ինչ է հարկավոր հայ աղջիկներին երջանիկ լինելու համար

[Հարդ]

Գուցե դեռ տարիքս ու փորձս չի ներում շատ բաներ հասկանալ էս թեմայում, բայց ես վաղուց ունեմ հստակ տեսակետ այս ամենի մասին: Ու եթե այսքան տարի այն լուրջ փոփոխությունների չի ենթարկվել, դժվար էլ այլևս փոխվի:

Նախ հիշեցնեմ, որ թեման սկզբում ուրիշ ուղղվածություն ուներ, հիմա մի քիչ ուրիշ ստացավ:

Հա, գիտեմ շրջապատումս այնպիսի աղջիկների, որոնք ասում են, որ չեն ուզում ամուսնանալ, դա նրանց համար հետին պլանում է, քանի որ ուզում են կարիերա անել (էս օրինակի համար, առանց մնացած ճոխությունների): Բայց դատելով թե նրանց ասելու ձևից և թե լավ ճանաչելով նրանց անձը, հստակ կարող եմ ասել, որ դեռ էս կյանքից շատ բան չեն հասկանում ու ընկած են ստեղից ընդեղից լսած մտքերով, դեռ պատանեկական մտքեր են նրանց գլխում ֆռում, չնայած արդեն բավական մեծ են:

Հարց - Ինչու ա հայ աղջկան թվում, որ ամուսնությունը կարիերայի ավարտն ա?

Պատասխան - Որովհետև հայ տղաների զգալի մասն ամուսնությունից հետո կարգելի շարունակել այն, բայց այդ դեպքում այդ աղջիկներն ինչ գործ ունեն այդպիսի տղաների հետ, հլը մի բան էլ ամուսնանում են?

Հարց - Ինչու ա վերջին ժամանակներում հայ աղջիկն ուզում չափից դուրս ազատություն, և Եվրոպական ընտանիքի մոդել?

Պատասխան - Մեղավոր են երկու կողմերը: Մի կողմից իրոք ինֆորմացիայի միանգամից ներհոսք տեղի ունեցավ ու չտեսությունը պատեց աղջիկներին, մյուս կողմից պակասել ա հայ տղաների մեջ տղամարդկությունը: Շատ տծաների տեսնելով ես աղջիկ լինելու դեպքում կասեի, էս չեն տղաները, բա սրանց վրա ոնց հույս դնեմ?

Հարց - Ինչ է ընտանիքում կնոջ և տղամարդու հավասարությունը բոլոր բնագավառներում?

Պատասխան - Նույն բանն ինչ թագավորությունը 2 թագավորով: Պատմությունը ցույց է տվել, որ դրանք գրեթե միշտ փլուզվել են: Մի փլուզեք ձեր թագավորությունը:
Հետևաբար՝ այդ հավասարությունը կամ կարճ է տևում, կամ ձևական բնույթ է կրում, քանի որ կամ կինն է գլխում, կամ տղամարդը: Այսինքն հավասարությունը, դա կնոջ գերիշխանությունն է/տղամարդու թուլությունը:

----------------------------------------------------------------------------------

Անձամբ եթե իմ կինն աշխատի նրա համար, որ կարողանանք երկուսով ընտանիքը սոված չթողնել, ես ինձ թույլ տղամարդ կզգամ: Բայց եթե ես պահում եմ ընտանիքը իսկ կնոջ աշխատանքն իր հաճույքի համար է (բնականաբար աշխատանքը պիտի դասավորվի այնպես, որ դրանից երեխաների դաստիարակությունը չտուժվի), ու նաև իր զարգացման, կայացման, ապա խնդիր չկա:

Առակս կուսուցանե՝ հասարակության այս վիճակի համար մեղավոր են թե տղաներն, իրենց կանացի պահվածքի համար, թե աղջիկները, իրենց մի քանի դեպքով սահմանափակվելու, կարծիք կազմելու, ու դեռահասական չափազանցությունների գիրկն ընկնելու պատճառով:

