Ամենաուրախալին այն է, որ վատ ստեղծագործություններ փաստորեն չկան, նույնիսկ եթե հաշվի առնեինք ստացած բոլոր 63 ստեղծագործությունները: Եվ, իհարկե հոյակապ կլիներ, եթե մրցույթի բոլոր մասնակիցներն էլ մնային Ակումբում և ժամանակ առ ժամանակ ուրախացնեին մեզ իրենց ստեղծագործություններով…
Բայց դե ինչ արած, մրցույթը մրցույթ է, և ըստ այդմ էլ պետք է լինեն առաջիններ ու վերջիններ…
Պատմվածքների մեջ ինձ ամենամոտն էր "Դավադրության թավշյա տեսությունը". ամեն ինչ շատ լավ էր, հիանալի ֆանտազիա, հումոր: Ուրիշ դեպքում հաստատ առաջին տեղը հենց այս պատմվածքին կտայի, բայց կոնկրետ այս մրցույթի պահանջներին ինձ համար ավելի համապատասխանեց "Մեկ հայրենիք երկու սրտում" պատմվածքը:
Չնայած բավական ծավալուն լինելուն, կարդացվեց մեկ շնչով, տեղ-տեղ հուզեց անգամ համարյա մինչև արցունքներ պոկելու աստիճանի… Հա, սենտիմենտալ էր տեղ-տեղ, և ինչպես, կարծեմ Լիզն ասեց, որ սպոնտան հայրենադարձությունն էլ այնքան չհավատացրեց, բայց լրիվ հեղափոխության ոճի մեջ էր, շատ ազդեցիկ ու ազնիվ: Շնորհակալություն հեղինակին:
Շնորհակալություն բոլոր հեղինակներին: Ես Փաշինյանի տեղը լինեի, ձեզ բոլորիդ պատվոգրեր կբաժանեի…
Մեջբերել
Էջանիշներ