Ռուսաստանի հայերի թեման հակառուսական պրոպագանդայի բաղադրիչ հերթական միֆերից մեկն ա, որին ես էլ էի հավատում՝ ունենալով Ռուսաստանում ապրող ընտանիքի անդամներ, մինչև պատերազմի ժամանակ ինքս չշփվեցի էնտեղի համայնքի հետ։ Կարան էնտեղ լինեն առանձին հայեր, որ լրիվ ռուսացած ու հակահայկական լինեն, բայց ընդհանուր առմամբ նույնիսկ եթե իրենց ռուս են համարում, ցանկացած այլ պետության հայերի նման Հայաստանի շահերի կողքին են կանգնած։
Պատերազմի ժամանակ լուրեր էին պտտվում, որ Ռուսաստանի հայերը բան չէին անում։ Դե հա, Ռուսաստանը ժողովրդավար Եվրոպա չի, որ արխային բողոքի ցույց անեին, միջպետական ճանապարհ փակեին և այլն։ Բայց ահռելի քանակությամբ փող են հավաքել, ուղարկել Հայաստան (ի դեպ, ոչ համահայկական հիմադրամով, դա էլ էին դրոշակ սարքել ոմանք), շատերն էլ ինքնաթիռ են նստել, գնացել պատերազմի դաշտ։ Ընդհանրապես, Ռուսաստանի հայությունը շատ կարևոր ու մեծ ռեսուրս ա, որոնց կարելի էր ճիշտ օգտագործել։
Ու մի բան էլ հասկացա էս պատերազմի ընթացքում․ նույնիսկ ասիմիլացված հայն ա հայ։ Աշխարհի տարբեր ծայրերում լիքը հայերի գիտեի, որ կյանքում ՀՀ-ում չէին էղել կամ մենակ քառորդով կամ նույնիսկ ութերորդով էին հայ, հայերի հետ էլ լրիվ կապը կորցրած, բայց պատերազմի օրերին ՀՀ-ում ծնված-մեծացածներին հավասար բողոքի ցույցերի էին դուրս գալիս ու լիքը տարբեր ակցիաներ անում՝ դրամահավաքներ, քաղաքական լոբբինգ, լրատվամիջոցների հետ կապ, սոցիալական ցանցերում ինֆորմացիոն ակցիաներ և այլն։
Ցավալի ա, որ մենք էսքանը չգիտեինք։
Մեջբերել
StrangeLittleGirl-ի խոսքերից
Էջանիշներ