Մեջբերում davidus-ի խոսքերից Նայել գրառումը
Բիձա ջան, բա էդ մեկը մոռացա՞վ ասեր, թե՞ չգիտեր, որ մեր 4 զինվորները ընդամենը 1 ազերի ձեռքով են սպանվել, այն նույնի, որի դիակը իբր մյուս ազերները թողել են մարտի դաշտում: Այդ ազերին մեջքից սպանել է մեր զինվորներից 5-րդը, որը իր իսկ բախտի բերմամբ գնացել էր զուգարան:

Հիմա կասեք ինչի էսքանը ասեց. նրա համար, որ Հայաստանում ներկա պահին չկա ոչ մի լրավտական միջոց, որը ճշգրիտ տեղեկություններ հաղորդի: Արտակ ջան, միթե մեր «ընդդիմադիր» ԶԼՄ-ները չգիտեին սրա մասին, կամ ուր են նրանց հավաստի աղբյուրները, որ էդ մեծ վայնասունը, որոնք ՊՆ-ն բարձրացրել էին ենթադրյալ դիվերսիայի շուրջ, եղել է ընդամենը փուչիկ: Թե մարդկանց մեջ վախ, սարսափ, ապատեղեկատվություն տարածելու համար խելքները իրանցը չի: Իշխանականները դիվերսիան «սարքեցին» իրենց գլուխը ահագին լուրջ պրոբլեմներից ազատելու համար, բա էն մյուս «հավաստի աղբյուրները» ինչի՞ ծպտուն չհանեցին, թե՞ խուճապ, թշնամանք, թույն տարածելը իրենց ավելի էր ձեռք տալի:
Ի դեպ, էս մասին մոռացա գրեմ: Ուրեմն մամուլում եղել են էս դեպքի մասին ամենատարբեր հրապարակումներ, ամենատարբեր վարկածներ: Ոչ մի վարկածը որպես հավաստի չի ներկայացվել այլ ներկայացվել ա որպես վարկած: Եթե տվյալ մամուլի նկատմամբ ատելություն կա մոտդ, թող լինի, բայց արի կլինի ճիշտը ասենք: Լավ, ասենք ընդդիմադիր մամուլը չի ուզում «մեր բանակի մասին դրական բան գրել», բա իշխանական ու այսպես կոչված չեզոք մամուլն ինչի՞ ա լռում:

Քո բերած նյութում, Երևակլուրի նյութում ամեն բառը հակասում ա հաջորդին: Բացահայտ հորինվածք ա: Դու դա չես ընդունում: Քեզ ասում են, որ նման դեպքում աղմուկ կլիներ կամ առնվազն այլ խողովակներով ինֆորմացիա կհասներ: Դու դա չես ընդունում:

Ստացվում է մի պարադոքսալ վիճակ. եթե ԵրևակլԼուրում գրված լիներ, որ ոչնչացրել են 9687 դիպուկահարի, որոնց կեսը չեչեն ա եղել, կեսն ուկրաինացի աղջիկ, դու դրան հավատալու էիր: Այսինքն ստացվում ա, որ ինչ-որ հեղինակություն չունեցող մամուլ գրում ա ինչ-որ չճշտված լուր ու դրան հավատում ենք: Ես կարդում եմ, օրինակ, որոշակի թերթեր ու ինտերնետային լրատվական կայքեր: Ես ինքս իմ համար մշակել եմ սանդղակ, թե որի հավաստիությանը որքան եմ հավատում: Էդ սանդղակը կարող ա սխալ ա, բայց ես դա մշակել եմ որոշակի իմ ունեցած ինֆորմացիայի ու այնտեղ գրվածների համընկվածության երկարատև մշակումից հետո: Հիմա հայտնվել ա ինչ-որ կայք ու ինչ-որ բան ա գրում, դու հավատու՞մ ես միանգամից: Լավ էլի, Դավ ջան... ես էլ եմ ուզում, որ մենք Ադրբեջանի կողմի բոլոր դիպուկահարներին ոչնչացրած լինենք, բայց էդ չի նշանակում, որ ես պիտի հավատամ քուչի բիսեդկի զրույցներին: