Թեմայից դուրս, բայց հետաքրքիր կամ կարևոր գրառումներ

[Շինարար]

Բայց նորեկնետի համար շնորհակալությունն ու վարկոները իրոք մեծ տեղ են զբաղեցնում:

Ոչ միայն նորեկների: Խնդիրը նույնիսկ շնորհակալությունը և վարկանիշը չեն, որպես այդպիսին, այլ էն, որ քո գրածը կարդացել են, քեզ լսել են: Սա շատ կարևոր ա, առանց էն էլ մեծ մասամբ էդ մարդկանց չենք տեսնում, անձամբ չենք ճանաչում, ու դրա հետ մեկտեղ էդ մարդիկ քո կյանքի մի մասն են կազմում՝ ոչ ամենաանկարևոր, ու շատ կարևոր ա, որ էդպիսի բաներով զգում ես, որ դու էլ կաս իրանց իրականության մեջ: Էս վերջերս Արեան գրեց՝ ասած քեզ ու իմ գրառումներից մի մեջբերում իր բառերով գրեց, այսինքն՝ ես բան եմ գրել, ինքը կարդացել ա, հիշում ա, ու հիմա ինձ հետ զրուցելիս դա օգտագործում ա: Ըստ էության՝ փոքրիկ, բայց միևնույն ժամանակ շատ կարևոր բան ա, որը մեզ էս ֆորումին կպած ա պահում:

[StrangeLittleGirl]

Էս վեճին ես էլ եմ եմ միանում: Դե չսիրեցի էլի էդ շնորհակալությունների համակարգը, որովհետև դա ամեն մեկի համար ուրիշ իմաստ ունի: Ասենք, վարկանիշներն էլ են տենց, բայց գոնե վարկանիշի մեջ մեկնաբանություն ես թողնում, համ էլ հրապարակային չի, որ երրորդ մարդն ուրիշ բան հասկանա: Իսկ էս շնորհակալությունները հա մարդկանց զարմացնելու են (մեղմ ասած): Կարամ սխալ հասկանալու հսկայական ցուցակ կազմել:
1. Տխուր գրառում (շնորհակալողն ուզում ա ցույց տա, որ կարդացել ա, իսկ երրորդ մարդը մտածում ա` վայ, ուրիշի տխրության վրա ուրախանում են)
2. Չշնորհակալված գրառում (գրառման հեղինակը կարծում ա` մարդ չի կարդացել, մինչդեռ կարդացողները չեն շնորհակալել, որովհետև կամ տխուր ա էղել գրառումը, կամ համաձայն չեն)
3. Վիրավորական գրառում (երրորդ մարդը, ում ուղղված ա գրառումը, տակը տեսնում ա շնորհակալություններ ու մտածում` ո՞նց, հավանությու՞ն են տվել, որ ինձ վիրավորել ա)
4. Պատահական շնորհակալություն (օրինակ ես հաճախ եմ պատահմամբ շնորհակալություն կոճակը սեղմում, բայց կողքից նայողները կարող ա մտածեն` ինչի՞ համար շնորհակալություն հայտնեցի, մանավանդ եթե գրառումը վիրավորական տարր ա պարունակում ինչ-որ մեկի հասցեին)

Ու սենց անվերջ կարելի ա թվարկել:

[keyboard]

Ես Անահիտի հետ համաձայն եմ, Իսկ հովոյի գրառմանը շնորհակալություն եմ հայտնել, որտև շնորհակալ եմ, ոչ թե համաձայն ։)
Էս ֆբ-ի հավանելը չի. նույնիսկ եթե կարծիքիդ լրիվ հակառակ բան են գրում, երբեմն շնորհակալություն ես հայտնում հենց գրառումն անելու փաստի կամ ոճի (ասենք՝ առանց ագրեսիայի) համար։

Քո շնորհակալությունը քեզ ըլի, անունս խի՞ ես փոքրատառով գրել

Արտ, ախպերսսսսսսսսսսս Էս ախպերական սերա, ձեր պղտոր մտքերը վրա չբերեք

[Vardik!]

Քանի որ ինձ հետաքրքրող թեմայից խոսքա գնում,մի բան էլ ես ավելացնեմ:
Ինչքան հասկանում եմ,էս խոսակցությունը սկսվեց Կասիոպեայի մեկ բառ պարունակող գրառումից: Իմ կարծիքով գրառումը անելու պահին իրան ոչ թե էդ շնորհակալություններն ու մնացած քննադատումներն էին պետք,այլ էն,որ մեկը սրտացավորեն արձագանքեր ու ասեր,որ կյանքում ամեն սևից հետո սպիտակնա գալիս,սիրտ տար և այլն: Մարդը կիսվելա ողջ ակումբի հետ,մեկ բառով արտահայտել իր հոգեվիճակը...

Ինչ վերաբերվումա շնորհակալությունների համակարգին,դա,իրոք,ամեն մարդու կողմից մի ձևա ընկալվում:

[Smokie]

Ես հաճախ... նույնիսկ կարելի է ասել միշտ, շնորհակալություն տալիս եմ դեռ ընթերցանությունը չավարտած, եթե գրառման մեջ ինչ որ բան հավանում եմ: Կարող է նույնիսկ այնպես լինի, որ չորսից երեք պարբերության (նախադասության) հետ համաձայն չլինեմ, կամ չեզոք լինեմ, իսկ մի պարբերության հետ համաձայնվեմ, կամ հումորի շնորհիվ դեմքիս ժպիտ առաջանա, էդ դեպքում կշնորհակալ եմ: Պատահում է նաև, որ չեմ հասկանում, թե ինչու՞ շնորհակաեցի, ի՞նչը դրդեց:
Բայց ասենք այն փաստը, որ առանց գրառումը կարդալու, ընդամենը նայելով թե ու՞մ գրառումն է, շնորհակալում ես... ինձ համար դա ծայրահեղություն է:
Համաձայն եմ այն մտքի հետ, որ շնորհակալությունները երկրորդական երևույթ չեն՝ դրանք հաճախ կարող են օգնել գրառման հեղինակին: Հաճախ էլ մարդ կարող է հետևի, թե իր համար հեղինակություն հանդիսացող սիրելի ակումբցին շնորհակալել է՞՝ անտեսելով բոլոր մյուս շնորհակալությունները:
Ճիշտ է՝ կարող է այդ չընթերցված շնորհակալությունը օգնի գրառման հեղինակին, բայց միևնույն է, ես այդպիսի շնորհակալությունը սխալ եմ համարում: Մեկ էլ տեսար մի օր կատարեցիր այդ գրառման ճիշտ հակապատկերը հանդիսացող մի գրառում ու քիչ հետո առաջին գրառման հեղինակը քեզ հարցնի «բա ինչի՞ էիր շնորհակալել»

[Chuk]

Nissan-ի հայկական ու հայերեն գրառումներով ֆեյսբուքյան էջը ունի ոչ ավել, ոչ պակաս 7 միլիոն լայք (իրականում դրանից 2000-ով ավել)

Տղերք, մի քիչ ամոթ աբուռ ունեցեք, նամուսով աշխատեք, էդքան իսկի հայ չկա երևի

[Smokie]

Nissan-ի հայկական ու հայերեն գրառումներով ֆեյսբուքյան էջը ունի ոչ ավել, ոչ պակաս 7 միլիոն լայք (իրականում դրանից 2000-ով ավել)

Տղերք, մի քիչ ամոթ աբուռ ունեցեք, նամուսով աշխատեք, էդքան իսկի հայ չկա երևի

Ասում ա

Շնորհակալություն ենք հայտնում Nissan ապրանքանիշը սիրող և գնահատող մեր բոլոր օգտատերերին: Ուրախ ենք հայտնել Ձեզ սեպտեմբեր ամսվա ընթացքում առավել մեծ ակտիվություն ցուցաբերած բազմաթիվ օգտատերերից առաջին հնգյակի անունները`
1. Vano Akopyan
2. Lika Hovakimyan
3. Անդրանիկ Առուշանյան
4. Ninel Mikayelyan
5. Arsen Nikoyan
Մեկ անգամ ևս շնորհակալություն ենք հայտնում բոլորին և շնորհավորում ենք առաջին հնգյակին: Մենք սպասում ենք Ձեզ ուղիղ մեկ շաբաթ հետո՝ հոկտեմբերի 8-ին, ժամը 13:30-ին Nissan ավտոսրահում, հասցեն՝ Կոմիտաս 47:
Հ. Գ. Անցանկալի վրիպակներից խուսափելու համար անունները ներկայացված են այնպես, ինչպես որ օգտատերերը գրանցված են Ֆեյսբուքում:

[Sagittarius]

Nissan-ի հայկական ու հայերեն գրառումներով ֆեյսբուքյան էջը ունի ոչ ավել, ոչ պակաս 7 միլիոն լայք (իրականում դրանից 2000-ով ավել)

Տղերք, մի քիչ ամոթ աբուռ ունեցեք, նամուսով աշխատեք, էդքան իսկի հայ չկա երևի

Նույն էջը Գերմանիայի համար՝

https://www.facebook.com/NissanDeutschland?fref=ts

իրանք իրականում մի հատ էջ ունեն, բայց ամեն երկրի համար ստանդարտացված ա. կախված քո գտնվելու վայրից բացում ա քո երկրի էջը՝ էտ երկրի լեզվով: Շատ լավ գաղափար ա իրականում:

[Chuk]

Նույն էջը Գերմանիայի համար՝

https://www.facebook.com/NissanDeutschland?fref=ts

իրանք իրականում մի հատ էջ ունեն, բայց ամեն երկրի համար ստանդարտացված ա. կախված քո գտնվելու վայրից բացում ա քո երկրի էջը՝ էտ երկրի լեզվով: Շատ լավ գաղափար ա իրականում:

WoW, էս ահավոր հետաքրքիր ա, չգիտեի որ ֆեյսում տենց ծառայություն կա: Մերսի:

[Գալաթեա]

WoW, էս ահավոր հետաքրքիր ա, չգիտեի որ ֆեյսում տենց ծառայություն կա: Մերսի:

Լավ ա գաղտնիքը բացահայտվեց... թե չէ ինչ ցույց ես տվել էն օրն էդ էջը` նստած գլուխ եմ ջարդում, թե մերոնք էդ m-ն ոնց են նկարել

[Ուլուանա]

Շատ կարճ կասեմ Անահիտ ջան, ոչ մի վատ բան չէր լինի հաստատ ու դրանից հիասթափվելն ա ինձ համար շոկ, ոչ թե էն, որ մարդուն իրա գրառման ու իրան ճանաչելու համար շնորհակալում կամ վարկանիշ ես տալիս

Հով, էն մնացած իմաստները մի կերպ կհասկանամ, բայց զուտ կոնկրետ անձի բոլոր գրառումներին շնորհակալություն տալը, կներես, բայց ոչ այլ ինչ ա, քան ամենահասարակ, դասական ԽԾԲ, որից, ի դեպ, ինքդ հաճախ բողոքում ես։ Հետևաբար, իմ կարծիքով, էն մարդիկ, ովքեր իրենց սիրելի ու մտերիմ ակումբցիների բոլոր գրառումներին անխտիր շնորհակալություն են տալիս, ուղղակի բարոյական իրավունք չունեն բողոքելու որևէ ԽԾԲ–ական երևույթից, որովհետև իրենք էլ են նույն սկզբունքով շարժվում։ Էդքան բան։

Նենց եք անում, որ էդ անտեր շնորհակալությունն էլ ա արժեզրկվում։ Մեկը ես, որ իմանամ՝ ինչ–որ մեկն իմ բոլոր գրառումներին շնորհակալություն ա տալիս՝ անկախ բովանդակությունից, ինձ համար էդ մարդու տված շնորհակալությունները լրիվ զրոյի արժեք կունենան։ Հա, հենց տենց։ Ես ինքս շնորհակալություն տալիս եմ կամ հավանելու, կամ համաձայն լինելու, կամ էլ շնորհակալ լինելու դեպքում, իսկ զուտ տվյալ մարդու նկատմամբ ընդհանուր վերաբերմունքս արտահայտելու համար՝ ԵՐԲԵՔ։ Ու շատ կուզենայի, նույնիսկ կխնդրեմ, որ ինձ էդ վերջին նշածս տիպի շնորհակալություններից ոչ ոք չտա, եթե կարելի ա։

[Գալաթեա]

Ուլուի հետ չեմ կարա չհամաձայնեմ, մանավանդ՝ շնորհակալությունը դեսուդեն դնելու դեպքում արժեզրկելու պահով: Ես օրինակ ամենաշատն ուրախանում եմ էն մարդկանց մերսիներից, ովքեր դա հազվադեպ են դնում: Որտև համոզված եմ լինում, որ մի բան տեսել են գրածիս մեջ, իսկապես հավանել են, որ մերսիել են:
Ու էդ որ ասում եք՝ նշանակում ա՝ կարդացել են, բան... ժող, շատ երկար ժամանակ Ակումբում չկար նման համակարգ ու նենց լավ էլ ապրում էինք: Ոչ ոք նստած դումկեքի մեջ չէր ընկնում՝ տենաս կարդացի՞ն, թե չէ...
Համ էլ կարծում եմ ոչ մեկիս համար գաղտնիք չի, որ Ակումբում քիչ գրառումներ են անկարդալ մնում:
Նենց որ լավ կլիներ, որ շնորհակալությունն ինչ-որ ռեալ արժեք ունենար, ոչ թե կարդացած լինելու ներկա-բացակա:

[StrangeLittleGirl]

Տնաշեններ, նենց եք գրում, որ մարդ արդեն վախենում ա շնորհակալություն դնի:

[Գալաթեա]

Տնաշեններ, նենց եք գրում, որ մարդ արդեն վախենում ա շնորհակալություն դնի:

Լավ ենք աշխատում

[Ուլուանա]

Տնաշեններ, նենց եք գրում, որ մարդ արդեն վախենում ա շնորհակալություն դնի:

Ոչինչ, տենց ավելի լավ ա ։