սասունին հաջորդ շաբաթ ազատ կարձակե՞ն
21:31 | Այսօր | ՔԱՂԱՔԱԿԱՆՈՒԹՅՈՒՆ
Մայիսի առաջին կամ երկրորդ տասնօրյակում սպասվում է քաղբանտարկյալներ Սասուն Միքայելյանի եւ Նիկոլ Փաշինյանի ազատ արձակումը:

ՀՀ նախագահի նստավայրի մեր աղբյուրը հայտնում է, թե Սերժ Սարգսյանը վերջնական որոշում է կայացրել իրենց քաղաքական հայացքների համար դատապարտվող 7 գործիչներից 5-ի վերաբերյալ. Արամ Բարեղամյանը, Արա Հովհաննիսյանը, Շմավոն Գալստյանը նույնպես կալանավայրերից դուրս կգան: Այդպիսով, մարտի 1-ի քրեական գործով այլեւս ոչ մի քաղբանտարկյալ Հայաստանում չի լինի:

Սերժ Սարգսյանը, սակայն, բավականին կատեգորիկ է տրամադրված Սարգիս Հացպանյանի եւ Մուրադ Բոջոլյանի վաղաժամկետ ազատ արձակման հարցում, քանի որ այս երկուսին լրտեսներ է համարում:
Հիշեցնենք, Սարգիս Հացպանյանը 2008թ. նոյեմբերի 4-ին «Հայկական ժամանակ» օրաթերթի միջոցով հայտարարեց, որ նախագահ Սերժ Սարգսյանի դեմ նախապատրաստվում է մահափորձ: 2009թ. ապրիլի 9-ին Երեւանի Կենտրոն եւ Նորք-Մարաշ համայնքների ընդհանուր իրավասության դատարանը նրան «սուտ մատնություն» մեղադրանքով դատապարտեց 3,5 տարվա ազատազրկման: Միաժամանակ հիշեցնենք նաեւ, որ 2008-ի մարտի 10-ին, երբ Երեւանում հայտարարված էր արտակարգ դրություն, այն ժամանակվա նախագահ Ռոբերտ Քոչարյանի կարգադրությամբ Հացպանյանը զրկվել էր Հայաստանում բնակվելու իրավունք տվող հատուկ կարգավիճակից, որն ուժի մեջ էր մինչեւ 2016 թվականը:

Մուրադ Բոջոլյանը բանտում է 2002 թվականի հունվարի 26-ից։ Նա մեղադրվում է Թուրքիայի օգտին լրտեսություն կատարելու մեջ եւ դատապարտվել է 10 տարվա ազատազրկման։ Որպես ապացույց դատարանն օգտագործել է թուրքական մամուլում հրապարակված նրա նյութերը։ Մուրադ Բոջոլյանը հիմնականում թղթակցել է թուրքական «Ագոս» թերթին, որի գլխավոր խմբագիրը այդ ժամանակ եղել է 2007 թվականին սպանված լրագրող Հրանտ Դինքը։

Նախագահականի մեր աղբյուրը հայտնում է, որ որպես ինքնատիպ ներման սույն ակտի հիմք են հանդիսանալու հանրային խորհրդի նախագահ Վազգեն Մանուկյանի, Մարդու իրավունքների պաշտպան Կարեն Անդրեասյանի միջնորդությունները:

Ըստ մեր աղբյուրի` Սերժ Սարգսյանն այս պահին մտորում է նաեւ այլ հեղինակավոր կամ հասարակության հարգանքը վայելող գործիչներից միջնորդություններ «ստանալու» ուղղությամբ:

A1+.am

[Chuk]

Այսօր առավոտյան ժամը 8.00-ին Արտաշատի ոստիկանները այցելել են Արտաշատի ՀԺԿ տարածքային կազմակերպության քարտուղար Արամայիս Բարսեղյանի տուն եւ հորդորել չմասնակցելԱզատության հրապարակում կազմակերպվող հանրահավաքին:

«Տեսնելով, որ ես ընդվզում եմ, ինձ բերման ենթարկեցին բաժին»,- այդ մասին «Ա1+»-ին հայտնեց Արամայիս Բարսեղյանը:

Նրա խոսքերով` արդեն 7-8 ժամ է ինքը ոստիկանությունում է, սակայն որեւէ գործողություն դեռ չի իրականացվել:

Վերջինս մտավախություն ունի, որ մինչեւ հանրահավաքի ավարտը իրեն բաց չեն թողնի:

Աղբյուր՝ Ա1+

[Chuk]

Հայ Ազգային Կոնգրեսի Արտաշատի տարածքային կառույցի ղեկավար Վիկտոր Գասպարյանին այսօր առավոտյան բերման են ենթարկել մարզի ոստիկանություն:

Ինչպես «Ա1+»-ին հայտնեց Հայ Ազգային Կոնգրեսի ներկայացուցիչ Արման Մուսինյանը, դեռ տեղեկություններ չկան, թե ինչի համար են նրան տարել ոստիկանություն:

ՀԱԿ-ում, այդ կապում են հանրահավաքի հետ, որը տեղի կունենա այսօր` ժամը 18.00-ին Ազատության հրապարակում:

Աղբյուր՝ Ա1+

[Chuk]

Մարզերից չեն կարողանում հասնել մայրաքաղաք

Այսօր, ի տարբերություն նախորդ հանրահավաքների, ճանապարհների վիճակն առավել վատ է: Ոստիկանությունն այս անգամ փակել է գրեթե բոլոր ճանապարհները եւ ընդհանրապես երթեւեկություն չի իրականացվում:

«Առաջին լրատվականի» տեղեկություններով այս պահին Մասիս, Արտաշատ, Արթիկ, Գյումրի և դրանց հարակից տարածքներից եկող երթուղայիները չեն գործում, ուսանողները վաղ առավոտից չեն կարողանում հասնել Երևան:

Մեզ հետ զրույցում, տաքսիների վարորդները նշեցին, որ իրենց կանգնեցրել են ճանապարհին և իրենք մի կերպ են հասել քաղաք:

Աղբյուր՝ 1in.am

[Kuk]

ՊԱՀԱՆՋՈՒՄ ԵՆ ՆՍՏԱՑՈՒՅՑ


Ընդդիմության երթը վերադարձավ Ազատության հրապարակ, մի խումբ կանայք եւ տղամարդիկ երթի մասնակիցներին դիմավորեցին հարթակի աստիճաններին նստած եւ նստացույց բացականչելով: Ցուցարարների մի մասը բղավում է նստացույց:

Այժմ Լեւոն Տեր-Պետրոսյանն ու Կոնգրեսի մյուս լիդերները հարթակի վրա են եւ ցույցի մասնակիցները սպասում են նրանց խոսքին: Մասնակիցների մի մասը ժամանակ առ ժամանակ վանկարկում է Նստացույց եւ Հիմա, Հիմա:

Լրագիր

[Kuk]

ՀԱՄՈԶԵՑԻՆ ՆՍՏԱՑՈՒՅՑ ՉԱՆԵԼ

Ազատության հրապարակում մի խումբ կանայք եւ տղամարդիկ երթի մասնակիցներին դիմավորեցին հարթակի աստիճաններին նստած եւ նստացույց բացականչելով:

Դիմելով մարդկանց, ՀՀՇ վարչության նախագահ Արամ Մանուկյանը հայտարարեց. Մենք բոլորիդ մտահոգությունները շատ լավ գիտենք, բայց շախմատը լուրջ խաղ է, քաղաքականությունը շատ լուրջ գործ է: Խաղադրույքի վրա Հայաստանն է: Երեք տարի համբերել եք, մի փոքր էլ համբերեք, եւ քաղբանտարկյալները կլինեն էստեղ: Հայ ազգային կոնգրեսը այսօրվա հանրահավաքը համարում է ավարտված:

Իր հերթին, Լեւոն Զուրաբյանը հայտարարեց. Ժողովուրդ, չեք կասկածում, չէ՞ մեր վճռականության պակասին: Ուրեմն կներեք, քաղաքականությունը բարդ հաշվարկի արվեստ է: Այսօր մենք արել ենք մի քայլ, եւ շատ լավ հասկանում ենք, որ այդ քայլը միանշանակ չի ընկալվելու մեր հասարակության կողմից: Բայց եթե անում ենք, վստահ եղեք, որ շատ լավ հաշվարկել ենք մեր քայլերի եւ կոնկրետ այս քայլի հետեւանքները: Եվ ձեզ մի բան էլ եմ վստահեցնում: Ձեզ թվում է, որ սա նահանջ էր, իմացեք, որ մեր շարժման պատմության մեջ ավելի արդյունավետ քայլ չի լինելու, քան էն քայլը, որ մենք էսօր կատարեցինք:

Էս անգամ իմ խոսքին հավատացեք, մյուս անգամ ես ձեզ հետ նստելու եմ: Այսօրվա մեր քայլը լինելու է մեր ամենաարդյունավետ քայլը մեր ամբողջ այս պայքարի պատմության մեջ: Ուրեմն վստահ եղեք, որ այս մեկ ամսվա մեջ մեր պայքարի համար բացվելու են այնպիսի հեռանկարներ, որոնց մասին դուք անգամ չեք կարող երազել: Ուրեմն հանգիստ խղճով գնացեք այսօր տուն, իսկ հետո եռապատկված, տասնապատկված վճռականությամբ եկեք մյուս հանրահավաքին, եւ հաղթանակը լինելու է մերը: Երբեք մի կապեք ձեր որոշումները մի օրվա հետ: Սա մի օրվա հարց չի: Իսկ երբ որ էն օրը գա, որ դա դառնա մի օրվա հարց, վստահ եղեք, որ մենք ձեզ տանելու ենք այդ գրոհին: Իմացեք, որ քաղաքականությունը դա բարդագույն հաշվարկի արվեստ է: Ձեր ցանկությունները երբեք իրականության տեղ մի դրեք: Մենք ավելի լավ գիտենք` այս քայլը անելով ոնց են ձեր ցանկությունները բավարարվելու:

Զուրաբյանի խոսքերը ոչ միանշանակ արձագանքի են արժանանում մասնակիցների մոտ: Մի մասը ծափահարում է, մի մասը լռում, մի մասը հիասթափական բացականչություններ անում:

Երվանդ Մանարյանն էլ հայտարարեց. համբերող լինենք, շտապողականությամբ ոչ մի տեղ չենք հասնի: Հավատանք, որ մեզ առաջնորդում է իմաստուն մարդ: Համբերենք, իմ տարիքի փորձով եմ ասում: Մեզ ուզում եմ շշկռացնեն, որ մի հիմարություն անենք: Չենք անի,մենք միայն քայլելու ենք ճշմարիտ, իմաստուն ճանապարհով:

Լեւոն Զուրաբյանն էլ ավելացրեց` եկեք սրանով մեր հանրահավաքը փակենք, հաջողություն մաղթենք իրար եւ հաղթանակ, հաջողություն բոլորիդ:

Ժողովուրդը սկսեց ցրվել: Մի քանի կանայք մի քիչ նստեցին, հետո վեր կացան: Մարդիկ խումբ-խումբ մոտեցել են Կոնգրեսի ղեկավարներին եւ զրուցում են:

Լրագիր

[Tig]

Մարդու սիրտա խառնում արդեն... Ավելի ճիշտ արդեն չէ՝ վաղուց սրտխառնոցի մեջ ենք ապրում: Ու ամենավատը էնա, որ դա սովորական վիճակա դառել

Ռ Հայրապետյանը լրագրողին «Ուզում ես հղիանա՞լ իմ տղայից» ասելով ոչ թե վիրավորել է, այլ` մտածել մեր ազգային գենոֆոնդի մասին

«Ուզում ես հղիանա՞լ իմ տղայից» արտահայտությունը, որով ԱԺ ՀՀԿ-ական պատգամավոր Ռուբեն Հայրապետյանը դիմել էր «Հայկական ժամանակ» օրաթերթի լրագրողին, ըստ Հայրապետյանի, հայհոյանք չէ: «Լավ բան եմ առաջարկել, առողջ, գենետիկ ֆոնդով, լավ որակով էրեխեք կունենան»,-հայտարարեց Հայարպետյանը`ապրիլի 29-ին լրագրողների հետ հանդիպման ժամանակ: Նա, ի դեպ, սեռական բնույթի հայհոյանք էր տվել նաեւ «Հետք» կայքի լրագրողին, ով դատի էր տվել պատգամավորին: Հարցին, թե հնարավո՞ր է, որ այդ նախադեպը պատճառ է դարձել, որպեսզի Հայրապետյանը հարգալից լինի լրագրողնրեի հանդեպ եւ չհայհոյի այլեւս, պատգամավորն արձագանքեց. «Ես լրագրողին չեմ հայհոյել, միշտ հարգալից եմ վերաբերվել լրագրողների հետ, երբ որ լրագրողը փորձել ա իմ նկատմամբ հարգալից լինել»:

