Ես լավ եմ հասկանում, իսկ դու կարծես թե չես հասկանում:keyboard-ի խոսքերից
Կրկնում եմ մեկ անգամ ևս, ես խոսել էի մտածելու լեզվի, ոչ թե մտածելակերպի մասին:
Բայց լավ, որ պնդում ես, շարունակեմ, ասեմ մտածելակերպի մասին:
Մենք կանգնած էինք, իսկապես կանգնած էինք, ազգային ինքնությունը կորցնելու խնդրի առջև: Ազգային ինքնությունը բազում բաղադրիչներ ունի, որոնցից կարևորագույններից մեկը հենց լեզուն է: Ու այո՛, մենք խիստ վտանգավոր դիրքում էինք, երբ մեր լեզուն արդեն սկսել էր համարվել ոչ պրեստիժնի, համարվել երկրորդ կարգի, երբ համարվում էր, որ էլիտար լեզուն ռուսերենն է, որ զարգացած մարդը պետք է ռուսերեն խոսի: Ու քանի գնում սա խորանում էր, եթե արմատական վիրահատություն չլիներ, ես վախենում եմ մտածել, թե ուր հասած կլինեինք: Բարեբախտաբար անկախացման հետ համարձակ մարդիկ այս խնդիրը լուծեցին: Ի դեպ, խորհրդարանում քննարկումների ժամանակ ռուսական դպրոցները փակելու համար ամենախիստ պայքարողներից մեկը այն կուսակցության ղեկավարն ու ստեղծողն էր, ում կուսակիցները այսօր փորձում են այս օրենքը մտցնել: Խոսքս Հանրապետական կուսակցության հիմնադիր Աշոտ Նավասարդյանի մասին է:
Մնացածը Հով ջան.. գիտես, ես հաճույքով նորից ու նորից նույն պնդումները կանեմ, բայց կարծում եմ, որ ավելի ազնիվ կլինի, եթե մեր ժամանակը դրա վրա ևս մեկ անգամ ծախսելու փոխարեն ինքդ թեման սկզբից մինչև վերջ կարդաս, որտեղ ես ու ուրիշներն այս ամենը մի անգամ չի որ մանրամասն շարադրել ենք: Եթե նոր հարցեր կառաջանան, սիրով տրամադրությանդ տակ եմ:
Մեջբերել
Էջանիշներ