terev-ի խոսքերից
Այս երկրում մենակ ես եմ խելառ, որ չեմ կատարել հրաման. Մանվել Գրիգորյան
«հավայի կենդանիներ»-ին տված մամուլի ասուլիսը:
Այսօր ԵԿՄ վարչության 8-րդ համագումարից հետո, վարչության նորընտիր նախագահ Մանվել Գրիգորյանը հանդես եկավ մամուլի ասուլիսով: Նրան ուղղված հարցերի մեծ մասը վերաբերում էին քաղբանտարկյալ Սասուն Միքայելյանին:
Մանվել Գիրգորյանը նշեց, որ Սասունն իր մարտական ընկերն է եղել, և եթե հնարավորություն ունենար, նրան կազատեր: «Ես Սասունին ճանաչում են որպես ազատամարտիկ, այլ ոչ թե որպես քաղաքական գործիչ: Այս երկրում Սերժին ոչ ոք Սասունի պես չի ճանաչում, Սասունին էլ ոչ ոք Սերժ Սարգսյանի պես չի ճանաչում, իրար լավ ճանաչում են, իրար լավ էլ գիտեն, հարց ունեն, թող իրար հետ լուծեն»,- ասաց Մանվել Գրիգորյանը:
Անդրադառնալով մարտի 1–ի դեպքերին՝ Մանվել Գրիգորյանն ասաց, «Ւշխանական, թե ոչ իշխանական, դրանք զինվորականներ էին, որոնք պարտավոր էին կատարել հրամանը, չկատարեին, ավելի վատ կլիներ իրենց կոչմանը: Այս երկրում մենակ ես եմ եղել խելառ, որ չեմ կատարել հրաման, նրանք պարտավոր էին կատարել: Ռոբերտ Քոչարյանն ինձ երեք օր կանչել է, չեմ գնացել, ու ես եմ դիմում գրել. որ ինձ ազատեն»:
Այն հարցին, թե ինչու նա չգնաց Ազատության հրապարակ, Գրիգորյանն ասաց, որ Երևանը Ֆիզուլի չէ. «Եթե ես դուրս գայի հրապարակ, շատ վատ բաներ կլիներ այս երկրի համար, բոլորի համար»,- ընգդծեց Մանվել Գրիգորյանը:
Երբ լրագրողները կրկին փորձեցին հարցեր տալ Սասուն Միքայելյանի մասին Գրիգորյանը բարկացավ և լրագրողներին անվանելով «հավայի կենդանիներ», դուրս եկավ դահլիճից:
Մեջբերել
Էջանիշներ