Քիչ անց դիմելով ներկա լրագրողներին` պատգամավորը հայտարարեց, որ եթե որեւէ մեկը փորձի իր նկատմամբ ոտնձգություն անել, «հաստատ շատ ավելի վատ կվարվեմ»: Նա նշեց, որ լրագրողին հայհոյելու պատճառ է հանդիսացել վերջինիս համառւթյունը: «Ես պառկած եմ հիվանդանոցում ու ինքն ինձ զանգում ա: Ասում եմ` հիվանդանոցում եմ ու անջատում եմ հեռախոսը: Նա նորից երեք անգամ զանգում ա: Այսինքն, ես բուժվելու իրավունք չունե՞մ»,-տարակուսեց ՀՖՖ նախագահը: Իսկ հայհոյելու իրավունք ունե՞ք` լրագրողներից մեկի ճշտմանը Հայրապետյանն արձագանքեց. «Իհարկե ոչ, ո՞վ ա ասում ունեմ: Ես իմ համար խոսել եմ, միացրած եմ թողել իմ հեռախոսը, ինքն էլ լսել ա: Ես հո չե՞մ ուզեցել իրան հայհոյեմ»: Հայրապետյանը, ով վրդովված էր երեւում հարցից, առաջարկեց հարցն ուղղած լրագրողին «Կոկալ-կոլա» խմել, թարմանալ: Ապա վերցրեց սեղանին դրված «Կոկա-Կոլայով» լի բաժակն եւ հետեւեց իր իսկ խորհրդին: Տեղեկացնում է NEWS.am-ը:

Ուշագրավ է, որ ասուլիսին ներկա էր նաեւ «Կոկա-Կոլա» ընկերության գլխավոր տնօրեն Գագիկ Դանիելյանը, ով զարմացած հետեւում էր լրագրողի եւ Հայրապետյանի երկխոսությանը:

Neonews.am

[My World My Space]

Ռուսալեզու կայքերում մի նորություն ա տարածվում, թե իբր Ղարաբաղա-ադրբեջանական շփման գծում հայ սնայպերի կողմից ոչնչացվել է Ադրբեջանի ՊՆ Աբիևը

Армянский снайпер убил министра обороны Азербайджана

[Mephistopheles]

Երկար անորոշությունից հետո քաղաքական դաշտը հստակեցվում է. Արմեն Մարտիրոսյան
17:52 • 02.05.11




«Հայ ազգային կոնգրես - իշխանություն երկխոսությունը ես միանշանակ ողջունում եմ, որովհետև երկար անորոշությունից հետո քաղաքական դաշտը կամաց-կամաց հստակեցվում է»,- Tert.am-ի հետ զրույցում նման կարծիք հայտնեց «Ժառանգություն» կուսակցության պատգամավոր Արմեն Մարտիրոսյանը:

«ՀԱԿ-ի և իշխանության միջև առկա երկխոսության շնորհիվ քիչ-քիչ նշմարվում են նաև այն ուժերը, որոնք ակտիվ են լինելու նախընտրական գործընթացներում: Միակ ցավս այն է, որ երեք տարի ժողովուրդն այլ կարգախոսների և պահանջների տակ է հավաքվել, բայց հիմա պարզվում է՝ այլ խնդիրներ են առաջ քաշվել, այլ կարգախոսներ կան»,- նշեց նա:

Պատգամավորը համոզված է, որ «ՀԱԿ-ի և իշխանության երկխոսությունը» ընդդմիադիր մյուս ուժերին բոլորովին չի խանգարում: «Բայց այն ընդդիմադիր ուժերը, որոնք պայքարում են ոչ թե երկխոսության, այլ ժողովրդի պահանջները լուծելու, երկրում բարեփոխումները օր առաջ անելու համար, նրանց պատասխանատվությունն ավելի է մեծանում»,- ասաց Մարտիրոսյանը:

