Առանց դեղի չեն քնում
Կենտրոնում գործող գիշերային ակումբը բնակիչներին օր ու արեւ չի տալիս
Աբովյան 39 հասցեի բնակիչներն արդեն 10 տարի զրկված են սեփական տներում հանգիստ քնելու իրավունքից: Պատճառը 5 հարկանի շենքի նկուղային հարկում գործող «Զեւս» կարաոկե-բարում՝ հատկապես գիշերային ժամերին հնչող բարձր երաժշտությունը, աղմուկը, հաճախակի դարձած կռիվներն ու հաշվեհարդարներն են:
Բնակիչները խնդիրը լուծելու ակնկալիքով տարիներ ի վեր դիմումներ են ուղարկում Երեւանի քաղաքապետին, Կենտրոն համայնքի ղեկավարին, ՀՀ վարչապետին ու նախագահին: Ի պատասխան բազմաթիվ բողոքների՝ առողջապահության պետական հիգիենիկ եւ հակահամաճարակային տեսչության մասնագետները եկել, աղմուկի մակարդակի չափումներ են կատարել, որոնց արդյունքում, սակայն, պարզել են, որ «Զեւսի» գործունեության ընթացքում առաջացած աղմուկը չի գերազանցում սանիտարական նորմերով եւ կանոններով սահմանված թույլատրելի սահմանը:
Օրերս այդ հասցեի բնակիչները դիմել էին նաեւ «Առավոտին»: «Բոլորս սթրեսի մեջ ենք, գիշերը, եթե բախտներս բերում է, քնում ենք, բայց մեկ էլ այնպիսի ձայներ են լսվում, որ զարթնելով, քեզ թվում է՝ դժոխք ես ընկել»,- նյարդայնացած ասում էր 70-ամյա Մարիաննա Հարությունյանը, որն այժմ միայն դեղահաբերի օգնությամբ է կարողանում քնել: Բնակիչները, սակայն, վստահեցնում էին, որ այդ չափումներն արվում են այնպիսի ժամերի, երբ ներքեւում երաժշտությունն անջատված է լինում: «Հենց որ մենք մի նամակ ենք գրում, առաջինն այդ օբյեկտի տերերն են իմանում այդ մասին: Չափումներն անում են այն ժամանակ, երբ որ ձայն չկա, հենց գնում են՝ ուղիղ 5 րոպե հետո նորից սկսվում է: Երբ որ եկել են, ուզել եմ իջնել ասել, որ անեն այն, ինչ որ միշտ անում են, բայց արգելեցին, թե չեմ կարող ուժ գործադրել, որ ձայնը բարձրացնեն»,- ասաց Մ. Հարությունյանը ու հավելեց, որ այլեւս ոչ մի ելք չունենալով՝ իրենք են գիշերվա ժամերին զանգում օբյեկտ կամ անձամբ գնում-խնդրում, որպեսզի գոնե երաժշտության ձայնը իջեցնեն, բայց մեր զրուցակցի պատմելով՝ ակումբում գտնվողներն այնպիսի վիճակում են, որ նույնիսկ լսելու ունակ չեն: ՀՀ ոստիկանությանը դիմելիս բնակիչները նման պատասխան են ստացել. «Ինչ է, չգիտե՞ք, որ իրենք տերեր ունեն, մենք ի՞նչ կարող ենք անել»: Կենտրոնի թաղապետարանում բնակիչների ընդունելության ժամանակ առեւտրի եւ սպասարկումների բաժնից էլ արձագանքել են. «Օբյեկտն աշխատում է, մեզ գումար է վճարում»: Բնակիչներին այժմ, բացի աղմուկից, նաեւ մեկ այլ հանգամանք է մտահոգում: «Զեւսի» տնօրինությունը, իրենց խոսքով՝ շուրջ 3 ամիս է՝ օբյեկտն ընդլայնելու աշխատանքներ է իրականացնում, ինչը, բնակիչների կարծիքով, անօրինական է եւ չկա համապատասխան թույլտվություն: Նրանք պնդում էին, որ շինարարությունը վտանգավոր է դարձրել իրենց շենքում ապրելը, քանի որ թուլացել է հիմքը եւ ամեն րոպե կարող է փլվել: Այս ամենից զատ, գիշերային ժամերին այս տարածքում հաճախակի հրդեհ է բռնկվում: «Առավոտը» ականատես եղավ նաեւ, թե ինչպիսի աղբանոցի է վերածվել շենքի տարածքը այդ շինարարության արդյունքում: «Ամեն տեղ արծարծվում է, որ գիշերային ակումբների խնդիրը պետք է լուծվի, հարցը պառլամենտում է: Բայց այս օբյեկտը ընդլայնվում է»,- նշեց մեկ այլ բնակիչ՝ Ռուզաննա Պալյանը: 70-ամյա Մ. Հարությունյանը միայն մի բան է ուզում՝ իր տան մեջ հանգիստ քնել. «Բայց ամեն փոփոխությունից հետո վիճակն ավելի է վատանում, մի բան ենք խնդրում, ոչինչ մի արեք: Միայն մի չափիչ սարք դրեք, որ աշխատողները դրանից ավելի չբարձրացնեն»: «Զեւսի» տնօրեն Վիգեն Շահբազյանը բնակիչների բողոքներին ի պատասխան՝ «Առավոտին» նման պարզաբանում տվեց. «Բողոքողները հավանաբար հիվանդ, ներվային մարդիկ են, կարող է ձայն չլինի, բայց իրենք բողոքեն: Կարող է չեն ուզում աշխատենք, մտածում են. ո՞նց կլինի՝ հարեւանը լավ է ապրում...»:
Տնօրենը գտնում է, որ ինքը շատ լավ գործ է անում, որովհետեւ 40 հոգու աշխատավարձ է տալիս եւ հարկ վճարում, դրա համար էլ այդքան մեծ թվով հաճախորդներ ունի: Բարձր երաժշտության եւ աղմուկի «մասով» էլ նա փոխանցեց. «Սանէպիդկայանից բերեցինք, չափեցին, աղմուկը չի գերազանցում սահմանված 30 դեցիբելը»: Բնակիչների պնդումներին, թե չափումներն այնպիսի ժամերի են արվում, որ երաժշտության ձայնն անջատված է լինում, նա արձագանքեց.
«Թող նենց բողոքեն, որ միամիտ գան»: Շինարարության եւ դրա՝ անօրինական լինելու մասին էլ տնօրենն ասաց. «Մենք ընդամենը ռեմոնտ ենք անում, չենք ընդլայնում: Բողոքողների պատճառով ենք քանդել: Ունեմ կադաստրի համապատասխան վկայական ու կարող եմ ապացուցել, որ ամեն ինչ օրինական է: Քաղաքապետարանից, թաղապետարանից ստիպեցին, որ օբյեկտը փակենք, դրա համար ամեն նոր մեթոդ օգտագործում ենք, որ ձայնամեկուսացումը ավելի լավ լինի»:
Վիշապ-ի խոսքերից
Հայկօ, կարելի է նաև ասել թե «ամեն ժողովուրդ արժան է իր իշխանություններին» ու էլի նման ծեծված խոսքեր ու փակել «քաղաքականություն» բաժինը: Իհարկե վայելչակազմ, խելացի խոշոր աչքերով, խարտյաշ-գանգրահեր, խոհեմ, ճկուն ու հնարամիտ ազգ է պետքՍովորաբար օրինակ հոտը խեկավարում են հոտի ուժեղագույները, երամի առաջնորդները ամենադիմացկուն ու շուստրի ծտերն են: Հիմա մեր ազգի ուժեղագույնները Սարգսյան Սերժն ու Տիկոն են, Աբրահամյան Հովիկն է, Սահակյան Գալուստն է, Տեր-Պետրոսյան Լևոնն է, Զուրաբյան Լևոնն ու Արարատն է, Ջհանգիրյան Գագոն է:
Ու այս պիտի որ հավասարաչափ (ուղղահայաց) վզով ու ուղեղով մարդիկ լինեն, որովհետև հակառակ պարագայում կստացվի, որ տձև ու թերզարգացած հոպոսապիենսը ավելի ուժեղ է հավասարաչափ վիզ/ուղեղ հարաբերությամբ տեսակից: Եթե ոչ, ուրեմն պետք է բացատրել թե ինչու են հենց այս մարդիկ ղեկավարում ամբոխը: Իմ բացատրությունը հետևյալն է՝ կենդանիների մոտ առաջնորդը ընտրվում է բնազդով ու բնական պայքարով, իսկ քսանմեկերրորդ դարի հոմոսապիենսի մոտ՝ քաղաքականություն-քաղաքականություն խաղով, որտեղ խաղի կանոնների հետ կարելի է մանիպուլյացիաներ անել: Խաղը կարելի է վերածել շախմատի, ու կարելի է վերածել ղումարի, կախված թե խաղացողները