Հնարավո՞ր է արդյոք պարզապես ընկերությունը տղամարդու և կնոջ միջև

[Ուլուանա]

Ասածս էն ա, որ պարզա, որ ամեն մարդ իր շփման դաշտում ունի հակառակ սեռի ներկայացուցիչներ, որոնցից յուրաքանչյուրի հետ հարաբերվում ա ինչ-որ մի ուրույն՝ մնացածի հետ չկրկնվող ձևով ու կապերով: Էդ կապերին, հա, ինչ-որ համընդհանուր պատկերացումներով կարող ենք տալ ընկերություն կամ մտերմություն կամ չգիտեմ՝ "հորեղբորտղայիմոտիկընկեր" ստատուսի հարաբերության անվանումներ, բայց, իմ կարծիքով, լինի դա ջերմ-բարեկամական կամ ընկերական կամ "հորեղբորտղայիընկեր"-ական հարաբերություններ կամ դրանց ընկալումներ, միևնույն ա՝ հակառակ սեռային սահմանը, որի վրա կանգնած ա համապատասխան սեթևեթանք կամ "խաղ"՝ եթե կուզեք, ինչ-որ մի նուրբ մակարդակում դրսևորվելու ա՝ եթե անկեղծ լինենք մինչև վերջ:

Դե հա, ու ամբողջ հարցն էլ հենց էդ ա, թե ինչքանով ա դրսևորվելու. բավականաչափ, որպեսզի զուտ ընկերականի սահմանն անցնի՞, թե՞ էնքան, որ առանձնապես ազդեցություն չունենա հարաբերությունների բնույթի վրա։ Ու պետք չի բոլորին նույնացնել էս առումով։ Մարդ կա՝ ցանկացած հակառակ սեռի ներկայացուցչի ի սկզբանե ու ակամա դիտարկում ա որպես պոտենցիալ հրապուրելու օբյեկտի, ու գործում ա ըստ այդմ։ Կարծում եմ՝ էդ տիպի մարդիկ դժվար թե ի վիճակի լինեն հակառակ սեռի ներկայացուցչի հետ մտերիմ ընկերական հարաբերություններ ունենալու։ Բայց կան մարդիկ, որոնք մարդուն նախ և առաջ որպես մարդ են դիտարկում, հետո նոր՝ որպես հակառակ սեռի ներկայացուցիչ, ու ըստ այդմ էլ կառուցում են հարաբերությունները։ Իհարկե, երկուսի կողմից պիտի համընկնեն մոտեցումները, որ հնարավոր լինի զուտ ընկերություն, հակառակ դեպքում անհնար ա։

Իսկ ընդհանրապես ցանկացած ընկերություն կարող է ընդհատվել տարբեր պատճառներով, որոնցից մեկն էլ կողմերի՝ մեկը մյուսին փոխադարձաբար կամ միակողմանի սիրահարվելն է, ու ցանկացած պարզապես ընկերություն գոյատևում է մինչև էդ կետը։ Ամբողջ հարցն այն է, թե էդ կետին երբ կհասնեն, կամ ընդհանրապես կհասնեն, թե չէ։ Ու չի կարելի պնդել, թե չհասնելու հավանականությունը զրո է։