Քաղաքական հայտարարություններ

[Chuk]

Եղբայր ջան, դու` քո ֆորումը, որտեղ ուզում ես տեղավորի:
Հարցդ լուրջ կը համարեյի, եթէ նրանում չլիներ հեգնական տոնը:
Այնուամենայնիւ եթէ նոյնիսկ այն լուրջ է.

Ո՞վ են իրանք և որքանով են ինքնակոչ:

Ընդհանուր առմամբ չգիտեմ:
Անցեալում մի քանի անգամ կարդացել եմ նրանց տարբեր վերլուծութիւնները, մէկ անգամ էլ առիթ եմ ունեցել լսելու նրանց դասախօսութիւնը՝ Երեւանում:
Թէ նրանք ինքնակոչ են կամ ոչ, ցոյց կը տայ ժամանակը:

Ժամանակն արդեն ցույց է տվել. նրանք ինքնակոչ են: Ընդհանրապես իրանց մարազմային մտքերին անդրադառնալու կարիք էլ չկա, բայց էն, որ իրանք որևէ բարոյական իրավունք չունեն «Արևմտյան Հայաստանի հայերու» անունից խոսելու ֆիքսում եմ ու թեման լքում՝ քննարկման այլ նյութ չլինելու պատճառով:

[Լեռնցի]

Մեկն էլ փառք-փառք էր գոռգռում ում պատահի... Եթե տենց պատ ծակող փաստեր ունեն, թող Թուրքիային դատի տան միջազգային իրավունքի բոլոր կետերով ծեփեն պատին:
Թե չէ ինչնա շատ լոլո կարդացողները ու մանավանդ էդ լոլոյով փող շինողները:

Հա բայց տա ի՞նչ կապ ունի իմ հարցի հետ, եւ առավելեւս, թեմայի հետ:

[Լեռնցի]

Ժամանակն արդեն ցույց է տվել. նրանք ինքնակոչ են: Ընդհանրապես իրանց մարազմային մտքերին անդրադառնալու կարիք էլ չկա, բայց էն, որ իրանք որևէ բարոյական իրավունք չունեն «Արևմտյան Հայաստանի հայերու» անունից խոսելու ֆիքսում եմ ու թեման լքում՝ քննարկման այլ նյութ չլինելու պատճառով:

Չուկ ջան, իսկ դու բարոյական իրաւունք ունե՞ս որոշելու. նրանք ունեն բարոյական իրաւունք Արեւմտեան Հայաստանի հայերի անունից խօսելու, կամ չունեն:
Իսկ ես չգիտեյի, որ քո մօտ ժամանակն այդքան արագ է թռչում:

[Lion]

Կարդում եմ գրածդ, նայում եմ շնորհակալութիւնների ցուցակին: Դեռ էլի մարդիկ կան, որ պիտի շնորահակուլութիւն յայտնեն գրածիդ:
Ամէն դէպքում տարօրինակ է(իրականում նաեւ սպասելի), որ լիիրաւ ծանոթ չես փաստերին, միջազգային իրաւունքի դրոյթներին, բայց այսպիսի ամպագորգոռ տոնով անրադառնում ես սրան:
Փաստերին չեմ անրադառնա, որովհետեւ վաղուց ինձ յայտնի է, որ այստեղ դա ավելորդ ժամանակի կորուստ է: Ընթացքին կը հետեւենք առաջիկայում: Վստահ եմ, որ կը լինեն առողջ քննարկումներ, դիտողութիւններ եւ արդիւնքներն էլ կը լուսաբանուեն:

Թող ոչ-ոք չասի, թե ինձնից շատ է ուզում մեր հողերի ազատագրումը, բայց ես ևս համարում եմ, որ նման անլուրջ քայլերով Հայրենիքը չեն ազատագրում: Եթե անկախ պետություն չունենայինք, էլի կարելի էր մեծ վերապահումներով համաձայնել, բայց մենք հիմա ունենք անկախ պետություն, որը, վատ թե լավ, տեր է մեր պահանջատիրությանը - հիմա սա... ինչ??

[davidus]

Թող ոչ-ոք չասի, թե ինձնից շատ է ուզում մեր հողերի ազատագրումը, բայց ես ևս համարում եմ, որ նման անլուրջ քայլերով Հայրենիքը չեն ազատագրում: Եթե անկախ պետություն չունենայինք, էլի կարելի էր մեծ վերապահումներով համաձայնել, բայց մենք հիմա ունենք անկախ պետություն, որը, վատ թե լավ, տեր է մեր պահանջատիրությանը - հիմա սա... ինչ??

