Հետաքրքիր տեղեկություններ դեսից–դենից

[Դեկադա]

]Ամենամեծ ականջներն ուներ շոտլանդացի Կոլին Մակբրեդինը: նրա ականջների երկարությունը հասնում էր 22 սմ- ի:Նա լսում էր, թե ինչպես 300մ հեռավորության վրա ասեղն ընկնում է ներքնակի վրա:
Ամենապատանի օդաչուն է եղել Կոդի Լոկը, որը 1983թ. 9 տարեկան 316 օրական հասակում օդ է բարձրացրել < Սեսնա 150> ինքնաթիռը Մեքսիկա քաղաքի մերձակայքում:
Առաջին մարդը, ով թռել է օդապարիկով, ֆրանսիացի Ֆրանսուա Պիլոտրե դե Ռոզեն էր, որը 1783թ. Հոկտեմբերին 26մ բարձրացավ Ժոզեֆ և Էտիեն Մոնգոլֆիե եղբայրների կառուցած տաք ծխով լցված < Մոնգոլֆիերով>:
Առաջին հանրագիտարանը մ.թ.ա.370թ. Աթենքում կազմել է Պլատոնի զարմիկ Սփեյզիփուսը / մ.թ.ա. 4008- 338թ./:
Ժավել բառն առաջացել է Փարիզի մոտ գտնվող գյուղաքախաքի անվանումից:
Հայտնի օծանելիք օդիկալոնն իր անունը ստացել է ֆրանսիական քաղաքից, որն այսօրվա գերմանական Քյոլն քաղաքն է:

[Vive L'Armenie]

Հեթեետաքրքիր է...

Իսկ դուք գիտե‘ք, որ ձնագնդի խաղալը նույնպես կարելի է վերածել մոգական և իմաստավոր զվարճանքի: Ամեն մի գունդը պատրաստելիս ցանկություն ուղղեք նրան, ում վրա պատրաստվում եք նետել այն: Եթե ձնագունդը դիպչի նրան, ուրեմն ցանկությունը կիրականանա, եթե վրիպի, ուրեմը ձեր ցանկությունը անկեղծ չէր: Զգույշ եղեք ոչ բարի ցանկություն հղելուց, քանի որ, եթե նետված ձնագնդից նույնիսկ մեկ փաթիլ ընկնի ձեր վրա, ապա այդ ցանկությունը կշրջվի ձեր վրա:
Իսկ դուք գիտե‘ք, որ եթե ձնագունդ պատրաստելիս երազանք պահեք և ձնագունդը նետեք ուսի վրայով, ապա եթե գետնին ընկնելով այն ամբողջական մնա ցանկությունը կիրականանա, եթե մի փոքր մաս պոկվի պետք է պայքարել ձեր ցանկության իրականացման համար: Իսկ եթե այն փշրվի, ապա ձեր ցանկությունը չի իրականանա:
Իսկ դուք գիտե‘ք, որ եթե հարսանիքի ժամանակ ձյուն է տեղում, ապա այն նորապսակներին խոստանում է հավերժական միասնություն և երջանկություն..

[Vive L'Armenie]

Սուրբ Սարգիս

Հունաստանում քրիստոնյա ամուսիններ էին ապրում, որոնք ունեին Սարգիս անունով մի որդի: Տղան գեղեցկատես էր, ամրակազմ, բարի, ազնիվ ու քաջ: Լավ ծանոթ էր Աստվածաշնչին: Բոլորի սիրելին էր նա, որովհետև պաշտպանում էր թույլերին, աղքատների ու կարիքավորների համար ուտելի էր հայթայթում: Սարգսին օգնում էր մոտակա ամրոցում բնակվող իշխանի դուստրը: Նրանք մտերիմ ընկերներ էին, և տարիների ընթացքում այդ մտերմությունը վերածվեց սիրո: Եկավ ժամանակը և Սարգիսը ծառայության կանչվեց հռոմեական բանակ: Կռիվների ցուցաբերած արտակարգ քաջության համար նրան շնորհվում է իշխանական տիտղոս և հայրենի տուն վերադառնալու իրավունք: Սանը նա տեղեկանում է, որ իշխանն արգելել է աղջկան հանդիպել իր հետ` քրիստոնյա լինելու պատճառով: Սարգիսը որոշում է հանդիպել աղջկա հորը: Քաջարի իշխանը` ոսկեզօծ սախավարտով ու սպառազեն, հեծնում է ճերմակ ձին ու գնում իշխանի ապարանք: Օրիորդի հայրը պահանջում է, որ տղան հրաժարվի իր հավատից, եթե ուզում է ամուսնանալ իր աղջկա հետ:
-Կա միայն մեկ ճշմարիտ Աստված: Եթե իմանանք Հիսուսի մասին, ապա ինքներդ կհորդորեք բոլորին պաշտել նրան, - պատասխանում է Սարգիսը:
-Ինչպես կարելի է ուրանալ Զևսին, Արտեմիսին, Աֆրոդիտեին, - բարկանում է իշխանը:
Երիտասարդը հեռանում է ամրոցից: Իմանալով հոր պայմանը` աղջիկը հուսահատվում է և տխրում, որովհետև լավ գիտեր Սարգիսի անկոտրում կամքը:
Օրերը անցնում էին, իսկ օրիորդը տանջվում էր. <<Մի թե սիրեցյալը մոռացավ իրեն>>: Կասկածները տանջում էին գեղանի օրիորդին: Բարեպաշտ հայ աղախինը, տեսնելով աղջկա ապրումները, խորհուրդ է տալիս հինգ օր պահք պահել, իսկ վերջին գիշերը անցկացնել աղոթքով` խնդրելով, որ Աստված հայտնի իր կամքը: Աղջիկը հետևում է աղախնի խորհրդին: Պահեցողությանհինգերորդ գիշերը, երբ նա աղոթում էր, հանկարծ սենյակը լուսավորվում է և հայտնվում է Աստծո հրեշտակը.
-Մի վախեցիր և մի հուսահատվիր, որովհետև ում համար, որ աղոթում ես` Սարգիսը, հաճելի է Աստծուն և քեզ սիրում է: Աստված, որ սեր է, օրհնել է ձեր կապը. Նա պիտի վերացնի բոլոր այն խոչընդոտները, որ կան ձեր սիրո ճանապարհին: Առավոտյան վեր կաց և գնա դիմացի բլուրը, այնտեղ կտեսնես Սարգսին:
Լույսը բացվելուն պես հագնելով իր աղախնի շորերը` իշխանի աղջիկը ծածուկ դուրս է գալիս ամրոցից և շտապում նշված վայրը` դիմացի բլուրը:
Այդ ժամանակ Սարգիսը տուն էր վերադառնում: Նա ողջ գիշերն անցկացրել էր հիվանդի մոտ, հոգնած էր ու անքուն: Նա կանգ առավ բլրի լանջից բխող աղբյուրի մոտ` ծարավը հագեցնելու: Այնուհետև հենվեց հաստաբուն ծառին ու անթարթ հայացքն ուղղեց դեպի դիմացի ամրոցը, ուր իր սիրելին էր: Ծանրացած կոպերը փակվում էին, և Սարգիսը ննջեց:
- Սարգիս… Սարգիս…
Մի հարազատ ձայն արթնացրեց նրան: Երազ էր, թե իրականություն: Սարգիսը շրջվեց և տեսավ իր սիրելիին:
Նրանք կարոտով գրկախառնվեցին:
-Հավատս երբեք չեմ փոխի: Հավատս է նաև, որ ես քեզ սիրում եմ,-ասում է Սարգիսը:
Աստծու կամոք նրանք ամուսնանում են և ունենում են որդի:

[ars83]

Հաշմանդամները հնարավորություն ունեն իրենց անվաթոռները կառավարելու «մտքի ուժով»

Ճապոնական BSI-TOYOTA Համագործակցության կենտրոնը մշակել է մի համակարգ, որը թույլ է տալիս անվաթոռը ղեկավարել մտավոր ազդակների միջոցով՝ առանց ձայնային հրամանների: Համակարգն առավել հարմար է ծեր և արտասանական կամ շարժողական թերություններ ունեցող մարդկանց համար: Կիրառված նորագույն տեխնոլոգիան թույլ է տալիս մտավոր ազդակի մշակումն իրականացնել 125 միլիվայրկյանի ընթացքում: Սա ներկայումս ամենաարագ արձագանքող համակարգն է. գոյություն ունեցող նմանատիպ համակարգերին մի քանի վայրկյան է անհրաժեշտ այդպիսի մշակում կատարելու համար: Մտավոր ազդակի վերլուծության արդյունքը ցուցադրվում է լուսատախտակի վրա: Համակարգը թույլ է տալիս հաշվի առնել յուրաքանչյուր վարորդի առանձնահատկությունները: Փորձարկումների ժամանակ համակարգը ցուցաբերել է 95% ճշտություն՝ մտավոր ազդակների մշակման մեջ:
Պլանավորվում է այս համակարգն օգտագործել բժկական տարբեր բնագավառներում և խնամքի սարքավորումներում:

Աղբյուր՝ Science Daily: http://www.sciencedaily.com/releases...0629101848.htm

[ars83]

ՆԱՍԱյի թռիչքը դեպի Լուսին հարցականի տակ է

Ֆինանսական ճգնաժամը չի շրջանցել նաև ԱՄՆ-ի տիեզերագնացության և տիեզերքի հետազոտության ղեկավարման կենտրոնին: Հունիսի 17-ին Վաշինգտոնում կայացած հանդիպման ժամանակ գործադիրների, տիեզերագնացների, ինժեներների, զորացրված գեներալի և գիտնականների տասհոգանոց խմբին ԱՄՆ նախագահի կողմից հանձնարարվել էր վերանայել երկրի պլանները՝ տիեզերքում մարդկային ներկայության վերաբերյալ:
ՆԱՍԱ-ն պլանավորել էր մինչև փոխարինել 2010-ին գործածումից հանելու ենթակա տիեզերանավը հրթիռներով, որոնք կարող են տիեզերագնացներին Լուսին հասցնել: Սակայն բյուջետային սահմանափակումները կասկածի տակ են դնում այս նախագիծը: Նախագծով նախատեսվում է Արես I և Արես V հրթիռների կառուցումը, որոնք տիեզերագնացներին Լուսին կհասցնեն 2020-ին:
ՆԱՍԱյի՝ մշակման մեջ գտնվող «Համաստեղություն» համակարգը, որը պետք է տիեզերագնացներին հասցնի Լուսին
Նախագծի իրականացման վրա արդեն ծախսվել է $10մլրդ, և ևս $35մլրդ է անհրաժեշտ «Օրիոն» անձնակազմի կապսուլը: Արես V հրթիռի կառուցումը, ըստ ծրագրի ղեկավար Սթիվ Քուքի, պահանջում է լրացուցիչ $100մլրդ:
Նախագծին գիտնականների տված գնահատականները տարբեր են: Ոմանք նշում են, որ դեպի Լուսին թռիչքը մեծ գիտական արժեք չունի: Ոմանք էլ կարծում են, որ համակարգը կարելի է օգտագործել այլ ուղոււթյուններով թռիչքներ կատարելու համար. օրինակ՝ դեպի մերձերկրյա աստղաքարերը, հետագայում դեպի Հրատ (Մարս) թռչելու համար:
Հանձնաժողովի վերջնական զեկույցի ժամկետն է ս.թ. Օգոստոսը:

Աղբյուր՝ Nature Online: http://www.nature.com/news/2009/0906.../4591038a.html

[cold skin]

13:11 • 07.10.09
Հայտնի են դարձել ֆիզիկայի ոլորտում Նոբելյան մրցանակի դափնեկիրների անունները

Ֆիզիկայի ոլորտում Նոբելյան մրցանակի դափնեկիր են ճանաչվել «մանրաթելային օպտիկայի և պատկերի թվայնացման հայրերը»` գիտնականներ Չարլզ Կաոն, Ուիլարդ Բոյլը, Ջորջ Սմիթը: Այդ մասին հայտարարել է Նոբելյան ֆիզիկայի կոմիտեն։

Բոյլը և Սմիթը դարձել են Նոբելյան մրցանակի դանփեկիրներ «սարքավորման ստեղծման համար, որը հնարավորություն է տալիս թվայնացնել պատկերը»:

Բոյլի և Սմիթի համատեղ հայտնագործությունը իսկական հեղափոխություն է իրականացրել լուսանկարի ոլորտում` թույլ տալով ֆիքսել ազդանշանները էլեկտրոնային ձևով, այլ ոչ թե ֆոտոժապավենի վրա: Իրենց հայտնագործությունը լայն տարածում է ստացել բժշկությունում, տիեզերական և օվկիանոսագիտական հետազոտություններում:
Հայտնի են դարձել ֆիզիկայի ոլորտում Նոբելյան մրցանակի դափնեկիրների անունները

Tert.am

[cold skin]

14:57 • 02.10.09
Կնոջ մերկ կուրծքը կարող է երկարացնել տղամարդու կյանքը

Եթե դուք տղամարդ եք և օրվա մեջ ազատ 10 րոպե ունեք, որը դուք կարող եք հատկացնել կնոջ մերկ կրծքին նայելու համար, ապա դուք երջանիկ մարդ եք:

Նման եզրակացության են եկել գերմանացի գիտնականները, ովքեր հրապարակել են իրենց հետազոտության արդյունքները The New England Journal of Medicine հեղինակավոր ամսագրում: Այսպիսով, ըստ գերմանացի գիտնականների` կանացի մերկ կրծքին օրական տասը րոպե նայելը երկարացնում է տղամարդու կյանքը 5-7 տարով:

Այդ զբաղմունքը նույնքան օգտակար է տղամարդու համար, որքան և ֆիզիկական աշխատանքի կամ մարմնամարզության կես ժամը, հայտնում է sex-news-ը:

Հետազոտության արդյունքների համաձայն` կրծքի ուսումնասիրման ժամանակ թեթև սեռական գրգռվածությունը ակտիվացնում է սրտամկանային համակարգի աշխատանքը և նպաստում արյան շրջանառության բարելավմանը, համապատասխանաբար, թթվածին է մատակարարվում մարմնի բոլոր հյուսվածքներին: Արյունքում սրտի կաթվածի վտանգը նվազում է 50%-ով:

Tert.am

[Լեո]

Եթե դուք տղամարդ եք և օրվա մեջ ազատ 10 րոպե ունեք, որը դուք կարող եք հատկացնել կնոջ մերկ կրծքին նայելու համար, ապա դուք երջանիկ մարդ եք:

Մնում ա աղջիկ գտնեմ, որ համաձայնի օրը 10 րոպեով «բնորդուհու» դեր կատարել

[Ուլուանա]

Քառակուսի ձմերուկներ

Կլոր ձմերուկը սառնարանում կարող է ահագին մեծ տեղ զբաղեցնել։ Իսկ սովորաբար կլոր միրգը հաճախ հարմար չի «նստում» սառնարանի դարակներին։ Հնարամիտ ճապոնացի ֆերմերները ստիպել են իրենց ձմերուկներին աճել քառակուսի տեսքով՝ դրանք տեղադրելով թրծված քառակուսի ապակյա տարաների մեջ, մինչդեռ միրգը շարունակում է աճել որթատնկի վրա...

Տեսնես քառակուսիացումը համի վրա չի՞ ազդել...

[One_Way_Ticket]

Ճապոնացիներից ամեն ինչ հավատալու է, վաղը երկրագունդն էլ կքառակուսիացնեն

[Ուլուանա]

Ճապոնացիներից ամեն ինչ հավատալու է, վաղը երկրագունդն էլ կքառակուսիացնեն

Հա, ես էլ էի հենց էդ մտածում։ Կամ, ասենք, հանկարծ որոշեն, որ շատ ավելի հարմար կլինի, եթե մարդկանց գլուխներն էլ քառակուսի լինեն, ու դեռ նորածին ժամանակվանից երեխաների գլուխները հատուկ քառակուսի պինդ գլխարկների մեջ պահեն, որ քառակուսի դառնան։ Պատկերացրեք՝ ինչ հարմար կլինի. հեշտությամբ կկարողանան գլխի վրա կանգնել, անհրաժեշտության դեպքում գլուխն օգտագործել որպես սեղան և այլն։

[Շինարար]

Գիտեիք արդյոք, որ մորեխի լսողության կենտրոնը գտնվում է առջևի թաթերի վրա:

Այս թեմայով անեկդոտ գիտեմ, մի գիտնական մորեխի վրա փորձեր է անում, ծափ է տալիս, մորեխը ցատկում է, ոտքերը պոկում է, նորից է ծափ տալիս, մորեխը չի կարողանում ցատկել, իր բլոկնոտում գրում է. «Մեր կատարած ուսումնասիրությունները ցույց տվեցին, որ մորեխի լսողության օրգանները գտնվում են ոտքերի վրա»:

[Լեո]

Քառակուսի ձմերուկներ

Հետաքրքիր ա՝ էս ձմերուկները բոլորը նու՞յն քաշը ունեն

[Ուլուանա]

Մնում ա աղջիկ գտնեմ, որ համաձայնի օրը 10 րոպեով «բնորդուհու» դեր կատարել

Եթե էդ իրոք լուրջ ա, կարող ա կրծքաթերապիայի կլինիկաներ էլ բացվեն շուտով։ Դե, էդ դեպքում կրծքերի առկայությունն էլ կապահովեն, կարող ես գնալ ու կյանքդ երկարացնել։

[Ուլուանա]

Հետաքրքիր ա՝ էս ձմերուկները բոլորը նու՞յն քաշը ունեն

Դժվար։ Նույն չափի ավանդական (կլօր ) ձմերուկները հո բոլորը նույն քաշի չեն լինում։ Ուղղակի սրանք հիմնականում նույն չափի կլինեն երևի։