ինչքանով են կարողացել մոլորեցենել ամբոխին, իրար: Հիմա այն ստադիան է, որ խաղացողները կարողացել են ամբոխին համոզել, որ ամբոխը տուֆտա ցեղից է, ու բան չի կարող փոխել: Դրա համար էլ ասում եմ, որ պետք է նորմալ կուսակցություն՝ բաղկացած «բիթի» մարդկանցից, որպեսզի նախևառաջ կարողանան ազգային առողջ արժեհամակարգեր քարոզել, ստորացուցիչ քարոզների փոխարեն: Իհարկի եթե ազգն ամբողջությամբ բաղկացած է հաստավիզ ու անուղեղներից, ապա «նորմալ»-ի համար թեկնածուներ չեն լինի: Բայց չեմ կարծում, որ դու կարծում ես թե ազգի մեծամասնությունը ուղտեր են: Պարզապես հիմա ուղտերը կրած ունեն ղումարում, որի կանոնները իրենք են թելադրել, ու ազգի մեծամասնությունն էլ կարծում է, թե էլ շանս չկա, ղումարի կանոններն են այդպիսին, բա խո ազգովի ֆուֆլո չե՞նք ֆռֆռալու, պիտի տանք:
ու երբ ասեցի՝ դե մի հատ հին վրացական գիր ցույց տուր, որ հայկական տառերով գրված լինի, լռվեց, մեկ էլ մնաց մնաց ասեց՝ «Նետ էտը տակ…»… ու երբ որ ասեցի դե հլը փորձի կիրառես հայկական այբուբենը վրացերենի վրա… կամ ո՞վա գրել ձեր այբուբենը, ասեց «Նեզնայու, նո ետը տակ»…
պարզվեց իրանց գյուղապետարանումա ընդունվել աշխատանքի ու ինչպես ինքն էր ասում, գյուղապետի տեղակալանման մի բանա իրա պաշտոնը… Ուրեմն պատմում էր, որ գյուղի բյուդջեի կատարողականությունը հասցրելա 95 տոկոսի: Ահագին կարգիա բերել գյուղի վիճակը, ոռոգում, ճանապարհներ… էս վերջերս էլ ահագին գրենական պիտույքներ են բաժանել գյուղի դպրոցի բոլոր երեխեքին… Ասումա, լավ տեղը տեղին նպատակային ծախսեր ենք անում… Ժողովուրդը ահագին գոհա: Ասումա էն սկզբներում գյուղապետը ասում էր՝ «հը բան ման չկա՞… մի բան չի կպնո՞ւմ…», ինքն էլ համոզելա, բա սկզբից սարքենք, հունի մեջ քցենք, հետո կկպցնենք ու տենց սկսել են նորմալ աշխատել… Ու հիմա ասումա գյուղապետին «դզելա», որ իրան մարզում գովում են… փառասիրությունը շոյվելա ու հլա մի բան կպցնելու մասին առայժմ մոռացելա…
Ժամանակին Ամերիկայի Միացիալ Նահանգները իր քաղաքացիներին թույլատրեց զենք կրել և զենքով պաշտպանվել հանցագործներից: Իսկ մեզ մոտ քաղաքացիները բողոքում են, որովհետև նրանց այլ բան անելու իրավունք ու «դուխ» ոչ ոք չի էլ տվել ու դեռ ավելին՝ ի շահ ու ի սեր քաղաքացիների պայքարող «քաղաքական» «ուժը» կոչ է արել գնալ միայն սահմանադրական ճանապարհով: Հիմա դու ի՞նչ ես ուզում մեր քաղաքացիներից: Ես էլի եմ ասել, կրկնեմ. Ժողովդրին կարելի է սարքել վախվորած անողնաշար ամբոխ, կարելի է և սարքել օրինավոր ու իր իրավունքների համար դոշ տվող հասարակություն: Ամեն ինչ կախված է քարոզչական դաշտից, իմա՝ ամբոխին կառավարող ուժերի մարտավարությունից: Ամբոխին կառավարելու համար ուժերի մրցակցությունը բավականին տարբեր է աքլորակռվից, կամ որձ քարայծների էգի համար պայքարից: Չնայած որոշ էլեմենտներ երբեմն հանդիպում են: Քարայծները եթե ծանոթ լինեին ղումար խաղին, ապա նրանց մոտ էլ հաճախակի էգին կտիրանար ոչ թե ուժեղը, այլ մի ցմփոր, բարակ ոտերով, հաստ վզով, ծալապակաս մի այծիկ:
Էջանիշներ