Պատգամավորը մտահոգություն ունի, որ ՀԱԿ-ին համակրող հասարակությունը կարող է հիասթափություն ապրել: «Դա շատ լավ երևաց հատկապես ապրիլի 28-ի հանրահավաքի ժամանակ»,- ասաց նա:

ՀԱԿ առաջնորդ Լևոն Տեր-Պետրոսյանը ապրիլի 28-ի հանրահավաքի իր ելույթում հայտարարեց, որ իշխանությունների հետ երկխոսության դուռը եթե ոչ բաց, ապա առնվազն կիսաբաց է:

Ընդդիմադիր դաշտում՝ որոշակի զարգացումներ

Արմեն Մարտիրոսյանի խոսքով՝ «Ժառանգություն» կուսակցությունը, ինչպես իր քաղաքական գործունեության ողջ ընթացքում, այնպես էլ այսօր, շարունակում է հանդիպումները ընդդիմադիր ուժերի, քաղաքական գործընկերների հետ: «Այդ գործընթացը այսօր էլ շարունակվում է: Թե արդյունքում դա կդառնա նախընտրական դաշինք, քաղաքական դաշինք կամ մեկ այլ բան, ցույց կտան հետագա գործընթացներն ու հասարակության պահանջը»,- ասաց նա: Պատգամավորի կարծիքով՝ ընդդիմադիրների շրջանում ներկա գործընթացներն առաջիկայում կարող են բերել նոր զարգացումների:

«Կարծում եմ՝ մոտ ապագայում մենք կտեսնենք որոշակի զարգացումներ, համատեղ գործողություններ ընդդիմադիր դաշտում»,- ասաց Արմեն Մարտիրոսյանը:

Արմեն Մարտիրոսյանը հիշեցրեց, որ մայիսի 21-ին իրենց կուսակցության առաջնորդ Րաֆֆի Հովհաննիսյանը քաղաքացիական բաց ժողով է հրավիրելու: Հարցին, թե հնարավո՞ր է, որ այդ օրը հնչեն ընդդիմադիրների համագործակցության մասին հայտարարություններ, Մարտիրոսյանը պատասխանեց. «Դա Րաֆֆի Հովհաննիսյանի քաղաքացիական ժողովն է, բայց եթե համատեղ որոշումներ ընդունելու առաջարկ արվի, մենք դա կողջունենք»:


Tert.am

[Tig]

Արձանները կտեղադրվեն նախագահական նստավայրի մեկ այլ տարածքում. Արմեն Արզումանյան
16:16 • 04.05.11

«Նախագահի աշխատակազմին հարող տարածքում իրականացվում են բարեկարգման աշխատանքներ, և մասնագետների խորհրդով արձանները կտեղադրվեն ՀՀ Նախագահի աշխատակազմին հարող տարածքի մեկ այլ հատվածում»,- Tert.am-ին ասաց ՀՀ նախագահի խոսնակ Արմեն Արզումանյանը՝ նշելով, որ մամուլում այսօր տեղ գտած տարաբնույթ մեկնաբանությունները «պարզապես անհեթեթ են»:

«Հայկական ժամանակ» և «Ժամանակ» օրաթերթերն այսօր լուր են հրապարակել այն մասին, որ մայիսի 3-ին նախագահական նստավայրի բակից ապամոնտաժվել են Նոյ Նահապետի և Տիգրան Մեծի արձանները: Թերթերը մեկնաբանել էին, թե Սերժ Սարգսյանը դրանով փորձում է ազատվել Ռոբերտ Քոչարյանի ժառանգությունից:

Tert.am

հ.գ. ժողովուրդ, էս Նոյի արձանը ի՞նչ գործ ունի մեր նախագանական նստավայրի բակում...

[Sagittarius]

Բավակին հետաքրքիր է.

Լ.Տեր-Պետրոսյան. «Իշխանությունների և հասարակության միջև բաց, հրապարակային, շարունակական երկխոսություն է ընթանում»

Հայաստանի առաջին նախագահ, Հայ ազգային կոնգրեսի առաջնորդ Լևոն Տեր-Պետրոսյանն այսօր «Արթիկ» քրեակատարողական հիմնարկում «Հայկական ժամանակ» օրաթերթի գլխավոր խմբագիր Նիկոլ Փաշինյանի հետ հանդիպումից հետո պատասխանել է «Ազատություն» ռ/կ-ի հարցերին:

«Ես վստահ եմ, որ եթե նախկինում դիմեի խնդրանքով` այցելել քաղբանտարկյալներին, ինձ թույլ չէին տա»,- ասել է նա` պատասխանելով հարցին, թե ինչո՞ւ հենց հիմա որոշեց հանդիպել կալանավորված խմբագրի հետ:

«Հիմա մթնոլորտ է փոխվել, երկրում ուրիշ քաղաքական վիճակ է: Լուծվել են խնդիրներ, որոնք 3 տարի չէին լուծվում: Ես նկատի ունեմ և՛ Ազատության հրապարակի արտոնումը հանրահավաքների համար, և՛ մարտի 1-ի բացահայտման պաշտոնական հավաստիացումը, և՛ քաղբանտարկյալների ազատ արձակման պրոցեսը, որն ավարտվելու է մայիսի 28-ին, ինչպես ես ասացի նախորդ հանրահավաքում: Գուցե մի քանիսը մինչև 28-ը դուրս գան: Այս ֆոնի վրա, բնականաբար, իմ խնդրանքը չէր կարող մերժվել»:

Վերլուծելով երկրում տիրող քաղաքական իրավիճակը` Տեր-Պետրոսյանը ընդգծել է, որ վերջին շրջանում իշխանությունների և հասարակության միջև բաց, հրապարակային, շարունակական երկխոսություն է ընթանում:

«Դա մեր երազած պետությունն է, որպեսզի հասարակությունը և պետությունը բաց, հրապարակային, շարունակական երկխոսության մեջ լինեն: Սա չպետք է ավարտվի: Երկխոսությունը պիտի լինի մշտական: Իհարկե, ճգնաժամային պահերին պետք է դրվեն սուր հարցեր, որոնք անմիջական լուծումներ են պահանջում, իսկ ճգնաժամերից դուրս, նորմալ կյանքի պայմաններում միշտ էլ իշխանությունն ու հասարակությունը երկխոսելու, բանավիճելու, իրար համոզելու, իրար պահանջներ ներկայացնելու կարիք ունեն»,- հավելել է նա:

«Պետք է գնահատել, ոչ թե ռեվերանսներ անել, խոսել ինչ-որ պայմանավորվածություններին մասին: Ո՛չ, գնում է բաց դիալոգ: Մենք մեր պահանջները, մեր խնդիրները, մեր ծրագրերը բաց ներկայացնում ենք իշխանություններին և հասարակությանը, և իշխանությունն էլ բաց պատասխաններ է տալիս դրան: Իհարկե` ոչ այնքան կոնկրետ և ուղիղ, ինչպես մենք ենք ասում, այլ ավելի մշուշապատ և այլն, բայց քայլեր են արվում, դա չի կարելի անտեսել»,- նշել է ընդդիմության առաջնորդը:

ՀԱԿ-ի վերջին հանրահավաքի ավարտից հետո` ապրիլի 28-ին, մի խումբ ընդդիմադիրներ հրաժարվում էին լքել Ազատության հրապարակը և պահանջում էին նստացույց անցկացնել, և Կոնգրեսի առաջնորդներին դժվարությամբ հաջողվեց համոզել նրանց` չդիմել այդ քայլին: Մեկնաբանելով այս զարգացումները` Լևոն Տեր-Պետրոսյանը նշեց.

«Ոչ մի բան էլ չի եղել, ժողովրդի մեծամասնությունը շատ ճիշտ հասկանում է այս ամբողջ պրոցեսը: Բնականաբար, կան անհամբեր մարդիկ, պրոցեսը չհասկացող մարդիկ, որոնց թվում է, թե կարելի էր այլ ճանապարհով հարցեր լուծել: Ես վստահ եմ` այլ ճանապարհով մենք կկործանեինք բոլոր հարցերը»:

Աղբյուր՝ Առաջին լրատվական

[Mephistopheles]

Պատգամավորը պարտադիր պետք է հայհոյի՞
20:14 | Այսօր | ՔԱՂԱՔԱԿԱՆՈՒԹՅՈՒՆ

«Հրապարակ» օրաթերթը պատրաստվում է ձայնագրություն ուղարկել Նախագահական նստավայր:

Այսօր խորհրդարանում ԱԺ պատգամավոր Ալեքսանդր (Սաշիկ) Սարգսյանը, ով Սերժ Սարգսյանի եղբայրն է, հայհոյել է թերթի թղթակից Մարինե Խառատյանին:

Լրագրողը «Ա1+»-ի հետ զրույցում պատմեց, որ խորհրդարանում ձայնագրություններ անելիս միջանցքում պատահաբար հանդիպել է Ալեքսանդր Սարգսյանին:

Մարինեն մոտեցել եւ հարց է ուղղել, թե պատրաստվո՞ւմ է արդյոք նա առաջադրվել առաջիկա խորհրդարանական ընտրություններում: Պատգամավորը կատաղած խլել է ձայնագրիչը, ըստ լրագրողի, «բոլոր հնարավոր կոճակները սեղմելով` անջատել այն` թե ի՞նչ իրավունք ունես ինձ հարց տաս»:

«Երբ փորձեցի բացատրել, որ ԱԺ պատգամավորին ԱԺ-ում հնարավոր է եւ հարցեր ուղղվեն, Սաշիկ Սարգսյանն անցավ վիրավորանքների ու հայհոյանքների: Իսկ երբ ասացի, թե ձեզ կոռեկտ պահեք լրագրողի հետ զրուցում, նա փորձեց հարձակվել ԱԺ գրադարանի մերձակա միջանցքում, սակայն ԱԺ աշխատակիցներից մեկը կանխեց»,- պատմեց Մարինեն:

Ըստ նրա` դեպքին ականատես է եղել ՀՀԿ խմբակցության ղեկավար Գալուստ Սահակյանը,ով սակայն չի միջամտել:

Երբ Մարինեն հուզվել է, անտարբեր ասել է, թե` մարդը չի ուզում, հարց մի տվեք:

Լրագրողը ձայնագրել է հայհոյանքների վերջին հատվածը, որը պատրաստվում է ուղարկել նախագահական:

Մարինեն ասաց, որ Ալեքսանդր Սարգսյանն իրեն նաեւ անվանել է լկտի:

«Ես ընդամենը հարց եմ տալիս ձեր քաղաքական ապագայի առթիվ, չեք ուզում, մի պատասխանեք, լկտին ո՞րն ա»: «Քեզի է՞ս էր պետք, ստացել ես, դե ռադտ քաշի գնա»: «Ձեզ կոռեկտ պահեք, դուք իրավունք չունեք լրագրողի հետ էդպես խոսել»: «Չի երեւում, որ ուղարկել են էս շանը, որ ...»: «Շունը ինքներդ եք»,- ձայնագրության վերծանությունը ներկայացրեց «Հրապարակի» լրագրողը:

Ա1+

[Mephistopheles]

«Նոր ժամանակներ»-ը պատրաստվում է գաղափարական ընդհանրության հենքով դաշինք ձևավորել

17:21 • 16.05.11


«Նոր ժամանակներ»-ը պատրաստվում է ձևավորել դաշինք՝ գաղափարական ընդհանրության հենքի վրա. այս մասին Tert.am-ի հետ զրույցում նշեց կուսակցության նախագահ Արամ Կարապետյանը։ Նա հաղորդեց, որ ինքը հանդիպումներ է ունեցել ՀՌԱԿ համաշխարհային կառույցի գործադիր-ատենապետ Հարություն Առաքելյանի և այլ կուսակցությունների ղեկավարների և անդամների հետ՝ համագործակցության եզրեր գտնելու և Հայաստանում նախընտրական դաշինք ստեղծելու նպատակով։

«ՀԱԿ-ի և իշխանության՝ հետզհետե սերտացող կապերի արդյունքում ձևավորված իրավիճակը հիմա այնպիսին է, որ որոշ քաղաքական ուժեր ուղղակի պարտավոր են միավորվել և գաղափարական հենքի վրա ստեղծել նոր ճակատ»,- նշեց նա։ Ըստ Կարապետյանի՝ ոչ միայն պարտադիր չէ, որ այդ ճակատը ձևավորվի խորհրդարանական ընտրություններին մասնակցելու համար, այլև՝ անհրաժեշտ է, որ դրա ձևավորման հիմքում դրվի ուղղակի գաղափարական ընդհանրությունը։

