«Անեկդոտներ» բաժնի թեմայից դուրս քննարկումներ

[Արշակ]

Արշակ ջան, չեմ հեգնում, այ ասում եմ, որ համեմատությունդ հիպերբոլիկ էր, որտև period drama-յում կերպարների հնչեցրածները հավասարեցնում ես անեկդոտի ներըթերի ասածների հետ։ Սենց մի համեմատություն բերեմ, որ հիպերբոլիկությունը պարզ լինի. շատ երկրներում նացիստական սիմվոլիկան արգելված է, որտեղ էլ որ արգելված չի, համարվում է անհանդուրժողականության արտահայտում (hate speech), բայց երկրորդ համաշխարհային պատերազմի մասին ֆիլմերում երրորդ ռայխի դրոշը հո ցուցադրվում է։

Ծլնգ ջան, էն որ ընդհանրապես խոսքում սևամորթին «նեգր» անվանելը վիրավորական ու ռասիստական ա համարվում, էդ հասկանալի ա։
Խոսքը գեղարվեստական ստեղծագործության մասին ա։ Ինքդ ասեցիր, որ «խտրականական ստերեոտիպները աբսուրդության հասցնելով՝ այդ անեկդոտները առաջին հերթին ծաղրում են հենց իսկ այդ ստերեոտիպներն ու ռասիզմը»։ Այսինքն՝ եթե ստեղծագործության նպատակը հենց էդ ստերիոտիպերը ծաղրելն ա, այսինքն՝ ըստ էության երկու դեպքում էլ արտահայտված ռասիզմը հեղինակի սեփական վերաբերմունքը չի արտահայտում, այլ ռասիզմ դրսևորողներին ա ներկայացնում քննադատական մղումներով, էդ դեպքում, ի՞նչ տարբերություն․ բանահյուսության ժանրը կարճ անեկդոտ ա՞, թե՝ երկարամետրաժ ֆիլմ։