Ի՞նչ է փոխվում ամուսնանալուց հետո

[Ֆոտոն]

Մինչև ամուսնանալը շատերս չենք պատկերացնում, թե ինչ է մեզ սպասում հարսանիքի օրվանից հետո:

Շատերս սխալ պատկերացումներ ունենք կամ էլ քարացած կանխակարծիք:

Եկեք այս թեմայում գրենք, թե ինչը կփոխվի մեր կարծիքով կամ ինչն է փոխվել ամուսնանալուց հետո:

t.jpg

[boooooooom]

Ամուսնանալուց հետո
1. Ընկերներս կորան
2. Սնունդս փոխվեց
3. Նպատակներս փոխվեցին
4. Հինն ու նորը ուզում են ինձ կիսեն 2 մասի
Երևի էլի շատ բաներ կարելի էր գրել, բայց գրել չեմ սիրում

[Rammstein]

Չգիտեմ` ինչը կփոխվի, բայց պիտի ձգտեմ նրան, որ ոչինչ չփոխվի, այսինքն` ում որ պիտի սիրահարվեմ ու ամուսնանամ, ամուսնությունից հետո էլ տենց սիրահարված մնամ ու բնականաբար` փոխադարձ:
Ամուսնությունը իմ համար ընդամենը բյուրոկրատիա ա: Եթե ես մի օր ամուսնանամ ու իմ կյանքը բաժանեմ երկու փուլի, ապա դա կլինի ոչ թե ամուսնությունից առաջ եւ հետո, այլ փոխադարձ սեր ունենալուց առաջ եւ հետո:




Թեմայի հետ մի թեթեւ կապված մի հատ անեկդոտ.
Ուրեմն երկու ընկեր պատահաբար հանդիպում են: Իրար վաղուց տեսած չեն լինում, սկսում են հարցուփորձ անել.
– Դե պատմի, ի՞նչ կա, ի՞նչ ես անում…
– Հեչ, իմ մոտ լրիվ նույնն ա, քո մո՞տ ինչ կա:
– Դե ես էլ վերջերս ամուսնացա…
– Հա՞, շնորհավորում եմ: Բայց մի հատ ասա էլի, էդ ամուսնությունը, ո՞նց ա, ի՞նչ ա, լավ բան ա՞:
– Շատ լավ ա, չես պատկերացնի: Ուրեմն ամեն օր գործից հոգնած գալիս եմ դուն, կինս ժպիտը դեմքին դուռը բացում ա: Հետո գնում նստում եմ, տաք ճաշը բերում դնում ա դիմացս ու խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա, խոսում ա…

[Chuk]

Չգիտեմ` ինչը կփոխվի, բայց պիտի ձգտեմ նրան, որ ոչինչ չփոխվի, այսինքն` ում որ պիտի սիրահարվեմ ու ամուսնանամ, ամուսնությունից հետո էլ տենց սիրահարված մնամ ու բնականաբար` փոխադարձ:
Ամուսնությունը իմ համար ընդամենը բյուրոկրատիա ա: Եթե ես մի օր ամուսնանամ ու իմ կյանքը բաժանեմ երկու փուլի, ապա դա կլինի ոչ թե ամուսնությունից առաջ եւ հետո, այլ փոխադարձ սեր ունենալուց առաջ եւ հետո:

Տնաշեն, եթե բան չպիտի փոխվի, էլ ինչի՞ ես ամուսնանում կամ էդ «բյուրոկրատիայի» միջով անցնում

Իսկ եթե լուրջ, ապա ոնց կարող ա չփոխվի: Ամուսնանալը զուտ էդ բյուրոկրատիան չի, թղթաբանությունը չի: Ամեն դեպքում ապրելակերպի փոփոխություն ա: Կոպիտ ասած եթե վաղը գնաս մի հյուրանոցում մի ամիս մնաս, էլի ինչ-որ բան փոխվելու ա կյանքումդ, իսկ սա հյուրանոց չի, սա նոր տուն ա (որը կարող ա և ֆիզիկապես հին տունդ լինի), նախկին սիրելիիդ ու ներկայիս ամուսնուդ (կնոջ) հետ շատ ու շատ ավելի ժամանակ անցկացնել ա, հին ահագին բաներից կտրվել ա, վաղը մյուս օրը երեխեք են, նոր բարեկամներ են (խնամիների տեսքով), նոր պարտականություններ ու քո նկատմամբ նոր պարտականություններ են, նոր հաճույքներ են ու նոր տհաճություններ են: Ռամշ, կարճ ասեմ. ուղղակի չի կարող էական փոփոխություն չլինել, լինելու ա, ամեն դեպքում

[Rammstein]

Տնաշեն, եթե բան չպիտի փոխվի, էլ ինչի՞ ես ամուսնանում կամ էդ «բյուրոկրատիայի» միջով անցնում

Իսկ եթե լուրջ, ապա ոնց կարող ա չփոխվի: Ամուսնանալը զուտ էդ բյուրոկրատիան չի, թղթաբանությունը չի: Ամեն դեպքում ապրելակերպի փոփոխություն ա: Կոպիտ ասած եթե վաղը գնաս մի հյուրանոցում մի ամիս մնաս, էլի ինչ-որ բան փոխվելու ա կյանքումդ, իսկ սա հյուրանոց չի, սա նոր տուն ա (որը կարող ա և ֆիզիկապես հին տունդ լինի), նախկին սիրելիիդ ու ներկայիս ամուսնուդ (կնոջ) հետ շատ ու շատ ավելի ժամանակ անցկացնել ա, հին ահագին բաներից կտրվել ա, վաղը մյուս օրը երեխեք են, նոր բարեկամներ են (խնամիների տեսքով), նոր պարտականություններ ու քո նկատմամբ նոր պարտականություններ են, նոր հաճույքներ են ու նոր տհաճություններ են: Ռամշ, կարճ ասեմ. ուղղակի չի կարող էական փոփոխություն չլինել, լինելու ա, ամեն դեպքում

Ես կոնկրետացրել էի, թե ինչի անփոփոխությանն եմ ձգտելու: Ապրելակերպի փոփոխությունը չեմ հաշվում, դա ցուցակիդ դուրս ա, առանց դրա չի լինի:

[Mephistopheles]

Սեքսը… առաջ տարատեսակներն էին շատ, տեղերը, պոզաները… օրինակ կնոջս տանը, իստիտուտում, պարկտիկայի ժամանակ, դասերից հետո, դարսերից առաջ, պերերիվին, դուրս գալուց առաջ, տուն տանելուց հետո, քննությունից առաջ, քննությունից հետո, դաշնամուրի վրա, պոդօկոննիկին 7-րդ հարկի, չփագրվող եկեղեցու մոտ, ներսում, Ջանիս Ջոփլինի տակ, Լեդ Զեփփելինի տակ…

Իսկ հիմա տանը, կռավաթին, երկուշաբթի, երեքշաբթի, չորեքշաբթի… Կիրակի, երկուշաբթի, երեքշաբթի, չորեքշաբթի…

…միգուցե հետո էլ Հունվար, փետրվար, մարտ……

[Դեկադա]

Փոխվում ա ամեն ինչ: Ինձ համար ամուսնությունը ամենաերկար էտապն ա որ անցնում են: Առաջի հերթին փոխվում ա հարաբերությունները: Անգամ ում սիրահարված ես նրա նկատմամբ ևս փոփոխություններ են լինում: Ապրելով մի տանիքի տակ ամեն ինչ ավելի քան իրական ա դառնում, սերը, հայացքները: Պատասխանատվությունը մեծանում ա: Սեփական եսը մղվում ա երկրորդ պլան, մանավանդ երեխաների ծնվելու հետ միասին: Ամուսնությունն ամենադժվար «քննությունն» ա: Ցանկացած սխալի համար հետագայում «պատասխան» են տալիս: Ավելի հաճախ նախկին հարաբերությունները, ընկերները կորչում են: Հիմնականում մնում են բարեկամական կապերը, էն էլ առավել մտերիմների հետ: Ի հայտ են գալիս նորերը: Սկսում ես ադապտացվել նորին, աստիճանաբար դուրս մղելով հինը: Նույնիսկ օրվա ռեժիմն ա փոփոխության երնթարկվում: Համարյա իսպառ վերանում ա ինչ որ բան սիրել-չսիրելը: Ես չեմ էլ հիշում թե ինչ եմ սիրում/ սննունդը նկատի ունեմ/ ինչ չեմ սիրում: Ես հիմա կարելի է ասել ամեն ինչ էլ սիրում եմ: Իմիջն ա փոփոխության ենթարկվում: Մի խոսքով ամենադժվար փորձաշրջանն ա ամբողջ կյանքի համար:

[Shah]

ուզում էի արդեն զարմանամ որ պատասխանատվություն բառը դեռ ոչ մեկ չէր գրել, վերջում տեսա Դեկադայի գրառման մեջ...
միանշանակ պատասխանատվությունն ա մեծանում, ավելի շատ պատասխանատվությունը մարդ ինքը իր նկատմամբ: առաջ «на_ура» գործողությունների թիվն ավելի շատ էր, իսկ հիմա էդ նա_ուռաները կամաց-կամաց դառնում են «յոթ_անգամ_չափիր_մի_անգամ_կտրիր»:

հ.գ. մի անգամ ևս խորհուրդ եմ տալիս նայել ռուսական «Ինչի մասին են խոսում տղամարդիկ» ֆիլմը, էդ ֆիլմի դիպուկ ցինիզմը ինձ շատ ա դուր գալիս:

[Ֆոտոն]

Մինչև ամուսնանալը երևի բոլորն անցնում են սկզբնական սիրահարվածության, մի քիչ լուրջ կապ, ծնողների հետ ծանոթացման, իրար չհասկանալու, հետո ոնց որ հասկանալու, կռիվ-հաշտություն, ավելի մտերմություն ու լիքը նմանատիպ փուլերով: Փուլից փուլ անցումը մշտապես փոփոխություն է, որին ամեն անգամ պետք է ադապտացվել: Կարծում եմ՝ մինչամուսնական շրջանը տանելն ավելի դժվար է, քան արդեն հավասարակշռության ու ներդաշնակության եկած հարաբերությունները:

Նոր տուն, նոր ճաշ կամ նոր ընկերների շրջանակը իհարկե էական է, բայց իմ համոզմամբ, ավելի շատ աշխարհընկալումն է փոխվում, մտերիմի նկատմամբ վերաբերմունքը: Աշխարհի կենտրոնը եսից դեպի ընտանիք է փոխվում:

Եթե ինձ հարցնեն՝ կուզեի՞ նորից այս փուլերն անցնել, հաստատ կասեի, որ իհարկե հիմա ավելի լավ է: Վերջերս մամաս հարցրեց՝ հայրական տանն էր լա՞վ, թե՞ ամուսնու տանը: Հայրիկս զայրացավ էդ հարցից. լավ կլինի՞ էդ հարցը քեզ տամ (մամայիս էլի: ) Ես ասեցի՝ իհարկե լավ ա. ընտրածդ, սիրածդ մարդու հետ ավելի հեշտ ա ապրելը: Նույնն էլ մամաս պատասխանեց հայրիկիս առանց երկմտելու:

Մինչև ամուսնանալը. ամեն օր իրար զանգում եք ու տենց էլ չեք կշտանում: Իրար հետ հաճախ խոսում ու համարյա ոչինչ չեք ասում: Ամեն հանդիպումից հետո ճանապարհելու խնդիրը կա: Տնեցիք ջղայնանում են ուշացող աղջկա վրա, մյուս կողմից, հանդիպումն էնքան կարճ է, որ իրարից էդպես էլ չեք հագենում: Ու էդպես շարունակ: Ժամանակը շատ դժվար է ճիշտ կազմակերպելը: Մնում է աղջկա կամ տղայի դասերն էլ դրանից տուժեն մի քիչ, ամեն ինչ լարվում է:

Ամուսնանալուց հետո. այլևս ոչ ոք չի ուշանում, կարոտը նվազում է, ջերմությունը շատանում: Ծնողների վերաբերմունքը դառնում է մշտապես օգնող, հասկացող, ջերմացնող: Կարոտող կողմը դառնում են հեռու ապրող ծնողները: Արդեն փոխվում է նաև այն տան նկատմամբ վերաբերմունքը, որում ապրում են: Երեխայի հոգեբանությունից տանտիրոջ են վերածվում: Տան մաքրությունը, հարմարավետությունը դառնում են ավելի առաջնային: Արդեն իրերի նկատմամբ փոխվում է վերաբերմունքը: Ձգտում ես չփչացնել, զգույշ լինել, փչացածը սարքել կամ ավելի սիրունացնել: Փորձում են տնտեսել: Ապագայի պլաններն էլ պտտվում են ընտանիքի շուրջը: Նոր աշխատանքը արդեն հարմարեցվում է ընտանիքի պահանջներին: Հագուկապը ևս էդ տեսանկյունից է ընտրվում: Նույնիսկ ֆորումում գրվածները էդ հայացքով են ստուգվում: Անկախ քեզանից այն մարդկանց հետ ես շփվում, ում որ սիրելիդ հավանություն է տալիս: Մեկ էլ «բա ե՞րբ ես ամուսնանում» հարցը փոխարինվում է «նորություն չունե՞ք» հարցով:

[Reh32]

Ֆոտոն հուսադրող ես գրել, թե չէ արդեն սկսում էի իսկապես վախենալ ::Դ

[Cassiopeia]

Ամուսնանալուց հետո մոտս միայն դրական փոփոխություններ են եղել։ Ու ամենակարևոր փոփոխությունները՝ սկզբում Կորյունի, ապա նաև շուտով աղջնակիս լույս աշխարհ գալն է։ Առաջ, երբ պարզապես դուստր էի, կյանքումս մի տեսակ անհոգություն կար, ամուսնությունից հետո հոգսի հետ միաժամանակ ավելացավ պատասխանատվությունը, որը հոգսն ինչ-որ առումով հաճելի է դարձնում։
Ես սիրում եմ մեր ամուսնական օջախը ու հիմա ինձ շա՜տ խորթ է թվում հայրական տանը գիշերելու հանգամանքը (ամուսնական 3 ու կես տարիների ընթացքում միայն մեկ անգամ եմ գիշերել հայրական տանը)։

[Ripsim]

Կարծում եմ, ամուսնությունից հետո որոշ բաներ բարդանում են, որոշները՝ հեշտանում բնականաբար: Բայց այ թե ընդհանուր կերպարը լավանում է, թե վատանում՝ դա կախված է նախնական տրամադրվածությունից: Եթե ամուսնանաս այն մտքով, որ ամուսնությունդ քեզ երջանկացնելու է, ապա ամենայն հավանականությամբ, հիասթափություններ շատ կունենաս, քանի որ ոչ թե ամուսնությունն է, որ քեզ պետք է երջանկացնի, այլ դու պետք է երջանկացնես քո ամուսնությունը: Իսկ դրա համար, ինչպես և ցանկացած այլ բնագավառում հաջողությունների հասնելու համար (կրթություն, կարիերա, առողջություն...) պետք է աշխատել և աշխատել: Ամեն շաբաթվա վերջում ինքդ քեզ հարցնելը, թե ինչ ես արել այս շաբաթ քո ամուսնությունը ավելի երջանկացնելու համար, կարծում եմ վատ սովորույթ չի

[Cassiopeia]

Մարդու հոգեբաննությունն է փոխվում ամուսնանալուց հետո։ Այն, ինչ մինչ ամուսնանալը անձնականացված չէր, ամուսնանալուց հետո դառնում է անձնական։ Արդեն դու ինքդ պատասխանատու ես քո ընտանիքի առջև, ոչ թե տնեցիքի։ Ու պատասխանատվությունն ավելի է մեծանում, երբ ապրում ես առանձին, քո նորաստեղծ ընտանիքում չկա տարեց սերնդի ներկայացուցիչ ու կողմնակի այլ ազգական։
Ամուսնանալուց հետո մարդու աշխարհայացքն է փոխվում շրջակա ամեն ինչի հանդեպ։ Մի պարզ օրինակ. եթե մինչ ամուսնանալը մարդը կանցներ որևէ խանութի կողքով, պարզապես ցուցափեղկին նայելով, ապա ամուսնանալուց հետո փորձում է ցուցափեղկում առկա իրի օգտակարությունը գնահատել սեփական տան տեսակետից։ Մինչ ամուսնանալն այդ պարտականությունն ընկած էր տան մեծերի (հայր, մայր, տատ, պապ) վրա։
Ամուսնանալուց հետո ուզում ես ամեն ինչ անես, որպեսզի ամուսինդ լավ զգա իրեն սեփական օջախում։ Մինչ ամուսնանալը չկա այդ երբեմն նույնիսկ մինչև հրաշագործության հասնող երևույթը։ Մինչև ամուսնանալը դու ինքդ ես ուզում գնալ տուն ու լավ զգալ, առանց մատդ-մատի տալու։
Ամուսնացած մարդն ավելի շատ ապրում է իր ընտանիքի կյանքով, քան սեփական։

[nune']

Ամուսնացած չեմ ու դեռ չեմ էլ պատրաստվում, բայց կարծում եմ ամեն ինչ կտրուկ կփոխվի:ճ

[Ambrosine]

Եթե փոփոխություններ շատ պիտի լինեն, չեմ ամուսնանա: Կհամաձայնեմ միայն տան հասցեն փոխել: