Ստեղծագործական նախագծերի քննարկում

[Rhayader]

Մի մրցույթի մեջ տարբեր ստեղծագործություններ թարգմանելուն դեմ եմ երկու պատճառով։ Նախ էդպես գնահատումը չի կարող հավասար հիմքերի վրա լինել, քանի որ մեկը կարող է ավելի հաջող ստեղծագործություն թարգմանել, մյուսն՝ ավելի անհաջող, ու մարդիկ գնահատելու են ընդհանուր արդյունքը՝ պատրաստի բանաստեղծությունը, ոչ թե թե ով է իր բնագիրն ավելի լավ թարգմանել, ինչն արդեն օբյեկտիվ չի լինի թարգմանողի նկատմամբ։ Բացի դրանից, ինչի՞ հիման վրա ենք ենթադրում, որ բոլորը հաջող են թարգմանելու, որ արժեքավոր օտարալեզու թարգմանված գրականությունը դրա հաշվին համարենք ավելի հարստացած։ Իսկ եթե բոլորը նույնը թարգմանեն, հույս կա, որ գոնե մեկը կամ մի երկուսը քիչ թե շատ հաջող կլինեն։

Անուկ, արվեստի գնահատումն, այն էլ ոչ մասնագետների կողմից, ԵՐԲԵՔ չի կարող օբյեկտիվ լինել: Ընդհանրապես, ես ստեղծագործական մրցույթի միտքը համարում եմ, մեղմ ասած, ոչ իմը: Վերջին այդպիսի մրցույթը, որին մասնակցել եմ, ցույց տվեց, որ Ակումբի հեղինակների երևակայությունը բոմժի համար լվացքի մեքենա առնելուց այն կողմ չի կարող անցնել, բայց Ակումբի ընթերցողներին այդքանն էլ է բավական, որ «հուզվեն»: Եթե չեք հավատում, էստի համեցեք (c): Բայց ամենակարևոր դասը դա չէր. իմ գրածն էլ էր ախր լրիվ դախություն: Երբ որ նույն նյութը կարելի էր օգտագործել սեփական, ոչ այդքան հապշտապ ու խակ, ու ոչ այդքան անհաջող գործ գրելու համար: Համենայն դեպս, ես երբևէ չեմ տեսել, որ նման մրցույթներից որևէ մեկի արդյունքում գոնե քչից-շատից տպագրման արժանի աշխատանք դուրս գա: