Սկսվեց. այս իշխանությունն ապացուցում է, որ մտադիր չէ հրաժարվել իր քաղաքականությունից, որը 1996 թվականից իշխանություն է նշանակում ու ստանում է իշխանություն բացառապես բիրտ ուժի միջոցով։ Ըստ էության, հենց 1996 թականին սկսվեց այս հակահեղափոխությունը, որի իմաստը 1988–1991 թվականների փաստացի հեղափոխության արդյունքների վերանայումը և իշխանության վերադարձը իշխանական նոմենկլատուրայի և օլիգարխիայի ձեռքը։ 1996 թվականին Վ. Սարգսյանը հայտարարեց, թե եթե Վազգեն Մանուկյանը հարյուր տոկոս ձայն էլ ստանար, իշխանությունը իրենք չէին հանձնելու։ Այսօր նրա իրավահաջորդներ Քոչարյանը և Ս. Սարգսյանը բոլոր իրավունքներն ունեն ասելու. եթե հարյուր հազարանոց ցույց էլ լինի, մեկ է՝ իշխանությունը չենք հանձնելու, ընդ որում՝ միջոցների մեջ ընտրություն չի լինելու։ Իշխանությունը մերն է և՝ վերջ։ Ուրեմն՝ դու, ժողովուրդ, և դու, ընդդիմություն, մի ազդեք մեր նյարդերի վրա ու մնացեք ձեր տեղում։ Իշխանությունը մերն է և ոչ թե ձերը։ Ու վերջ։
Ավելացվել է 9 րոպե անց
ԱԱԾ-Ի ՚ԱՄԵՆԱՀԱՋՈՂՎԱԾՙ ՕՊԵՐԱՑԻԱՆ՝ ԺՈՂՈՎՐԴԻ ԴԵՄ
[23:52] 09 Մայիսի, 2007
՚Ազատություն, արդարություն, խաղաղություն գոչելով, երթի մասնակիցները անցնում էին ԱԱԾ-ի շենքի մոտով, եւ այդ պահին ԱԱԾ-ից դուրս եկան քաղաքացիական համազգեստով հաղթանդամ տղաներ եւ հարձակվեցին հանրահավքի լիդերների վրաՙ,- Ա1+ին հայտնեց հանրահավաքի առաջին շարքերից քայլող լրագրող Գագիկ Շամշյանը:
ԱԱԾ հաղթանդամ աշխատակիցներին հետեւել են նաեւ կարմիր բերետավորները: ՚Երբ հաղթանդամները եւ կարմիր բերետավորները հարձակվեցին հանրահավաքի կազմակերպիչների՝ Արամ Կարապետյանի, Նիկոլ Փաշինյանի, Արամ Զավենի Սարգսյանի վրա, ժողովուրդը դուրս եկավ նրանց առաջ եւ սկսեց պաշտպանել առաջնորդներին: ԱԱԾ աշխատակիցները դրանից ավելի կատաղեցին եւ սեռական բնույթի բարձր հայհոյանքներով սկսեցին ծեծել ձեռքի տակ ընկածներին: Նրանցից մեկը ճանաչեց նաեւ ինձ եւ սկսեց բղավել, որ չնկարեմՙ,- ասաց Գագիկ Շամշյանը: ԱԱԾ աշխատակիցները հարձակվել են ոչ միայն տեղական, այլեւ արտասահմանցի լրագրողների վրա՝ պահանջելով, որ դադարեցնեն նկարահանումները: ԱԱԾ աշխատակիցների կողմից գետնին տապալված Գագիկ Շամշյանին հաջողվել է պահպանել իր լուսանկարները եւ անմահացնել օրվա հերոսներին:
Ի դեպ, ԱԱԾ-ի կազմակերպած օպերացիային միացել են նաեւ ՀՀ Ոստիկանության ԿՀԴՊ գլխավոր վարչության հատուկ ջոկատայինները, որոնք ժողովրդին հայտնի են ՚6-ի սպեցՙ անունով եւ որի ղեկավարն է Աշոտ իզիրյանը: Դեպքի վայրում են եղել նաեւ Երեւանի ոստիկանպետի տեղակալները:
http://www.a1plus.am/amu/?page=issue&iid=48970
՚ՀԱՍԱԿԻՍ ԷԼ ՉՆԱՅԵՑԻՆ` ՔԱՑՈՎ ԽԲԵՑԻՆՙ
[00:08] 10 Մայիսի, 2007
Ազգային օպերայի եւ բալետի թատրոնի շենքի մոտ ժամը 23.30-ի սահմաններում մոտ երկու տասնյակ մարդ դեռ քննարկում էին ԱԱԾ -ի շենքի մոտ տեղի ունեցած ծեծկռտուքը: Նրանք այսօրվա ծեծկռտուքի անմիջական մասնակիցներ էին ու ականատեսները:
՚Էս հասակիս քացով խբում էին: Էսօր իմ տոնն է , բայց խբեցին: Տոնն է հաղթանակի,բայց քացով խբեցին, վեր գցեցին, գլխարկս էլ կորավ, ժողովուրդը գտավ, բերին, ետ տվինՙ,- զայրութն ու զարմանքը խառնած պատմում էր Հայրենական մեծ պատերազմի վետերանը: Մի տարեց կին էլ անընդատ կրկնում էր ՚արցունաքաբեր գազը բերանս լցրեցին, սիրտս վատացավՙ: Մեկն էլ պատմեց, որ երթին մի ընտանիք էր մասնակցում` ամուսինը, կինը , երեխան: ՚Մարդուն ամբողջովին տվին, սպանին, արյունլվիկ արին: Անտեղի տեղըՙ,- ասաց նա:
Ծեծկռտուքը քննարկողները, որոնք 30-70 տարեկան մարդիկ էին, վախեցած էին այնքան, որ չցանկացան ներկայանալ: Ի դեպ, նրանք, ինչպես մի կին ասաց` վախենում են ոչ թե ծեծվելուց, այլ աշխատանքը կորցնելուց: ՚Ես դպրոցում եմ աշխատում, տնօրենս ամեն օր ասում է` չգնաս ընդդիմության հավաքին, բայց ես եկա, որ իմանա` կհանիՙ,- ասաց նա: ՚Մարդիկ այլեւս ի վիճակի չեն այդպես ապրելՙ,- մեկը մյուսին լրացնելով ասում էին ներկաները: ՚Էլ չենք ուզում հաստավիզների գերին դառնալՙ,- դառնացած ասաց 50-ին մոտ տղամարդ:
Ի դեպ, այն պահին, երբ ոստիկանները ծեծում էին խաղաղ երթի մասնակիցներին, Հանրապետության հրապարակում համերգ էր` էստրադայի հայ եւ ռուս աստղերի մասնակցությամբ: Հրապարակում հավաքվածներն այդպես էլ անտեղյակ մնացին երկու փողոց այն կողմ տեղի ունեցած ծեծկռտուքին, մանավանդ որ բջջային հեռախոսակապի որակը,ինչպես լինում է նման լայնամաշտաբ միջոցառումների ժամանակ, սարսափելի վատ էր. անհնար չր որեւ մեկին զանգել:
http://www.a1plus.am/amu/?page=issue&iid=48971
՚ՄԵԿ+ՄԵԿ+ՄԵԿ+ՄԵԿՙ
[00:29] 10 Մայիսի, 2007
Մինչ ՀՀ քաղաքացիների մի մասը Հանրապետության Հրապարակում ունկնդրում էր կազմակերպված ՚Մեսկվա-Երեւան-տրանզիտՙ համերգային ծրագիրը, հրապարակից ոչ այնքան հեռու ոստիկանները ծեծում էին ՀՀ մյուս քաղաքացիներին, որոնք` ի տարբերություն հրապարակում հավաքվածների, քաղաքացիական հստակ դիրքորոշում ունեն եւ ԱԱԾ շենքի մոտ արդարություն էին պահանջում:
՚Իրավապահներիՙ այդ քայլը, սակայն ավելի զայրացրեց ընդդիմադիր եռյակի` ՚Իմպիչմենտՙ դաշինքի, ՚Նոր ժամանակներՙ եւ ՚Հանրապետությունՙ կուսակցությունների կազմակերպած հանրահավաքի մասնակիցներին: Վերջիննես ԱԱԾ մոտ ՚կռիվ տալուցՙ հետո չցրվեցին, այլ ավելի մարտական տրամադրված ուղեւորվեցին դեպի Ազատության հրապարակ: Հրապարակ մտնելուց ցուցարարները վանկարկում էին ՚հաղ-թա-նակՙ: Ցուցարարները վանկարկելու ընթացքում նաեւ բռունցքներով թափահարում էին: Երբ հարթակին մոտեցան կուսակցությունների առաջնորդները հրապարակում տիրեց քար լռություն, որովհետեւ բարձրախոսները ոստիկանների մոտ էին եւ քաղաքական գործիչները ժողովրդին դիմում էին առանց բարձրախոսների: ՚Հաղթանակը միանգամից չի լինում, հաղթանակը քայլ առ քայլ է լինում ու մենք այսօր մեր հաղթանակի կարեւոր քայլն արեցինք: Մենք արդեն հաղթել ենք: Այսօր մեկ անգամ եւս ապացուցվեն այն, ինչ մենք ասում էինք. որեւէ մեկը որեւէ մեկից ոչ վախում է, ոչ քաշվում է: Մենք կողմնակից չենք եղել, որ գնանք մեր ոստիկաններին ծեծենք, բայց մենք միշտ պատասխան ենք տվել: Մենք ամեն ինչ անում ենք խաղաղ, բայց եթե մեզ վրա փորձում են հրոսակների պես հարձակվել, ուրեմն պատասխան են ունենալուՙ,- հայտարարեց ՆԺԿ ղեկավար Արամ Կարապետյանը: Նրա խոսքը պարբերաբար ընդհատվում էր ՚այո, այոՙ կամ ՚հաղ-թա-նակՙ վանկարկումներով: Ազատության հրապարակում հավաքվածներն իրենց ծափողջյուններով եւ ՚Դա-վիթ, Դա-վիթՙ վանկարկումներով աջակցություն հայտնեցին Դավիթ Մաթեւոսյանին, ով մարմնական վնասվածք էր ստացել ոստիկանների հետ ընդհարումի ժամանակ:
՚Մենք ցույց տվեցինք, թե ով է այս երկրում առյուծը եւ ով` նապաստակըՙ,- հայտարարեց ՚Իմպիչմենտՙ-ի ներկայացուցիչ Նիկոլ Փաշինյանը. ՚Հիմա պարզ է, չէ՞, ինչ պիտի հայտարարենք այս իշպանությանըՙ: Այս հարցին հավաքվածները միանգամից արձագանքեցին ՚Իմ-պիչ-մենտ, իմ-պիչ-մենտՙ վանկարկումներով: ՚Մենք միշտ օգտագործելու ենք խաղաղ երթեր, ցույցեր, հանրահավաքներ անելու իրավունքը: Բայց մենք ասել ենք, որ չենք խնայելու ինչպես ինքներս մեզ, այնպես էլ բոլոր նրանց ովքեր կկանգնեն մեր ճանապարհին եւ փորձեն մեր ձեռքից խլեն մեր երեխաների ապագանՙ,- հավաքվածներին դիմեց Նիկոլ Փաշինյանը:
՚Հանրապետությունՙ կուսակցության ղեկավար Արամ Սարգսյանն ավելի քիչ խոսեց: Նա պարզապես սկսեց. ՚Մեկ, գումարած մեկ, գումարած մեկՙ: Ազատության հրապարակում հավաքվածներն այդ կարգախոսը վանկարկում էին շուրջ 2 րոպե անընդմեջ:
Ժամը 17:00-ին սկսված ընդդիմադիրների ցույցի մասնակիցները չէին ցանկանում հեռանալ Ազատության հրապարակից, թեեւ ժամն արդեն մոտենում էր 23:00-ին: Ընդդիմադիր առաջնորդները, սակայն առաջարկեցին ժողովրդին հանգիստ գնալ տուն, իսկ եթե ոստիկանները, սափրագլուխները անհանգստացնեն, ապա անպայման դիմել իրենց:
http://www.a1plus.am/amu/?page=issue&iid=48972
Մեջբերել
Էջանիշներ