Լիոն ջան, դաշնակները պիտի ԽՍՀՄ-ի ողջ գոյության ընթացքում պահեին արտագնա կառավարություն, որ դրա փլուզման պահին սենց փաստի առաջ չկանգնեինք ու չիմանայինք, թե որը որից հետո պիտի անենք: Թե չէ հիմա, ասել քեզ, եկել Ֆրանսիայում Արևմտյան Հայաստանի արտագնա կառավարություն ենք պահում, բայց քթներիս տակից Ղարաբաղն են տանում: Փայլուն ա:

Հ.Գ. Ինձ ուղղակի հետաքրքիր ա, թե էս կարգի հայտարարություններին ժողովուրդը մեղմ ասած ծիծաղով ա վերաբերում, ինչի են որոշ մարդիկ նեղվում ու վատ զգում:

[Lion]

Անգլալեզու ֆորումներից մեկում մի թուրք վերջերս ինձ ուղղակի ասաց հետևյալը. "Այն ազգերը, որոնք չեն կարողացել պահել իրենց հողերը, իրավունք էլ չեն ունեցել ապրել դրանց վրա, այնպես որ ամեն ինչ արդար է": Թուրքավարի է, բայց, իհարկե, ասածի մեջ որոշակի իմաստ կա: Մենք պետք է ուժեղ պետություն ունենանք, միայն այդ դեպքում հնարավոր է կարողանանք ազատագրել մեր Հայրենիքը: Իսկ եթե նման բաներով լիներ... առաջիններից մեկը ես հարյուրավոր նման կառավարություններ կստեղծեի ու հայտարարություններ կանեյի:

Ուժեղ պետություն, այլ այլընտրանք չկա:

[Լեռնցի]

Անգլալեզու ֆորումներից մեկում մի թուրք վերջերս ինձ ուղղակի ասաց հետևյալը. "Այն ազգերը, որոնք չեն կարողացել պահել իրենց հողերը, իրավունք էլ չեն ունեցել ապրել դրանց վրա, այնպես որ ամեն ինչ արդար է": Թուրքավարի է, բայց, իհարկե, ասածի մեջ որոշակի իմաստ կա: Մենք պետք է ուժեղ պետություն ունենանք, միայն այդ դեպքում հնարավոր է կարողանանք ազատագրել մեր Հայրենիքը: Իսկ եթե նման բաներով լիներ... առաջիններից մեկը ես հարյուրավոր նման կառավարություններ կստեղծեի ու հայտարարություններ կանեյի:
Ուժեղ պետություն, այլ այլընտրանք չկա:

Լիոն ջան, թուրքի ասածը թող մնա այլ կողմ: Դա թուրքավարի է, ու խորթ է մեզ:
Ոչ ոք չի խօսում յզօր հայրենիք ունենալ-չունենալու մասին:
Միջազգային իրաւունք կայ, ու պարզապէս պէտք է հետեւել տարբեր հրապարակումներին ընթացքին, ծանոթանալու համար այդ ասպարեզում մեր հնարավորութիւններին: Արդէն գոնէ 5-10 տարի է քննարկւում են այդ հարցերը, կատարւում են տարբեր բնոյթի վերլուծութիւններ:

Ինչ վերաբերւում է այս յայտարարութեանը:
Անհրաժեշտ է հաշուի առնել տարբեր քննադատութիւնների եւ դիտողութիւնների տրամաբանական լինելը: Դրանք առողջ մթնլորոտում միայն դրական ազդեցութիւն կարող են ունենալ: Արդէն տարբեր տեղեր ընթանում են փոքրիկ բանավեճեր, մասնավորապէս նաեւ իմ մատեանում:
Բայց անընդւոնելի են այն քննադատութիւնները կամ դիտողութիւնները, որոնք ոչ թէ սխալները մատնանշելու փաստերով են համեմուած, այլ հարցը վարկաբեկելու, ծաղրելու խօսքերով:
Կոնկրետ ակումբում ես չտեսա փաստերով դիտողութիւններ, այլ աւելի շատ հեգնեցին, ծաղրեցին նախաձեռնողներին, աւելի շատ փորձելով վարկաբեկել աշխատանքը: Ծանոթ վարքագիծ է, շատ յատուկ ակումբցիներից շատերին: Չնայած ես աւելին չէի էլ սպասում:

[Lion]

Լեռնեցի ջան, ախպերս - հողերը ոչ թղթով ու ոչ էլ հայտարարությամբ հետ չեն բերում: Դրանցով, լավագույն դեպքում, հիմնավորում են արդեն ձեռք բերածի իրավականությունը: Մեր հողերի հետ բերման միակ երաշխիքը Հայաստանի ուժեղ Հանրապետությունն է, նու, մոտավորապես ինչպես մի քանի միլիոնանոց Իսրայելը հաղթեց 80 միլիոնանոց Եգիպտոսին ու գրավեց Սինայի թերակղզին: Այլ ելք չկա, ուժեղ պետություն:

Իսկ թուրքի ասածը... իհարկե, թուրքավարի է ու անարդար (չնայած "արդարություն" կոչվածը սուբյեկտիվ կատեգորիա է), բայց նաև իրատեսական...

[Տրիբուն]

Կոնկրետ ակումբում ես չտեսա փաստերով դիտողութիւններ, այլ աւելի շատ հեգնեցին, ծաղրեցին նախաձեռնողներին, աւելի շատ փորձելով վարկաբեկել աշխատանքը: Ծանոթ վարքագիծ է, շատ յատուկ ակումբցիներից շատերին: Չնայած ես աւելին չէի էլ սպասում:

Ախր, Լեռնեցի ջան, ո՞նց տեսնես փաստերով դատողություններ, ինչի՞ն կողմ ու ինչի՞ն դեմ:

Հիմա մի հատ ֆիդայու բեղերով ձաձա, հետևը դրոշ ա խփել, դեմը՝ կամեռա ու նկարվել, քցել ա youtube: Սիրուն բառեր ա ասում, մեկ ու մեջ էլ Սևրի պայմանագրին հղումներ ա անում: Ինքն իրա անունն էլ դրել ա Արևմտյան Հայաստանի խորհուրդ կամ կառավարություն:

Հիմա որ ակումբից, մի տաս հոգի հավաքվենք ու մեզ հայտարարենք Մարզպանական Հայաստանի վտարանդի կառավարությունը, ու հղում անենք Նվարսակի պայմանագրին, մի հատ էլ սիրուն վիդեո սարքենք ու քցենք youtube, դու դրան ի՞նչ հակափաստարկ կարաս բերես: Ի միջի այլոց, էտ պայմանագիրը Վաղարշի կողմից վավերացվել ու կնքվել է:

[REAL_ist]

Իրականում, որքան էլ անլուրջ ու անհիմն պահանջներով լինի նախաձեռնությունը, նմանատիպ համահայկական, ավելի ճիշտ սփյուռքահայոց կազմավորման ստեղծումը ողջունելի կլիներ՝ Թուրքիային պահանջ ներկայացնելիս ինքուրույն ներկայացված լինելու նկատառումով: Ինչպես օրինակ հրեաները իրենց՝ Գերմանիայի նկատմամբ հրեաների նյութական պահանջների հարցերի կոնֆերանսով, որը Իսրայելի և Գերմանիայի հետ մեկտեղ բանակցող ինքնուրույն կողմ էր փոխհատուցման վերաբերյալ բանակցությունների ընթացքում:

[Lion]

Ամեն դեպքում, իմ կարծիքով իհարկե, մենք հիմա ունենք ՊԵՏՈՒԹՅՈՒՆ: Խրիմյան Հայրիկի, կաթողիկոսական ու վաճառական (Իսրայել Օրի և այլն) դիվանագիտության ժամանակն անցելա ու, փառք աստծո, որ անցելա: Թող մեր պետությունը կանգնի հայերի թիկունքին միջազգային ատյաններում ու պաշտպանի մեր շահերը: Պետության դերը պետք չի թերագնահատել...

[Ձայնալար]

Իրականում, որքան էլ անլուրջ ու անհիմն պահանջներով լինի նախաձեռնությունը, նմանատիպ համահայկական, ավելի ճիշտ սփյուռքահայոց կազմավորման ստեղծումը ողջունելի կլիներ՝ Թուրքիային պահանջ ներկայացնելիս ինքուրույն ներկայացված լինելու նկատառումով: Ինչպես օրինակ հրեաները իրենց՝ Գերմանիայի նկատմամբ հրեաների նյութական պահանջների հարցերի կոնֆերանսով, որը Իսրայելի և Գերմանիայի հետ մեկտեղ բանակցող ինքնուրույն կողմ էր փոխհատուցման վերաբերյալ բանակցությունների ընթացքում:

Հա, բայց դա նենց պետք ա արվի, որ առնվազն միանգամից խնդալդ չգա: Քո ասածը լուրջ գործ ա, որ մի գուցե կարելի էր կազմակերպել ՀՀ ԱԳՆ-ի թաքուն մասնակցությամբ, լուրջ հիմքերի վրա, համապատասխան մասնագետների, լրատվական, քաղաքական և ֆինանսական լծակների ներգրավումով: Բայց ոչ յութուբյան խեղկատակությունով:

[REAL_ist]

Ամեն դեպքում, իմ կարծիքով իհարկե, մենք հիմա ունենք ՊԵՏՈՒԹՅՈՒՆ: Խրիմյան Հայրիկի, կաթողիկոսական ու վաճառական (Իսրայել Օրի և այլն) դիվանագիտության ժամանակն անցելա ու, փառք աստծո, որ անցելա: Թող մեր պետությունը կանգնի հայերի թիկունքին միջազգային ատյաններում ու պաշտպանի մեր շահերը: Պետության դերը պետք չի թերագնահատել...

Հրեաներն էլ պետություն ունեին: Մեկը մյուսին ոչ թե խանգարումա, այլ փոխլրացնում Իրավական առումով շատ հարցեր կան կապված Հայաստանի Հանրապետության՝ սփյուռքահայերի անունից հանդես գալու խնդրի հետ կապված: Բայց ինչ որ շատ ենք խորանում, հլը մի հատ թող հստակ պահանջ լինի, հետո խոսանք

[Lion]

Իմ խորին համոզմամբ` Հայերի շահերի արտահայտիչ կարող է լինել միայն և միայն Հայաստանի Հանրապետությունը: Իսկ մնացածները պետք է իրենց գործունեությունը պայմանավորեն ու ստորադասեն ՀՀ-ի հետ:

[Լեռնցի]

Ախր, Լեռնեցի ջան, ո՞նց տեսնես փաստերով դատողություններ, ինչի՞ն կողմ ու ինչի՞ն դեմ:

Հիմա մի հատ ֆիդայու բեղերով ձաձա, հետևը դրոշ ա խփել, դեմը՝ կամեռա ու նկարվել, քցել ա youtube: Սիրուն բառեր ա ասում, մեկ ու մեջ էլ Սևրի պայմանագրին հղումներ ա անում: Ինքն իրա անունն էլ դրել ա Արևմտյան Հայաստանի խորհուրդ կամ կառավարություն:

Հիմա որ ակումբից, մի տաս հոգի հավաքվենք ու մեզ հայտարարենք Մարզպանական Հայաստանի վտարանդի կառավարությունը, ու հղում անենք Նվարսակի պայմանագրին, մի հատ էլ սիրուն վիդեո սարքենք ու քցենք youtube, դու դրան ի՞նչ հակափաստարկ կարաս բերես: Ի միջի այլոց, էտ պայմանագիրը Վաղարշի կողմից վավերացվել ու կնքվել է:

Եթէ նոյնիսկ փաստերի կարիք չես տեսնում, քո խնդիրն է: Բայց դա չի նշանակում որ պէտք է պատեհ-անպատեհ հեգնել ու ծաղրել:
Մարդիկ ցանկանում են գործ անել, ինչ որ լաւ բան անել: Փորձում են: Կան հակասութիւններ եւ դիտողութիւններ, որոնց ես ծանոթանում եմ, եւ շատերի հետ համամիտ եմ:
Դրանք կարծում եմ օգուտ կը բերեն գործին: Մի գուցէ վերջում սա հանգեցնի նրան, որ ՀՀ-ն նախաձեռնութիւնը վերցնի իր վրայ, եւ վերջապէս կեանքի կոչեն հայկական Նիւրնբերգը:
Ու այդ օրը հեռու չէ:
Իսկ սա կարող է լինել սփիւռքահայութեան համախմբման խարիսխ: Իհարկէ ՀՀ-ից լաւ խարիսխ լինել չի կարող, բայց էս երկուսը ճիշտ կիրառելու դէպքում իրար չեն խանգարի:
Ինչ վերաբերւում է «ինքնակոչ» լինելու մեղադրանքին:
Ցանկացած մեծ, համընդհանուր գործ սկսւում է ինչ որ նախաձեռնող խմբի ակտիւութիւնից, որը յետոյ կա՛մ ընգրկում է մեծամասնութեանը, կամ ոչ, նոյնն է՝ տապալւում է: Այնպէս որ «ինքնակոչ» մեղադրանքն այստեղ աւելին քան անհեթեթ է: