Բրազիլիա 2014 - Աշխարհի առաջնություն

**Sagittarius** · 12.09.2012, 22:42

Vaio-ի խոսքերից

Դուք մենակ ասում եք, որ հայերը վատ էին խաղում, մեկ էլ, որ Գևորգ Ղազարյանը չպետքա էտ բանը աներ: Վերջ?

Բուլղարիան էլ էր վատ խաղում, ըստ խաղի մակարդակի ոչ ոքի խաղ էր:

Ես Բուլղարիայի հավաքականի երկրպագու չեմ, իրանց վատ խաղալու մասին թող իրանց ֆաները մտածեն, բայց կրկնակի մեծ է խնդիրը, եթե վատ խաղացող բուլղարների հետ տենց խաղացին:
----

Vaio-ի խոսքերից

- մրցավարը չնշանակեց 11 մետրանոց հարված (բուլղարացին տուգանային հրապարակում ԱԿՆՀԱՅՏ խաղաց ձեռքով և ձեռքով խաղի շնորհիվ գնդակը չընթացավ դեպի դարպասը),

ակնհայտ ձեռքով խաղ չկար, ձեռքը մարմնին կպած էր

Vaio-ի խոսքերից

- մրցավարը սխալվեց և Մարկոս Պիզելիին ցույց տվեց կարմիր քարտ (Պիզելին ոչ մեկին չէր հարվածել),
- այդ ինցիդենտի (կռվի) ժամանակ հայ ֆուտբոլիստին մրցավարը ցույց տվեց կարմիր քարտ, իսկ բուլղարացուն` դեղին,

բուլղարացին ստացավ երկրորդ դեղինը, այսինքն նույնպես կարմիր: Ընդհանրապես չեմ ուզում էս դրվակը մեկնաբանել. առաջին անգամ չեն պրոֆեսիոնալ ֆուտբոլ խաղում, ժամանակակից ֆուտբոլում պրովակացիան պարտվող թմի նկատմամբ սովորական մեթոդ ա. իսկ դրա համար կա ավագ, որը լակոտի նման՝ «արա, էտ ում ախպորը» կարգի մեջ թռնելու փոխարեն, պետք է թմակիցներին կարգի հրավիրի և թույլ չտա պրովոկացիային կուլ գնալ: Ստեղ մենակ Յուրան իրան պրոֆեսիոնալի և առաջատարի նման դրսևորեց:

Vaio-ի խոսքերից

-մրցավարը ամբողջ խաղի ժամանակ վախենալով էր ցույց տալիս դեղին քարտերը, բավականին ուժացումով, այն էլ` ՃՆՇՄԱՆ տակ:

Լրիվ բնական մթնոլորտ ա մրցակցի հարկի տակ խաղի համար, նորից եմ կրկնում, առաջին անգամ չեն պրոֆեսիոնալ ֆուտբոլ խաղում: Մրցավարը մեզ նույնիսկ մի անգամ խղճաց, երբ Եդիգարայինին երկրորդ դեղին քարտ չտվեց բացահայտ մրցակցի շորտից կախվելու համար: Կարմիր քարտից առաջ կար յոթանասուն րոպե խաղային ժամանակ, որի ընթացքում մեր թիմը առանձնապես ոչինչ ցույց չտվեց. դրան գումարած գաճաճ Մալթայի հետ անցկացրած իննսուն րոպեն:

Պատահել ա են, որ ի տարբերություն նախորդ մրցափուլի, այս անգամ մեր մրցակիցները մեզ ավելի լուրջ են ընդունում և ավելի լավ պատրասվում մեր դեմ, առաջարկելով հակախաղ, իսկ մեր մարզիչը առայժմս չի կարողանում նորություն /Պլան Բ/ մատուցել:

**Vaio** · 12.09.2012, 23:04

Sagittarius-ի խոսքերից

ակնհայտ ձեռքով խաղ չկար, ձեռքը մարմնին կպած էր

100% չասեմ, բայց երկու անգամ նայել եմ կրկնապատկերը, ձեռքը մարմնին կպած չէր:

Sagittarius-ի խոսքերից

բուլղարացին ստացավ երկրորդ դեղինը, այսինքն նույնպես կարմիր:

Առաջին դեղինի հետ մենք գործ չունենք, քանի որ այն ստացել էր այլ դրվագում, այսինքն ստացվում է, որ եթե էտ տղեն առաջին դեղինը ստացած չլիներ, ապա կարմիր չէր ունենա (յաբախտի կարմիր դառավ) :

**Vaio** · 12.09.2012, 23:06

Կարողա զարմանալի թվա ասածս, բայց Իտալիայի հետ կարանք առնվազն ոչ ոքի խաղալ:

**Vaio** · 13.09.2012, 17:21

Գևորգ Ղազարյանը ներողություն է հայտնել կատարվածի համար:

Հարգելի Ֆուտբոլասեր բարեկամներ

11.09.12 կայացած Բուլղարիա - Հայաստան Ֆուտբոլային հանդիպման ժամանակ տեղի ունեցած չարաբաստիկ և թերևս ինձ համար շատ ծանր միջադեպի համար ցանկանում եմ ներողություն խնդրել ՖԻՖԱ-ից Fair Play-ի կանոնները խախտելու համար, ՀՖՖ-ից, Հայաստանի Ազգային Հավաքականի բոլոր անդամներից, երկրպագուներից և վերջապես այն երիտասարդից ում հարվածել եմ գնդակով:
Հույսով եմ, ՖԻՖԱ-ն հնարավորինս ըմբռնումով կմոտենա իմ այս պահվածքին, քանզի հասկանում և ընդունում եմ իմ սխալը:

**Vaio** · 13.09.2012, 17:51

Բուլղարացի տղան խոստովանել է, որ միտումնավոր է դանդաղ տվել գնդակը Ղազարյանին

«Ես ընդունում եմ Գևորգ Ղազարյանի ներողությունը, որովհետև նման դեպքերում, երբ քո թիմը պարտվում է, դու կարող ես նյարդայնացած լինել», - ասել է Բոժիդար Աթանասովը՝ գնդակ մատակարարող այն տղան, ում ուղղությամբ հարված կատարեց Հայաստանի ընտրանու ֆուտբոլիստը՝ սեպտեմբերի 11-ին կայացած մրցավեճում, որի արդյունքում կարմիր քարտի արժանացավ:
Ղազարյանն երեկ facebook-ի իր էջի միջոցով ներողություն է խնդրել իր արարքի համար:
Բոժիդարը «Լևսկիի» նախկին հանրահայտ ֆուտբոլիստ Չավդար Աթանասովի որդին:
Հանդիպման «հերոսը» մանրամասն պատմել է 76-րդ րոպեին տեղի ունեցածի մասին. «Ես մի փոքր դանդաղ տվեցի գնդակը, որովհետև փորձում էի ժամանակ շահել. չէ՞որ այն մեր վրա էր աշխատում: Միևնույն ժամանակ, նրան ուրիշ գնդակ էլ տվեցին: Նա շատ զայրացած էր ու իմ ուղղությամբ ուղարկեց կլորը, բայց ոչ շատ ուժեղ: Հետո ինձ 4-րդ պաշտոնյան մոտեցավ ու ասաց, որ հեռանամ:
Ինձ ոչ ոք չի ասել ֆեյր փլեյի կանոնների մասին: Ոչ ոք չի ասել, թե որքան ժամանակում պետք է վերադարձնեմ գնդակը», - խոստովանել է Բոժիդարը:
«Հանդիպումից հետո բոլորն ինձ շնորհավորում էին: Բոլորը երջանիկ էին, որ մենք հաղթեցինք: Ու ես նույնպես»:
Վերջում գնդակ մատակարարողը պատմել է իր ապագայի մասին. «Իմ երազանքն է՝ ավելի լավ ֆուտբոլիստ դառնալ ու խաղալ եվրոպական ակումբում: Ու, իհարկե, Բուլղարիայի հավաքականում», - եզրափակել է Չավդարի որդի Բոժիդարը:

tert.am

**John** · 13.09.2012, 17:52

ակնհայտ ձեռքով խաղ չկար, ձեռքը մարմնին կպած էր

ձեռքը ոչ մի անգամ էլ մարմից առանձին չի լինում

իսկ <ձեռքով խաղ> արձանագրվում է այն դեպքում, երբ եթե ձեռքը տվյալ պահին այդպես չլիներ՝ գնդակը չէր շեղի իր ընթացքը, իսկ <մարմնին կպած էր> արտահայտությունը ճիշտ է այն դեպքում, երբ եթե գնդակը ձեռքին չկպներ՝ կպնելու էր ոտին, փորին, կամ մարմնի այլ մասի, այսինքն՝ գնդակի հնարավոր հետագծի ու դարպասի արանքում միայն ձեռքը չի, այլ կա ուրիշ մարմնի մաս: Տվյալ դեպքում ձեռքով խաղը ԱԿՆՀԱՅՏ էր՝ ըստ կանոնների

**Vaio** · 13.09.2012, 18:06

Հայաստանի ֆուտբոլի ֆեդերացիան բողոքարկել է ֆուտբոլային խաղի որոշ դրվագներ

Բուլղարական մի շարք լրատվամիջոցներ անդրադարձել են Բուլղարիա-Հայաստան հանդիպմանը, որոնք պարունակում են բազմաթիվ անճշտություններ: Հայաստանի ֆուտբոլի ֆեդերացիան բողոքարկել է Բուլղարիա-Հայաստան հանդիպման այն դրվագները, որոնք ֆուտբոլի ազգային ֆեդերացիաները` ըստ ՖԻՖԱ-ի կանոնակարգերի, իրավունք ունեն բողոքարկելու: Դրանք բացառապես կապված են ֆուտբոլային խաղի կանոնների հետ: Մանրամասները հրապարակել ՀՖՖ-ն նպատակահարմար չի գտնում, քանի որ դրանք դրվելու են քննարկման: Ֆուտբոլային հանդիպման կազմակերպման, կարգապահական եւ մի շարք այլ դրվագներով զեկույց ներկայացնելու եւ դրանք արձանագրելու իրավունքը պատկանում է ՖԻՖԱ-ի կոմիսարին եւ ոչ ազգային ֆեդերացիաներին:

13.09.2012, Հայաստանի ֆուտբոլի ֆեդերացիա: