Կինո. թեմայից դուրս, բաժնից ներս

**Բարեկամ** · 02.04.2019, 13:51

Որևէ մեկը նայե՞լ ա Searching-ը (2018 )։ Նայել եմ մի շնչով, ինքնաթիռում, էն դեպքում, երբ ես ինքնաթիռում ֆիլմ հազվադեպ են նայում, նույնիսկ տասնվեց ժամանոց թռիչքների ընթացքում։
Իրականում քննարկելու բան չկա, ուղղակի նայվում ա մի շնչով։ Ու հետաքրքիրն էն էր, որ ֆիլմի նկարահանման անձնակազմի զգալի մասը հայեր են (ու ռուսներ), նույնիսկ պրոդյուսերներից մեկը կարծեմ, էլ չեմ ասում՝ էպիզոդիկ դերերում գերդաստանով էին (դատելով ազգանուններից)

Իսկ ֆիլմը բոլոր օրենքներով հոլիվուդ էր․․․

**Բարեկամ** · 02.04.2019, 14:01

Բարեկամ-ի խոսքերից

Որևէ մեկը նայե՞լ ա Searching-ը (2018 )։ Նայել եմ մի շնչով, ինքնաթիռում, էն դեպքում, երբ ես ինքնաթիռում ֆիլմ հազվադեպ են նայում, նույնիսկ տասնվեց ժամանոց թռիչքների ընթացքում։
Իրականում քննարկելու բան չկա, ուղղակի նայվում ա մի շնչով։ Ու հետաքրքիրն էն էր, որ ֆիլմի նկարահանման անձնակազմի զգալի մասը հայեր են (ու ռուսներ), նույնիսկ պրոդյուսերներից մեկը կարծեմ, էլ չեմ ասում՝ էպիզոդիկ դերերում գերդաստանով էին (դատելով ազգանուններից)

Իսկ ֆիլմը բոլոր օրենքներով հոլիվուդ էր․․․

Նոր նայեցի, պարզվում ա ֆիլմը ցնցող հաջողություն ա ունեցել՝ ֆինանսապես ու քննադատների կողմից։ Մեկ միլիոն բյուջեով վերադարձրել ա 76 միլիոն։
Որպես ֆիլմային գաղափար լավն ա շատ, հատկապես տրամաբանական ընթացքը։ Հա, հանդիսատեսն էլ կոմպի էկրանի մեջ ա դիտում ֆիլմի ողջ ընթացքը։

**Skeptic** · 02.04.2019, 19:37

Նայել եմ, ահագին հետաքրքիր էր։ Թե ֆորմատը, թե սյուժեն։

**LisBeth** · 02.04.2019, 21:26

Adam-ի խոսքերից

Հանճարեղագույն ֆիլմ: Get out-ին, ճիշտ ա, չի հասնի, բայց Jordan Peele-ը (ռեժիսորը) տեղով նոր խոսք ու ասելիք ա՝ սարսափի ժանրում: Ինքն էլ գրում ա սցենարները: Ես իրան որպես հումորիստ էդքան չէի հավանում ու հիմա՛ եմ հասկանում՝ էս տղեն ինչի համար ա իրականում ստեղծված: Ինքը ռեժիսոր ա: Ու տաղանդավո՛ր ռեժիսոր: Ինքը սցենարիստ ա: Ու խելառ ու հանճարե՛ղ սցենարիստ:

« Us » ֆիլմն ավելի շուտ թրիլլեր կարելի ա համարել, քան սարսափ: Առեխծվածային միստիկ թրիլլեր: Եթե սիրահար ես 6-րդ զգայարանատիպ ֆիլմերի, կամ ասենք՝ Regression, կամ The Others (Alejandro Amenabar)՝ ուրեմն կսիրես էս ֆիլմը: Ինքը բազմաթիվ սուբլիմինալ տարրեր ունի մեջը: Մի շարք խնդիրներ ա առաջ քաշում՝ չնայած որ առաջին անգամ նայելուց մտածում ես՝ «բաբոն պայթի, էս ինչ ա նկարել էս տղեն. գիժ ա սա լրիվ»: Ու էդ ամենն ասում ես միմիայն հիացմունքով: Ես սիրում եմ Jordan Peele ռեժիսորին ու սցենարիստին: Աննման ա իրա սթայլը: Ու ամենասարսռելին գիտե՞ս որն ա. էն, որ ինքը սկսնա՛կ ա ընդամենը: Պատկերացնում ե՞ս: Us-ը իրա երկրորդ ֆիլմն ա ու քեզ մեծագույն հաճույքով խորհուրդ եմ տալիս գնալ նայել:

Ֆիլմը մի ընտանիքի մասին ա, ում տուն են ներխուժում չսպասված անձինք: Ու էդ չսպասված անձինք հենց իրե՛նք են: Ավելին չեմ ասի՝ սփոյլ չանելու համար: Էնքա՜ն twists and turns կա էս ֆիլմի մեջ, որ նախևառաջ՝ մեկ անգամ դիտելը բավարար չի լինի: Թաքնված մեսիջներ ու խելագար իդեաներ, որ երբեմն նույնիսկ լոգիկային մոտիկ չեն, բայց աշխատու՛մ են, գրողը տանի: Ու ինչի՞ են աշխատում, գիտե՞ս: Որովհետև ինքը քեզ սեփական մեկնաբանության տեղ ա թողնում իր գրեթե ամեն մի ալեգորիայում: Ինքը հա՛մ միստիկ սարսափ ա, համ էլ գլուխկոտրուկային տարրեր ունի մեջը՝ Նոլանի «Memento» -ի պես: Քեզ ստիպում ա անընդհատ մտածել ու գժվե՜՜՜լ:

Գնա նայի, Այվ: Չես փոշմանի: Հ.Գ. ըստ իս:

Էս ամբողջը որ ասում ես լավ ես ասում, բայց Մեմենտոյի հետ զուգահեռներդ անհիմն են։ Մենակ երևի թե թվիստի պահը։ Բայց կոնցեպտուալ ու կենտեքստային սարեր ձորեր ա։ Ստեղ շատ հարուստ կոնտեքստ ա, ու գրեթե ոչ մի գլուխկոտրուկային պահեր չկային, էդ թվիստը շատ հեշտ կարար և չլիներ։ Էական բան չի փոխում։ Ընթացիկ ոչ մի բան ցույց չի տալիս իրա անհրաժեշտությունը, կամ ինքը որևէ մի բաց չի լրացնում իր լինելով, ավելին նույնիսկ հակասում ա դիալոգային որոշակի պահերի։ Էդ Նոլանական ֆիշկեն չունի ինքը։ Մեմենտոն հանճարեղ ա․․․

Իսկ էս կինոն ինձ ուղղակի դուր ա գալիս։ Հետաքրքիր ա, երբ որ համատեղում են անհամատեղելին։ Էս ֆիլմը կարա լարված պահի ու միաժամանակ մանր մունր կադրերի ու դիալոգների վրա հրճվես, խոսքի։ Ու չեմ համաձայնվի, որ սեփական մեկնաբանության էդքան մեծ տարածք կար։ Մեծամասամբ շատ հստակ փոխաբերություններ էին։ Ու շոշափվող թեմաներն էլ էին հստակ։ Խոսքի աղքատություն, ռասիզմ, սնոբիզմ, ծնող երեխա հարաբերություններ, արժեքների տարբերություն․․․ և այլն։ Ինչ ասես կար։

Հ․Գ․ Լյուպիտան անֆաս․․․ հրաշք ա։ Էն որ հա ուզում ես վերանայես էդ ուրվագիծը։

**Adam** · 02.04.2019, 23:04

LisBeth-ի խոսքերից

Հ․Գ․ Լյուպիտան ․․․ ։

կյանք ա ինքը: Եվս մեկ հոյակապ կատարում: Դերասանական խնդիրների տակից էլ պատվով դուրս եկավ ու ապացուցեց բազմաշերտությունը…

**Բարեկամ** · 03.04.2019, 06:53

Skeptic-ի խոսքերից

Նայել եմ, ահագին հետաքրքիր էր։ Թե ֆորմատը, թե սյուժեն։

Ահագին անհանգստացնող էր նաև։
Բայց գլխավոր դերակատարը (հայրը) գերազանց տանում էր ֆիլմը, համարյա ամբողջն իր վրա էր պրակտիկորեն։
Մեկ էլ դուրս եկավ, որ թեև հոլիվուդ էր, բայց ֆորգրաունդում այլազգի կոնտինգենտ էր, ինչը սովորաբար անտեսում են, դրա համար էլ ասիացիները (հիմնականում՝ երիտասարդությունը), ապրելով արևմտյան երկրում, ձգտում է իր լայֆստայլով չտարբերվել տեղաբնակներից։

**Skeptic** · 03.04.2019, 10:06

Ռուսաստանցի վիդեոբլոգերները Black Mirror-ի իրանց տարբերակներն են նկարել ու միավորել մեկ վիդեոյում։ Ասում են՝ ընդհանուր առմամբ վատ չի ստացվել։ Ես դեռ մենակ մի սեգմենտ եմ հասցրել նայել, ամենաշատ գովեստներ ստացածը՝ All you need is love (17:05-ից ա սկսվում)։ Շատ հավանեցի, լրիվ սրտովս էր ու հոգեհարազատ։ Ի դեպ էն երևույթը, ինչը էդ էպիզոդի սյուժեի «մեխն» ա, վաղուց արդեն տարածված պրակտիկա ա առնվազն մի երկրում (նայելուց հետո հեշտ ա գուշակելը՝ կոնկրետ որտեղ)․

**Skeptic** · 07.04.2019, 19:54

Դրա համար էլ Տէրն այսպէս է ասում. «Ահաւասիկ ես չարիք կը բերեմ նրանց վրայ, որից չպիտի կարողանան դուրս գալ։ Ինձ են կանչելու, բայց չեմ լսելու նրանց»։
Երեմիա 11։11

Էսօր ես էլ նայեցի Us-ը: Օրիգինալով կուզեի, բայց ժամերի առումով հարմար չէր, դրա համար ռուսերենը նայեցի։ Ընդհանուր առմամբ վատը չէր, հետաքրքիր հղումներ կային, օրինակ՝ ճագարներ (Քերոլի հետ երևի կապ ունեն), որոնք ֆիլմի սկզբում վանդակներում էին, իսկ ավարտին մոտ ազատ ման էին գալիս, ընդ որում՝ վերջին դրվագում Ջեյսոնի գիրկը նույնպես ճագար կար։ Ջեյսոնի անունն էլ, ըստ իս, հղում ա «Ուրբաթ, 13» ֆիլմի նույնանուն հերոսին, ով նույնպես դիմակով էր։ Ծիծաղալու դրվագներ էլ կային, բայց հիմնականում՝ թաքնված, օրինակ՝ զբոսանավերից մեկի անվանումը՝ B-Yacht-ch

Ու Լուպիտան էլ էր լավը, ինչ խոսք։
Ատմոսֆերիկ էր, ժանրի ավանդույթներով։ Սաունդթրեքն էլ վատը չէր, հատկապես՝ F*ck The Police-ի դրվագը ) Ամերիկացիների երեսպաշտությունը ծաղրող պահեր էլ կային, էդ գնահատեցի։ Բայց սյուժեի թերություններն էլ էին զգացվում, իսկ վերջաբանը չնայած անսպասելի էր, բայց, ոնց Լիզը նշեց, ավելի շատ հակասություններ ա առաջացնում տեղի ունեցած իրադարձությունների կոնտեքստում։

Ամեն դեպքում, չեմ փոշմանել, որ նայել եմ, հնարավոր ա՝ մի օր վերանայեմ։

**ivy** · 07.04.2019, 20:31

ivy-ի խոսքերից

Վերջերս որոշեցի տեսնել, թե "Get Out" ֆիլմն ինչի մասին էր, ու քանի որ սարսափի թեկուզ փոքր դոզաներ պարունակող ֆիլմերը շատ վատ եմ տանում, ֆիլմը նայելը բացառվում էր, դրա համար բռնեցի ինտերներտում ամբողջ սյուժեն կարդացի. ես սովորաբար էդպես եմ «նայում» սարսափ ֆիլմերը:

Մի քանի օր առաջ էլ աչքովս ընկավ, որ "Get Out"-ի ռեժիսորի նոր ֆիլմն է գալիս կինոթատրոն՝ "Us"-ը: Ինտերնետում դեռ ոչ մի տեղ ամբողջական սյուժեն չգտա, միայն կրճատ թիզերներ կան: Երեկ ասեցի՝ լավ, բռնեմ թրեյլերը նայեմ, ինչ պիտի լինի որ: Մեծ սխալ, էն էլ քնելուց առաջ... Վախից չէի կարողանում քնել: Բայց հետն էլ սյուժեն ավելի հետաքրքրեց:
Ասածս ինչ է: Թե մարդ կա, ով "Us"-ը նայել է կամ նայելու է, կպատմե՞ք ինձ էդ պատմության մանրամասները. շատ հետաքրքիր է:

“Us”-ի մասին խոսք բացեցի, որ մեկը նայելուց հետո ինձ սյուժեի մանրամասները պատմի:
Բայց դե չեք պատմում, մի պատմեք, վերջը ինտերնետում կգտնեմ կկարդամ

**Skeptic** · 07.04.2019, 20:42

ivy-ի խոսքերից

“Us”-ի մասին խոսք բացեցի, որ մեկը նայելուց հետո ինձ սյուժեի մանրամասները պատմի:
Բայց դե չեք պատմում, մի պատմեք, վերջը ինտերնետում կգտնեմ կկարդամ

Բայց ինքը էնքան էլ սարսափելի չի, չնայած կոնկրետ իմ համար դոպելգանգերների թեման նենց ոչինչ վախենալու ա։ Շուտով երևի բլուռեյ կամ տենց ինչ-որ տարբերակով դուրս կգա, ավելի լավ ա նայես, ցանկալի ա՝ մենակ, մթի մեջ ու վակուումային ականջակալներով

**Yellow Raven** · 07.04.2019, 22:43

Us-ը վատը չէր, բայց սյուժեն լիքը ծակեր ուներ, վերջում լիքը բան ինչքան էլ տանջվեցի, որ իրար կպցնեմ, տենց էլ չկպավ

Ընթացքը լավն էր, վերջին բացահայտումը՝ ավելորդ։

**Բարեկամ** · 19.04.2019, 15:23

ivy-ի խոսքերից

“Us”-ի մասին խոսք բացեցի, որ մեկը նայելուց հետո ինձ սյուժեի մանրամասները պատմի:
Բայց դե չեք պատմում, մի պատմեք, վերջը ինտերնետում կգտնեմ կկարդամ

Բայց ինչ ապուշագույն ֆիլմ էր ու տափակ։ Ու զրո երևակայություն։ Ու հանգիստ կարող էիր նայել, վախենալու չէր ոչ մի ձև, արյան տեսարաններն էլ էնքան էին չարաշահել, որ ներկի հոտը քիթ էր ծակում։ Էհ, ժամանակի կորուստ։