Ֆուտբոլի աշխարհի առաջնություն 2010

[romanista]

Փաստորեն 1:0 Իսպանիան կրեց հա՟, 120-րդ րոպեյին 120 րոպե էդ տաղտկալի ֆուտբոլն էիք նայու՟մ))))
Առաջնության լավագույն ֆուտբոլիստ ճանաչվեց Դիեգո Ֆորլանը, ու դա այս անցած տափակ առաջնության միակ ճիշտ որոշումն էր: Տղեն համ հավաքականին էր առաջ տանում, համ երբ պետք էր, ֆանտաստիկ գոլեր խփում... մի խոսքով, Ֆորլան ջան, շնորհավոր Ես զարմանում եմ, թե ո՟նց ա Ուրուգվայի ավագը Լուգանոն, երբ կազմում այնպիսի տաղանդ ունեն, ինչպիսին Ֆորլանն ա...
Դե, հոլանդացիք ոնց անհաջողակ կային, տենց էլ մնացին ու հա էլ էդ էն լինելու, որովհետև կոպիտ, սիմուլյանտ ու իրանց եսիմ ում տեղ դրած թիմը արժանի չի որ մի բանի: Իսկ Իսպանիայի մասին կասեմ մի բան... եթե իսպանացիներին կուրորեն երկրպագող մարդկանց դուր ա գալիս, որ իրանց թիմը սաղին 1:0 կրելով դառավ չեմպոին, դա իրանց գործն ա, բայց ասեմ, որ աշխարհի չեմպիոնը պետք ա չեմպիոն լինի ոչ միայն հաշվով, այլ նաև խաղով, իսկ Իսպանիան այս առաջնությունում բացարձակ խաղ ցույց չտվեց...
Առաջնության ամենաարժանի թիմերն էին Ուրուգվայն ու Գերմանիան, որոնք ճիշտ է պարտվեցին, բայց նրանց մասնակցությամբ ամեն խաղում տեսնում էիր գեղեցիկ ֆուտբոլ, անսպառ լարվածություն, կիրք, պայքար... թե չե 1:0-ների չեմպիոն... մի ծիծաղեցրեք ինձ

Այս առաջնությունը կարելի է համարել վատագույններից մեկը, բոլոր առումներով, ու ափսոս, որ ամենասիրելի սպորտաձևիցդ հիասթափվում ես հենց այսպիսի ԱԱ նայելով...

[Լեո]

Ինձ շատ ա հետաքրքրում, թե Մադրիդի փողոցներում գոլի պահին ինչպես են արձագանքել երկրպագուները: Եթե որևէ մեկը նման վիդեոյի տեղ գիտի, խնդրում եմ տեղադրեք

[Ջուզեպե Բալզամո]

Շնորհավոր Իսպանիա: Չեմպիոն ես ու դա անվիճելի է… ( անցած առաջնության տիտղոսագողի պես չես, չեմպիոն ես ): Քիչ գոլեր խփած չեմպիոն ես, բայց ամեն գոլդ մյուսների 3-4 գոլերից արժեքավոր դուրս եկան: Արժանի ես, միգուցէ ամենադիտարժան խաղերդ չէին (լավերը տեսել եմ ու դեռ տեսնելու եմ) բայց հավեսով նայվում էին: Պայքար կար, կրակ կար…

Հոյլանդ շնորհավոր: Ունես են՝ ինչ ունես. արծաթ, տխուր ա՞… չէ՛, շա՜տ լավ ա: Հարևան Դանիան ժեշտ էլ չունի Քո Կրուիֆը, քեզ հանեց համաշխարհային ֆուտբոլի վերևներ, արծաթի հետ ծանոթացրեց, հետո գնաց Իսպանիա… Մի փոքր չարությունն ա պակասում (կոպտություն չէ, նախանձախնդրություն), հաջողություններ ապագայում…

Դոյչլանդ շնորհավոր: Արժանի էիր, աշխատած մեդալ ա, հալալ ա… Իսկ չարախոսներին ականջ մի կախի. անարժանի հետևից ոչ ոք չի վատաբանում, արժանավորին են պախարակում: Քառասունականներից աբիժնիկ հակագերմանացիները իրենց գենետիկ մանթոները ֆուտբոլիստների ոտնատակն են թափում ու գնում են սառը ջուր խմելու (հաջորդ չեմպիոնի մասին իրատեսական միտքը քրտնացնում ա)… Հարավամերիկացիները Եվրոպայում չեմպիոն են դառել, կարծում եմ փոխադարձ ժեստը կանես 4 տարուց:

Ուրուգվայ շնորհավոր: Լրացուցիչ խաղով ֆիանալի ուղեգիր վաստակած թիմ, որից սպասելիք չուներ ոչ ոք: Իսկ թիմն ուներ… Ֆորլան: Դիեգո արժանի ես, վայելի…

Մեզ էլ շնորհավոր մի ամիս աշխարհի դարդ ու ցավից կտրվելու, ֆուտբոլով ապրելու, ուրախանալու ու տխրելու համար: 8-րդ առաջնությունն եմ նայում, տխրել եմ, անգամ լացել երկրպագածս թիմերի պարտություններց, ուրախացել նրանց հաղթանակներով ու ամեն անգամ էլ ավելի սիրել ֆուտբոլը: Հիմա ֆուտբոլ եմ երկրպագում, և էն բոլոր թիմերին ովքեր խաղն են խաղում… Ֆուտբոլը փոխվել ա, բայց չի դադարել դիտարժան լինել… էս առաջնությունն էլ նույնպես: Վիվա Ֆուտբոլ

[romanista]

Juzeppe Balzammo, ապրես: Անկախ ակումբցիների ֆուտբոլային նախասիրություններից ու դրանց հետ կապված հոգեկան վիճակներից, գրառումդ բոլորին դուր կգա

[BOBO]

Ինձ շատ ա հետաքրքրում, թե Մադրիդի փողոցներում գոլի պահին ինչպես են արձագանքել երկրպագուները: Եթե որևէ մեկը նման վիդեոյի տեղ գիտի, խնդրում եմ տեղադրեք

[Moonwalker]

Հա մոռացա նշեմ էդ Սլավա Սարգսյանի ահավոր մեկնաբանությունը՝ մի 150 րոպե (նաև խաղից առաջ ու հետո) նյարդային համակարգս քայքայեց: Անընդհատ խոսում էր, բայց ասածի մեջ իմաստ չկար (ես մի պահ սկսեցի մտածել, որ իրա տեղեկատվության միակ աղբյուրը պատի ռադիոն ա): Ընդհանրապես մեր մեկնաբանական դպրոցը (եթե այդպիսին կա) հեռու ա բավարարից (բացի երևի Արմեն Մելիքբեկյանից):

[Hda]

Փաստորեն 1:0 Իսպանիան կրեց հա՟, 120-րդ րոպեյին 120 րոպե էդ տաղտկալի ֆուտբոլն էիք նայու՟մ))))

հետաքրքիր է ,դու ինչու՞ էիր նայում: Եթե չես նայել, որտեղից տեղեկացար, որ տաղտկալի է:Ինչքան էլ տապ անի եկենք սառը մնանք.. Իմ համար էլ 120 րոպեանոց ֆուտբոլն անընդունելի է:Կնախնտրեի 2-ին էլ չեմպիոն հռչակեին կամ ոչ մեկին: Հլա լավ ա պենալների հերթը չհասավ: Ակնհայտ է դառնում, որ չեմպիոնական խաղ չկար, այ ուրիշ բան ասենք գոնե 2 կամ 4 գոլ գրանցված լիներ:շատ ֆինալներ են եղել անարդյունավետ,բայց բայց ոչ այսքան հնարավորությունների չօգտագործմանբ: Իմ համար դա որակվում է պարզապես բռակ:

Դե, հոլանդացիք ոնց անհաջողակ կային, տենց էլ մնացին

սրա հետ լրիվ կողմ եմ

որովհետև կոպիտ, սիմուլյանտ ու իրանց եսիմ ում տեղ դրած թիմը

հավատա միշտ նրանց նկատմամբ ուշադիր եմ եղել ու այս առաջնությանը նշածդ մոմենտներով անճանաչելի էին, ըստ իմ տեսածների առաջին անգամ էին այդպիսի

Իսկ Իսպանիայի մասին կասեմ մի բան... եթե իսպանացիներին կուրորեն երկրպագող մարդկանց դուր ա գալիս, որ իրանց թիմը սաղին 1:0 կրելով դառավ չեմպոին, դա իրանց գործն ա, բայց ասեմ, որ աշխարհի չեմպիոնը պետք ա չեմպիոն լինի ոչ միայն հաշվով, այլ նաև խաղով, իսկ Իսպանիան այս առաջնությունում բացարձակ խաղ ցույց չտվեց...

դուր գա չգա, կատարված փաստ է ու էմոցիաները պետք է մոռանալ: Իսպանիան 2010 ֆուտբոլի չեմպիոնն է ու նույնիսկ թեմայի մոդերատորը անկարող է այս իրավիճակը փոխել, էլ չասեմ (Աստղ ջան հանկարծ կակած չառաջանա մոտդ քեզ հարգելուս) նույնիսկ եթե կորեացի լինի..

Առաջնության ամենաարժանի թիմերն էին Ուրուգվայն ու Գերմանիան, որոնք ճիշտ է պարտվեցին, բայց նրանց մասնակցությամբ ամեն խաղում տեսնում էիր գեղեցիկ ֆուտբոլ, անսպառ լարվածություն, կիրք, պայքար... թե չե 1:0-ների չեմպիոն... մի ծիծաղեցրեք ինձ

հա ես էլ նմանատիպ կարծիքի եմ, բայց առանց ծիծաղելու

Այս առաջնությունը կարելի է համարել վատագույններից մեկը, բոլոր առումներով, ու ափսոս, որ ամենասիրելի սպորտաձևիցդ հիասթափվում ես հենց այսպիսի ԱԱ նայելով...

էս էլ համարյա 100% բռնեց

[Moonwalker]

Վիսենտե Դել Բոսկեն էն եզակի մարզիչներից ա, որ տակտիկական ֆուտբոլ ա դավանում: Եվրո 2008-ից հետո Իսպանացիների խաղը շատ ա գունազրկվել, բայց ՕԳԳ-ն էլի շատ բարձր ա: Դե ինչ, եղածն եղած է, մարզիչին բան չես կարա ասես՝ մարդը թիմին չեմպիոն դարձրեց: ուղղակի մնում ա շնորհավորել և առաջ անցնել

[Rammstein]

Շնորհավոր Մյուլերին, միանգամից երկու մրցանակ` Ոսկե կոշիկ, մեկ էլ լավագույն երիտասարդ ֆուտբոլիստի մրցանակ:
Ա՜խ եթե էն ոչխար դեղինը չլիներ ու Իսպանիայի հետ խաղին մասնակցեր… հավանաբար հիմա ե՛ւս մի մրցանակ կունենար` աշխարհի գավաթը:

[Լեո]

Ահա թե ինչպես դա տեղի ունեցավ



Դիտել մեծացված:

[romanista]

հետաքրքիր է ,դու ինչու՞ էիր նայում: Եթե չես նայել, որտեղից տեղեկացար, որ տաղտկալի է:

Այսինքն եթե չեմ նայել, ուրեմն մինչև կյանքիս վերջը պտի չիմանա՟մ հաշիվը ու թե ինչ խաղ ա եղե՟լ չե, չեմ նայել ու չեմ փոշմանել չնայելու համար, իսկ թե որտեղից գիտեմ, որ կոպիտ խաղ էր և այլն, ասեմ, խաղի ժամանակ թե այստեղ և թե էլի շատ ռեսուրսներում մեկնաբանություններ էին անում, կարդում էի... կարդում էի ու մտքումս ասում, որ ինչ լավ ա որ չեմ նայում

[Ambrosine]

Ավելի շատ հարգեցի Պույոլին ու Չավիին՝ Կատալոնիայի դրոշը Աշխարհի գավաթի կողքին ծածանելու համար։

Եթե ես կատալոնացի լինեի, իրենց երբեք չէի ների նրա համար, որ հանդես են գալիս Իսպանիայի հավաքականի կազմում: Ուղղակի մարդիկ խայծը կուլ են տվել. Սապատերոն մի քանի անգամ ժպտում ա ու վերջ... կատալոնացիները մոռանում են, որ երեկ անկախություն էին ուզում: Իսպանիայի պատիվը պաշտպանելուց հետո էլ ու՞մ ա հետաքրքրում, թե ում դրոշը կծածանեն:

դուր գա չգա, կատարված փաստ է ու էմոցիաները պետք է մոռանալ: Իսպանիան 2010 ֆուտբոլի չեմպիոնն է ու նույնիսկ թեմայի մոդերատորը անկարող է այս իրավիճակը փոխել, էլ չասեմ (Աստղ ջան հանկարծ կակած չառաջանա մոտդ քեզ հարգելուս) նույնիսկ եթե կորեացի լինի..

Մոդերատորը, եթե նույնիսկ հնարավորություն ունենար՝ իրավիճակը փոխելու, չէր փոխի

[Ռուֆուս]

Շնորհավոր, Իսպա՜նիա

Ես հենց սկզբից էլ չէի կասկածում, որ հաղթելու ենք, իրոք որ լավ խաղացին ու իրոք որ արժանի էին հաղթանակի: Հոլանդացիներն էլ ապրեն, իրենք Իսպանիայից հետո իմ երկրորդ համակրած թիմն էին, պարզապես եզրափակչի ժամանակ նյարդերը տեղի տվեցին ու գոլ բաց թողեցին: Գերմանացիներն ու ուրուգվայցիներն էլ ապրեն, իրենք էլ էին արժանի:

[Norton]

[Yevuk]

Շնորհավորում եմ Իսպանիայի երկրպագուներին: Իսպանիան իրոք արժանի էր դառնալու չեմպիոն: Չեմպիոնատի սկզբից Իտալիայի կողմից էի. ափսոս, որ 1/8 էլ չմտավ, բայց ոչինչ, բոլորի կյաքում էլ սև գծեր լինում են: Իսկ եզրաձակչում Իսպանիայի կողմից էի, բայց եթե Հոլանդիան էլ հաղթեր, չէի տխրի:
Երեկվա խաղը հետաքրքիր էր. հավասար խաղ էր ու Հոլանդիան ոչ մի բանով չէր զիջում Իսպանիային, ուղղակի 2 խմբերի բազմաթիվ սխալների միջից Հոլադիայի մի սխալը ճակատագրական եղավ: Բայց մի բանը ինձ դուր չեկավ, որ Հոլանդիան շատ կոպիտ էր խաղում: Ապրեն Կասիլիասը ու Հոլադիայի դարպասապահը, 2-ն էլ արտակարգ էին խաղում:

Հ.Գ. Հիմա կուզեի Մադրիդում լինեի: Առավոտյան լուրերով տեսա, թե ո՜նց են ուրախանում. ամբողջ գիշեր քեֆ են արել փողոցներում, տոնել են: Է՜հ