Քանի որ շիլաշփոթը սկսվեց ոնց որ իմ պատճառով, ես ամեն դեպքում անպոչ գդալի պես իմ կարծիքը հայտնեմ:
Անկախ նրանից թեման «Կրոն» բաժնում կլինի, թե որևէ այլ, ես սենց եմ մտածում, գուցե սխալ.
1. Եթե որևէ թեմա է բացվել ինչ-որ արատավոր կամ դրվատելի երևույթի քննարկման համար, էնդեղ հնարավոր են թե հումորով, թե ճշգրտող, թե այլ և այլ գրառումներ:
2. Եթե մարդը որևէ կոնկրետ հարց ա գրել՝ կոնկրետ պատասխան ակնկալելով, ըստ էության օգնության խնդրանք ա, երևույթի բարոյական և այլ կողմերի քննարկման համար կարելի է լրացուցիչ թեմա բացել ու ուզածներիս չափ փիլիսոփայել. ինչ-ինչ դա մեզ մոտ լավ ստացվում ա: Իսկ կոնկրետ հարցին պետք ա կոնկրետ պատասխան տրվի՝ միտված օգնելու: Ինձ համար երեք պատասխանն էլ անհասկանալի են:
Վահեի դեպքում. եթե մարդը էդ հարցը գրել ա, ուրեմն տենց բան կա, խորհուրդ ունե՞ս, շնորհակալություն, չէ՞, ի՞նչ պարտադիր ա հարցից թեման շեղելը:
Անվերնագրի դեպքում էլ չեմ ասում իմ մոտեցումը, պարզ ա: Համենայն դեպս ըտեղ որևէ խորհուրդ, պատասխան չկար:
Տրիբունի դեպքում. բնականաբար սա ինչ-որ ուղի առաջարկող գրառում ա, չնայած Տրիբունի պես հասուն մարդու համար երևի պետք ա որ պարզ լինի, եթե մարդը կարևորում ա պսակը, դժվար թե կողմնակի մեթոդների, փող խաղացնելու, թե կնունքս հաշվի առ, դիմի: Ըստ էության ոչ էնքան օգնելու, որքան նորից երևույթի նկատմամբ իր վերաբերմունքն արտահայտելուն միտված գրառում ա:
Ոնց որ ես մտնեմ լեզվական որևէ թեմա, ասեմ՝ խնդրում եմ ասեք՝ անգլերեն ո՞նց կասեն շնորհակալություն: Մեկն ասի՝ չգիտե՞ս: Մյուսն ասի՝ ինչի՞դ ա պետք: Էն մեկը՝ էդ ո՞ւմ ես ասելու, դրան սկի չի էլ հասնում: Չորրորդն էլ՝ բառարանում նայի: Շնորհակալություն, բառարան ունենայի, չէի հարցնի:
Ավել-պակաս կներեք:
Մեջբերել
Էջանիշներ