Ինչ հետաքրքիր է այդ մուսա կոչվածը... երբ այցելում է, միտքս աշխատում է կայծակի արագությամբ, իսկ երբ լքում է ինձ, ինչքան էլ փորձում եմ ստեղծագործել, չի ստացվում... ինչևէ, ուրախ եմ, որ նորից մուսաս ինձ այցելել է))
Այս բանաստեղծությունը նվիրվում է մի հրաշք աղջկա, որի հետ շփվելուց անկեղծորեն հաճույք ես ստանում... եթե մարդկության գոնե 50%-ը նրա պես լիներ, երևի թե այս աշխարհը մի քիչ ավելի լավը կլիներ...
ՔԵԶ ՊԵՍ
Աշխարհի բոլոր մարդիկ,
Նրանց հոգիները հատկապես,
Բոլորն, ովքեր ունեն չարիք,
Թող լինեն քեզ պես:
Ամեն մի շունչը մեր կողքի,
Որ կեղտոտվում է հոգեպես,
Թող ցանկանա ամեն պահի,
Որ դառնա քեզ պես:
ՈՒ բնությունը վայրենի,
Որ ցնորվել է պարզապես,
Թող հանդարտվի, կայուն լինի,
Որ ծաղկի քեզ պես:
Չկա, միակն ես այդպիսին,
Սիրտդ թեթև, դու ժպտերես,
Կցանկանամ քեզ այս պահին,
Որ մնաս քեզ պես...
Նկատած կլինեք երևի, որ եղանակը վերջին ժամանակներս խելագարվել է: Աշխարհի տարբեր մասերում անընդհատ տեղի են ունենում եղանակային սարսափելի աղետներ` մեկ սաստիկ շոգ կամ ցուրտ, կամ էլ ահռելի հրդեհներ, ջրհեղեղներ, փոթորիկներ... ոչ ոք չի՟ մտածել թե դա ինչից է... իսկ միգուցե աշխարհն է հոգնել մեզանից, մեղավորներից... մեր արարքներից, Սևակը կասեր` մեր ավելորդ ծանրությունից... ուրեմն եկեք փոխենք մեզ:
Հաջորդ գործը վերաբերում է դրան`
ՎԵՐՋԻՆ ՑԱՆԿՈՒԹՅՈՒՆ
Ես պառկած եմ անկողնում,
Վերջին շունչն եմ իմ շնչում,
Սիրտս թույլ է բաբախում,
Բայց ճչալ եմ ցանկանում:
Բղավել եմ ես ուզում,
ՈՒ որ բոլորը լսեն,
Կռիվն այս պատերազմում
Ինչքա՟ն պետք է շարունակեն:
Աշխարհն արդեն կործանվում,
Ցավին այս չի դիմանում,
Մարդիկ իրար են լափում,
Իսկ ինչու, չեն հասկանում:
Մոռանում են արժեքներ,
Բարիքներ ու կարիքներ,
Իրար են լոկ վնասում
Իշխանության թակարդում:
Ունեցվածքն են ցանկանում
Մերձավորի ու եղբոր,
Իրար սպանում են, մորթում,
Խիղճն էլ է այստեղ անզոր:
Կուրացել են հոգիները,
Չար մտքեր են նրանց տիրում,
Քարացան նրանց սրտերը,
Մարդկությունն է մոռացվում:
Ես մահանում եմ, գնում,
Ափսոսանքով իմ հոգում,
Մեկ բան եմ լոկ երազում,
Խաղաղություն եմ տենչում:
Բարի եղեք, մի շնացեք,
Իրար հասեք, կարեքցեք,
Դժվար պահերը հաղթեք,
Հոգով մանուկ մնացեք:
Ես կքնեմ, կմարեմ,
Բայց ինձնից հետո կուզեմ,
Որ երբ երկնքից նայեմ,
Ձեր մեջ սերը ես տեսնեմ...
Իմ մնացած բանաստեղծություններն այս 3 թեմայում են` http://www.akumb.am/showthread.php/5...B8%D6%80%D5%AE
http://www.akumb.am/showthread.php/5...B0%D5%B8%D6%82
http://www.akumb.am/showthread.php/5...A5%D6%80%D5%A8
Մեջբերել
Էջանիշներ