Կարո՞ղ ես գովազդել

[Հայկօ]

Հաջորդը թող գովազդի բիլայնի հայ լայն ինտերնետը։

Հայ Լայն. հայ-հայը գնացել, լայ-լայն ա մնացել: [տակից հնչում ա երաժշտություն՝ Դի Լայ-Լայ-Լա՜յ...]


Հաջորդը գովազդում ա «Մուննաթ & Co» ՓԲԸ-ն:

[SSS]

Հայ Լայն. հայ-հայը գնացել, լայ-լայն ա մնացել: [տակից հնչում ա երաժշտություն՝ Դի Լայ-Լայ-Լա՜յ...]


Հաջորդը գովազդում ա «Մուննաթ & Co» ՓԲԸ-ն:

Մուննաթ,մուննաթ մուննաթիկ,
Եկեք դառնանք մի հատիկ,
Դե օգտվի'ր մուննաթից,
Օ իմ ընկեր բախտակից...
Թե չօդտվես Մուննաթից
Co-ն էլ վատը չի գիտես?


Թող գովազդվի մեր հարևան Գոհար տատիկի օժիտից մնացած կամբենացիան

[Մանանա]

Թող գովազդվի մեր հարևան Գոհար տատիկի օժիտից մնացած կամբենացիան

Երբ ես փոքր էի, թաքուն գողանում էի Գոհար տատիի կամբենացիան, հագնում էի և ինձ կին էի զգում Գոհար տատիի կամբենացիա-զգացեք ձեզ ԿԻՆ!!!!!


Գովազդեք պրծած գրիչ

[Հայկօ]

Գովազդեք պրծած գրիչ

Համր գովազդ. սցենար

Տեսարան. կիսախավար սենյակ, աջուձախ թափված շորեր, մետաքսե անկողնու անկյուն: Հնչում է մեղմ երաժշտություն: Կադրը բարձրանում է վերև, անկողնում կիսածածկված ու կիսափակ աչքերով պառկած է Parker գրիչը, շոյում է կրծքի վրա հանգչող Հոտով Ճտտիկով գրիչի վարդագույն գլուխն ու երանությամբ ծխում: Էկրանին հայտնվում է գրություն. «Parker. երբ անգամ պրծնելն է հաճույք»:



Հաջորդը գովազդում ա Ակումբի «Կինո» բաժինը :

[Rammstein]

Ի՜նչ լավ է
Մոդերավորում
Հայկօն
Կինոն


Հաջորդը թող գովազդի 20 դրամանոց մետաղադրամը:

[Tornado]

Ուշադրություն, ուշադրություն, սենսացիա, դուք կարող եք գնել 20 դրամանոց մետաղադրամ անհնար գնով, խմեք Վալերիանկա, որ չվատանաք, այսպիսով մեր ֆանտաստիկ առաջարկով դուք գնեք 20 դրամանոց մետաղադրամը ոչ 5000, ոչ 1000, այլ 200 դրամով:
-Ողջույն Սելիա, դու ինչպես ես քեզ զգում 20 դրամանոցը գնելուց հետո:
-Վաու, ես երջանիկ եմ, ես կարող անել այն ամենը ինչ չէի կարող առաջ: Ես դրանով կարող եմ քիթս քորել, լոտո ջնջել եւ վերջապես ես չեմ ծախսի հարյուրավոր դոլլարներ՝ վերանորոգելու իմ խոհանոցի սեղանը, քանի որ իմ նոր 20 դրամանոցը ես դնում եմ մսաղացի պտուտակի տակ, եւ ոչ մի քերծվածք, նաեւ ես դրանով մաքրում եմ իմ մանիկյուրը եւ չեմ ծախսում մի ամբողջ կարողություն ացետոնի վրա…
Լսեքցիք, ժողովուրդ միայն մեզ մոտ կգնեք 20 դրամանոց անհնար գնով եւ կլինեք երջանիկ:
/Ձեռի հետ ացետոնի ու վալերիանկայի ռեկլամ էլ արեցի, շատ ըլնի քիչ չլնի/

Հաջորդը թող գովազդի Դերբի շոկոլադը/եթե կրկնվում է ուրեմն Դորադո հեռախոսները:

[Մանանա]

Հիշում ես մեր մանկության խաղերը?ինչպես էինք միասին պախկվոցի խաղում?հիշում ես մի անգամ, երբ միասին թաքնվել էինք շենքի հետևը, ես քո թուշն առաջին անգամ համբուրեցի..իսկ մեր առաջին քայլերը դպրոցում....derbi - հին և բարի հիշողություններ

հաջորդը թող գովազդի ալպինիստական քլունգ

[Շինարար]

հաջորդը թող գովազդի ալպինիստական քլունգ

Ձեր ամուսինը տուն է գալիս մռայլ տրմադրությա՞մբ, բոլոր հարցերին պատասխանում է հոգնա՞ծ եմ, և Դուք կարծում եք, թե օգտագործել եք քլնգելու բոլոր միջոցնե՞րը:
_Ոչ, այս միջոցի մասին Դուք չգիտեիք: Քլունգ ալպինիստական, և Ձեր ամուսինը խոսում է նույնիսկ 14-ժամյա աշխատանքային օրից հետո:
Քլունգ ալպինիստական- քլնգե՛ք Ձեր ամուսնուն:
Օգտագործեք «Ալպինիստական» Փրոդըքթսի վերջին, բազմապրոֆիլ կիրառության «Քլունգ ալպինիստականը»:
Քլունգ ալպինիստական
Կիրառեք այն, եբ ամուսինը տանն է՝ խոսեցնելու նրան և ստիպելու կատարել իր ամուսնական պարտականությունները…
Քլունգ ալպինիստական
Ամուսինը տա՞նը չէ: Քլունգ ալպինիստականը կկատարի նրա ամուսնական պարտականությունները:
Պատվիրեք հենց հիմա, և ընդամենը 99.999, 99 դրամով Դուք ձեռք կբերեք ամենաժամանակակից «Քլունգ ալպինիստականը»:
Սակայն սա դեռ ամենը չէ: Զանգահարեք առաջիկա քսան րոպեների ընթացքում, և Դուք կստանաք 99 տոկոս զեղչ:
«Քլունգ ալպինիստական» ավելին, քան կարելի էր երազել:

Հաջորդը գովազդում ա նառդի

[Tornado]

Հաջորդը գովազդում ա նառդի

Լսեք, ժողովուրդ մենք վաճառում ենք աշխարհի ամենա էժան նարդին, Ձեր հարեւան Վալոդը իր կնիկ Մարգուշի հետ քիչ առաջ գնեց իսկ դուք, զանգահարեք 10 րոպեի ընթացքում, եւ մենք կներառենք սեւ շան ոսկորից պատրաստված զառերը: Իսկ եթե մտածում եք, որ այն Ձեզ հարկավոր չէ, ապա ղալաթ եք անում, չէ որ երբ վիճում եք Ձեր կնոջ հետ եւ ցանկանում եք սպանել նրան, կարող եք վերցնել նարդին, նստելիբեսեդկայում, անպայման չպոկել գնապիտակը եւ հանել չուզողի աչքը, այսպիսով լավ ժամանակ կանցկացնեք եւ չսպանելով կնոջը չեք նստի քսան տարի: Դուք մեր բազմաֆունկցիոնալ նարդիով կարող եք պոպոք ջարդել եւ այն շխկշխկացնելով ներվայնացնել հարազատներին, իսկ ձեր բազմոցը շատ գոհ կլինի, քանի որ իր տակ վերջիվերջո ինչ որ բան կհայտնվի, նաեւ եթե որոշել եք հարբել եւ զակուսկի չունեք, ապա հոգ չէ, հոտ քաշեք մեր նարդուց, նրա լաքի հոտը կխենթացի ձեզ: Ձեր հարեւան Վալոդը իր կնիկ Մարգուշի հետ քիչ առաջ գնեց այն իսկ դու՞ք: Բայց սպասեք, մենք կներառենք նաեւ զառ բռնելու գուշակ Վարդուշի ցուցումները: Զանգեք հենց հիմա…

Հաջորդը թող գովազդի սխտորի ճզմիչը, կամ զակատ անելու զահրումարը:

[mxmxm1]

սխտորի ճզմիչը...անիմաստ միբան,որ շատ `է կարևորվում ամանորից միքանի ժամ առաջ...սալաթնեե`ր,որոնց մեծ մասը կփչանան ու կթափվեն,ինչպես կյանքիդ այն պահերը,որ համեմեցիր սխտորի պես տհաճ ու հաճելի բուժիչ բաներով,հետո էլ ինքդ ուղարկեցիր հիշողությանդ աղբանոցը այլևս չօգտագործելու համար,ու միտքդ նման գործիք ուներ իր գործքաշարանում ինչպես սխտորճզմիչը,որ հազվադեպ էս հանում դարակից կամ հաճախ,չմտածելով թե ինչքան անհրաժեշտ է սխտորճզմիչը...


գովազդեք նշտարը (ланцет)

[Էլիզե]

գովազդեք նշտարը (ланцет)

Սենսացիա, սենսացիա, ՍԵՆՍԱՑԻԱԱԱ՜ԱԱ....
Նոր խոսք դիզայներական աշխարհում` ՆՇՏԱՐ: Օգտագործե՛ք նշտարը, որպեզսի զարդարեք Ձեր տան մերկ պատերը: Մի՛ վատնեք Ձեր ներվերը և ուժը պատին մեխ մեխելու համար. գնե՛ք նշատարներ և ուղղակի խրեք նշտարները պատերի մեջ: Մի՛ հապաղեք, զարդարե՛ք Ձեր տան պատերը նշտարներով: Իսկ այժմ ուշադրություն` եթե Դուք պատվիրեք երեք նշտար, ապա մենք միանգամայն անվճար Ձեզ կուղարկենք նաև չորրորդ` օգտագործված և վիրաբույժի ստորագրությամբ էքսկլուզիվ նշտարը:
Աճապարե՛ք:


Վերջում սլոգանը` ՁԵՐ ՏԱՆ ՊԱՏԵՐԸ ՄՐՍՈՒՄ ԵՆ ԱՌԱՆՑ ՆՇՏԱՐՆԵՐԻ:


հաջորդը թող գովազդի հայկական ավանդական ջրափոսերը:

[Ռեդ]

հաջորդը թող գովազդի հայկական ավանդական ջրափոսերը:

Ձեծի, լյուդայեդոմ
Բիլ տավարիշ Ստալին,
Նիս, նիս, նիս, նիս
Աստառոժնո նե չլը՛պնիս . . .

Հաջորդը գովազդում ա սինխրոֆազոտրոնի երկակի դիոդի միջով անցնող հոսանքի ուժը չափող սարքը:

[Էլիզե]

Հաջորդը գովազդում ա սինխրոֆազոտրոնի երկակի դիոդի միջով անցնող հոսանքի ուժը չափող սարքը:

Մանկապարտեզ… մի քսան երեխա բա՜րձր ձայնով լաց են լինում: Ներս է մտնում դաստիարակը՝ "Մի՛ լացեք, բալիկներ ջան, արդեն զանգել եմ, հեսա կբերեն": Բայց երեխաների լացը ավելի է սաստկանում: Ներս է մտնում մանկապարտեզի տնօրեն ընկեր Տանյան՝ "Երեխեք ջան… հեսա բերում են արդեն… մի՛ լացեք…Ա՜խ, ե՛ս եմ մեղավոր, ես եմ մոռացել, կներեք երեխեք ջան, կներեք..."
Մեկ էլ հոո՜ոպ բացվում է դուռը, ներս են մտնում երկու մեե՜եեծ ձյաձյաներ և ներս են բերում երկու մե՜ծ տուփ կոնֆետ: Երեխաները մի րոպե լռում են, նայում են ձյաձյաների բերածին, հետո իրար երես են նայում ու սկսում են լաց լինել ու բղավել՝ "Չէէէէէ՜է…մենք դա չենք ուզում, դա հետ տարեք և բերեք մեզ համար սինխրոֆազոտրոնի երկակի դիոդի միջով անցնող հոսանքի ուժը չափող սարքը:"
Մանկապարտեզի տնօրենը՝ "Էսօր էլ չստացվեց… Էսօր էլ ես էի ուզում խաղալ սինխրոֆազոտրոնի երկակի դիոդի միջով անցնող հոսանքի ուժը չափող սարքի հետ: Էսօր էլ չստացվեց…"