«Ես հատուկ նշեմ՝ դաշինք ձևավորում են ուժեղ կուսակցությունները, որոնք, ինչպես մենք, խորհրդարանական տեղերի խնդիր չունեն, և նման փոքր նպատակներ չեն հետապնդում։ Իսկ այ հետո այդ դաշինքներին միացող առավել թույլ ուժերը կարող է և ունենան անձնական և քաղաքական նպատակներն այս միջոցով իրագործելու ծրագրեր»,- ասաց նա։

«Նոր ժամանակները», ըստ կուսակցության նախագահի, գաղափարական ընդհանրությամբ կարող է միավորվել «Հայ հեղափոխական դաշնակցություն», «Ժառանգություն», Սոցիալ-դեմոկրատ հնչակյան, ինչպես նաև Հայաստանի ռամկավար ազատական կուսակցությունների հետ։ «Կարևորն այն է, որ դա պիտի լինի ազգային դաշինք՝ այն չի ձևավորվելու ուղղակի ընտրություններին մասնակցելու համար, ինչ-որ ժամանակավոր քաղաքական խնդիրներ լուծելու համար։ Այն նորովի բարձրացնելու է թե արտաքին, թե ներքին խնդիրներ՝ արդյունաբերության զարգացումից սկսած մինչև հայ-թուրքական հարաբերություններ և Լեռնային Ղարաբաղի հարցի կարգավորում»,- նշեց Արամ Կարապետյանը։

«Կարծում եմ՝ դեռ վաղ է խոսել համագործակցության ավարտուն պայմանավորությունների մասին։ Նման որոշումներ կընդունվեն, թերևս, ամառվա վերջում կամ ավելի ուշ»,- ասաց Արամ Կարապետյանը։

Tert.am

[Mephistopheles]

Լ. Տեր-Պետրոսյան. « Միակ միջոցը` արտահերթ ընտրություններ»
20:54 | Մայիս 18, 2011 | ՔԱՂԱՔԱԿԱՆՈՒԹՅՈՒՆ

Մայիսի 18-ին ՀՀ Առաջին նախագահ Լևոն Տեր-Պետրոսյանը հանդիպել է Եվրոպական խորհրդարանի նախագահ Երժի Բուզեկի հետ:

Այդ մասին հաղորդում է ՀԱԿ մամլո ծառայությունը:
Զրույցի ժամանակ կարևորվել է Եվրամիություն - Հայաստան համագործակցությունը և դրա խորացման անհրաժեշտությունը, հավատարմությունը համամարդկային արժեքներին` ժողովրդավարություն, մարդու իրավունքներ, օրենքի գերակայություն և ազատ շուկայական տնտեսություն:

Հանդիպման ընթացքում անդրադարձ է եղել վերջին շրջանում Հայաստանում ծավալվող քաղաքական գործընթացներին, մասնավորապես ընդդիմության և իշխանության միջև երկխոսության ծավալման հնարավորությանը, որը ստեղծվում է Հայ Ազգային Կոնգրեսի բարձրացրած 3 պահանջների բավարարման հետևանքով:

Առաջին նախագահը հանգամանալից ներկայացրել է երկրում տիրող սոցիալ-տնտեսական իրավիճակը, կոռուպցիայի դեմ վճռական պայքար մղելու կենսական անհրաժեշտությունը և ընդգծել, որ երկիրը քաղաքական և սոցիալ-տնտեսական ճգնաժամից դուրս բերելու միակ միջոցը արտահերթ ընտրությունների միջոցով լեգիտիմ իշխանության ձևավորումն է:

Մանրամասնորեն քննարկվել է նաև ղարաբաղյան հակամարտության կարգավորման գործընթացը:

Հանդիպմանը մասնակցել են Հայաստանում ԵՄ պատվիրակության ղեկավար, դեսպան Ռաուլ դե Լուցենբերգերը, Հայ Ազգային Կոնգրեսի կենտրոնական գրասենյակի ներկայացուցիչներ Լևոն Զուրաբյանը և Ավետիս Ավագյանը:

Ա1+.am