Ու իհարկե ընտանիքում կնոջ երջանիկ լինելու համար հարկավոր է սիրել նրան, գնահատել իր արածը ոչ թե «աղջի ջուր բերով», այլ «ծարավ եմ, ջուր կտաս?» - ով (սա զւտ օրինակ): Ու միշտ լսել իր տեսակետը ցանկացած հարցի շուրջ: Ու ցանկացած որոշում կայացնելիս:

[Ինչուիկ]

Իսկ դու չե՞ս նկատում, որ խնդիրն այն է, որ ընտանիքի անդամների մոտ պանիկա է սկսում, երբ մտածում են՝ իրենց կյանքի նորմալ ընթացքը պիտի խախտվի: Ոչ թե ադեկվատ բողոք:

Իսկ ես կասեի, որ դա պանիկա չէ, ուղղակի իրենք փորձում են իրենց ազդեցությունն ունենալ խնդրի լուծման մեջ։ Իմ կարծիքով եթե երեխաների հայրը կողմ լիներ Արևածագի աշխատելուն, երեխաներն էլ կողմ կլինեին։ Իսկ ամուսինը դեմ է, որովհետև ամուսինը բացակայում է տնից և մտածում է, եթե կինը տանն է,ուրեմն երեխաներն ապահով են։

[murmushka]

չեմ հասկանում ինչն է խնդիրը: Աղջիկնր ջան, ընտանիք կազմեք այն տղամարդկանց հետ ում հետ կարող եք խոսել, կիսվել, ընդհանուր եզրակացության գալ: Չեմ հասկանում ու չեմ պատկերացնում, որ իմ ընտանիքում կլինի նման խոսակցություն կամ նման խնդիր: ես ինքս պատրաստ եեմ ու ընտանիք կազմելուց առաջ էլ հստակ գիտակցում եմ, որ եթե պետք եղավ, ես ամեն ինչ կողքի կդնեմ հանուն իմ ընտանիքի, որի մեջ մտնում է նաև իմ ԱՄՈՒՍԻՆԸ, որովհետև վստահ եմ, որ նա էլ է պատրաստ նույն քայլին գնալ հանուն իր ընտանիքի, որի մեջ մտնում եմ նաև ԵՍ: բոլոր քննարկումները կարդալուց իմ մոտ նենց տպավորություն ստեղծվեց, որ երբ ամուսնանում են ստեղծվում է երկու տարբեր ընտանիքներ, մեկը կնոջինը, որի հոգսը միայնակ ինքն է քարշ տալիս, մեկն էլ ամուսնունը, որի հոգսը էլի գցում են կնոջ վրա: ինչ էի ուզում ասել, եթե ի սկզբանե նայում ես ընտանիքին այն տեսանկյունից, որ միայն երկուսով պիտի սնեք , պահեք ու պահպանեք այն, ապա երբեք նույնիսկ հարց չի առաջանա, իսկ ինչու ես սենց իսկ դու նենց:

[SSS]

Իսկ ամուսինը դեմ է, որովհետև ամուսինը բացակայում է տնից և մտածում է, եթե կինը տանն է,ուրեմն երեխաներն ապահով են։

Իսկ ամուսինը դեմ է,որովհետև դա է "ճիշտը",որովհետև ինքը կարող է կնոջ փոխարեն որոշել,որովհետև կնոջը 20տարի ձեռքա տվել եդ վիճակը"եդ ինչի հանկարծ?"

[Ինչուիկ]

Իսկ ամուսինը դեմ է,որովհետև դա է "ճիշտը",որովհետև ինքը կարող է կնոջ փոխարեն որոշել,որովհետև կնոջը 20տարի ձեռքա տվել եդ վիճակը"եդ ինչի հանկարծ?"

Դրանում արդեն կինն է մեղավոր

[Արևածագ]

Իսկ ամուսինը դեմ է,որովհետև դա է "ճիշտը",որովհետև ինքը կարող է կնոջ փոխարեն որոշել,որովհետև կնոջը 20տարի ձեռքա տվել եդ վիճակը"եդ ինչի հանկարծ?"

Մի մարդ նամակ է գրում ամսագրին: « Կնոջս հետ երեսուն տարի միասին ենք ապրել: Հինգ երեխա ունենք: Բայց էս վերջերում «Կամասուտրան» կարդացինք, տեսանք , որ մեր իմացածները սեքսի մասին լրիվ սխալ են: Ի՞նչ անենք...:»
Հիմա երեխեք ջան, բոլորիդ գրածն էլ ճիշտ է: Մի հատ էլ որոշեք ի՞նչ անեմ՝ գնամ էդ գործի՞ն, թե՞ չէ': Կվերցնեն, ուրիշի կընդունեն:

[SSS]

Մի մարդ նամակ է գրում ամսագրին: « Կնոջս հետ երեսուն տարի միասին ենք ապրել: Հինգ երեխա ունենք: Բայց էս վերջերում «Կամասուտրան» կարդացինք, տեսանք , որ մեր իմացածները սեքսի մասին լրիվ սխալ են: Ի՞նչ անենք...:»
Հիմա երեխեք ջան, բոլորիդ գրածն էլ ճիշտ է: Մի հատ էլ որոշեք ի՞նչ անեմ՝ գնամ էդ գործի՞ն, թե՞ չէ': Կվերցնեն, ուրիշի կընդունեն:

Ինչպես տատիկս էր սիրում ասել"Գնա,թող ջանիդ ղադրը իմանան"

[Ֆրեյա]

Դե չեմ կարծում, որ էս դեպքում պետք է գործել էն պրինցիպով, որ եթե մինչև հիմա չես բողոքել, շարունակի չբողոքել։

Մարդիկ միշտ են անպատրաստ են փոփոխությունների, կյանքի ցանկացած բնագավառներում ու ձգտում են կյանքը պահել հաստատուն։

Պրակտիկ, ինչ–որ խնդիրներ կան։ Ասենք, եթե կինը տանը չլինի, ում հետ են մնալու երեխաները,ինչ են ուտելու, ինչ են անելու... Բայց գուցե դա դրական էլ ազդի. սովորեն ինքնուրույն լինել ավելի։

---------- Ավելացվել է՝ 12:54 ---------- Սկզբնական գրառումը՝ 12:51 ----------

Արևածագ, մենք չպետք ա որոշենք այլ դու։
Եթե հստակ չես կողմնորոշվում, եթե ինքդ չես զգում ներքուստ, կամ եթե կասկածում ես, ուրեմն դեռ պատրաստ չես նման որոշումների եւ առավել եւս քայլերի։

Պետք ա ուղղակի մեջիցդ համոզվածություն զգաս, որ ամեն ինչ կհասցնես ու ամեն ինչ կանես, պետք ա մեջիցդ համոզվածություն զգաս, որ եթե նեղանան երեխաները, կկարողանաս նրանց համոզել, անդորրը վերականգնել։
Ու մեկ էլ՝ պետք ա ներքուստ վստահություն զգաս, որ ամեն ինչ ճիշտ ես անում։ Եթե դա չկա, ավելի լավ ա չանես

---------- Ավելացվել է՝ 12:56 ---------- Սկզբնական գրառումը՝ 12:54 ----------

Ինչպես տատիկս էր սիրում ասել"Գնա,թող ջանիդ ղադրը իմանան"

Այ ստեղ մի քիչչչ հակադրվելու նոտա եմ լսում Իրականում, պետք չի հակադրվել, նենց չեմ սիրում, որ կանայք ասում են՝ "ես որ չլինեի, սաղդ սովից մեռել էիք.. կամ կգնամ, նոր կիմանաք ղադրս".. մի տեսակ ոնց որ երեսով տալ ա...
Եթե տենց ա տրամադրված կինը հաստատ լավ բան չի դուրս գա
Ինչ–որ ուրիշ խնդիրներ ա ուզում լուծի էս մարդը, ուղղակի եթե լուծի, պետք ա որ բոլորին էլ ավելի լավ լինի

[Սամսար]

Հայ աղջկան ու կնոջն, ինչպես և ցանկացած մարդու, ինքնիրացման հնարավորություն է պետք տալ։ Մասնագիտական առումով ինչ-որ բանի հասած ու առաջ գնացող, սիրող ամուսին ունեցող մարդիկ երջանիկ կլինեն ու կլինեն, թեկուզ ամիսը մեկ իրար տեսնեն՝ աշխարհի տարբեր անկյուններում գտնվելով, թեկուզ իմանալով, որ իրենց երեխեքին տատիկն ա նայում կամ դայակը։ (Երեխեքի հետ կապված էս տարբերակը քիչ հավանական ա, երևի)։ Բայց դե մեր հասարակությունն այնպիսին է, որ ինքնիրացման հնարավորությունները սահմանափակվում են ինչպես ադաթներով, այնպես էլ՝ իշխանական համակարգով։ Վկա՝ վերջերս հրապարակված ինֆորմացիան, որ Հայաստանը բնակչության «երջանիկ լինելու զգացողության» ցուցանիշով 111-րդ տեղում է։ (Կներեք աղբյուր ու հնարավոր է՝ տեղը ճիշտ չնշելու համար)։
Ու հեչ պատահական չէ, որ Արևմուտքը, ֆեմինիզացիայի խելառ փուլն անցնելուց հետո վերադարձավ ավանդական ընտանեկան կացութաձևին, սակայն արդեն կնոջ իրավահավասարության պարադիգմայով։

Էնպես որ հայ աղջիկներն էլ են ուզում, երբեմն՝ չգիտակցված, լինել հարգված ու սիրված ինչպես ընտանիքում, այնպես էլ՝ աշխատանքում ու հասարակությունում։

[SSS]

Այ ստեղ մի քիչչչ հակադրվելու նոտա եմ լսում Իրականում, պետք չի հակադրվել, նենց չեմ սիրում, որ կանայք ասում են՝ "ես որ չլինեի, սաղդ սովից մեռել էիք.. կամ կգնամ, նոր կիմանաք ղադրս".. մի տեսակ ոնց որ երեսով տալ ա...
Եթե տենց ա տրամադրված կինը հաստատ լավ բան չի դուրս գա
Ինչ–որ ուրիշ խնդիրներ ա ուզում լուծի էս մարդը, ուղղակի եթե լուծի, պետք ա որ բոլորին էլ ավելի լավ լինի

Հակադրվելու խնդիր ամենեվին էլ չկա,ոչ ոք չի ասում որ կինը ամեն հարցում պետք է սկանդալ սարքի,դա էլ կլինի հենց նրա սխալը ...Եթե ասում ենք կինը իրավունք ունի այս կամ այն անել, դա դեռ չի նշանակում,որ դրան պետք է հասնի մինչև դիմացի թաղամասը լսվող ճղճղան ձայնով..

[Rhayader]

Իսկ ես կասեի, որ դա պանիկա չէ, ուղղակի իրենք փորձում են իրենց ազդեցությունն ունենալ խնդրի լուծման մեջ։ Իմ կարծիքով եթե երեխաների հայրը կողմ լիներ Արևածագի աշխատելուն, երեխաներն էլ կողմ կլինեին։ Իսկ ամուսինը դեմ է, որովհետև ամուսինը բացակայում է տնից և մտածում է, եթե կինը տանն է,ուրեմն երեխաներն ապահով են։

18 տարեկան երեխա՞ն: Համ էլ՝ չեմ կարծում, որ եթե կինը տանն է, երեխաներն էլ են տանը:

---------- Ավելացվել է՝ 13:23 ---------- Սկզբնական գրառումը՝ 13:20 ----------

Ու հեչ պատահական չէ, որ Արևմուտքը, ֆեմինիզացիայի խելառ փուլն անցնելուց հետո վերադարձավ ավանդական ընտանեկան կացութաձևին, սակայն արդեն կնոջ իրավահավասարության պարադիգմայով:

Սխալ ինֆորմացիա է:

[Ինչուիկ]

18 տարեկան երեխա՞ն: Համ էլ՝ չեմ կարծում, որ եթե կինը տանն է, երեխաներն էլ են տանը:

Երեխան, որպես ընդհանուր ասացի։
Եվ ես չասացի, որ եթե կինը տանն է, ուրեմն երեխաներն էլ են տանը։ Ապահով լինելն ու տանը լինելը տարբեր բաներ են։

[Սամսար]

Ռեյ ջան, «սխալ ինֆորմացիա» կրակոցդ հիմնավորեիր, էլի։
Արևմուտքում սեռերի իրավահավասարության կամ փոխհանդուրժողականության օրինակն իմ համար Հիլարի և Բիլ Քլինթոնների պատմությունն է, որն ազդարարեց ֆեմինիզացիայի ժամանակշրջանի ավարտը։

[Inana]

Այ ստեղ ամեն ինչ սկսվեց նորից, ես ուղղակի զարմանում եմ, որտե՞ղ եք դուք ապրում, ի՞նչ միջավայրում, մեր ԳԵՂում տենց բաներ չկան

Ես ապրում և խոսում եմ հայ իրականության մասին, Շինարար ջան: Գյուղի աշխատանքը ֆինանս կնոջ տալ չի կարող, դա ընդհանուր գործ է ընտանիքի համար, որին տղամարդը իհարկե դեմ չի: Կինն` ա աչքի առաջա:
Իսկ ես խոսում եմ այնպիսի աշխատանքի մասին, որ ֆինանսա բերում հենց կնոջ ձեռքը: Էդ դեպքում արդեն կինը ինքնուրույն ա դառնում ու պետք չի ժխտել էլի, որ իբր մեր տղաների մեջ չկան նենց բռնակարլներ, որ ամուսնանալուց առաջ աղջկան ասում են հա կաշխատես, բան, բայց հենց ամուսնանում են- հոպ հըլը, ինչ աշխատել, ինչ բան, էդ էր մնացել պակաս, որ իմ կնիկը աշխատի, խի ես մեռել եմ, էդքան չկամ, որ իմ ընտանիքը պահեմ: Սա խոսում ա իրանց կեղծ ինքնասիրության մասին, որ հանկարծ իրանց տափակ ընկերները ձեռք չառնեն իրանց:

Իրանք թքած ունեն, թե կինը ամբողջ օրը չորս պատերից բացի բան չի տենում, որ ինքն էլ ա մարդ, ինքն էլ ա ուզում կայանա, հիմնավորվի:

[Shah]

Ես ապրում և խոսում եմ հայ իրականության մասին, Շինարար ջան: Գյուղի աշխատանքը ֆինանս կնոջ տալ չի կարող, դա ընդհանուր գործ է ընտանիքի համար, որին տղամարդը իհարկե դեմ չի: Կինն` ա աչքի առաջա:
Իսկ ես խոսում եմ այնպիսի աշխատանքի մասին, որ ֆինանսա բերում հենց կնոջ ձեռքը: Էդ դեպքում արդեն կինը ինքնուրույն ա դառնում ու պետք չի ժխտել էլի, որ իբր մեր տղաների մեջ չկան նենց բռնակարլներ, որ ամուսնանալուց առաջ աղջկան ասում են հա կաշխատես, բան, բայց հենց ամուսնանում են- հոպ հըլը, ինչ աշխատել, ինչ բան, էդ էր մնացել պակաս, որ իմ կնիկը աշխատի, խի ես մեռել եմ, էդքան չկամ, որ իմ ընտանիքը պահեմ: Սա խոսում ա իրանց կեղծ ինքնասիրության մասին, որ հանկարծ իրանց տափակ ընկերները ձեռք չառնեն իրանց:

Եթե տղամարդը գումարով ապահովի իր կնոջը, էլի անհրաժեշտ ա՞, որ կինը գնա աշխատելու: Նկատի ունեմ, էլի անհրաժեշտությունը կզգա՞ կինը: