Բարսելոնա / FC Barcelona

[Kuk]

Հիմա Բարսայի խաղ կա չէ՞ Օսասունայի հետ։ Էդ ցույց տալու ե՞ն թիվիով։

[Life]

Հիմա Բարսայի խաղ կա չէ՞ Օսասունայի հետ։ Էդ ցույց տալու ե՞ն թիվիով։

չէ,գավաթի խաղերը ցույց չեն տալիս(բացառությամբ կլասիկոների)

[Ապե Ջան]

Բարսելոնա - Բետիս 4:2
Ապրեն տղերքը:

[Ապե Ջան]

Մեսսին կանցկացնի իր 300 - րդ խաղը Բարսայում

2004 թվականի օգոստոսի 16 - ին Լիոնել Մեսսին նշեց իր նորամուտը Բարսելոնայի կազմում: Վաղը նա կարող է արդեն անցկացնել իր 300 - րդ հանդիպումը կապտանռնագույն մարզազգեստով:

299 խաղում Լեոն 213 գոլ է հեղինակել: Այս ընթացքում նա 3 անգամ արժանացել է Ոսկե գնդակի, ընդ որում` անընդմեջ:
Լա Լիգայի 2004/2005 մրցաշրջանի 7 - րդ տուրում Բարսան մրցում էր Էսպանյոլի դեմ Մոնտժուիկ մարզադաշտում: Վնասվածքների պատճառով, Ֆրանկ Ռայկարդն առաջին թիմ էր հրավիրել Բարսելոնա Բ - ի 5 խաղացողների` Ռուբենին, Պենյային, Դամիային, Քրիստիանին և Մեսսիին: Վերջինս հարձակվողական ոճի կիսապաշտպան էր, ով 2000 թվականի դեկտեմբերի 14 - ին պայմանագիր էր կնքել Բարսելոնայի հետ անձերոցիկի վրա: Հենց այդ տարվանից նա խաղում էր 2 - րդ թիմում, որը գլխավորում էր Պերե Գրատակոսը:

Այդ երեկո Ռայկարդի կողմից հրավեր ստացած 5 խաղացողներից միայն 1 - ը` Մեսսին, դուրս եկավ խաղադաշտ և նշեց իր նորամուտն առաջին թիմում: Նա հանդիպման 82 - րդ րոպեին փոխարինեց խաղի միակ գոլը հեղինակած Դեկուին: Լեոյի մոտ լարվածության ոչ մի նշույլ չէր նկատվում և նա նույնիսկ հասցրեց սպառնալ Կամենիի դարպասին: Խաղից հետո Ռայկարդն ասաց. "Մեսսին մեզ հետ է, քանի որ նա որակյալ խաղացող է և ունի շատ լավ դրիբլինգ":

Առաջին տարիները

2004/2005 մրցաշրջանում Մեսսին ընդհանուր առմամբ մասնակցեց 9 պաշտոնական հանդիպման: 7 - ը` Լա Լիգայում, 1 - ականն էլ` Չեմպիոնների լիգայում և Կոպա Դել Ռեյում: Հատկանշական է, որ ներքին առաջնության 34 - րդ տուրում Լեոն գոլ հեղինակեց` դառնալով ակումբի պատմության մեջ գնդակ խփած ամենաերիտասարդ խաղացողը: Արգենտինացին այդ ժամանակ 17 տարեկան, 10 ամսական և 7 օրեկան էր: Հետագայում Բոյան կրկիչը գերազանցեց այդ ցուցանիշը: Այնուհետև` ամռանը, Մեսսին փայլեց Յուվանթուսի դեմ Ժոան Գամպերի գավաթի խաղում: 2006/2007 մրցաշրջանում էլ Բարսայի այժմյան 10 համարը հեղինակեց աշխարհահռչակ ֆանտաստիկ գոլը Խետաֆեի դարպասը:

Առաջադիմեց Պեպի թիմում

Մինչ 2008/2009 մրցաշրջանի մեկնարկը, Մեսսին Բարսայի կազմում անցկացրած 110 խաղերում 42 գոլ էր հեղինակել: Այն ժամանակ էլ նա թիմի առաջատարներից էր, բայց գտնվում էր Ռոնալդինյոյի ու Դեկուի ստվերում: Երբ եկավ Պեպը, ամեն բան փոխվեց: Գվարդիոլան արգենտինացուն լիակատար ազատություն տվեց խաղադաշտում, ինչը ֆանտաստիկ արդյունք տվեց: Բացի այն, որ Լեոն դարձավ թիմի բացահայտ առաջատարը, նա նաև որոշ որակներ բացահայտեց իր մեջ, օրինակ` ռմբարկուական: Պեպի օրոք անցկացրած 189 խաղում Մեսսին 171 գոլ է հեղինակել:

Ռեկորդը ռեկորդի հետևից

2008/2009 մրցաշրջանից ի վեր, Մեսսին բազմաթիվ և բազմապիսի նշանակալից ցուցանիշներ է գրանցել`

2010 թվականի հունվարի 16 (22 տարեկան)` 100 գոլի սահմանագծին հասած ամենաերիտասարդ խաղացողը:

2011 թվականի նոյեմբերի 1 (24 տարեկան)` 200 գոլի սահմանագծին հասած ամենաերիտասարդ խաղացողը:

2009/2010 մրցաշրջան` Ֆուտբոլի պատմության մեջ միակ խաղացողը, ով 1 մրցաշրջանում ստացավ Ոսկե գնդակը, ՖԻՖԱ - ի լավագույն խաղացողի մրցանակը, Պիչիչին ու Ոսկե խաղակոշիկը:

2012 թվականի հունվարի 9 (24 տարեկան, 6 ամսեկան և 17 օրեկան)` 3 անգամ Ոսկե գնդակի արժանացած ամենաերիտասարդ խաղացողը:

2010/2011 մրցաշրջան` Ռոնալդոյի հետ 1 մրցաշրջանում ամենաշատ գոլերը հեղինակած ֆուտբոլիստը (53 գոլ):

Բարսայի միջազգային գլխավոր ռմբարկուն` ակումբի պատմության մեջ միջազգային մրցաշարերում ամենաշատ գոլերը հեղինակած ֆուտբոլիստը (48 գոլ: 43 - ը Չեմպիոնների լիգայում, 4 - ը` ԱԱԱ - ում, 1 - ը` ՈՒԵՖԱ - ի սուպերգավաթում)

Բացի այս ամենը, Մեսսին Բարսելոնայի հետ 18 տիտղոս է նվաճել: Անկասկած, կատալոնյան թիմի երկրպագուները պետք է երջանիկ լինեն, որ իրեց սիրելի թիմի կազմում խաղում է ոչ միայն մեր օրերի, այլև, հնարավոր է, բոլոր ժամանակների լավագույն ֆուտբոլիստը:

Barca.am

[Արծիվ]

Իսպանիայի առաջնություն. 23-րդ տուր. Բարսելոնանայի վախճանը

Ֆուտբոլի Իսպանիայի Պրիմերայի 23-րդ տուրի շրջանակներում քիչ առաջ Պամպլոնայում իրենց հանդիպումն ավարտեցին "Օսասունան" եւ "Բարսելոնան":

Կատալոնական ակումբը 2-3 հաշվով անակնկալ պարտություն կրեց եւ շարունակում է իր անկայուն ելույթները: Միեւնույն ժամանակ, Իսպանիայի գործող չեմպիոնները, որոնք փորձում են պաշտպանել տիտղոսը, հայտնվեցին ծանր կացության մեջ, քանի որ առաջին տեղում ընթացող Մադրիդի «Ռեալը» 7 միավորի առվելություն ունի, իսկ վաղը սեփական հարկի տակ ընդունելու է «Լեւանտեին»: Առավել քան հավանական է, որ առաջատարը հերթական 3 միավորն է վաստակելու՝ միավորների տարբերությունը հասցնելով 10-ի:




23-րդ տուր

ՕՍԱՍՈՒՆԱ - ԲԱՐՍԵԼՈՆԱ` 3-2

1-0 - Դեյան Լեկիչ (5'), 2-0 - Դեյան Լեկիչ (22'), 2-1 - Ալեքսիս Սանչես (51'), 3-1 - Ռաուլ Գարսիա (56'), 3-2 - Տելիո (73'):

http://armsport.am/am/news/4/4/32293/



Նորից համոզվեցինք որ առանց Չավի և Ինիեստա գոյություն չունի Բարսելոնա, նույնիսկ Մեսսին է անզոր երբ դաշտում չկան նրանք: Դե ինչ ասեմ համբերություն Բարսելոնայի ֆանատներին, կտեսնվենք գալիք 2012-13 մրցաշրջանում

[Altair]

Իսպանիայի առաջնություն. 23-րդ տուր. Բարսելոնանայի վախճանը

Ֆուտբոլի Իսպանիայի Պրիմերայի 23-րդ տուրի շրջանակներում քիչ առաջ Պամպլոնայում իրենց հանդիպումն ավարտեցին "Օսասունան" եւ "Բարսելոնան":

Կատալոնական ակումբը 2-3 հաշվով անակնկալ պարտություն կրեց եւ շարունակում է իր անկայուն ելույթները: Միեւնույն ժամանակ, Իսպանիայի գործող չեմպիոնները, որոնք փորձում են պաշտպանել տիտղոսը, հայտնվեցին ծանր կացության մեջ, քանի որ առաջին տեղում ընթացող Մադրիդի «Ռեալը» 7 միավորի առվելություն ունի, իսկ վաղը սեփական հարկի տակ ընդունելու է «Լեւանտեին»: Առավել քան հավանական է, որ առաջատարը հերթական 3 միավորն է վաստակելու՝ միավորների տարբերությունը հասցնելով 10-ի:




23-րդ տուր

ՕՍԱՍՈՒՆԱ - ԲԱՐՍԵԼՈՆԱ` 3-2

1-0 - Դեյան Լեկիչ (5'), 2-0 - Դեյան Լեկիչ (22'), 2-1 - Ալեքսիս Սանչես (51'), 3-1 - Ռաուլ Գարսիա (56'), 3-2 - Տելիո (73'):



Նորից համոզվեցինք որ առանց Չավի և Ինիեստա գոյություն չունի Բարսելոնա, նույնիսկ Մեսսին է անզոր երբ դաշտում չկան նրանք: Դե ինչ ասեմ համբերություն Բարսելոնայի ֆանատներին, կտեսնվենք գալիք 2012-13 մրցաշրջանում

Նույն նախորդ տարվա նման է: Ուղղակի ի տարբերություն անցած տարվա Իսպանիայի Copa Del Rey-ի փոխարեն Ռեալը Լա Լիգան կտանի, իսկ Բարսան ՉԼ-ն և Copa Del Rey-ը:

[Ozon]

ի ուրախություն բազմահազար ֆուտբոլասերների` երկարատև ընդմիջումից հետո` այսօր կվերսկսվի Չեմպիոնների լիգայի խաղարկությունը: 1/8 եզրափակիչ փուլի առաջին խաղային օրվա ընթացքում կկայանան երկու հանդիպումներ: Ընթացիկ խաղարկության իսկական բացահայտումը դարձած` Կիպրոսի “ՀԱՊՕԵԼ”-ը կհյուրընկալվի ֆրանսիական “Լիոնին”: Ինչ վերաբերվում է մյուս զույգին, ապա այստեղ միմյանց հետ կմրցեն ակումբներ, որոնք իրենց անուններով արդեն, իսկ շատ բան են ասում` “Բայեր 04 Լևերկուզեն” և “Բարսելոնա”:

Խմբային փուլում ,սեփական հարկի տակ երեք խաղերում երեք հաղթանակ տոնած գերմանական ակումբին` այսօր սպասվում է բարդ և դաժան փորձություն: Լևերկուզենիցներին նախանձել չէս կարող, քանի որ արդեն 1/8 եզրափակիչում նրանց մրցակիցը կլինի ոչ ավել, ոչ պակաս` Չեմպիոնների լիգայի գործող գավաթակիրը: Հարկ է նշել, որ ընթացիկ խաղարկությունում “Բարսելոնան” հյուրընկալվելիս` միջինը չորս գոլից պակաս, մրցակիցների դարպասը չի գրավում:

Ընթացիկ խաղարկության խմբային փուլում ”Բայերը” երկրորդ անգամ կհանդիպի Իսպանիան ներկայացնող ակումբի հետ: Խմբային փուլում Ռոբին Դուտի սաները կարողացան իրենց թիկունքում թողնել “Վալենսիային”: Ինչ վերաբերվում է “Բարսելոնային”, ապա կարելի է ասել, որ թիմը կես շնչով հաղթահարեց խմբային փուլի արգելքը:



Երկու թիմերն էլ իրենց երկրների ներքին առաջնություններում, գրեթե ձախողվել են: Եթե հաշվի առնենք, թե ինչպիսի իրավիճակում է հայտնվել կատալոնյան ակումբը, ապա կարելի է վտահորեն նշել, որ “Բարսան” շեշտը դնելու է հենց Չեմպիոնների լիգայի վրա: Այս առումով “Բայերը” էլ ավելի բարդ կացության մեջ է: Թիմը Բունդեսլիգայում ակնհայտորեն չի փայլում, այլ ընդհակառակը շարունակում է հիասթափեցնել իր ցուցադրած արդյունքներով և ընթանում է 6-րդ տեղով:

Սակայն, երբեք պետք չէ խառնել ներքին առաջնությունները Չեմպիոնների լիգայի հետ, քանի որ այս մրցաշարը լրացուցիչ մոտիվացիա է, առանձնահատուկ տրամադրվածություն և ամեն ակումբի ու այնտեղ հանդես եկող ֆուտբոլիստի երազանք: Ուստի այդ պատճառով, պետք չէ թերագնահատել կողմերից և ոչ մեկին: Այն ,որ այս խաղում միանշանակ ֆավորիտը “Բարսելոնան” է` դրանում երկու կարծիք լինել չի կարող, բայց “Բայերը” այն թիմն է, որ երբեք և ոչ մի պարագայում չի սիրում հանձնվել: Դրա վառ ապացույցը, ընթացիկ խաղարկության խմբային փուլում` “Վալենսիայի” և “Չելսիի” նկատմամբ տոնած կամային հաղթանակներն էին: Այդ ամենը հաշվի առնելով, ”Բարսելոնայի” ֆուտբոլիստները հավանաբար չեն փորձի թերագնահատել իրենց մրցակցին: Լևերկուզենցիներն հատկապես ուժեղ են երկրորդ հարկում և չափազանց վտանգավոր ստանդարտ դիրքերի խաղարկումների ժամանակ,սակայն Բայերի “աքիլեսյան գարշապարը” կարելի է համարել կենտրոնական պաշտպանների դանդաղությունն ու նրանց կողմից հաճախակի կատարվող դիրքային սխալները: Խնդիրներ կան նաև դարպասային գծում, քանի որ թիմի հիմնական դարպասպահ` Ռենե Ադլերի բացակայության պայմաններում դարպասը վստահված է երիտասարդ և անփորձ Բերնդ Լենոյին, ով չնայած, որ խոստումնալից է, բայց ակնհայտորեն զիջում է իր փորձառու խաղընկերոջը, իսկ փորձի պակասը նմանատիպ մրցակիցների հետ խաղերում` վճռորոշ դեր կարող է խաղալ: Մեծ կորուստ կարելի է համարել “Բայերի” կիսապաշտպանության առաջատարներից` Սինդեյ Սեմի բացակայությունը: Գերմանացի ֆուտբոիստը վնասվածքի պատճառով բաց կթողնի երկու ամիս, իսկ դա նշանակում է, որ նա չի կարողանա մասնակցել նաև թիմերի պատասխան հանդիպմանը: Այսօրվա “Բայերում”`ակնհայտորեն խնդիրները շատ-շատ են: Կկարողանա արդյո՞ք Լևերկուզենցիների մարզիչ` Ռուբին Դուտը վերածվել`Ռոբին Գուդի` դժվար է ասել, բայց մի բան հաստատ է` “Բայերը” պայքարելու է մինչև վերջ:



Հետաքրքիր փաստեր

•Թիմերը նախկինում մի քանի անգամ մրցել են միմյանց հետ: Հետաքրքիր է, որ եվրագավաթներում “Բայերի” առաջին իսպանական մցրակիցը եղել է հենց “Բարսելոնան”: ՈՒՖԵԱ գավաթի 1987-/88 խաղարկության 1/4 եզրափակիչ առաջին խաղում, գրանցվեց գոլազուրկ ոչ-ոքի, իսկ պատասխան խաղում ` “Բայերը” հյուրընկալվելիս `1:0 հաշվով պարտության մատնեց “Բարսելոնային” և անցավ հաջորդ փուլ: Հետագայում նաև դարձավ գավաթակիր:

•”Բայերի” և “Բարսայի” մյուս հանդիպումը տեղի ունեցավ Չեմպիոննների Լիգայի 2001/02 խաղարկության խմբային փուլում: Լևերկուզենյան հանդիպումը ավարտվեց “Բայերի”` 2:1 հաշվով հաղթանակով,իսկ կատալոնյան խաղը` Բարսելոնայի նույն հաշվով հաղթանակով:

•Մյուս տարի թիմերի ճանապարհները նույնպես խաչվեցին խմբային փուլում, սակայն այս անգամ երկու դեպքում էլ(1:2,2:0) առավելության հասան կատալոնացիները:

•”Բայերը” կփորձի 10 տարվա ընդմիջումից հետո առաջին անգամ անցնել 1/4 եզրափակիչ փուլ: Վերջին անգամ Բայերը այդ փուլում հանդես է եկել 2001/02 մրցաշրջանում և նույնիսկ հասել է մինչև եզրափակիչ, սակայն այնտեղ` 2:1 հաշվով զիջել է Մադրիդի “Ռեալին”:

•Խմբային փուլում Ռոբին Դուտի սաները սեփական հարկի տակ անցակցրած երեք խաղերում տոնել են երեք հաղթանակ:

•Բայերը իսպանական թիմերի հետ խաղերում ունի դրական բալանս` 5 հաղթանակ,4 ոչ-ոքի և 4 պարտություն:

•Խմբային փուլում Բարսելոնան արտագնա երեք հանդիպումներում մրցակիցների դարպասը գրավել է 12 անգամ: Գվարդիոլայի սաները եվրոգավաթային վերջին` 9 հանդիպումներում մրցակցին զիջել են միայն մեկ անգամ:

•”Բարսելոնան” Գերմանիայում անցկացրած վերջին 7 խաղերի ընթացքում`4-ում տոնել է հաղթանակ, իսկ 3-ում ոչ-ոքի: Ընդհանուր առմամաբ “Բարսելոնան” գերմանական ակումբների հետ ունի դրական բալանս` 8 հաղթանակ,10 ոչ-ոքի և 5 պարտություն:

•Գավաթակիրների գավաթի 1978/79 խաղարկության եզրափակիչում “Բարսելոնան” հաղթանակ տոնեց Դյուսելդորֆի “ֆորտունայի” նկատմամբ:



Նյութը պատրաստեց` Արտակ Վահանսարյանը
Աղբյուր` HOTNEWS.AM

[Արծիվ]

Նույն նախորդ տարվա նման է: Ուղղակի ի տարբերություն անցած տարվա Իսպանիայի Copa Del Rey-ի փոխարեն Ռեալը Լա Լիգան կտանի, իսկ Բարսան ՉԼ-ն և Copa Del Rey-ը:

Շատ վստահ մի խոսա, կարողա մի կերպ Copa Del Rey-ը տանի (չնայած դրա վրա էլ եմ կասկածում ) բայց Champions League կրելը երազի մեջ կտեսնեն և ամենակարևորը ՈՒԵՖԱ-ի ծախված ներկայացուցիչներն ու Մեսսիի շորերը խնդրող ծախված մրցավարներն էլ չեն կարող փրկել Բարսելոնայիտ