Nokia հեռախոսի պայթյունից մարդ է մահացել
23-ամյա մի հնդիկ մահացել է Nokia բջջային հեռախոսի պայթյունից: Այս մասին են վկայում պայթած բջջայինի մնացորդներ, որոնք հայտնաբերվել են դիակի կողքին:Հնդկաստանի կապի և ՏՏ նախարար Սաչին Պիլոտը անձամբ կարգադրել է իրավապահ մարմիններին հետաքննել մահվան հանգամանքները, հաղորդում է The Times of India-ն:
Չորեքշաբթի պարբերականը հաղորդեց, որ 23-ամյա հովիվ Գոպալ Գուջարին գտել են մահացած Բանդա գյուղից ոչ հեռու: Դիակի կողքին գտնվել են պայթած հեռախոսի մասերը, իսկ մահացածի աջ ականջին, ուսին ու վզին եղել են ծանր այրվածքներ: Մասնագետների խոսքով` դիակը հայտնաբերվել է դեպքից ավելի քան 12 ժամ հետո:
Պայթյունը տեղի է ունեցել հեռախոսով խոսելու ժամանակ: Ոստիկանությունը դիակի կողքին գտել է Nokia 1209 հեռախոսի մնացորդները: Ենթադրվում է, որ պայթյունն առաջացել է հեռախոսի կառուցվածքային թերության կամ մարտկոցի պատճառով:
Այս տարվա հունվար ամսին նման մի դեպք պատահել էր չինացի մի կնոջ հետ. նա խոսում էր հեռախոսով իր ամուսնու հետ, երբ բջջայինը միացել էր հոսանքին ու հոսանքահարել կնոջը:
2007թ. հուլիսին մարտկոցի պայթյունի արդյունքում մահացել էր ևս մեկ չինացի: Պայթյունի պահին հեռախոսը գտնվել էր ծոցագրպանում և վնասել էր կրծքավանդակն ու սիրտը:
Մի քանի երկրներ, այդ թվում` նաև Հնդկաստանը, փորձում են պայքարել անորակ մարտկոցների ներկրման դեմ: Nokia-ն 2004թ. ընդունեց մի որոշում, ըստ որի`ընկերության արտադրության բոլոր մարտկոցների վրա փակցվում է հոլոգրաֆիկ նշան:
Մեջբերել
Էջանիշներ