Գնե՛ք Ձեր երեխաների համար սինխրոֆազոտրոնի երկակի դիոդի միջով անցնող հոսանքի ուժը չափող սարքը:Մի՛ թողեք, որ Ձեր բալիկները դառնան ընկեր Տանյայի պես չտես: Կերտե՛ք Ձեր փոքրիկի պայծառ ապագան սինխրոֆազոտրոնի երկակի դիոդի միջով անցնող հոսանքի ուժը չափող սարքի հետ միասին:

գովազդեք ճանճերին:

[Skeptic]

գովազդեք ճանճերին:

Գարուն: Կեսօր: Նա, նստած պատշգամբին, վերհիշում էր առավոտյան դեպքերը: Դրսում անձրևում էր, իսկ նրա հոգին` փոթորկվում: Կարծես նա դեռ զարթնելու պահից կանխազգում էր, որ այդ օրը տարբերվելու էր մյուսներից: Սակայն նրա օրը սկսեց երկար սպասված ավետիսը. վերջապես իրականացավ նրա կյանքի հիմնական նպատակը...
Հենց այս մտորումների մեջ էր, երբ մռայլ թուխպերի միջից փայլատակեցին արեգակի ոսկեզօծ շողերը: Անձրևը դադարեց` հանդարտեցնելով նրա խռոված հոգին: Պատշգամբի ապակու վրա նա նկատեց երկու փոքրիկ ճանճերի, որոնք, կազդուրվելով արևի կախարդական ջերմությամբ, ուրախ ճախրում էին` նմանվելով թաքստոցի խաղացող մանուկների: Այդ պահին նա իրեն զգաց երջանիկ. երջանիկ, քանի որ ականատեսն էր բնության երջանկությանը, զարթոնքին, որոնք սիրահար մարդու մոտ նվիրական և վեհ զգացմունքներ են առաջացնում, որոնք անխոս վկա են այն պարզ մտքի, որ կյանքը հիասքանչ է: Եվ նա իրեն զգում էր ինչպես աստված, որի հովանավոր էգիդայի ներքո փոքրիկ արարածները վայելում են իրենց կարճատև, բայց` հավերժականը փառաբանող կյանքը...
Բայց ահա կորավ արևը: Տարտարոսյան արարածների նման` այն կուլ տվեցին դիվական ամպերը: Ասես բյուրավոր սատանաների քրքիջ, ճայթեց ամպրոպը և փայլատակեց կայծակը, փոթորկվեց նրա հոգին` հիշելով երանելի լուրին հաջորդաց չարագույժ զանգը. ամեն ինչ կորած էր: Ի չիք դարձան նրա բոլոր երազանքները. այլևս անիմաստ էր կյանքը նրա համար: Ինչու՞ ապրել, ու՞մ համար, եթե այլևս չես կարող տեսնել քո սիրած էակին, վայելել նրա անսահման սերը, կամ գոնե որսալ նրա դյութիչ հայացքը... Եվ ինչո՞վ են ինձնից առավել այս փոքրիկ արարածները, մի՞թե նրանք չեն զգում, որ իրենց հովանավոր աստվածը կորցրել է իր անմահությունը, իր ուժը, իր կյանքը: «Դե, ուրեմն, վերջ տվեք ձեր վայելքներին, քանի որ իմ ցասումը սոսկալի է և անսահման, ինչպես քիչ առաջ իմ սերն էր: Եկել է մեր կյանքի վերջը»... Մի քանի վայրկյան անց, փոքրիկ ճանճերի աճյունները, ասես անձրևի երկու կաթիլ, հանդարտ սահում էին ապակու վրայով ներքև, իսկ դրսում մոլեգնող քամին` բարձրաձայն շշնջում. «Կյանքը հիասքանչ է, բայց միաժամանակ` դաժան»...
Դիտեք նոր մելոդրամա-թրիլլերը` «Ճանճեր»...

[Շինարար]

Իսկ ի՞նչ գովազդենք