ՌՈՒՖՈՒՍ՝ Հայկ։ Առաջին տպավորությունս նկարագրեմ այսպես. պետք է հանդիպեինք ընդամենը մի քանի րոպեով՝ մի իր փոխանցելու համար, բայց մեր հանդիպումը տևեց մոտ երեք ժամ։ Իսկական ՄԱՐԴ, հիանալի զրուցակից, անկեղծ և անմիջական անձնավորություն։ Անչափ շատ եմ գնահատում այն հազվագյուտ և եզակի մարդկանց, ովքեր իրենց դրսևորում են այնպես իչնպես իրականում կան և իրենց ձև չեն տալիս։ Հայկը հենց այդպիսին է։ Շատ գնահատեցի նաև նրա մեղմ հոգին ու սիրտը։ Կենտրոնացած չի իր էգոյի վրա, և շատ գովեց ակումբցիներին, ինչն էլ ցույց տվեց, որ նա հոգով և մտքով ազնիվ մարդ է։ Հայկին տեսնելով հիշեցի այն առակը, որ ծառի պտուղները որքան շատ են լինում, ծառը այդքան ավելի խոնարհ է լինում։ Հայկը իր բազմակողմանի զարգացած լինելու հետ մեկտեղ, խոնարհ և համեստ անձնավորություն է։ Իր ներկայությունը չի կաշկանդում և ցածրացնում դիմացինին, այլ հակառակը՝ բարձրացնում և հաղորդում դրական լիցքեր։ Իմ համար մեծ առանձնաշնորհում է ծանոթ լինել նման մարդու հետ։
Մեջբերել
Էջանիշներ