Հարցեր բժիշկներին

[Մարկիզ]

Բարև սիրելի ՏարօրինակՓոքրիկ Աղջիկ , ուզում եմ քեզ մի հարց ուղղել
Բժիշկները ասում են, որ սննունդ ընդունելիս/կամ անմիջապես ուտելուց հետո/ շատ վնաս է ջուր խմելը… Բայց միևնույն ժամանակ ասում են, որ ապուրները օգտակար են մարսողության համար… Հիմա չեմ հասկանում՝ ինչ տարբերություն, բոլոր մթերքները միասին եփես ջրում, թե ջուրը առանձին ավելացնես վրան, արդեն ստամոքսում, ու մի հատ լավ խառնես ՞՞՞՞

Ո՞վ է ասել, որ ջուր խմելը շատ վնասակար է: Այդպիսի բան չկա: Ուտելու ընթացքում կամ ուտելուց անմիջապես հետո պարզապես սառը ջուր խմել խորհուրդ չի տրվում, քանի որ սառը ջուրը բերում է ճարպեր պարունակող նյութերի՝ «յուղերի» /կարագ, մսամթերքների, կաթնամթերքների մեջ պարունակվող «յուղեր»/ պնդեցմանը, որոնք էլ «պատում են» ստամոքսի եւ 12-մատնյա աղու լուսանցքի պատերը: Այս ամենը բերում է ստամոքսում մարսողական հյութում պարունակվող, մարսողությանը նպաստող եւ կատարող նյութերի՝ աղաթթու, ֆերմենտներ, արտազատման «դժվարացմանը»…
Ահա սա է իմ գիտցած միակ պատճառը:
Ոչ էլ խորհուրդ է տրվում օգտագործել շատ տաք սննդամթերք: Տաքն էլ դե պարզ է՝ վնասում է լորձաթաղանթը…
Նույն հաջողությամբ, տվյալ բժիշկը կարող էր խորհուրդ տալ հյութեր չօգտագործել՝ հաշվի առնելով, որ հյութերի մինչեւ 95 տոկոսը երբեմն ջուր է լինում:

Տարօրինակ է, որ հենց նույն բժիշկն է երկու խորհուրդն էլ տվել… Իսկ ինչպես են բացատրում ապուրների օգտակարությունը ապուրներ ուտելուն կողմնակից բժիշկները՞՞

Հ.Գ. Իմ կյանքի ընթացքում ինչքան ստամոքսի ֆունկցիաների խանգարումներով, կամ աղեստամոքսային հիվանություններով մարդ եմ հանդիպել, բոլորը ապուրներից զզվող մարդիկ են, ապուր չեն սիրում և կյանքում չեն էլ ուտում…

Իրականում, ապուրները/ ոչ տաք եւ ոչ էլ սառը վիճակում/ լավ էլ դյուրամարս են՝ ի տարբերություն շատ «չոր» սննդամթերքների…
Իհարկե, նշանակություն ունի նաեւ, թե ինչ բաղադրություն ունեն այդ ապուրները:

Իմ կյանքի ընթացքում ինչքան ստամոքսի ֆունկցիաների խանգարումներով, կամ աղեստամոքսային հիվանություններով մարդ եմ հանդիպել, բոլորը ապուրներից զզվող մարդիկ են, ապուր չեն սիրում և կյանքում չեն էլ ուտում…

Սովորաբար մարդիկ, որոնք հիվանդանում են մարսողական համակարգի հիվանդություններով/ ստամոքսի եւ 12-մատնյա աղիքի խոցային հիվանդություններ, տարբեր տիպի գաստրիտներ/ հակված են լինում գործածել «չոր», «կոշտ», «կոպիտ» սնունդ/ թթու, կծու, աղի եւ այլն/ : Սա զուտ անհատական նախասիրություն է:
Ասելս այն չէ, որ այս մարդիկ պետք է անպայման հիվանդանան ստամոքսի եւ 12-մատնյա աղիքի հիվանդություններով: Հիվանդանալու համար պետք է լինեն ավելի լուրջ գործոններ…
Բայց «չոր» , «կոպիտ» սննդամթերքի օգտագործումը նպաստում է նման հիվանդությունների առաջացմանը:

Հաշվի առեք, որ հեղուկը ստամոքս մուտք գործելուց անմիջապես հետո, շատ արագ հեռանում է…

[Lapterik]

Երեխեք ինչպես կարելի ա պայքարել աղերի կուտակման դեմ:

[StrangeLittleGirl]

Նույն հաջողությամբ, տվյալ բժիշկը կարող էր խորհուրդ տալ հյութեր չօգտագործել՝ հաշվի առնելով, որ հյութերի մինչեւ 95 տոկոսը երբեմն ջուր է լինում:

Բժիշկները խորհուրդ չեն տալիս ընդհանրապես ուտելու ժամանակ, ուտելուց կարճ ժամանակ անց հեղուկ օգտագործել: Սրանք նոր տվյալներ են: Կխնդրեի համապատասխան հոդվածներ կարդաս: Բազմաթիվ հիմնավորումներ կան:

Հաշվի առեք, որ հեղուկը ստամոքս մուտք գործելուց անմիջապես հետո, շատ արագ հեռանում է…

Այո՛, եթե ստամոքսը դատարկ է:

Երեխեք ինչպես կարելի ա պայքարել աղերի կուտակման դեմ:

Ինձ որ ասեք բժշկական լեզվով աղերի կուտակումը որն է, կասեմ: Մինչև հիմա չգիտեմ՝ օստեոարթրո՞զն է, օստեոխոնդրո՞զը, թե՞ երրորդ ինչ-որ ուրիշ բան:

[Մարկիզ]

Բժիշկները խորհուրդ չեն տալիս ընդհանրապես ուտելու ժամանակ, ուտելուց կարճ ժամանակ անց հեղուկ օգտագործել: Սրանք նոր տվյալներ են: Կխնդրեի համապատասխան հոդվածներ կարդաս: Բազմաթիվ հիմնավորումներ կան:

Իսկ ինչու՞: Իսկ բարի չէի՞ր գտնվի եւ ցույց տայիր ինձ այն նոր հոդվածները, որտեղ գրված են նման «չապացուցված» ցնդաբանություններ…
Կամ գոնե ինքդ ապացուցիր: Միայն թե չբերես հեղուկի առկայության դեպքում ստամոսահյութի նոսրացման մասին հեքիաթը: Ստամոքսահյութը անհրաժեշտության դեպքում արտադրվում է: Այն երբեք չի պրծնում:

Այո՛, եթե ստամոքսը դատարկ է:

1,5 լ–անոց ստամոքս ինչո՞վ են լցնում՝ ուտելու ժամանակ, եթե նույնիսկ ուտողը գերշատակեր է: Հիշեցնում եմ, հեղուկը հաշիվ չի:

[StrangeLittleGirl]

Իսկ ինչու՞: Իսկ բարի չէի՞ր գտնվի եւ ցույց տայիր ինձ այն նոր հոդվածները, որտեղ գրված են նման «չապացուցված» ցնդաբանություններ…
Կամ գոնե ինքդ ապացուցիր: Միայն թե չբերես հեղուկի առկայության դեպքում ստամոսահյութի նոսրացման մասին հեքիաթը: Ստամոքսահյութը անհրաժեշտության դեպքում արտադրվում է: Այն երբեք չի պրծնում:

Ես քո ասածները ցնդաբանություն անվանու՞մ եմ, որ դու ինձ հետ այդպես ես խոսում… Իսկ հիմա պատկերացրու նոսրացված ստամոքսահյութի վրա ավելացած նոր արտադրված ստամոքսահյութ… Ու հետո պատկերացրու խեղճ 12ՄԱ-ի վիճակը:
Մի ուրիշ բան. սննդանյութը ներծծվում է հեղուկով, ծավալը մեծանում է, հետևաբար ավելի շատ մարսողական հյութեր են պետք, որ սննդագնդիկը «հասանելի» լինի, անցման համար ավելի ուժեղ կծկումներ են պետք:

1,5 լ–անոց ստամոքս ինչո՞վ են լցնում՝ ուտելու ժամանակ, եթե նույնիսկ ուտողը գերշատակեր է: Հիշեցնում եմ, հեղուկը հաշիվ չի:

Խոսքս ոչ թե բերնեբերան լիքը, այլ ոչ դատարկ ստամոքսի մասին է: Երբ մի քիչ լցվում է, հեղուկն այլևս վերևի «խողովակով» չի անցնում: Եթե այդպես չէ, գնա, մեր դասախոսների հետ կռիվ արա:

[Մարկիզ]

Ես քո ասածները ցնդաբանություն անվանու՞մ եմ, որ դու ինձ հետ այդպես ես խոսում… Իսկ հիմա պատկերացրու նոսրացված ստամոքսահյութի վրա ավելացած նոր արտադրված ստամոքսահյութ… Ու հետո պատկերացրու խեղճ 12ՄԱ-ի վիճակը:

Հա, ի՞նչ…

Մի ուրիշ բան. սննդանյութը ներծծվում է հեղուկով, ծավալը մեծանում է, հետևաբար ավելի շատ մարսողական հյութեր են պետք, որ սննդագնդիկը «հասանելի» լինի, անցման համար ավելի ուժեղ կծկումներ են պետք:

Լավ, որպեսզի շատ չվիճաբանենք:
Օրինակ՝ ինքդ խորհուրդ ես տալիս ուտել կարտոֆիլ տապակած վիճակու՞մ, թե՞ այսպես ասած՝ «պյուրեատիպ»…
Կամ՝ խորհուրդ ես տալիս ուտել բրինձը փլավի տեսքով՞, թե՞ սուպի…
Եվ ի՞նչ տարբերություն:
Հասանելի, չհասանելիի խնդիր չկա: Սննդագնդիկն այնքան էլ «գնդիկ» չէ եւ ավելին՝ այնքան էլ դժվար չէ նրա «հասանելիությունը»… Առաջին անգամ եմ լսում նման արտահայտություն՝ մարսողության հետ կապված: Սննդագնդիկի «հասանելիություն»…

Խոսքս ոչ թե բերնեբերան լիքը, այլ ոչ դատարկ ստամոքսի մասին է: Երբ մի քիչ լցվում է, հեղուկն այլևս վերևի «խողովակով» չի անցնում: Եթե այդպես չէ, գնա, մեր դասախոսների հետ կռիվ արա:

Իսկ ձեր դասախոսներն էլ ի՞նչ են ասել: Ասել են, որ թեյ խմելիս, հանկարծ մի պատառ հաց անգամ չուտե՞ք կամ հակառակը՝ մի պատառ հաց ուտելիս, հանկարծ թեյ չխմե՞ք: Քանի որ այդ թեյն իրականում վնաս է, որովհետեւ հեղուկ է… Կներես, այդ ո՞ր դասախոսն է նման բան ասել:
Այո, համաձայն եմ, պիլորիկ սեղմանը կծկվում եւ փակում է ստամոքսի «ելքը»: Բայց այն հո այդպես փակ՝ «զամկած», չի մնում… մինչեւ ընդունած սննդի վերջնական «մշակումը» ստամոքսում, որը կարող է տեւել ժամեր:

Ես քո ասածները ցնդաբանություն անվանու՞մ եմ, որ դու ինձ հետ այդպես ես խոսում…

Պարտադիր էլ չի, որ անվանես…
Դու էլ ինձ «հնացած» եւ « չկարդացած» անվանեցիր:
Ես հո գիտեմ, որ այդպես չէ: Նկատի ունեմ «հնացածն» ու «չկարդացածը»

[ArmBoy]

Մի ծանրացրեք ձեր եւ մյուսների կյանքը... մի շատ խորացեք: Ու փորձենք վայելել կյանքը եւ ոչ թե նմանվենք ռոբոտի, որն ամեն մի բան (այդ թվում՝ ուտելիք կամ ջուր) տեսնելիս մի քանի կոմանդ է ուղարկում ուղեղի չիպ-ին, թե՝ կարելի՞ է, թե՞ ոչ: Ու այնտեղից էլ ստնում նման մի հրահանգ՝ Access is denied, կամ էլ՝ Now you are allowed to drink 120,7 ml of juice with total of 467,9 calories.

Մի բան հաստատ գիտեմ, որ ով որ կարողացավ խստագույնս դիետա պահել կամ հետեւել իր ամեն մի արած-չարածին, ուրեմն հաստատ հոգեբանի կարիք ունի, իսկ նրա հոգեբանը՝ հոգեբույժի:

[ArmBoy]

Երեխեք ինչպես կարելի ա պայքարել աղերի կուտակման դեմ:

Հնարվորինս ֆիզիկապես ակտիվ եղեք ու կուտակեք հայկական դրամ, ոչ թե աղ, քանի որ դեռ մեր տարադրամն է իրեն կայուն պահում:

[StrangeLittleGirl]

Իսկ ձեր դասախոսներն էլ ի՞նչ են ասել: Ասել են, որ թեյ խմելիս, հանկարծ մի պատառ հաց անգամ չուտե՞ք կամ հակառակը՝ մի պատառ հաց ուտելիս, հանկարծ թեյ չխմե՞ք: Քանի որ այդ թեյն իրականում վնաս է, որովհետեւ հեղուկ է… Կներես, այդ ո՞ր դասախոսն է նման բան ասել:
Այո, համաձայն եմ, պիլորիկ սեղմանը կծկվում եւ փակում է ստամոքսի «ելքը»: Բայց այն հո այդպես փակ՝ «զամկած», չի մնում… մինչեւ ընդունած սննդի վերջնական «մշակումը» ստամոքսում, որը կարող է տեւել ժամեր:

Ես նշեցի այն, ինչ ինձ դասախոսն ասել է անատոմիայի ու ֆիզիոլոգիայի մասին, իսկ դու ինձ հետ համաձայն էիր: Էլ ի՞նչ ես շարունակում, թե թեյի հետ մի կտոր հաց ուտել չի կարելի և այլն: Եթե ուզում ես իմ անձնական կարծիքն իմանալ, ապա բժշկության մեջ ոչ մի «չի կարելի» չկա, կա «ցանկալի չէ», և ես դրա մասին եմ ասում:

[Ֆրեյա]

Չեմ հասկանում, ինչպես կարող է մեկ հարցի շուրջ լինել մի քանի կարծիք, չէ որ միայն մեկ մարսողական մեխանիզմ գոյություն ունի, այսինքն` օրգանները միայն մեկ ձևով են աշխատում, չի կարող սնունդ ընդունելիս ջուրը խմելը մեկ լավ ազդել, մեկ վատ:
Երևի ամենաճիշտն է, սեփական դիտարկումների վրա հիմնվել, սեփական օրգանիզմի առանձնահատկությունների վրա:
Մինչև վերջերս, ճիշտ սնունդ է համարվել «պեռվի, վտառօյ, կամպօտ և վերջում դեսսերտ», նույնիսկ առողջարաններում ու հանգստի տներում սննունդը այդպես էին կազմակերպում, համաձայն այն ժամանակվա առողջապահության պահանջների: Իսկ այսօր... պարզվում է միրգ, քաղցրավենիք չի կարելի ուտել մարսվելու համար երկար ժամանակ պահանջող մթերքների հետ /միս, ճարպեր, սպիտակուցներ/, հեղուկ խմել ուտելիուց չի կարելի:
Լավ կլիներ, իրականությունը իմանաինք Մեկ էլ տեսար, բժիշկները մի քանի տարի հետո մի այնպիսի բան ասեն, որ նորից կտրականապես փոխվեն առողջ սննդի մասին պատկերացումները:
Հ.Գ. Շնորհակալություն պատասխանելու համար

[Մարկիզ]

Չեմ հասկանում, ինչպես կարող է մեկ հարցի շուրջ լինել մի քանի կարծիք, չէ որ միայն մեկ մարսողական մեխանիզմ գոյություն ունի, այսինքն` օրգանները միայն մեկ ձևով են աշխատում, չի կարող սնունդ ընդունելիս ջուրը խմելը մեկ լավ ազդել, մեկ վատ:
Երևի ամենաճիշտն է, սեփական դիտարկումների վրա հիմնվել, սեփական օրգանիզմի առանձնահատկությունների վրա:
Մինչև վերջերս, ճիշտ սնունդ է համարվել «պեռվի, վտառօյ, կամպօտ և վերջում դեսսերտ», նույնիսկ առողջարաններում ու հանգստի տներում սննունդը այդպես էին կազմակերպում, համաձայն այն ժամանակվա առողջապահության պահանջների: Իսկ այսօր... պարզվում է միրգ, քաղցրավենիք չի կարելի ուտել մարսվելու համար երկար ժամանակ պահանջող մթերքների հետ /միս, ճարպեր, սպիտակուցներ/, հեղուկ խմել ուտելիուց չի կարելի:
Լավ կլիներ, իրականությունը իմանաինք Մեկ էլ տեսար, բժիշկները մի քանի տարի հետո մի այնպիսի բան ասեն, որ նորից կտրականապես փոխվեն առողջ սննդի մասին պատկերացումները:
Հ.Գ. Շնորհակալություն պատասխանելու համար

Խընթըրեմ

[comet]

Մի էսպիսի հարց մեր ֆորումի բժիշկներին Հնարավոր է, որ 5 կոճակ տեմպանգինոլ միանգամից խմելուց հետո մի ամբողջ օր քնատություն, սրտխառնոց ու գլխապտույտ առաջանա?

[Մարկիզ]

Մի էսպիսի հարց մեր ֆորումի բժիշկներին Հնարավոր է, որ 5 կոճակ տեմպանգինոլ միանգամից խմելուց հետո մի ամբողջ օր քնատություն, սրտխառնոց ու գլխապտույտ առաջանա?

Էդ ո՞վ ա այդ «հերոսություն» արել…
Չի կարելի…
Իհարկե նշածդ սիմտոմների պատճառը ամենայն հավանականությամբ հենց դա է:

[comet]

Էդ ո՞վ ա այդ «հերոսություն» արել…
Չի կարելի…
Իհարկե նշածդ սիմտոմների պատճառը ամենայն հավանականությամբ հենց դա է:

չէ, հերոսը հաստատ ես չեմ
Երեկ հարևանուհուս աղջիկը <<վատ էր>>: Հայտնաբերեցինք, որ էդ դեղահաբերն են պակասել, վրան չի առնում

[Katka]

չեմ կարում քնել... վերևները չեմ նայել, եթե գրառումներ արել եք կներեք.
խնդրում եմ գրեք ինչ անեմ, դեղեր չեմ ուզում խմել